Վիգեն Էուլջեքչյան, բաքու, դատարան, դատ, գերի, adrbejan, geri, vigen euljekchyan, libananahay, dat
Վիգեն Էուլջեքչյանը Բաքվի դատարանում

Բաքվում դատախազը պահանջել է լիբանանահային դատապարտել 20 տարվա ազատազրկման

129
(Թարմացված է 14:10 08.06.2021)
Ադրբեջանական իշխանությունները դատական գործընթաց են սկսել գերեվարված սփյուռքահայի նկատմամբ ՝ նրան մեղադրանքներ ներկայացնելով երկրի Քրեական օրենսգրքի միանգամից մի քանի հոդվածներով:

ԵՐԵՎԱՆ, 8 հունիսի -Sputnik. Բաքվի դատարանում դատախազը պահանջել է լիբանանահայ Վիգեն Էուլջեքչյանին դատապարտել 20 տարվա ազատազրկման:

Ավելի վաղ հաղորդել էինք, որ Բաքվի Յասամալի դատարանում այսօր մեկնարկել է Էուլջեքչյանի գործով նախապատրաստական նիստը:

Ադրբեջանում նրան մեղադրանք է առաջադրվել «վարձկանություն», «ահաբեկչություն», «Ադրբեջանի պետական սահմանի ապօրինի հատում» հոդվածներով: Դատարանի որոշմամբ` Վիգենի նկատմամբ խափանման միջոց է ընտրվել կալանավորումը:

Հետաքննությունը վարում էր Ադրբեջանի պետական անվտանգության ծառայությունը։ Անցած շաբաթ ավարտվել է նախաքննությունը, և գործը փոխանցվել է դատարան։

Ինչպես հաղորդում Է Sputnik Ադրբեջանը, հաջորդ նիստը տեղի կունենա հունիսի 11-ին:

2020թ. նոյեմբերի 10-ին նրան և Մարալ Նաջարյանին գերի են վերցրել ադրբեջանցի զինվորականները։ Ավելի ուշ Նաջարյանը ռուսական կողմի միջնորդության շնորհիվ ազատ արձակվեց։

Բացի Էուլջեքչյանից, Բաքվում մտադիր են շինծու գործերով դատել նաև այլ գերիների։ Հայաստանի արտաքին գործերի նախարարությունն ավելի վաղ հանդես էր եկել հայտարարությամբ`  դատապարտելով Ադրբեջանում ապօրինի պահվող գերիների և պատանդների քրեական հետապնդման փաստը:

Արտաքին քաղաքական գերատեսչությունն ընդգծել է, որ Ադրբեջանի իշխանությունները կոպտորեն խախտում են միջազգային իրավունքի նորմերը։ ԱԳՆ-ն Բաքվից պահանջել է անհապաղ ազատ արձակել բոլոր գերիներին։

«Դատական գործերս ավարտվեն, կգամ». ինչ է պատմել ընտանիքին Բաքվում պահվող լիբանանահայ գերին

Էուլջեքչյանի գործով մեղադրանքը կառուցվում է միայն ամբաստանյալի «խոստովանական» ցուցմունքների վրա։

Մինչդեռ հայտնի է, որ 2015-ին Էուլջեքչյանը ստացել է Հայաստանի քաղաքացիություն, 2019-ին տեղափոխվել է սկզբում Երևան, այնուհետև` Շուշի։ 2020թ. նոյեմբերի 10-ին նրան և Մարալ Նաջարյանին գերի էին վերցրել ադրբեջանցի զինվորականները։ Ավելի ուշ Նաջարյանը ռուսական կողմի միջնորդությամբ ազատ արձակվեց։ Sputnik Արմենիան ավելի վաղ մանրամասն ներկայացրել էր Վիգեն Էուլջեքչյանի պատմությունը։

129
թեգերը:
դատ, Վիգեն Էուլջեքչյան, գերի, հայ, Լիբանան, Բաքու
Ըստ թեմայի
Կարմիր խաչի ներկայացուցիչներն այցելել են վերջերս գերեվարված հայ զինծառայողներին
Պատարագ Ստեփանակերտում. Կաթողիկոսն աղոթել է զոհերի, գերիների ու անհայտ կորածների համար
«Տղաները մեկ–երկու ամիս ավել գերության մեջ մնալու համար կներեն մեզ». Նիկոլ Փաշինյան
ԵԽԽՎ

Ադրբեջանը քաղբանտարկյալների մասին փաստաթղթի գրեթե ոչ մի կետը չի կատարել. ԵԽԽՎ

37
(Թարմացված է 17:25 24.06.2021)
ԵԽԽՎ զեկուցողն ու հանձնաժողովը հայտարարել են, որ ամիսներ շարունակ փորձել են Ադրբեջանից պատասխան ստանալ բարձրացված հարցերի վերաբերյալ, բայց ստացել են միայն արդարացումներ «դատական համակարգի լայնածավալ բարեփոխումների» մասին։

ԵՐԵՎԱՆ, 24 հունիսի - Sputnik. Ադրբեջանի իշխանությունները գրեթե ոչ մի կետ չեն կատարել քաղբանտարկյալների մասին Եվրոպայի խորհրդի խորհրդարանական վեհաժողովի (ԵԽԽՎ) 2020թ-ի հունվարին ընդունած բանաձևից։

Այս մասին նշված է բանաձևի կատարման վերաբերյալ ԵԽԽՎ զեկուցող, ԵԽԽՎ իրավական հարցերի և մարդու իրավունքների հանձնաժողովի անդամ, Իսլանդիայի պատգամավոր Թորհիլդ Սուննա Էվարդսդոտիրի հայտարարության մեջ։

2020 թվականի հոկտեմբերի 7-ին նա նամակով դիմել է ԵԽԽՎ-ում Ադրբեջանի պատվիրակության ղեկավար Սամադ Սեյիդովին` խնդրելով տեղեկություններ տրամադրել այն մասին, թե ինչպես են Ադրբեջանի իշխանությունները կատարում բանաձևի պահանջները:

Ադրբեջանի պատվիրակության ղեկավարը հաստատել է, որ ստացել է նամակը, բայց չի պատասխանել դրան: Դեկտեմբերի 22-ին արդեն հանձնաժողովի անունից ուղարկված նամակին Սեյիդովը պատասխանել է` ասելով, որ Ադրբեջանում քաղբանտարկյալներ չկան և քննադատել է զեկուցողի դիրքորոշումը։ Սեյիդովը մի շարք ընդհանուր հայտարարություններ է արել Ադրբեջանի կառավարության «դատական համակարգի լայնածավալ բարեփոխումների» մասին։

Ադրբեջանը թույլատրում է ու նույնիսկ շտապեցնում ՅՈՒՆԵՍԿՕ-ին՝ այցելել իր վերահսկած տարածքներ

Կոմիտեն Սեյիդովին պատասխանել է, որ նա իրավունք չունի քննադատելու զեկուցողի աշխատանքը և պարտավոր է համագործակցել նրա հետ:

Դրանից հետո Ադրբեջանն ընդհանրապես անտեսել է ԵԽԽՎ բոլոր աշխատանքները քաղբանտարկյալների հարցով, հանդիպումներին Ադրբեջանի ոչ մի պաշտոնական ներկայացուցիչ չի մասնակցել:

Արդյունքում, Ադրբեջանը չի կատարել բանաձևի գրեթե ոչ մի դրույթ, բացառությամբ Իլգար Մամեդովի և Ռասուլ Զաֆարովի (որը բանտարկված է եղել) պատժաչափերի չեղարկման:

Այսպիսով, ԵԽԽՎ զեկուցողն իր հայտարարության մեջ արձանագրել է, որ Ադրբեջանի իշխանությունները չեն ընդունել իրենց երկրում քաղբանտարկյալների առկայությունն ու գործնականում որևէ քայլ չեն ձեռնարկվել խնդրի լուծման ուղղությամբ։

Ադրբեջանի ու Թուրքիայի զինվորականները զորավարժություններ են անցկացնում Նախիջևանում

37
թեգերը:
քաղբանտարկյալ, Ադրբեջան, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
Ադրբեջանի փոխվարչապետն ասել է` Ղարաբաղի հարցով եռակողմ խումբը երբ կվերսկսվի աշխատանքը
Ադրբեջանը մինչև վերջ կճնշի. փորձագետը՝ սահմանային ճգնաժամի ու Հայաստանի քայլերի մասին
Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը
Հայկական եկեղեցի Թուրքիայում

Կեսարիայի Սբ. Թորոս հայկական եկեղեցին` գանձագողերի թիրախում. 2 մետրանոց փոս են փորել

32
(Թարմացված է 15:31 24.06.2021)
Թուրքիայի մշակույթի և զբոսաշրջության նահանգային վարչության իրավասուները տեղեկացրել են, որ չեն կարող եկեղեցին վերանորոգել, քանի որ այն մասնավոր սեփականության կարգավիճակ ունի։

ԵՐԵՎԱՆ, 24 հունիսի – Sputnik. Կեսարիայի 200-ամյա Սուրբ Թորոս հայկական եկեղեցին շարունակվում է ավերվել գանձագողերի կողմից. գրում է Ermenihaber.am-ը։

«Կեսարիայի Մելիքգազի շրջանի Թավլուսուն թաղամասում գտնվող եկեղեցու պատերը դիտավորյալ կերպով ներկերով աղտոտվել և վնասվել են, իսկ պատմական կառույցի ներքին պատերից մեկում գանձ որոնողների կողմից 2մ խորությամբ փոս է արվել»,–նշված է կայքում։

Թավլուսունի թաղապետ Մեհմեդ Յըլմազը թուրքական լրատվամիջոցի թղթակցի հետ զրույցում հայտնել է, որ հայկական եկեղեցու ներսում և շրջակայքում տեղի բնակիչները չոր խոտ են թափել: Նրա խոսքով՝ տեղի զբոսաշրջության զարգացմանը զարկ տալու նպատակով անհրաժեշտ է վերականգնել եկեղեցին:

Թաղապետը նաև հայտնել է, որ թեև քաղաքապետարանի անվտանգության աշխատակիցները հաճախակիորեն հսկում են եկեղեցին, սակայն նրանց չի հաջողվում վերահսկել գանձագողերի գործունեությունը:

Նա հույս է հայտնել, որ եթե սկսվեն եկեղեցու վերականգնման աշխատանքները, հնարավոր կլինի խոչընդոտել գանձագողերի գործունեությունը: Սակայն Թուրքիայի մշակույթի և զբոսաշրջության նահանգային վարչության իրավասուները տեղեկացրել են, որ չեն կարող եկեղեցին վերանորոգել, քանի որ այն մասնավոր սեփականության կարգավիճակ ունի։

Եվս մեկ եկեղեցի` Ստամբուլի Խորայի վանքը, Թուրքիան մզկիթի կվերածի

Հավելենք, որ այսօր հայտնի դարձավ` Թուրքիայի մեջլիսի հայ պատգամավոր, քրդամետ Ժողովուրդների դեմոկրատական կուսակցության անդամ Կարո Փայլան եկեղեցու ներսում երկու մետրանոց փոս առաջանալու փաստի առթիվ հարցադրում է ուղարկել Թուրքիայի մշակույթի և զբոսաշրջության նախարար Մեհմեթ Նուրի Էրսոյին։

Փայլանը նշել է, որ հին հայկական եկեղեցին դարձել է վանդալների ու գանձ որոնողների հարձակման թիրախ: Նա հարցրել է նախարարին, թե ինչո՞ւ եկեղեցին չի առնվում պաշտպանության ներքո, ինչո՞ւ այն վնասող անձանց դեմ հետաքննություն չի սկսվում:

32
թեգերը:
վանդալիզմ, Եկեղեցի, Թուրքիա
Ըստ թեմայի
Սիրիայի հայկական եկեղեցին Թուրքիայի և քրդերի համար տեղեկատվական պատերազմի հարթակ է դարձել
Ստամբուլի հայկական եկեղեցին վառելու փորձի հարցը Թուրքիայի խորհրդարան է հասել
Ի՞նչ են փնտրում թուրքերը Սուրբ Կիրակոսի հիմքերի մեջ. Դիարբեքիրի եկեղեցու մոգական ուժը
Նիկոլ Փաշինյան. արխիվային լուսանկար

«Պողպատե մանդատ» և հաշտության մեկնած ձեռք. կհաջողվի՞ Փաշինյանին համախմբել ընդդիմադիրներին

49
Կոնֆլիկտների կառավարման մասնագետ Արթուր Մարտիրոսյանը Sputnik Արմենիայի եթերում խոսել է Նիկոլ Փաշինյանի` ընդդիմադիրների հետ հաշտության առաջարկի մասին։
«Պողպատե մանդատ» և հաշտության մեկնած ձեռք. կհաջողվի՞ Փաշինյանին համախմբել ընդդիմադիրներին

Ընդդիմադիր ճամբարի և գործող իշխանության միջև համերաշխ գործակցությունը գրեթե անիրատեսական է, քանի որ ընդամենը օրեր առաջ միմյանց բնութագրում էին «դավաճան», «կապիտուլյանտ», «թալանչի», «մարդասպան» բառերով ։ Sputnik Արմենիայի հետ զրույցում նման կարծիք հայտնեց կոնֆլիկտների կառավարման մասնագետ Արթուր Մարտիրոսյանը։ 

«Չեմ պատկերացնում, որ այդպիսի համագործակցություն մենք կտեսնենք ապագայում, չնայած խորհրդարանական դիվանագիտության հարթակում այն ինչ-որ ձևով հնարավոր է, բայց երկու ճամբարների միջև համերաշխություն չի կարող լինել»,- ասաց նա։

Նրա կարծիքով` Փաշինյանի հայտարարությանը պետք է հաջորդեին կոնկրետ գործողություններ, որոնք գոնե մինչ այս պահը տեսանելի չեն, իսկ դրանց բացակայության դեպքում հաշտության հայտարարությունը այդպես էլ կմնա օդում։

«Ինքը պետք է փոխի իր ամբողջ հռետորաբանությունը, որը չի կարող անել, իր ընտրազանգվածը սպասում է, որ ինքը պետք է պողպատ ցույց տա»,- ընդգծեց մասնագետը։ 

Նրա խոսքով` եթե նույնիսկ ինչ-որ պահի կողմերն իրար հաշտության ձեռք մեկնեն, հաջորդ ընտրություններում երկու քաղաքական ուժերի ընտրազանգվածն էլ զգալի կկրճատվի, քանի որ ընտրողների մի մասը սպասում է «պողպատե մանդատի» գործարկմանը, մյուսները`«նախկինների» աշխատանքին։ 

«Հեռանում եմ, քանի որ Շուշին ինձ համար դժգույն քաղաք չէր». Աղբալյանն ազատման դիմում է գրել

Միաժամանակ` հատկապես ընդդիմադիր թևում գրեթե համոզված են, որ հաջորդ արտահերթ ընտրությունները «յոթ սարի հետևում չեն»։

«Եթե նստեն, սկսեն բանակցել կարող է և այդքան դժվարությամբ ձեռք բերած 21-22 տոկոս ձայներն էլ կորցնեն, բայց քանի որ իրենք համոզված են, որ նոր ընտրություններ լինելու են, հետևաբար նման քայլի չեն գնա»,- ասաց Հարությունյանը։

Նշենք, որ հունիսի 22–ից Նիկոլ Փաշինյանն ընդունում է խորհրդարան չանացած կուսակցությունների ղեկավարներին։

Նա արդեն ընդունել է «Հանրապետություն» կուսակցության նախագահ Արամ Սարգսյանին, նորաստեղծ «Արդար Հայաստան» կուսակցության նախագահ Նորայր Նորիկյանին, Շիրինյան-Բաբաջանյան դաշինքից՝ Լևոն Շիրինյանին և Արման Բաբաջանյանին, Սամվել Բաբայանին, ՔՈ վարչության անդամ Սուրեն Սահակյանին, նաև Տիգրան Ուրիխանյանին՝ «Մեր տունը Հայաստանն է» քաղաքական ուժի ղեկավար, Պահպանողական կուսակցության նախագահ Միքայել Հայրապետյանին, Տիգրան Արզաքանցյանին, Դավիթ Սանասարյանին։

Հիշեցնենք, որ հունիսի 21-ի հանրահավաքի ժամանակ Նիկոլ Փաշինյանը երկխոսության կոչ էր արել բոլոր «սեգմենտներին», որոնց հետ մինչ այդ բանավեճ է ունեցել։ Այս հրավերը որոշ ուժեր, օրինակ, «Ազգային ժողովրդական բևեռը» և Կարին Տոնոյանի «5165» շարժումը, մերժել են:

Կադրային ջարդեր լինելու են, մեզ տվեք կադրային ջարդն անելու մանդատը. Փաշինյան

49
թեգերը:
Ռոբերտ Քոչարյան, Ընտրություններ, ընդդիմություն, Իշխանություն, Նիկոլ Փաշինյան