Հայկական եկեղեցի

Հայկական եկեղեցու պատի վրա պարողները ալկոհոլի ազդեցության տակ են եղել. մանրամասներ

70
(Թարմացված է 14:55 12.07.2021)
Պոլսո հայ պատրիարքը ցավ է հայտնել կատարվածի վերաբերյալ և կապ հաստատել պատկան մարմինների հետ` խնդրելով հետամուտ լինել դեպքի բացահայտմանը։

ԵՐԵՎԱՆ, 12 հուլիսի – Sputnik. Պոլսո հայոց պատրիարքարանը հայտարարություն է տարածել, որում որոշ մանրամասներ է հայտնել անցած գիշեր Ստամբուլի հայկական «Սուրբ Թագավոր» եկեղեցում կատարված դեպքի վերաբերյալ։

Նշվում է, որ եկեղեցամերձ փոքրիկ հրապարակում հավաքված մարդիկ երաժշտության տակ զվարճանալիս ու պարելիս են եղել, երբ նրանցից 3-ը բարձրացել են եկեղեցու արտաքին մուտքի պատին վրա ու սկսել այնտեղ պարել։

Հայտարարության մեջ նշվում է նաև, որ նրանք ալկոհոլի ազդեցության տակ են եղել։

Պոլսո պատրիարքական փոխանորդ, «Սուրբ Թագավոր» եկեղեցու երեց Տեր Գրիգոր քահանա Տամատյանն անմիջապես հենց կեսգիշերին կապ է հաստատել պատրիարքի հետ` տեղեկացնելով կատարվածի մասին։

Այդ ընթացքում եկեղեցու գիշերային պահակը նախ պահանջել է ցած իջնել, բայց նրանք չեն ենթարկվել, որից հետո պահակն ահազանգել է ոստիկանություն։ Պահակը հայտնել է, որ երբ ոստիկանությունը հասել է դեպքի վայր, բոլորն արդեն հեռացած են եղել։

Պոլսո հայոց պատրիարք Սահակ Մաշալյանը ցավ է հայտնել կատարվածի վերաբերյալ և կապ հաստատել պատկան մարմինների հետ` խնդրելով հետամուտ լինել դեպքի բացահայտմանը։

Ինչպես արդեն հայտնել ենք, Ստամբուլում գտնվող հայկական Սուրբ Թագավոր եկեղեցու պատի վրա հարբած պարելու համար մի խումբ անձինք արդեն բերման են ենթարկվել: Այս մասին հայտնել էր ՌԻԱ Նովոստին` նշելով, որ Ստամբուլի քաղաքապետարանն ու Էրդողանի կուսակցությունը դատապարտել են նրանց գործողությունները:

Հայկական եկեղեցու նկատմամբ անհարգալից դրսևորմանն է անդրադարձել Թուրքիայի մեջլիսի հայ պատգամավոր Կարո Փայլանը, որը գրառում է արել Twitter-ում` դատապարտելով կատարողներին ու թույլ տվողներին։

Ինչպես վանեցի հայը գրավեց Սան Ֆրանցիսկոն

Փայլանը պահանջել էր, որ Թուրքիայի ներքին գործերի նախարարությունը հետաքննություն սկսի դեպքի վայրում ներկա գտնված և անգործության մատնված ոստիկանների դեմ։

Նշենք, որ «Սուրբ Թագավոր» եկեղեցին Թուրքիայում գործող եզակի հայկական եկեղեցիներից է։ Այն թվագրվում է 1858թ–ով։

Կեսարիայի Սբ. Թորոս հայկական եկեղեցին` գանձագողերի թիրախում. 2 մետրանոց փոս են փորել

 

70
թեգերը:
Թուրքիա, Եկեղեցի
Թուրքիա

Թուրքական իշխանամետ թերթն անտառները հրկիզելու պատասխանատվությունը դրել է քրդերի վրա

132
Թուրքիայում վերջին օրերին 107 անտառային հրդեհ է մարվել, սակայն դեռևս վերահսկողության տակ չեն առնվել Անթալիայի և Մուղլայի առողջարանային շրջաններում բռնկված հինգ հրդեհները: Արդեն բազմիցս ասվել է, որ հրկիզումները միտումնավոր բնույթ ունեն։

ԵՐԵՎԱՆ, 1 օգոստոսի - Sputnik. Թուրքական «Yeni Safak» իշխանամետ թերթը պնդում է, որ Թուրքիայի անտառները հրկիզելու պատասխանատվությունը ստանձնել է «Կրակի զավակներ» խմբավորումը, որը կապված է Թուրքիայում արգելված Քրդստանի աշխատավորական կուսակցության (ՔԱԿ) հետ։ Տեղեկությունը հայտնում է ՌԻԱ Նովոստին։

Ըստ թերթի` այդ տեղեկության աղբյուրը սոցիալական ցանցերն են, որոնք իբր կապված են ՔԱԿ-ի հետ։

Ինչպես ավելի վաղ հայտարարել էր երկրի գյուղատնտեսության և անտառային տնտեսության նախարար Բեքիր Փաքդեմիրլին, Թուրքիայում վերջին օրերին 107 անտառային հրդեհներ են մարվել, բայց դեռ վերահսկողության տակ չեն վերցվել Անթալիայի և Մուղլայի առողջարանային գոտիների հինգ հրդեհները: Առողջապահության նախարար Ֆահրեթին Քոջան էլ հայտնել էր, որ Թուրքիայում անտառային հրդեհների հետևանքով մահացածների թիվը հասել է 8–ի, տուժածների թիվը` 864-ի:

Թուրքիայում 5.5 մագնիտուդով երկրաշարժ է գրանցվել

132
թեգերը:
Թուրքիա, հրդեհ, քուրդ
Ըստ թեմայի
Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Հունաստանի ԱԳՆ-ն պատասխանել է Թուրքիայի քաղաքացու սպանության վերաբերյալ մեղադրանքներին
Թուրքիա

Թուրքիայում անտառային հրդեհների հետևանքով մահացածների թիվն ավելացել է

319
Հրդեհը վնասել է թուրքական հայտնի հանգստավայրերը։ Տուծաժների քանակը կրկնապատկվել է։

ԵՐԵՎԱՆ, 1 օգոստոսի – Sputnik. Թուրքիայում անտառային հրդեհների հետևանքով զոհերի թիվը հասել է ութի, իսկ տուժած է համարվում 864 անձ։ Տեղեկությունը հայտնում է ՌԻԱ Նովոստին` հղում անելով տեղի առողջապահության նախարար Ֆահրեթին Քոջային։

Ավելի վաղ հաղորդվում էր 7 զոհի և 410 տուժածի մասին։

«Անթալիայի Մանավգաթ շրջանում արդեն իսկ 7 զոհ ունենք։ 507 տուժածներից 497-ն էլ դուրս են գրվել հիվանդանոցից։ Բացի այդ, Մարմարիսում 1 զոհ ունենք և տուժածներ։ Հրդեհի հետևանքով Մեսինում նույնպես ունենք 154 տուժած»,– Twitter-ի իր էջում գրել է Քոջան։

Ավելի վաղ Թուրքիայի գյուղատնտեսության և անտառային տնտեսության նախարար Բեքիր Փաքդեմիրլին ասել էր, որ 107 անտառային հրդեհ է հսկողության տակ վերցվել:

Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել

Հրդեհը վնասել է թուրքական հայտնի Բոդրում և Մարմարիս հանգստավայրերը, որտեղ մարդկանց տարհանել են հյուրանոցներից: Հրդեհը մարելուց հետո բոլոր զբոսաշրջիկները վերադարձել են իրենց հյուրանոցներ։

Սատկած կենդանիներ, մոխրացած տներ ու անտառներ. հրդեհի ճիրաններում հայտնված Թուրքիան

319
թեգերը:
Թուրք, հրդեհ, Զոհ
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

0
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

0
թեգերը:
Հայաստան, ավտովթար, ավտոմեքենա, Զոհ, վարորդ