Пресс-конференция фигуриста Евгения Плющенко

Գեղասահորդ Պլյուշչենկոն նախատեսում է անցնել Խաղեր 2018-ի ընտրությունը

946
(Թարմացված է 19:17 14.10.2015)
«Իմ ունեցած հմտություններով (տեխնիկական) մրցումների դուրս գալը հիմա ճիշտ չէ, անիմաստ է։ Իմ նպատակը 2018 թվականի Օլիմպիադայի նախընտրական փուլն է», – ասել է Եվգենի Պլյուշչենկոն։

ԵՐԵՎԱՆ, 14 հոկտեմբերի – Sputnik. Գեղասահքի կրկնակի օլիմպիական չեմպիոն Եվգենի Պլյուշչենկոն հայտարարել է, որ ներկա պահին իր ուշադրությունը սևեռված է 2018 թվականի Օլիմպիական խաղերի ընտրական գործընթացին, այլ ոչ թե կոնկրետ խաղերին, որոնք անցկացվելու են Փխենչխան քաղաքում (Կորեա)։

Պլյուշչենկոն, ում 33 տարին լրանում է նոյեմբերի 3-ին, տղամարդկանց մենասահքի Թուրին — 2006-ի ոսկե մեդալակիր է և Սոչի — 2014-ի բարձրագույն պարգևի է արժանացել խմբակային մրցախաղում։ Վերջին անգամ նա հենց Սոչիում Օլիմպիական խաղերի է մասնակցել 2014 թվականի փետրվարին, որտեղ ողնաշարի վնասվածքի վատթարացման պատճառով դուրս է եկել անձնական մրցումներից։ Սեպտեմբերին գեղասահորդը հայտնել է, որ իր մոտ ողնաշարի նոր վնասվածք են ախտորոշել, ինչի պատճառով նա ստիպված է բաց թողել 2015/16 շրջանը։

«Մենք մարզում էինք քառակի լուտց, քառակի ցատկ, մեջքս պատրաստ չէր, ինձ առողջությունս թույլ չտվեց մեծ ծանրաբեռնվածությամբ աշխատել։ Այսօր մեկ   քառակի կամ երկու քառակի տուլուպներով դուրս գալը հիմարություն է։ Իմ ունեցած հմտություններով (տեխնիկական) մրցումների դուրս գալը հիմա ճիշտ չէ, անիմաստ է։ Իմ նպատակը 2018 թվականի Օլիմպիադայի ընտրական փուլն է», – լրագրողներին ասել է Պլյուշենկոն։

«Այսօր միայն ճշմարտությունն ենք ասելու, միայն անկեղծ, – նշել է նա։ – Վերջին ժամանակներում բազմաթիվ տեղեկություններ կան իմ վերաբերյալ, որ ինձ վիրահատել են կամ վիրահատություն է սպասվում… Կխոսենք` ինչ ծրագրեր ունեմ։ Իսկ պլաններ ես շատ ունեմ»։

Ռուսաստանի Օլիմպիական կոմիտեի հոկտեմբերի 8-ի նիստից հետո ՌՕԿ–ի ղեկավար Ալեքսանդր Ժուկովը հայտնել էր լրագրողներին, որ Պլյուշչենկոն մտել է 2018 թվականի Օլիմպիական խաղերի Ռուսաստանի հավաքականի թեկնածուների մեծ ցուցակի մեջ։

946