Իրակլի Ղարիբաշվիլի

Վրաստանի վարչապետն անդրադարձել է Թբիլիսիի անկարգություններին

117
(Թարմացված է 14:24 06.07.2021)
ԼԳԲՏ-ի դեմ ակցիայի ժամանակ վիրավորվել է մի լեհ զբոսաշրջիկ, որի ականջում զայրացած ցուցարարները ականջօղ են տեսել։ Նա դանակի երկու հարված է ստացել։

ԵՐԵՎԱՆ, 6 հուլիսի - Sputnik. Վրաստանի վարչապետ Իրակլի Ղարիբաշվիլին դատապարտել է լրագրողների նկատմամբ բռնությունները՝ նշելով, որ բոլոր մեղավորները պատասխանատվության կենթարկվեն օրենքի առջև։ Տեղեկությունը հայտնում է Sputnik Գրուզիան:

Լրագրողների նկատմամբ բռնության բազմաթիվ փաստեր են տեղի ունեցել երեկ Թբիլիսիում ԼԳԲՏ հակառակորդների՝ անկարգությունների վերածված ակցիայի ժամանակ: Վրաստանի ՆԳՆ տվյալներով՝ բռնության 55 փաստ է արձանագրվել, դրանցից 53-ը ՝ լրատվամիջոցների ներկայացուցիչների նկատմամբ։

«Անշուշտ, ինձ համար բացարձակապես անընդունելի է բռնությունը, որը մենք երեկ տեսանք։ Եվ ուզում եմ հրապարակավ դատապարտել այդ փաստը։ Այն, ինչ երեկ տեղի ունեցավ, կտրականապես անընդունելի է։ Լրագրողների նկատմամբ բռնություններն, անշուշտ, անընդունելի են, և դա պետք է դատապարտել», – ասել է Ղարիբաշվիլին լրատվամիջոցների ներկայացուցիչներին։

Նա նշել է, որ ոստիկանությունը շատ ակտիվ աշխատում է, որ բացահայտի և պատժի բոլոր մեղավորներին։ Առավոտյան վարչական իրավախախտման համար երեք մարդ է ձերբակալվել, ևս մի քանիսը երեկ են ձերբակալվել։ «Բոլոր անձինք կնույնականացվեն և, համապատասխանաբար, բոլոր նրանք, ովքեր կատարել են այդ բռնությունը, կպատժվեն», – ընդգծել է վարչապետը:

Բացի այդ, ԼԳԲՏ-ի դեմ ակցիայի ժամանակ վիրավորվել է մի լեհ զբոսաշրջիկ, որի ականջում զայրացած ցուցարարները ականջօղ են տեսել։ Նա դանակի երկու հարված է ստացել կրծքավանդակի ու որովայնի շրջանում: Նրան վիրահատել են, բժիշկները զբոսաշրջիկի վիճակը գնահատում են կայուն։

Վրաստանի մայրաքաղաքում ԼԳԲՏ միջոցառման ժամանակ բախումներ են տեղի ունեցել. տեսանյութ

Վրաստանի ՆԳՆ-ն լրագրողների վրա հարձակման փաստերով քրեական գործ է հարուցվել երկու հոդվածներով՝ «Լրագրողների մասնագիտական գործունեության իրականացմանը անօրինական խոչընդոտելը» և «Բռնություն»։ Վերջին տեղեկությունների համաձայն՝ 8 մարդ է ձերբակալվել։

ԼԳԲՏ համայնքի իրավունքների պաշտպանության «Համերաշխության երթ» ակցիան հուլիսի 5-ին նախատեսում էր անցկացնել «Թբիլիսի փրայդ» ՀԿ-ն ու նրանց աջակցող ակտիվիստները: Սակայն արդեն առավոտյան ժամը 11-ից՝ նախատեսված երթից շատ առաջ, Ռուսթավելի պողոտայում հակաակցիա էր սկսվել։ ԼԳԲՏ համայնքի ներկայացուցիչներ և նրանց սատարողներ պողոտայում չեն եղել, և «ավանդական արժեքների պաշտպանների» ագրեսիան ուղղվել է նկարահանող խմբերի ուղղությամբ:

Հաշվի առնելով ստեղծված իրավիճակը՝ որոշվել է չեղարկել «Արժանապատվության երթը»։

117
թեգերը:
Վրաստանի Հանրապետություն, Իրակլի Ղարիբաշվիլի, Բռնություն, Լրագրող
Ըստ թեմայի
Նիկոլ Փաշինյանը շնորհավորել է Վրաստանի վարչապետին
Բաթումում ադրբեջանցու կողմից դանակահարված հայ տղային վիրահատել են. նոր մանրամասներ
Թբիլիսիում փորձել են պայթեցնել ԼԳԲՏ համայնքին պաշտպանող ՀԿ–ի գրասենյակը
Թուրքիա

Թուրքական իշխանամետ թերթն անտառները հրկիզելու պատասխանատվությունը դրել է քրդերի վրա

136
Թուրքիայում վերջին օրերին 107 անտառային հրդեհ է մարվել, սակայն դեռևս վերահսկողության տակ չեն առնվել Անթալիայի և Մուղլայի առողջարանային շրջաններում բռնկված հինգ հրդեհները: Արդեն բազմիցս ասվել է, որ հրկիզումները միտումնավոր բնույթ ունեն։

ԵՐԵՎԱՆ, 1 օգոստոսի - Sputnik. Թուրքական «Yeni Safak» իշխանամետ թերթը պնդում է, որ Թուրքիայի անտառները հրկիզելու պատասխանատվությունը ստանձնել է «Կրակի զավակներ» խմբավորումը, որը կապված է Թուրքիայում արգելված Քրդստանի աշխատավորական կուսակցության (ՔԱԿ) հետ։ Տեղեկությունը հայտնում է ՌԻԱ Նովոստին։

Ըստ թերթի` այդ տեղեկության աղբյուրը սոցիալական ցանցերն են, որոնք իբր կապված են ՔԱԿ-ի հետ։

Ինչպես ավելի վաղ հայտարարել էր երկրի գյուղատնտեսության և անտառային տնտեսության նախարար Բեքիր Փաքդեմիրլին, Թուրքիայում վերջին օրերին 107 անտառային հրդեհներ են մարվել, բայց դեռ վերահսկողության տակ չեն վերցվել Անթալիայի և Մուղլայի առողջարանային գոտիների հինգ հրդեհները: Առողջապահության նախարար Ֆահրեթին Քոջան էլ հայտնել էր, որ Թուրքիայում անտառային հրդեհների հետևանքով մահացածների թիվը հասել է 8–ի, տուժածների թիվը` 864-ի:

Թուրքիայում 5.5 մագնիտուդով երկրաշարժ է գրանցվել

136
թեգերը:
Թուրքիա, հրդեհ, քուրդ
Ըստ թեմայի
Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Հունաստանի ԱԳՆ-ն պատասխանել է Թուրքիայի քաղաքացու սպանության վերաբերյալ մեղադրանքներին
Թուրքիա

Թուրքիայում անտառային հրդեհների հետևանքով մահացածների թիվն ավելացել է

324
Հրդեհը վնասել է թուրքական հայտնի հանգստավայրերը։ Տուծաժների քանակը կրկնապատկվել է։

ԵՐԵՎԱՆ, 1 օգոստոսի – Sputnik. Թուրքիայում անտառային հրդեհների հետևանքով զոհերի թիվը հասել է ութի, իսկ տուժած է համարվում 864 անձ։ Տեղեկությունը հայտնում է ՌԻԱ Նովոստին` հղում անելով տեղի առողջապահության նախարար Ֆահրեթին Քոջային։

Ավելի վաղ հաղորդվում էր 7 զոհի և 410 տուժածի մասին։

«Անթալիայի Մանավգաթ շրջանում արդեն իսկ 7 զոհ ունենք։ 507 տուժածներից 497-ն էլ դուրս են գրվել հիվանդանոցից։ Բացի այդ, Մարմարիսում 1 զոհ ունենք և տուժածներ։ Հրդեհի հետևանքով Մեսինում նույնպես ունենք 154 տուժած»,– Twitter-ի իր էջում գրել է Քոջան։

Ավելի վաղ Թուրքիայի գյուղատնտեսության և անտառային տնտեսության նախարար Բեքիր Փաքդեմիրլին ասել էր, որ 107 անտառային հրդեհ է հսկողության տակ վերցվել:

Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել

Հրդեհը վնասել է թուրքական հայտնի Բոդրում և Մարմարիս հանգստավայրերը, որտեղ մարդկանց տարհանել են հյուրանոցներից: Հրդեհը մարելուց հետո բոլոր զբոսաշրջիկները վերադարձել են իրենց հյուրանոցներ։

Սատկած կենդանիներ, մոխրացած տներ ու անտառներ. հրդեհի ճիրաններում հայտնված Թուրքիան

324
թեգերը:
Թուրք, հրդեհ, Զոհ
ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

28
(Թարմացված է 10:24 02.08.2021)
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

ԵՐԵՎԱՆ, 2 օգոստոսի – Sputnik. Նորընտիր` 8-րդ գումարման Ազգային ժողովի անդրանիկ նիստը մեկնարկեց Արցախյան 44-օրյա պատերազմի զոհերի հիշատակը մեկ րոպե լռությամբ հարգելով։

Председатель первого заседания парламента Армении 8-го созыва Князь Гасанов приветствует присутствующих (2 августа 2021). Еревaн
© Sputnik / Aram Nersesyan
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն

Նիստին ներկա են նաև ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

Նիստը վարում է տարիքով ամենաավագ պատգամավորը՝ Կնյազ Հասանովը։ Ի դեպ, «Հայաստան» խմբակցությունն ԱԺ է եկել Սյունիքի՝ կալանավորված համայնքի ղեկավարների լուսանկարներով շապիկներով։

ՀՀ հիմնը հնչելուց հետո Գարեգին Բ-ն տերունական աղոթք կարդաց, որից հետո նա իր օրհնանքի խոսքն ասաց։

Նշենք, որ կալանավորված են Գորիսի քաղաքապետ Առուշ Առուշանյանը, Մեղրիի նախկին քաղաքապետ Մխիթար Զաքարյանը, Քաջարանի քաղաքապետ Առուշ Առուշանյանը, Սիսիանի քաղաքապետ Արթուր Սարգսյանը։

«Այսօր մեր հայրենիք Հայաստանն ու Արցախը դիմակայում են արտաքին և ներքին լուրջ մարտահրավերների։ Ադրբեջանի ծավալապաշտական նկրտումները հաշվի առնելով` հրամայական է պետական գործիչների և ողջ հասարակության համախմբումը։ Բոլորիս ձգտումը հայրենիքի անվտանգությունն է»,–ասաց Գարեգին Բ-ն։

28
թեգերը:
Հայաստան, ԱԺ, Նիստ, Արմեն Սարգսյան, Ամենայն Հայոց կաթողիկոս Գարեգին Բ
Ըստ թեմայի
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Ի՞նչ հարցեր են քննարկելու նոր գումարման ԱԺ–ի առաջին նիստում
Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին