ԵՐԵՎԱՆ, 8 սեպտեմբերի – Sputnik. Ուկրաինացի երեք դեսանտայիններ ձերբակալվել են Ռուսաստանի սահմանն անօրինական հատելու համար, նրանց ադմինիստրատիվ պատասխանատվության կենթարկեն, իսկ այնուհետև կփոխանցեն Ուկրաինային, հայտնել են Ռուսաստանի ԴԱԾ Ղրիմի սահմանային վարչությունից։
Ղրիմի սահմանապահները ձերբակալել են ուկրաինական 79-րդ առանձին աերոմոբիլային բրիգադի երեք դեսանտայինների, որոնք անօրինական հատել են Ռուսաստանի Դաշնության սահմանը։ Ուկրաինացի զինծառայողները ձերբակալվել են առանց փաստաթղթերի Սիվաշ լճի վրայով անցնող տեխնոլոգիական ամբարտակի վրա։
Իրենք` դեսանտայինները, բացատրել են իրենց արարքը ռուս ծովային հետևակայինների հետ շփվելու ցանկությամբ, ում նրանք բազմիցս տեսել են Սիվաշի մյուս ափին։
«Նրանց հանձնելու են ուկրաինական կողմին, այն, որ նրանք խախտել են սահմանը, վարչական խախտում է։ Հարցը կլուծվի մոտ ժամանակները, սակայն դա հինգ րոպեի հարց չի։ Վարչական պատասխանատվության ենթարկելուց հետո նրանք կհանձնվեն ուկրաինական կողմին», – ասել են սահմանային վարչությունում։
Ձերբակալված դեսանտայինները լավ են զգում իրենց և Ուկրաինա վերադառնալու ցանկություն են հայտնում, ավելացրել են սահմանային վարչությունից։
ՌԴ ԱԴԾ–ն խոստանում է Ուկրաինային վերադարձնել Ղրիմում ձերբակալված դեսանտայիններին
© Sputnik / Андрей Иглов
/ Բաժանորդագրվել
Ուկրաինացի երեք զինծառայողներ նախօրեին ձերբակալվել են Սիվաշ ջրանցքով անցնող տեխնոլոգիական ամբարտակի վրա։ Նրանց ադմինիստրատիվ պատասխանատվության կենթարկեն սահմանն անցնելու համար և կհանձնեն Ուկրաինային։
