ԵՐԵՎԱՆ, 10 օգոստոսի– Sputnik. Կրասնոդարի Գելենջիկ հանգստյան քաղաքի մոտ գտնվող դժվարանցանելի շրջանում ութ օդանավեր, այդ թվում` երկու Իլ–76 ինքնաթիռ–լցանավեր, շարունակում են հանգցնել խոշոր անտառային հրդեհը, որի մակերեսը կազմում է 85 հա, երկուշաբթի հաղորդում է Ռուսաստանի ԱԻՆ–ը։
Բռնկումները բացահայտվել են կիրակի առավոտյան Պարուս ժայռի շրջանի անտառային զանգվածում` Գելենջիկ քաղաքից 15 կմ հարավ–արևելք` Պրասկովևվկա և Ջանհոտ բնակավայրերի միջև։ Ռուսաստանի ԱԻՆ ղեկավար Վլադիմիր Պուչկովը ժամանել է Գելենջիկ և անձնական հսկողության տակ վերցրել հրդեհի մարումը։
Փրկարարների տվյալներով` Մոսկվայի ժամանակով 06։00–ին հրդեհի մակերեսը կազմել է 85 հա (կիրակի առավոտյան` 22 հա)։ ԱԻՆ շրջանային վարչությունը հաղորդել է 60 հա մասին։ Կրակի դեմ ներկա պահին պայքարում են 512 մարդ և 110 միավոր տեխնիկա։
Կրասնոդարի երկրամասի, Ղրիմի հանրապետության և Սևաստոպոլ քաղաքի տարածքային ենթահամակարգերը բարձր պատրաստվածության ռեժիմի մեջ են։ Կրանսոդարի երկրամասի ԱԻՆ գլխավոր վարչության ուժերը գործում են արտակարգ իրավիճակի ռեժիմով։
Գելենջիկի մոտ բռնկված անտառային հրդեհը հանգցնում են 8 օդանավեր
© Sputnik / Андрей Александров
/ Բաժանորդագրվել
Տեղանքը դժվարանցանելի է, հրդեհի վայր տանող մերձատար ուղիներ չկան
