Ստալինիզմի արդարացմանը դիմակայելու վերաբերյալ օրինագիծ է ուղղվել Պետդումայի քննարկմանը

ԵՐԵՎԱՆ, 22 սեպտեմբերի – Sputnik. Արխանգելսկի նահանգապետ Կոնստանտին Դոբրինինը երկուշաբթի օրինագիծ է ներկայացրել Պետական դումա, որում առաջարկվում է ստալինյան ռեպրեսիաների արդարացումը հավասարեցնել ծայրահեղականությանը

Միաժամանակ օրինագծում ձևակերպում կա այն մասին, որ ցեղասպանությունում, մարդու իրավունքների խախտման կամ «պետական պաշտոնական դատապարտման առարկա չդարձած այլ գործողությունների» կատարման մեջ խորհրդային իշխանության մեղադրանքների ժխտումը հանցագործությունների ժխտում չէ և ծայրահեղականություն չի համարվի։

Փաստաթուղթը ծայրահեղական է համարում նաև «ժողովուրդների նկատմամբ զանգվածային քաղաքական ռեպրեսիաների, արտաքսումների և ռեպրեսիվ այլ քայլերի իրականացման անհրաժեշտության արդարացում պարունակող» տեղեկատվական նյութերը և առաջարկում է արգելել անմահացնել «ստալինյան տոտալիտար ռեժիմի հանցագործություններին առնչություն ունեցած անձանց հիշատակը»։ Մասնավորապես, խոսքը գնում է նրանց պատվին փողոցներ, վարչական միավորներ և հանրային տրանսպորտի կայարաններ անվանելու արգելքի մասին։

Փաստաթղթում միաժամանակ ասվում է, որ «եթե գործող անվանումը պատմականորեն առաջինն է, ապա դրանում ստալինյան տոտալիտար ռեժիմի քաղաքականության իրականացմանն առնչություն ունեցած անձանց հիշատակման հենց ինքը` փաստը, բավարար հիմք չէ անվանափոխության համար»։

Նշենք, որ Ռուսաստանում վերջին ամիսներին տեղադրվել են Իոսիֆ Ստալինի մի քանի արձաններ։ Խորհրդային առաջնորդի կերպարն օգտագործվում է նաև փողոցային գովազդում։ 2014 թվականին Ստալինի անունով է կոչվել 27 փողոց։