МОСКВА МИД ЗДАНИЕ

ՌԴ–ն Բաքվին և Երևանին կոչ է անում կամք դրսևորել Ղարաբաղի հարցում փոխզիջումների գնալու համար

157
(Թարմացված է 21:41 14.10.2015)
Ռուսաստանի ԱԳՆ պաշտոնական ներկայացուցիչ Մարիա Զախարովան նշել է, որ Լեռնային Ղարաբաղի հարցով քաղաքական երկխոսության վերականգնումը բարդանում է հակամարտության գոտում իրավիճակի լարվածությամբ, զոհերի քանակի ավելացմամբ, այդ թվում` խաղաղ բնակչության շարքում

ԵՐԵՎԱՆ, 14 հոկտեմբերի – Sputnik. Ռուսաստանի ԱԳՆ պաշտոնական ներկայացուցիչ Մարիա Զախարովան ղարաբաղյան հակամարտության կողմերին կոչ է արել հրաժարվել ուժի կիրառումից և քաղաքական կամք դրսևորել կոմպրոմիսի հասնելու համար։

«Ցավոք, Լեռնային Ղարաբաղի հարցով քաղաքական երկխոսության վերսկսումը բարդանում է հակամարտության գոտում իրավիճակի լարվածության, զոհերի քանակի ավելացման, այդ թվում` խաղաղ բնակչության շարքում, ֆոնին։ Մենք ելնում ենք նրանից, որ հետագա լարումը պարզապես անթույլատրելի է։ Կողմերին կոչ ենք անում հրաժարվել ուժ կիրառելուց, քաղաքական կամք դրսևորել, որն անհրաժեշտ է կոմպրոմիսի հասնելու համար», – ասել է Զախարովան չորեքշաբթի տեղի ունեցած բրիֆինգի ժամանակ։

Նրա խոսքերով` ղարաբաղյան հակամարտության թեման մանրակրկիտ ուսումնասիրվել է ապրիլ–մայիսին Հայաստանի և Ադրբեջանի արտաքին գործերի նախարարների Մոսկվա կատարած այցի ժամանակ։

«Այն Սերգեյ Լավրովի և նրա արտասահմանյան գործընկերների հետ ընթացիկ քննարկումների առարկա է։ Մենք այդ ուղղությամբ աշխատում ենք սերտ փոխհամագործակցությամբ ԱՄՆ–ի և Ֆրանսիայի հետ։ ՄԱԿ–ի գլխավոր ասամբլեայի 70-րդ նստաշրջանի ընթացքում ՌԴ արտաքին գործերի նախարարը հանդիպում է ունեցել ԵԱՀԿ Մինսկի խմբի համանախագահների հետ, որտեղ քննարկվել են հակամարտության կարգավորման գործնական հարցերը համանախագահների այս ամիս տարածաշրջան նախատեսված այցի նախաշեմին», – ավելացրել է նա։

157