Սուրբ Գևորգի հայկական եկեղեցին Թբիլիսիում

Հայաստանը հունիսին Վրաստան այցելած քաղաքացիների թվով թոփ հնգյակում է

72
(Թարմացված է 16:25 13.07.2021)
Հայաստանից Վրաստան այցելած քաղաքացիների թիվը զգալիորեն աճել է այն բանից հետո, երբ հունիսի 1-ից երկիրը բացել է նաև ցամաքային սահմանները։

ԵՐԵՎԱՆ, 13 հուլիսի - Sputnik. Հայաստանը 2021 թվականի հունիսի արդյունքներով 5-րդ տեղն Է զբաղեցրել Վրաստան այցելողների թվով:

Ինչպես հաղորդում Է Վրաստանի զբոսաշրջության ազգային վարչությունը՝ Հայաստանից 2021 թ.-ի հունիսին այդ երկիր է մուտք գործել 13 342 այցելու: Դա 68,7%-ով ավելի է 2020 թ․-ի նույն ժամանակահատվածի համեմատ։ Այդ ժամանակ երկիր էր այցելել 7 909 քաղաքացի։ 2019 թ․-ի հունիսին Հայաստանից Վրաստան էր մեկնել 105 582 մարդ։

Հայաստանից Վրաստան այցելությունների համեմատական դինամիկան 2019-2021 թվականներին

Հունվարին

2021

2020 2019
3875 91580 77968

Մարտին

2021 2020 2019

5 656

32798

84403

Հնգյակում են (հունիս ամսվա այցելություններով) նաև Թուրքիան, Իսրայելը, Ուկրաինան, Ռուսաստանը։

Ընդհանուր առմամբ, առաջին կես տարում Հայաստանից Վրաստան այցելած քաղաքացիների թիվը կազմել է 46 852։ Դա գրեթե 11 անգամ պակաս է, քան 2019 թ․-ի նույն ժամանակահատվածում և 4,3 անգամ պակաս է 2020 թ․-ի ցուցանիշից:

Այսպիսով, 2019 թ․-ի առաջին վեց ամիսներին Հայաստանից Վրաստան է այցելել 530 992 մարդ։ 2020 թ․-ին այդ թիվը կազմել է 205 450։

Հիշեցնենք, որ Վրաստանը ՀՀ քաղաքացիների համար ցամաքային սահմանները բացել է 2021թ․-ի հունիսի 1-ին։ Փետրվարի 1-ին բացվել էին օդային սահմանները։ Այս պահին երկիր մուտք գործելիս անհրաժեշտ է լրացնել և տրամադրել պաշտոնական registration.gov.ge կայքում տեղադրված հարցաթերթիկը։

Հարցաթերթիկի դաշտերում քաղաքացիները պետք է լրացնեն քաղաքացիության մասին տվյալները, նշեն գտնվելու վայրը (ճանապարհորդության մեկնարկային կետ), անունը և ազգանունը, անձնագրի համարը, հեռախոսահամարը: Անհրաժեշտ է նաև թողնել այլընտրանքային կոնտակտային համար, մուտքագրել էլեկտրոնային փոստ, ինչպես նաև Վրաստանում մնալու հասցե:

Սահմանի հատումը հնարավոր է միայն ՊՇՌ-թեստի բացասական արդյունքի առկայության դեպքում, որը ստացվել է առավելագույնը վերջին 72 ժամվա ընթացքում: Դա վերաբերում է նաև նրանց, ովքեր չեն պատրաստվում մնալ Վրաստանում, այլ Ռուսաստանից ցամաքային ճանապարհով գալիս են Հայաստան։ Իսկ եթե քաղաքացիները մնում են Վրաստանում, ապա 3-րդ օրը նրանք պարտավոր են կրկին անցնել COVID-19 թեստ։ Պատվաստումից ազատված են մինչև 10 տարեկան քաղաքացիները։

72
թեգերը:
այցելություն, Վրաստանի Հանրապետություն, Հայաստան
Ըստ թեմայի
«Հայաստանը ոչինչ չի ստիպում»․ փորձագետը խոսել է զբոսաշրջային ոլորտում տիրող վիճակի մասին
Տնտեսական աճ կարող է գրանցվել զբոսաշրջության ու շինարարության ոլորտների հաշվին. Մարգարյան
Զբոսաշրջություն անիվների վրա. հանդիպել են ՀԿԵ-ի և տուրիստական ընկերությունների ղեկավարները
Ինքնաթիռ. արխիվային լուսանկար

Թուրքիայի պաշտպանության նախարարի ինքնաթիռը արտակարգ վայրէջք է կատարել

283
(Թարմացված է 23:23 26.07.2021)
Միջադեպը տեղի է ունեցել Թուրքիայի Գազիանթեփ հարավային նահանգի օդակայանից ինքնաթիռի թռիչքից անմիջապես հետո:

ԵՐԵՎԱՆ, 26 հուլիսի – Sputnik․ Թուրքիայի պաշտպանության նախարար Հուլուսի Աքարի ինքնաթիռը հարկադիր վայրէջք է կատարել։ Տեղեկությունը հաղորդում է Anadolu գործակալությունը:

Օդանավը վայրէջք է կատարել ապակու ճեղքի պատճառով, որը գոյացել է թռչունի հետ բախումից հետո։

Միջադեպը տեղի է ունեցել Թուրքիայի Գազիանթեփ հարավային նահանգի օդակայանից ինքնաթիռի թռիչքից անմիջապես հետո: Գերատեսչության ղեկավարը վերադառնում էր Սիրիայի սահման կատարած ուղևորությունից։

Ազարի հետ ինքնաթիռում եղել են Գլխավոր շտաբի պետ գեներալ Յաշար Գյուլերը և ցամաքային զորքերի հրամանատար գեներալ Ումիթ Դյունդարը:

283
թեգերը:
վայրէջք, ինքնաթիռ, Նախարար, Թուրքիա
Հայ–իրանկան սահման

Հայ-ադրբեջանական սահմանն ու Իրանը, կամ արտաքին ուժերը խաղում են փխրուն խաղաղության վրա

276
(Թարմացված է 23:01 26.07.2021)
Նույնիսկ դժվար ներքաղաքական իրավիճակում Թեհրանը մտահոգված է հայ-ադրբեջանական հակամարտության սրացմամբ։ Ընդ որում` այնքան, որ իր օգնությունն է առաջարկում «ամուր խաղաղություն հաստատելու համար»։

Sputnik Արմենիայի քաղաքական վերլուծաբան Արման Վանեսքեհյան

Իրանի համար իրավիճակը բարդ է, քանի որ Հարավային Կովկասի տարածաշրջանը` Անդրկովկասը, իր երկրի հյուսիսային դարպասներն են։ Եվ երբ Իրանի սահմանից այն կողմ կրակում են, երկրի համար վտանգը բազմակի աճում է։ Հատկապես, երբ Իրանի «միջուկային» պայմանավորվածությունների վերաբերյալ Վիեննայի բանակցությունները որոշակի պահի «ոչ մի տեղ չտանող» ճանապարհի վրա շեղվեցին։ Այժմ պայմանավորվող կողմերից մեկը` Միացյալ Նահանգները, սկսեց ընդդիմախոսին մեղադրել գործընթացի ձախողման մեջ։

Թեև ի սկզբանե հասկանալի էր, որ եթե համատեղ գործողությունների համապարփակ ծրագիրը Վիեննայում չստորագրվի մինչև Իրանում նախագահական ընտրությունների անցկացումը, ապա հետո այդ գործը հանգիստ խղճով կարելի կլինի հետաձգել։ Չէ՞ որ ակնհայտ էր, որ դարավոր ավանդույթները պահպանող երկրում նախագահի իշխանափոխության գործընթացն արագ լինել չէր կարող։

Բացի այդ պետք է հասկանալ, որ այսօր Իրանում էլ լուրջ գաղափարախոսական պայքար է սկսվել։ Պայքար պահպանողական-ավանդապաշտների միջև, որոնք  պնդում են, որ չի կարելի վստահել ամերիկացիներին և նրանց, ովքեր կարծում են, որ Վիեննայի բանակցություններում կարելի է զիջումների գնալ, քանի որ և՛ ֆինանսատնտեսական, և՛ սոցիալական իրավիճակը երկրում իսկապես շատ վատ են։

Արդյունքում, ինչպես և կարելի էր սպասել, հաղթեցին հենց ավելի կոշտ արտաքին քաղաքական գծի կողմնակիցները։  Իրանի նոր առաջնորդ Իբրահիմ Ռաիսին մի մարդ է, որից առանձնապես պետք չէ ակնկալել «միջուկային» համաձայնագրին առնչվող զիջումներ։ Բայց չէ որ երկրի դիրքորոշման խստացումն ու բանակցություններից հրաժարվելը միևնույն բանը չեն։

Իրականում իսկզբանե հենց ամերիկյան կողմը թույլ տվեց իրեն հրաժարվել, նախկինում` դեռ Օբամայի օրոք, Իրանի «միջուկային» համաձայնագրի վերաբերյալ ձեռք բերված պայմանավորվածություններից։ Եվ հետին թվով Համատեղ գործողությունների համապարփակ ծրագրի պայմանները (որոնք ժամանակին ձեռք են բերվել մի կողմից Իրանի և մյուս կողմից վեցնյակի երկրների` Ռուսաստանի, Չինաստանի, Ֆրանսիայի, Բրիտանիայի և Գերմանիայի միջև) փոխելու փորձերը վատ են բնութագրում նախևառաջ հենց Միացյալ Նահանգներին։

Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները

Բացի այդ Վաշինգտոնում իսկզբանե գիտեին և հասկանում էին, որ եթե Վիեննայի բանակցությունների ժամանակ հնարավոր չլինի արագ առաջընթացի հասնել, ապա հետո արդեն ստիպված կլինեն երկար–բարակ սպասել, մինչև Իրանում ավարտվի նախագահի իշխանության փոխանցման գործընթացը։

Իրանը պատրաստ է անձամբ նպաստել Հարավային Կովկասում խաղաղ գործընթացին

Չի բացառվում, որ Վիեննայում ամերիկյան դիվանագիտությունը հույսը հենց դրա վրա էր դրել։ Ժամանակ էր ձգձգում` հասկանալով, որ որքան երկար ամերիկացիները ձգձգեն հակաիրանական պատժամիջոցների չեղարկման ու սառեցված բանկային հաշիվները բացելու հարցը, այդքան ավելի լավ իրենց համար։ Եվ իհարկե, համապատասխանաբար, քիչ էր հավանականությունը, որ Իսրայելը կնեղսրտի։

ԱՄՆ դեսպանը ՊՆ ներկայացուցիչների հետ այցելել է Գեղարքունիքի մարզ

Ինչևէ, ձգձգեցին, սպասեցին և հետաձգեցին` շարունակելով իրենց կոշտ պատժամիջոցային քաղաքականությունը, հույս ունենալով, որ Իրանում որոշակի պահի սոցիալական ոլորտում և ներքին քաղաքականության մեջ պոռթկում կլինի։ Ընդ որում, ոչ միայն Իրանին կվնասի։ Առաջին հերթին Իրանի հետ սահմանակից երկրներին։ Հաշվարկներն արվել էին ամերիկյան այն տրամաբանությամբ, երբ պատրաստվում են հերթական «գունավոր հեղափոխությունը» հրահրել։

Եվ ահա գալիս է Իրանի նոր իշխանությունների գործելու ժամանակը։ Չէ՞ որ Թեհրանում հասկանում են, որ պետական սահմանն այսօր` «ամենաթույլ օղակն է». և՛ Արևմուտքում (անկայուն Իրաքը), և՛ Արևելքում (Աֆղանստանը), և՛ Հյուսիսում (պայթյունավտանգ Հարավային Կովկասը)։ Հավանաբար, հենց Հայաստանի և Ադրբեջանի միջև ԼՂՀ-ի շուրջ արտաքին ուժերի կողմից ռազմական հակամարտություն հրահրած Հարավային Կովկասից է Իրանն ամենամեծ վտանգը զգում։

Չէ՞ որ այստեղ հաջողացրել է խծկվել ՆԱՏՕ–ական Թուրքիան, որը բարձրաձայն հայտարարում է իր ռազմաբազաների մասին։ Իսկ դա նշանակում է` հանգիստ չի լինի, քանի որ տարածաշրջանում տասնամյակներով հաստատված հակակշիռների համակարգերը փլուզվել էին Անկարայի և Բաքվի տանդեմով հրահրված վերջին պատերազմով։

Նման պայմաններում մշտական լարվածությունը, որը ժամանակ առ ժամանակ պայթում է հայ-ադրբեջանական շփման գծում լսվող կրակոցներով, չի կարող չմտահոգել Թեհրանին։ Այն աստիճան, որ օրեր առաջ Իրանի ԱԳՆ մամուլի ծառայության ղեկավար Սաիդ Խաթիբզադեն հայտնեց Թեհրանի մտահոգությունը «Հայաստանի և Ադրբեջանի միջև առանձին սահմանային մարտերի առնչությամբ»։

Ավելին, Իրանի ԱԳՆ պաշտոնական ներկայացուցիչն իր երկրի անունից պատրաստակամություն հայտնեց «ցանկացած օգնություն տրամադրել Հարավային Կովկասում ամուր խաղաղություն հաստատելու համար»։ Իրանական դիվանագիտական օգնությունը որքանով են պատրաստ ընդունել հակամարտող կողմերն ու հիմնական խաղացողները` այլ հարց է, իսկ Իրանի մտահոգությունը հասկանալի է։

 «Անակոնդայի օղակը» Իրանի համար ավելի փո՞քր է

Իրականում ակնհայտ է, որ Իրանում շատ բարդ ներքաղաքական իրավիճակ է ստեղծվում։ Որոշ տնտեսագետների պնդմամբ` այս տարի «մեծ քայլեր գցող» գնաճը կարող է 30 տոկոսից անցնել։ Ու այդ ֆոնին Խուզեստանի գավառում (երկրի հարավ–արևմուտք),  որտեղով անցնում է անկայուն և պայթյունավտանգ Իրաքի հետ սահմանը, բողոքի ալիքները նույնպես մտահոգում են Թեհրանին։

Առավել ևս, որ բողոքի ալիքը կարող է և՛ արևելք հասնել (Աֆղանստանի հետ սահման), և՛ հյուսիս–արևմուտք` Թուրքիայի հետ սահմանի մոտ։

Իսկ անկարգությունները կարող են լինել գոնե այն պատճառով, որ ամերիկյան պատժամիջոցների շարունակությունը սպառնում է պարենի գների հերթական կտրուկ ցատկով։ Իսթեբլիշմենթի մի մասը (այդ թվում` նաև պատգամավորական կորպուսի ներկայացուցիչները)  փնթփնթում են, թե ամեն գնով ամերիկացիների հետ պայմանավորվել է պետք,  այլապես պարենային շուկան կփլուզվի։

Առաջին հերթին իհարկե հույս ունեն պայմանավորվածություն ձեռք բերել «միջուկային» գործարքի շուրջ, որը թույլ կտա հանել պատժամիջոցների գոնե կեսը։ Բացի այդ սառեցված բանկային հաշիվներից որոշակի գումարներ հնարավոր կլինի ազատել։ Սակայն շատ կամացուկ են փնթփնթում, ինչպես ասում են` բամբասանքի մակարդակով։ Նույնիսկ Թեհրանի վերջին ցույցը վարպետորեն քողարկված էր և արվում էր ի «աջակցություն» խմելու ջրի պակասություն ունեցող Խուզեստանի։

Ամեն դեպքում Վիեննայում Իրանի «միջուկային» համաձայնագրի բանակցությունների հերթական` յոթերորդ ռաունդի ժամկետները դեռ հայտնի չեն։ Եվ հայտնի չեն լինի առնվազն մինչև օգոստոսի 5-ը` Իրանի նախագահ Իբրահիմ Ռաիսիի երդմնակալության օրը։  Նրան քաղաքական «ճուռակ» են համարում և պնդում են, որ ամերիկացիներին ավելի բարդ կլինի նրա հետ պայմանավորվել Համատեղ գործողությունների համապարփակ ծրագրի վերաբերյալ։

Վիեննայում «միջուկային գործարքի» շուրջ բանակցություններում առաջընթաց է գրանցվել

Չի բացառվում, որ Իրանի նոր ղեկավարության վրա ճնշում գործադրելու համար ամերիկյան կողմը չխուսափի հակամարտություն հրահրել նույնիսկ Իրանի պետական սահմաններին հարող շրջաններում։ Ստացվում է Ռուսաստանի դեմ ԱՄՆ–ի ծրագրած «անակոնդայի օղակի» պես մի բան, բայց չափերով ավելի փոքր։ Իրաքը, Թուրքիան, Հարավային Կովկասը, իսկ Արևմուտքում նաև Աֆղանստանը ի՞նչ պակաս օղակ են։

276
թեգերը:
ԱՄՆ, Սահման, Ադրբեջան, Իրանի Իսլամական Հանրապետություն, Հայաստան
Ըստ թեմայի
Կարապետյանն ու Շոյգուն քննարկել են տարածաշրջանային անվտանգության հարցը
44-օրյա պատերազմի քննիչ հանձնաժողով կստեղծվի. Ալեն Սիմոնյան
Արցախցին Ադրբեջանի ԶՈւ-ի կողմից ծեծի է ենթարկվել․ Ստեփանյանը լուսանկարներ է հրապարակել
Վարդան Ոսկանյան

Իրանի սոցիալական ցույցերին տրվում է քաղաքական բնույթ. ի՞նչ եմ ուզում որոշ արտաքին ուժեր

0
(Թարմացված է 19:07 27.07.2021)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Իրանի Իսլամական Հանրապետությունում տեղի ունեցող բողոքի զանգվածային ակցիաներին։
Ոսկանյան. «ԱՄՆ–ի պատժամիջոցներն ազդում են, բայց իրանական տնտեսությունը կաթվածահար վիճակում չէ»

Իրանում ընթացող բողոքի ակցիաներն ընդհանուր առմամբ սոցիալական բնույթի են, սակայն, հաշվի առնելով Իրանի աշխարհաքաղաքական նշանակությունը, որոշ արտաքին ուժեր`ի դեմս Իրանի հակառակորդների և թշնամիների, փորձում են այդ ցույցերին հաղորդել քաղաքական բնույթ։ Sputnik Արմենիայի եթերում նման կարծիք հայտնեց իրանագետ Վարդան Ոսկանյանը։

Նրա խոսքով` դա արվում է տեխնոլոգիական գրեթե բոլոր միջոցներով, մասնավորապես փորձ է արվում բողոքի ալիքն ուղղորդել դեպի Իրանի վարչակարգի կողմը։

«Այդ առումով որոշակի հաջողության հասել են, որովհետև բողոքի ակցիաների ժամանակ հնչել են նաև քաղաքական կոչեր։ Բայց ամենավտանգավորն այդ գործողությունների ֆոնին Իրանի ներսում անջատողականության խթանման փորձերն են, հատկապես Ատրպատականում պանթուրքական խմբավորումների արհեստական ակտիվացումը դրսի ուժերի կողմից, իսկ այդ գործում անմասն չէ Ադրբեջանի Հանրապետությունը։ Անդրկուլիսային մասնակցություն ունի նաև Թուրքիան։ Վերջինս ձգտում է հարավային Խուզեսթան նահանգում բնակվող արաբներին նույնպես ներգրավել անջատողական գործողություններում` հաշվի առնելով նաև Իսրայելի ազդեցությունը Իրանի հարավ–արևմտյան շրջանների վրա»,– նշեց իրանագետը։

Ոսկանյանի կարծիքով` թեև բողոքի գործողությունները շարունակվում են, սակայն Իրանի պետական մարմինները ընդհանուր առմամբ վերահսկում են իրավիճակը։ Ատրպատականում, օրինակ, տեղի են ունեցել պանթուրքական խմբավորումների ակտիվիստների ձերբակալություններ։

Իսկ Խուզեսթան նահանգը, նավթարդյունաբերության կենտրոն լինելուց բացի, ունի նաև գյուղատնտեսական կարևոր նշանակություն, և բնակչության զգալի մասը զբաղված է գյուղատնտեսությամբ, այստեղ իրավիճակը խնդրահարույց է դարձել սակավաջրության ու երաշտի պատճառով։ 

Իրանագետի խոսքով` Խուզեսթան նահանգում անկայունություն սերմանելու փորձերն ունեն բավական երկար պատմություն։ Այդտեղ փորձ է արվում ստեղծել անջատողականության օջախ, որը կխաթարի Իրանի նավթարդյունաբերության բնականոն գործունեությունը և կվտանգի երկրի տարածքային ամբողջականությունը։

Իրանում բողոքի ակցիա են անում ջրի բացակայության պատճառով. տեսանյութ

Ըստ նրա` թեև Իրանի իշխանությունները զգալի վնասներ են կրում ամերիկյան պատժամիջոցներից, բայց խոսել այն մասին, որ իրանական տնտեսությունը կաթվածահար վիճակում է, տեղին չէ։ Ամերիկյան պատժամիջոցները միտված են Իրանում վարչակարգ փոփոխելուն, սակայն այդ առումով նպատակին չեն ծառայել։ Ավելին, Իրանը նույնիսկ ճնշումների ներքո ամրացրել ու մեծացրել է իր դիրքերն աշխարհաքաղաքականության մեջ։        

Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները

Նշենք, որ միջազգային լրահոսի համաձայն` Իրանում սկսվել են բողոքի զանգվածային ակցիաներ ջրի պակասի և սոցիալական կացության վատթարացման պատճառով: Մասնավորապես, իրավիճակն Իրանում վատթարացել է երաշտի, կորոնավիրուսի համավարակի նոր ալիքի և ամերիկյան պատժամիջոցների արդյունքում տնտեսական անկման հետևանքով:

Հիշեցնենք, որ ցույցերը սկսվել են հուլիսի 15-ին Խուզեսթան նահանգի տասնյակ ավաններում, դրանք շարունակվում են մինչ օրս և արդեն տեղափոխվել են մայրաքաղաք Թեհրան։ 

0
թեգերը:
ոռոգման ջուր, Բողոքի ակցիա, Իրանի Իսլամական Հանրապետություն