Հրդեհ Թեհրանի նավթավերամշակման գործարանում. արխիվային լուսանկար

Իրանում նավթամուղ է պայթել. կան զոհեր

65
(Թարմացված է 20:07 06.07.2021)
Պայթունը տեղի է ունեցել Իրանի հարավ–արևմուտքում` Շուշ քաղաքից 20 կմ–ի վրա գտնվող նավթամուղում։

ԵՐԵՎԱՆ, 6 հուլիսի – Sputnik. Այսօր Իրանի Իլամ գավառի հարավում գտնվող Դեհլորան քաղաքի «Չեշմե յե խոշ» նավթամուղում պայթյուն է որոտացել։ Պայթյունի հետևանքով երեք մարդ է զոհվել, 4-ը վնասվածքներ են ստացել։ Այս մասին հայտնում է Mehr գործակալությունը։

Պայթյունից հետո հրդեհ է բռնկվել Կասպից ծովի ադրբեջանական հատվածում

«Ներկա պահին հայտնի է, որ երեք աշխատող է զոհվել, 4-ը տուժել են»,– ասվում է  գործակալության հաղորդագրության մեջ։

Նշվում է, որ պայթունը տեղի է ունեցել Շուշ քաղաքից 20 կմ–ի վրա գտնվող նավթամուղում, որը –ձգվում է  մինչև Իրանի հարավ–արևմտյան հատվածում գտնվող Ահվազ քաղաքը։

65
թեգերը:
Զոհ, պայթյուն, Իրանի Իսլամական Հանրապետություն
Ըստ թեմայի
Նովոսիբիրսկի բենզալցակայանում հրդեհ է բռնկվել, որին հաջորդել են պայթյուններ. տեսանյութ
Հայ-ադրբեջանական սահմանի չեզոք գոտում հրդեհ է բռնկվել
Ադրբեջանի ԱԻՆ–ը 2 օր է` չի կարողանում մարել Ֆիզուլիում բռնկված անտառային հրդեհը. տեսանյութ

Իրանի սահմանին կանացի հագուստով ու շպարված ահաբեկիչներ են ձերբակալվել

133
(Թարմացված է 19:20 24.07.2021)
Ինչպես հայտնում է Իրանի պետական հեռուստառադիոյի ռուսական ծառայության Տելեգրամ– ալիքը՝ ահաբեկիչները փորձել են ծպտված հատել իրանա-իրաքյան սահմանը։

ԵՐԵՎԱՆ, 24 հուլիսի - Sputnik. Իրաքի հետ Իրանի սահմանին Իսլամական հեղափոխության պահապանների կորպուսը ձերբակալել է «Իրաքի և Շամի իսլամական պետության», այլ կերպ ասած` ԴԱԻՇ իսլամիստական խմբավորման զինյալների։

Ինչպես հայտնում է Իրանի պետական Հեռուստառադիոյի ռուսական ծառայության Տելեգրամ–ալիքը՝ ահաբեկիչները փորձել են սահմանն անցնել ծպտված` կանացի հագուստներով։

Նաև տեսանյութ է հրապարակվել, որտեղ երևում է, թե ինչպես են ահաբեկիչներն իրավապահների հրահանգով հանում փարաջաներն ու բացում դեմքերը։ Ձերբակալված տղամարդիկ տեսանյութում շպարված են թերևս կասկածներ չհարուցելու համար։

Իրանական կողմի մեկնաբանությամբ՝ ահաբեկչական խմբավորման անդամները այդ կերպ նպատակ են ունեցել ներթափանցել Իրանի Խուզեստան նահանգ։

Հիշեցնենք` այս նահանգում վերջին օրերին բողոքի ալիք էր բարձրացել. պաշտոնական մեկնաբանության համաձայն` ջրի պակասի պատճառով։ Անկարգությունների հետևանքով մեկ մարդ մահացել էր։

Իրանի մայրաքաղաքում կարանտին է հայտարարվել կորոնավիրուսի պատճառով

133
թեգերը:
ահաբեկիչ, Սահման, Իրանի Իսլամական Հանրապետություն
Ըստ թեմայի
Իրանի նոր նախագահը տարբեր կերպ է շնորհակալություն հայտնել Փաշինյանին ու Ալիևին
ԵԱՏՄ-ն ու Իրանը ազատ առևտրի մասին նոր համաձայնագիր կստորագրեն
Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները
Ռեջեփ Թայիփ Էրդողանն ու Էրսին Թաթարը Նիկոսիայում, 20 հուլիսի, 2021

Բաքուն ստիպված է դուրս գալ Անկարայի ղարաբաղյան «լավության տակից». ո՞րն է գինը

1435
(Թարմացված է 18:28 22.07.2021)
Թուրքիան ներքաշում է Ադրբեջանին հերթական աշխարհաքաղաքական արկածախնդրության մեջ։ Բաքուն հաճույքով կհրաժարվեր, սակայն ժամանակն է վճարել Անկարայի պարտքերը ղարաբաղյան վերջին պատերազմում ցուցաբերած օգնության համար։

Վերջին տարիներին Ադրբեջանը փորձում էր խուսափել Կիպրոսի թեմատիկայից։ Բաքուն չէր ուզում փչացնել հարաբերությունները Աթենքի, եվրոպական այլ մայրաքաղաքների, ՆԱՏՕ-ի և ընդհանրապես Արևմուտքի հետ։ Սակայն վերջին արցախյան պատերազմի հետո, որում Ադրբեջանը հաղթեց շնորհիվ Թուրքիայի բաց աջակցության ու անմիջական օգնություն, իրողությունը փոխվել է։ Այժմ Թուրքիայի նախագահ Ռեջեփ Թայիփ Էրդողանը «կրտսեր եղբորից» ամեն ինչ պահանջելու բարոյական իրավունք ունի։

«Թյուրքական աշխարհը» թուրքական դիվանագիտության գլխավոր մեմն է

Անկարան անպայման կօգտվի առիթից, որ քայլ անի Կիպրոսի հյուսիսային մասի (Թուրքիայի կողմից օկուպացված) կարգավիճակի «օրինականացման» ճանապարհին։ Եվ այստեղ Ադրբեջանը կարող է դառնալ աշխարհում երկրորդ երկիրը, որը ճանաչել է, այսպես կոչված, Հյուսիսային Կիպրոսի Թուրքական Հանրապետության անկախությունը և պետականությունը։

Առավել ևս, որ Թուրքիան, կարծես, որոշել է լրջորեն զբաղվել թուրքական զորքերի կողմից դեռեւս 1974 թվականին գրավված Հյուսիսային Կիպրոսի կարգավիճակի հարցով։ Չճանաչված հանրապետության ներկայիս ղեկավար Էրսին Թաթարի որոշումը՝ Թուրքիայի կողմից օկուպացված Կիպրոսի Վարոշա քաղաքի (նախկինում այդ տարածքը ռազմական կարգավիճակ ուներ) մասնակիբացման հետ, բարձրաձայն և ջերմ աջակցություն է գտել Թուրքիայի նախագահ Ռեջեփ Թայիփ Էրդողանի կողմից։ Եվ թուրքական ողջ դիվանագիտությունը վերջին շրջանում բավական ակտիվ է գործում հենց միջազգային հանրության կողմից «Հյուսիսային Կիպրոսի Թուրքական Հանրապետության» ճանաչման ուղղությամբ։ Ընդ որում` այժմ այդ գործընթացին միացել է նաև ադրբեջանական դիվանագիտությունը։ Այն օրերին, երբ Էրդողանը այցելել էր Կիպրոսի օկուպացված տարածքներ, այնտեղ էր գտնվում նաև Բաքվի պատվիրակությունը։

Սա ադրբեջանական Միլի Մեջլիսի (խորհրդարանի) պատվիրակության առաջին այցն է։ Այստեղ ԵԽԽՎ-ում ադրբեջանական պատվիրակության և արտաքին հարաբերությունների խորհրդարանական հանձնաժողովի ղեկավար Սամեդ Սեիդովը մի շարք հետաքրքիր հայտարարություններ է արել։ «Սա էլ է մեր հողը։ Թյուրքական աշխարհում կա Թուրքիա, Ադրբեջան, Հյուսիսային Կիպրոս»։

Թուրքական նավը մոտեցել է Կիպրոսի նավահանգստին ու կրակոցներ արձակել

Սակայն խորհրդարանական պատվիրակության այցի գլխավոր նպատակը թաքնված է Սեիդովի հետևյալ արտահայտության մեջ. «Մենք ուզում ենք, որ Հյուսիսային Կիպրոսն ուժեղ լինի։ Թյուրքական աշխարհը վեր է խոյանալու։ Դրա համար Թուրքիան, Ադրբեջանն ու Հյուսիսային Կիպրոսը պետք է միասին լինեն»։

Այդ նույն «թյուրքական աշխարհ» եզրույթը հիմնական հաղթաթուղթն է, որն այժմ Էրդողանն իր թիմի հետ օգտագործում է միջազգային աշխարհաքաղաքական ասպարեզում։

Ադրբեջանը ռիսկային ընտրության առաջ է

Կիպրոսի օկուպացված հյուսիսային հատվածը Ադրբեջանի կողմից լիարժեք պետություն ճանաչելու հարցին այս օրերին անդրադարձել է նաև ինքը՝ Էրդողանը։ «...Հուսով եմ` Ադրբեջանից Հյուսիսային Կիպրոս բարձր մակարդակի այցելությունները կայուն կլինեն ... Մենք մշտապես քննարկում ենք դա (Ադրբեջանի կողմից Կիպրոսի օկուպացված մասի ճանաչումը - հեղ.) եղբայր Իլհամ Ալիևի հետ», - ասել է Թուրքիայի նախագահը: Ինչը և պետք էր ապացուցել։

Թուրքիայից Ադրբեջանին և կոնկրետ Ալիևին առաջարկ է արվում, որից նա ամեն դեպքում չի կարող հրաժարվել։ Իրավիճակն այնքան էլ հարմար չէ պաշտոնական Բաքվի համար, չէ որ ղարաբաղյան հակամարտության կողմերն այժմ կանգնած են Արցախի կարգավիճակին վերաբերող հերթական բանակցային փուլի մեկնարկի շեմին։

Եվ որքան էլ Ալիևն ասի, որ Լեռնային Ղարաբաղի հարցը լուծված է, և որ ղարաբաղյան խնդիր այլևս գոյություն չունի, իրականությունը, այնուամենայնիվ, այլ է։ Արցախի կարգավիճակի շուրջ բանակցային գործընթացը պետք է ընթանա ԵԱՀԿ Մինսկի խմբի համանախագահների վերահսկողության ներքո։ Իսկ դա նշանակում է, որ Բաքուն չի կարողանալու անտեսել ազգերի ինքնորոշման միջազգային սկզբունքը։

Եվ նույնիսկ աշխարհաքաղաքական տարածաշրջանային ծանր քաշայիններից մեկի՝ Անկարայի ջերմ աջակցությունը հազիվ թե օգնի։ Չէ որ Մինսկի խմբի բոլոր անդամ երկրները (Ռուսաստանը, Ֆրանսիան և ԱՄՆ-ն) արդեն բազմիցս ասել են, որ բանակցությունները պետք է ընթանան հենց ԵԱՀԿ ՄԽ համանախագահների հովանու ներքո։

Իսկ այդ առումով Թուրքիան կարող է «քաշել» Ադրբեջանին։ Չէ որ այն փաստը, որն օգտագործում է թուրքական կողմը՝ հիմնավորելով իր հավակնությունները Կիպրոսի պլացդարմի վրա, կարելի է հանգիստ օգտագործել նաև մեկ այլ՝ ղարաբաղյան գործընթացի համար։ Եվ դա ամենևին էլ հօգուտ Ադրբեջանի չէ։

Ահա, օրինակ, Թուրքիայի նախագահի աշխատակազմի հանրային կապերի վարչության ղեկավար Ֆահրեթին Ալթունը, հիմնավորելով և աջակցելով Կիպրոսի` թուրքական զորքերի կողմից օկուպացված հատվածի ղեկավարության որոշումը, ասում է հետևյալը. «Երկուսն էլ (Կիպրոսի հակամարտության կողմերը – հեղ.) չեն կարող միասին մեկ հարկի տակ ապրել... Մենք պետք է իրատես լինենք, եթե չենք ուզում այդ վեճը մեր երեխաների վրա թողնել»: Եվ ահա այստեղ հարց է առաջանում՝ իսկ ղարաբաղյան հակամարտության կողմերը կարո՞ղ են։

Արցախյան խնդիրը հայելային արտացոլող սահմանագիծը

Միթե որևէ մեկը կարող է լրջորեն հավատալ, որ ղարաբաղյան հակամարտության բոլոր կողմերը՝ Հայաստանը, չճանաչված Լեռնային Ղարաբաղի Հանրապետությունն ու Ադրբեջանը կարող են հենց հիմա նույն հարկի տակ ապրել։ Երբ դեռ մեկ տարի էլ չի անցել այն արյունահեղ պատերազմից, որը նույն Անկարայի թեթև ձեռքով Բաքուն սանձազերծել էր Ղարաբաղում։

Թուրքիան կվերցնի իրեն պատկանողը. Էրդողանը` Ադրբեջանում, Սիրիայում իրենց ներկայության մասին

Փաստացի ստացվում է, որ այն հիմնավորումները, որոնք Թուրքիան բերում է միջազգային քաղաքական ասպարեզում՝ հօգուտ Կիպրոսի երկու հավասարազոր, լիարժեք և լիիրավ պետությունների բաժանման, աշխատելու են ի վնաս Ադրբեջանի դիրքորոշման, երբ խոսք լինի Արցախի կարգավիճակի մասին։ Իսկ չէ որ Էրդողանն ինքն արդեն անձամբ է անդրադարձել Կիպրոսի խնդրի ևս մեկ զգայուն կողմին, որը հայելային կերպով արտացոլվում է այն իրավիճակի վրա, որում պատերազմից հետո հայտնվել է ղարաբաղյան կարգավորման գործընթացը։ Խոսքը ժամկետների մասին է։

«Թուրքիան չունի ևս 50 տարի, որ իզուր վատնի դրանք Կիպրոսի հարցի վրա», - ասել է Թուրքիայի առաջնորդը՝ խստորեն դատապարտելով Եվրամիության դիրքորոշումը, որը կտրականապես մերժում է օկուպացված Հյուսիսային Կիպրոսի ղեկավարության տեսակետը (հարցը լուծել երկու իրավահավասար պետությունների ստեղծման ճանապարհով): Անկարան, իհարկե, աջակցում է կիպրոսցի թուրքերին ու պաշտպանում նրանց եվրոպացիների, ինչպես նաև ողջ համաշխարհային հանրության դիրքորոշումից։

Սակայն պետք է հիշեցնել թուրք առաջնորդին, որ բանակցային գործընթացը, հատկապես երկրների տարածքային նկրտումների հետ կապված, ի հակակշիռ որոնց առկա է նաև ազգային ինքնորոշման սկզբունքը, հեշտ և արագ չի լինում։ Եվ դրանք ուժի դիրքերից լուծելը, ինչպես արվեց Կիպրոսում կամ Արցախում, դեմ է միջազգային բոլոր նորմերին ու սկզբունքներին։

Եվ չեմ կարծում, որ գլոբալ աշխարհաքաղաքական ասպարեզում վարքի պայմաններ թելադրող գերտերություններից որևէ մեկն այսօր կհամաձայնի Թուրքիայի նման դիրքորոշման հետ։ Արդեն հայտնի է, որ Թուրքիայի և նրա կողմից օկուպացված Կիպրոսի մասի դիրքորոշումը դատապարտում են և՛ Ռուսաստանը, և՛ ԱՄՆ–ն, և՛ Եվրամիությունը (առանձին՝ Ֆրանսիան), և՛ Մեծ Բրիտանիան, և՛ Իսրայելը։

Կարծում եմ, որ նաև ՄԱԿ-ի Անվտանգության խորհուրդն աշնանը կտրուկ կկշտամբի Էրդողանին, որը սովորության համաձայն անտեսեց Կիպրոսի վերաբերյալ մի շարք պայմանավորվածություններ, որոնք ժամանակին ձեռք էին բերվել հենց այդ հարթակում։ Ըստ երևույթին, այստեղ թուրք առաջնորդը հույս ունի, որ կկարողանա տակից դուրս գալ, մանևրելով գերտերությունների միջև առկա հակասությունների արանքում։ Կստացվի՞։ Բացառված չէ, եթե հաշվի առնենք, որ դա Էրդողանի համար առաջին անգամը չէ։

1435
թեգերը:
Արցախ, Ադրբեջան, Կիպրոս, Թուրքիա
Ըստ թեմայի
Սիրիայի ժողովրդի շրջանում պահպանվում է օբյեկտիվ թշնամանքը Թուրքիայի հանդեպ. Պետրոսյան
Ի՞նչ շահ է հետապնդում Թուրքիան Աֆղանստանում. պատրա՞ստ է Հայաստանը հնարավոր զարգացումներին
Ադրբեջանն ու Թուրքիան կավելացնեն համատեղ զորավարժությունների թիվը
Էդուարդ Դուբակով

Բաքվում ադրբեջանցի հետախույզին փորձում են ներկայացնել որպես հայ վարձկան

508
(Թարմացված է 23:02 24.07.2021)
Կարելի է միայն ենթադրել` որքան օգտակար տեղեկություններ է հասցրել ադրբեջանական հատուկ ծառայությունների համար փոխանցել կենտրոն ուղարկված գործակալը։

Ադրբեջանական քարոզչությունը ևս մեկ փաստով է զինվել հօգուտ այն լեգենդի, թե Հայաստանը 44-օրյա պատերազմի ընթացքում վարձկաններ է օգտագործել։ Ծանր հանցագործությունների Բաքվի դատարանը հուլիսի 22-ին մեղադրական վճիռ է կայացրել Ռուսաստանի քաղաքացի Էդուարդ Դուբակովի գործով` նրան մեղավոր ճանաչելով Արցախում մարտական գործողություններին մասնակցելու նախապատրաստման մեջ։ Սակայն այս պատմությունը բավական կասկածելի է թվում։ Բավական հիմքեր կան պնդելու, որ իրականում դատապարտված ռուսաստանցին ոչ թե հայ վարձկան է, այլ ադրբեջանցի հետախույզ։ Այդ դեպքում ինչո՞ւ է նա դատապարտյալների նստարանին հայտնվել։

Կուբանի Արմավիր քաղաքում ծնված 24-ամյա Էդուարդ Դուբակովին մեղադրանք է առաջադրվել ՔՕ 3 հոդվածներով` ահաբեկչություն, մասնակցություն հանցավոր խմբում և սահմանի ապօրինի հատում։ Մեղադրական եզրակացության համաձայն` նա ոչ միայն վարձկան է եղել 44-օրյա արցախյան պատերազմի օրերին, այլև հայկական հատուկ ծառայությունների առաջադրանքով ահաբեկչություն էր նախապատրաստում Բաքվի կենտրոնում։ Իբրև թե այդ նպատակով նա սույն թվականի հունվարի 14-ին Ստամբուլից ժամանել էր Ադրբեջանի մայրաքաղաք։ Այդ ժամանակ էլ հենց նրան ձերբակալել էին։ Դատախազը պահանջում էր Դուբակովին 11 տարվա ազատազրկման դատապարտել։ Ծանր հանցագործություններով դատավոր Սամիր Ալիևը հաշվի առավ պետության կողմից նշանակած փաստաբանի խնդրանքը, որը հղում էր արել որոշակի «մեղմացուցիչ հանգամանքների»։ Ի վերջո պատիժ է սահմանվել 10 տարվա ազատազրկում ընդհանուր ռեժիմի գաղութում` ժամկետի լրանալուց հետո անմիջապես Ադրբեջանից վտարելու պայմանով։ Նշեմ, որ ամբաստանյալն իրեն մեղավոր չի ճանաչել և իր նկատմամբ հարուցած գործը շինծու է անվանել։

Մեղադրանքների համար հիմք է հանդիսացել ընդամենը երկու փաստ։ Առաջին` հարցմանն ի պատասխան ՌԴ դաշնային սահմանապահ ծառայության կողմից տրված տեղեկանքը, որը հաստատում է, որ 2018-2020 թվականներին Էդուարդ Դուբակովն իսկապես մի քանի անգամ եղել է Հայաստանում։

ՊՆ–ն հաստատեց` ադրբեջանական ԱԹՍ-ն փորձել է մուտք գործել ՀՀ օդային տարածք, ՀՕՊ–ը կասեցրել է

Երկրորդ հիմքը ամբաստանյալի խոստովանական ցուցմունքներն են։ Նախաքննության ընթացքում նա պատմել էր, որ 2018 թվականի սեպտեմբերին սոցցանցերում VoMА (ՈՄԱ – Ողջ մնալու արվեստը) հայրենասիրական կազմակերպության գործունեության մասին մի տեսանյութ է դիտել։ Համարելով, որ Արցախի ժողովրդի ազատ ապրելու օրինական իրավունքը պաշտպանության կարիք ունի, երիտասարդը, որն ի դեպ հորական կողմից հայկական արմատներ ունի, որոշեց կազմակերպության հետ կապ հաստատել՝ Հայաստանն ու Արցախը զենքով պաշտպանելու անհրաժեշտության դեպքում համապատասխան պատրաստվածություն անցնելու համար։

Դասընթացներ անցնելով՝ նա լեռնային հրաձիգի կարևորագույն հմտություններ ձեռք բերեց։ Երբ 2020 թվականի սեպտեմբերին սկսվեց պատերազմը, Դուբակովը թողեց տունն ու Արցախ մեկնեց, որտեղ Քելբաջարում մասնակցեց երկրորդ նախապատրաստական փուլին, որն անհրաժեշտ էր մարտական գործողություններին անմիջական մասնակցություն ունենալու համար։ Սակայն նրան այդպես էլ կռվել չհաջողվեց, քանի որ իրենց ջոկատին ռազմաճակատ չուղարկեցին։ Այս ամենի մասին տեղեկանում ենք Դուբակովի նախնական ցուցմունքներից, որոնցից նա դատարանում հրաժարվեց, հայտարարելով, որ արձանագրությունը ստորագրել է ճնշման տակ։ Ինչ վերաբերում է նրան մեղսագրվող՝ Բաքվում ահաբեկչություն իրականացնելու փորձին, ապա մեղադրանքի այդ մասը ամբաստանյալն իսկզբանե ամբողջությամբ հերքում էր։

Իսկ հիմա ամենահետաքրքիրը։ Հունիսի 30-ին կայացած դատական նախավերջին նիստի ընթացքում Էդուարդ Դուբակովը հայտարարեց, որ իսկապես բազմիցս եղել է Արցախում և մասնակցում էր VoMA–ի լեռնային հրաձիգների ռազմական դասընթացներին, սակայն ոչ թե հայամետ նկատառումներից ելնելով, այլ կատարելով Ադրբեջանի արտաքին հետախուզության առաջադրանքը, որը նրան հավաքագրել էր Մինսկում պատերազմից երկու տարի առաջ։

«2018 թվականին, երբ Բելառուսում էի, Ադրբեջանի հատուկ ծառայությունները ինձ համագործակցության ներգրավեցին։ Այդ համագործակցության շրջանակում ես առաջադրանքներ էի կատարում, Հայաստան, Արցախ էի մեկնում։ Այս տարվա հունվարին ես ժամանեցի Բաքու դրամական պարգև, ինչպես նաև նոր առաջադրանք ստանալու համար, սակայն ինձ ձերբակալեցին», – հայտարարեց Դուբակովը։

Երասխում Հայաստանի զինված ուժերի կոշտ արձագանքն անսպասելի էր Ադրբեջանի համար. փորձագետ

Այս վարկածը բավական արժանահավատ է թվում։ Հատկապես, եթե հաշվի առնենք, որ նախաքննությունը որևէ տվյալներ չի ներկայացրել այս տարվա հունվարին Բաքու Դուբակովի այցի իրական առաքելության մասին։ Եթե նա իսկապես Ադրբեջան ժամաներ հայկական հատուկ ծառայությունների առաջադրանքով ահաբեկչություն իրականացնելու նպատակով՝ դատավարության ժամանակ դա ապացուցող փաստեր կներկայացվեին։ Ի դեպ, դատարանը պատիժ է նշանակել՝ գնահատելով Դուբակովի «մեղքի» միայն արցախյան մասը։ Եթե ամբաստանյալը ահաբեկչության նախապատրաստմանն առնչություն ունենար, դատավճիռն ավելի դաժան կլիներ։ Սա նշանակում է, որ նույնիսկ դատավորը լուրջ չի ընդունել ահաբեկչության վերաբերյալ մեղադրանքները։ Դե իսկ եթե Դուբակովը Բաքվի մետրոն պայթեցնելու կամ ջրատարը թունավորելու առաջադրանք չի ունեցել, ինչու է եկել Բաքու, իմանալով, որ այնտեղ խնդիրներ կարող է ունենալ։ Ուրեմն նրան որևէ մեկը հրավիրել է։

Կարելի է միայն ենթադրել` որքան օգտակար տեղեկություններ է հասցրել ադրբեջանական հատուկ ծառայությունների համար փոխանցել կենտրոն ուղարկված գործակալը։ Բայց լրտեսի դերին համաձայնած Դուբակովը սխալ հաշվարկ է արել։ Նա չէր կարող պատկերացնել, որ իրենից ամեն ինչ ստանալուց հետո պատվիրատուները նրան «կոչնչացնեն», ինչպես հաճախ անում են «օգտագործված» գործակալների հետ։ Բաքվում որոշել են, որ տղան դեռ մի փոքր էլ օգուտ կարող է բերել, եթե վերջում նրան հնարավոր լինի որպես հայ վարձկան և ահաբեկիչ ներկայացնել։ Բացի այդ, արդեն իսկ կատարած աշխատանքի համար «հոնորար» վճարելու կարիք չի լինի։

Եթե Բաքվի ծանր հանցագործությունների դատարանում ընթացող դատավարությունն իսկապես դատավարություն լիներ, այլ ոչ թե ֆարս, Դուբակովի կողմից սենսացիոն ցուցմունքների հրապարակումից հետո, նոր հանգամանքների ի հայտ գալու պատճառով, գործը պետք է վերադարձվեր լրացուցիչ հետաքննության։ Բայց անսպասելի շրջադարձից վախեցած դատավորը փորձեց հնարավորինս արագ փոխել թեման և շտապեց կայացնել դատավճիռ, որի մեղադրական բնույթն իսկզբանե որևէ մեկի մոտ կասկած չէր հարուցում։

Կարծում եմ, որ հայկական հակահետախուզությունն արդեն պարզել է, թե ում հետ է շփվել Դուբակովը Երևանում և Արցախում գտնվելու օրերին։ Չէ՞ որ չի բացառվում, որ նա Ադրբեջանի միակ գործակալը չէ, որը ներգրավվել է ռազմական կառույցներին մոտ կանգնած կառույցների աշխատանքում՝ գաղտնի տեղեկություններ կորզելու նպատակով։ Հույս ունեմ, որ ՀՀ ԱԱԾ–ն ժամանակի ընթացքում անհրաժեշտ կհամարի այս առիթով մեկնաբանություններ տալ։

Եվ վերջինը. ինչի՞ համար էր այդ ամենը պետք Ադրբեջանին։ Էդուարդ Դուբակովի թեմայով մանիպուլյացիաներ անելով՝ Բաքվի իշխանությունները, կարծում եմ, երկու խնդիր էին փորձում լուծել։ Նախ` ամրապնդել լեգենդն այն մասին, որ հայերը ևս օտարերկրյա վարձկաններ են օգտագործել պատերազմի ժամանակ։ Բեյրութում ծնված լիբանանահայ Վիգեն Էուլջեքչյանը, որին Բաքվի դատարանը 20 տարվա ազատազրկման է դատապարտել, այդ առումով քարոզին առանձնակի չօգնեց, քանի որ նա էթնիկ հայ է, այն էլ՝ ՀՀ քաղաքացի։ Իսկ ահա Էդուարդ Դուբակովին շատ ավելի հեշտ է ներկայացնել որպես օտարերկրացի։ Թեև հակառակ արդյունքը ստացվեց։ Ադրբեջանի Պետական անվտանգության ծառայության ղեկավարությունը, չգիտես ինչու, համոզված էր, որ Դուբակովը չի համարձակվի խոսել դատարանում և պատմել ողջ ճշմարտությունը։ Բայց կարծես թե նրա հետ բավարար չեն աշխատել։

Մանր խուլիգաններ` լրտեսների փոխարեն, կամ ինչպես ԱԱԾ–ն վերածեցին ոստիկանական բաժանմունքի

Երկրորդ խնդիրը, որը փորձում են լուծել ՌԴ քաղաքացուն բանտ ուղարկելով, ոչ պակաս գլոբալ է։ Այդպիսով հող է ստեղծվում Ռուսաստանի վրա լրացուցիչ ճնշում գործադրելու համար, որը, իհարկե, կփորձի ազատել իր քաղաքացուն՝ գոնե նրա արտահանձնմանը հասնելով։ Այս առումով տեղին են զուգահեռները ՌԴ քաղաքացի Մարատ Ուելդանովի պատմության հետ, որին, մի շարք իրավապաշտպանների համոզմամբ, նույնպես Բաքվի բանտ են նստեցրել շինծու գործով։ Մոսկվայից հսկայական ջանքեր պահանջվեցին նրան հայրենիք վերադարձնելու համար։ Եվ ոչ ոք չգիտի, թե ինչ գին է հարկ եղել վճարել դրա համար։

508
թեգերը:
ռուս, Հայաստան, դատ, լրտես, Բաքու
Ըստ թեմայի
Արցախում ականների վրա կրկին ադրբեջանցիներ են պայթել
Ով է Ադրբեջանի ԶՈւ ԳՇ նորանշանակ պետը, ու ինչ կապ ունի նա Թուրքիայի հետ
ԱԱԾ–ն բացահայտել է պետական դավաճանության աննախադեպ դեպք. տեսանյութ