ԵՐԵՎԱՆ, 16 սեպտեմբերի– Sputnik. Qiwi վճարային համակարգը մտադիր է 2016թ.–ին Ռուսաստանում վիրտուալ արժույթ` բիթռուբլի թողարկել, գրում է «Կոմերսանտը»` հղում անելով Qiwi–ի գլխավոր տնօրեն և համասեփականատեր Սերգեյ Սոլոնինին։

Ինչպես նշում է թերթը, բոլոր կրիպտոարժույթների շուկայական կապիտալիզացիայի ընդհանուր ծավալն աշխարհում կազմում է 3,8 մլրդ դոլար։ Qiwi–ն առաջին ընկերությունն է, որը մտադիր է Ռուսաստանում շրջանառության մեջ դնել իր վիրտուալ արժույթը։ Սակայն ռուս պաշտոնյաները դեմ են, քանի որ մտավախություն ունեն, որ վիրտուալ փողերը կարող են օգտագործվել ահաբեկչության հովանավորման և եկամուտների լվացման նպատակով։

Ինչպես հայտարարել է Սոլոնինը, Qiwi–ի մշակած արժույթը կկոչվի բիթռուբլի։ Նրա հաշվարկով` կրիպտոարժույթ գործարկելու համար Qiwi ընկերությանը մի քանի հարյուր միլիոն ռուբլի անհրաժեշտ կլինի, բիթռուբլու գործարկումը նախատեսված է 2016թ.–ին։

ՌԴ–ում դրամ թողարկելու իրավունք ունի միայն Կենտրոնական բանկը։ Առանց կարգավորիչի թույլտվության Ռուսաստանում հնարավոր չի լինի կրիպտոարժույթ գործարկել, նշում է թերթը։

Սոլոնինը նշել է, որ Qiwi–ն արդեն ոչ ֆորմալ մթնոլորտում հանդիպել է ԿԲ–ի ներկայացուցիչների հետ։ «Առաջիկա օրերին նախատեսվում է հերթական անգամ քննարկել այս թեման ԿԲ–ի հետ։ Բացի այդ, մենք ուժային գերատեսչություններին նամակ ենք ուղարկել, որտեղ նկարագրել ենք այս նախագիծը», – տեղեկացրել է Qiwi–ի գլխավոր տնօրենը։ Վիրտուալ արժույթի գործարկման կոնկրետ ժամկետները կախված են ԿԲ–ի ընդունած որոշումից։

ՌԴ ԿԲ–ի մամուլի ծառայությունը հիշեցրել է, որ ՌԴ ԿԲ–ի նախագահ Էլվիրա Նաբիուլինան արդեն նշել է, որ թվային արժույթները կարող են օգտագործվել կասկածելի գործառնություններ կատարելու համար, այդ պատճառով գերատեսչությունն ուշադիր ուսումնասիրում է հարցն ու անհրաժեշտության դեպքում կզբաղվի այդ ոլորտի կարգավորմամբ։

Qiwi–ն մտադիր է օգտագործել blockchain տեխնոլոգիան, որը գտնվում է Bitcoin վճարային համակարգի հիմքում, կամ` bitshares տեխնոլոգիան, որը կարելի է նկարագրել որպես կրիպտոարժույթի ապակենտրոնացված բորսա։ Հիմա այդ պլատֆորմները փորձարկվում են և լրամշակվում` ռուսական օրենսդրությանը համապատասխանեցնելու համար, գրում է թերթը։

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը