ԵՐԵՎԱՆ, 24 նոյեմբերի — Sputnik. Սիրիայում, թուրքական սահմանից մեկ կիլոմետր հեռավորության վրա մարտական առաջադրանք կատարող ռուսական Սու-24 ռմբարկուն կործանվել է թուրքական F-16 ինքնաթիռի կողմից։
Թուրքիայի վարչապետ Ահմեդ Դավութօղլուն հայտարարել է, որ օդային տարածքը խախտելու դեպքում իրենք պատասխան հասցնելու իրավունք ունեն։ ՌԴ պաշտպանության նախարարությունն էլ հայտարարել է, որ Թուրքիայի օդային տարածքի խախտում չի եղել։ Վլադիմիր Պուտինը հայտարարել է, որ սա «մեջքից հասցված հարված էր»։
ՌԴ պաշտպանության նախարարության նախնական տվյալով` Սիրիայի տարածքում կործանված ռուսական Սու-24 ռմբարկուի օդաչուները կարողացել են կատապուլտով դուրս նետվել ընկնող ինքնաթիռից։
ՌԴ նախագահը հայտարարել է, որ Մոսկվան «մեծ ուշադրությամբ կքննի տեղի ունեցածը»։
