Իրակլի Ղարիբաշվիլի, փաշինյան, հայաստան, վրաստան, novosti armenii, taracashrjan, hayastan, vrastan, xaribashvili, pashinyan
Իրակլի Ղարիբաշվիլի

Հայաստանի կայունությունը և զարգացումը մեծ նշանակություն ունի Վրաստանի համար. Ղարիբաշվիլի

38
(Թարմացված է 17:29 12.05.2021)
Պաշտոնական Թբիլիսին կարծում է, որ խաղաղությունը, բանակցություններն ու տարածաշրջանային երկխոսությանը այլընտրանք չունեն։

ԵՐԵՎԱՆ, 12 մայիսի – Sputnik. Հայաստանի կայունությունն ու ժողովրդավարական զարգացումը մեծ նշանակություն ունեն Վրաստանի և ողջ տարածաշրջանի համար։ Այս մասին Երևանում համատեղ ճեպազրույցի ժամանակ հայտարարել է Վրաստանի վարչապետ Իրակլի Ղարիբաշվիլին։

«Մենք վստահ ենք, որ արտահերթ խորհրդարանական ընտրությունները կլինեն թափանցիկ, և որ հայ ժողովուրդը ևս մեկ անգամ աշխարհին ցույց կտա իր հավատարմությունը ժողովրդավարական սկզբունքներին»,-ասել է Ղարիբաշվիլին։

Նա նշել է, որ Վրաստանը պատրաստ է աջակցել տարածաշրջանային երկխոսությանը տնտեսության, առևտրի, մշակույթի և այլ հարցերում:

Ղարիբաշվիլիի խոսքով՝ Վրաստանը միշտ էլ Հարավային Կովկասում խաղաղ համագործակցության կողմնակիցն է եղել, և այդ ուղղությունը կշարունակվի նաև ապագայում:

Նա ընդգծել է, որ մեր երակները կապված են բազմադարյա պատմությամբ, մշակույթների և ավանդույթների նմանությամբ։ Վրաստանի վարչապետը համոզված է` ապագան պետք է կառուցվի այդ արժեքների վրա՝ միաժամանակ չմոռանալով առաջընթացի, նորարարությունների, ժողովրդավարության մասին։  

Ղարիբաշվիլին ընդգծել է, որ այդ ամենը հնարավոր է միայն տարածաշրջանային կայունության պայմաններում: Կորոնավիրուսի համավարակը մի կողմից, Արցախյան պատերազմը մյուս կողմից մի շարք սպառնալիքներ ու մարտահրավերներ են ստեղծել տարածաշրջանում, սակայն Վրաստանում վստահ են, որ խաղաղությունը, բանակցություններն ու տարածաշրջանային երկխոսությանը այլընտրանք չունեն։

Հիշեցնենք` Ղարիբաշվիլին պաշտոնական այցով Հայաստան է ժամանել այսօր։

Հայաստանյան այցի շրջանակում հանդիպումներ են նախատեսված ոչ միայն ՀՀ վարչապետի պաշտոնակատար Նիկոլ Փաշինյանի, այլև ՀՀ արտաքին գործերի նախարարի պաշտոնակատար Արա Այվազյանի հետ:

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Ինչպես Բաղրամյան 26-ում դիմավորեցին Վրաստանի վարչապետին. լուսանկարներ

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

38
թեգերը:
տարածաշրջան, Իրակլի Ղարիբաշվիլի, Նիկոլ Փաշինյան, Վրաստանի Հանրապետություն, Հայաստան
Ըստ թեմայի
Արմեն Սարգսյանը շնորհակալական նամակ է հղել Վրաստանի նախագահ Սալոմե Զուրաբիշվիլիին
Հայաստանն ու Վրաստանը մայիսին կլուծեն «Կախեթի» հարցը. էկոնոմիկայի փոխնախարար
Վրաստանը չի թողնում զրահաբաճկոններով բեռնատարները Ռուսաստանից Հայաստան հասնեն
Արմեն Սարգսյանն Արցախում, արխիվային լուսանկար

Սա խաղաղության համաձայնագիր չէ, հրադադարի մասին հայտարարություն է. Սարգսյանը` Արցախի մասին

146
(Թարմացված է 17:18 23.06.2021)
El Pais–ին տված հարցազրույցում ՀՀ նախագահը խոսել է նաև Ռուսաստանի և ԵՄ–ի հետ հարաբերությունների ու աշխարհում Հայաստանի դերի մասին։

ԵՐԵՎԱՆ, 23 հունիսի – Sputnik. Սա խաղաղության համաձայնագիր չէ, հրադադարի մասին հայտարարություն է, որում կա երրորդ կողմ ՝ Ռուսաստանը, որն այդ հրադադարի երաշխավորն է: El Pais իսպանական պարբերականին տված հարցազրույցում ՀՀ նախագահ Արմեն Սարգսյանն այսպես է պատասխանել Լեռնային Ղարաբաղի հակամարտությունը կարո՞ղ է վերսկսվել հարցին։

«Ռուսաստանի դերն այստեղ շատ կարևոր է: Ռուս խաղաղապահներն այնտեղ (Լեռնային Ղարաբաղում) կլինեն առնվազն հինգ տարի։ Եթե Ռուսաստանն այնտեղ չլինի, ապա իրավիճակը բոլորովին այլ կլինի: Կա՞ մեկը, ով կարող է ինձ երաշխիք տալ, որ Ադրբեջանը` Թուրքիայի հետ միասին, չի համարձակվի մուտք գործել այդ տարած:»,–հավելել է նա:

ՀՀ նախագահը չի բացառել, որ միգուցե ետնաբեմում ներգրավված է Թուրքիան, որը ՆԱՏՕ-ի անդամ է, և որը Հայաստանի դեմ օգտագործում էր ՆԱՏՕ-ի զենքերը:

Անդրադառնալով ԵՄ-ի հետ հարաբերությունների մասին հարցին` Արմեն Սարգսյանը հիշեցրել է, որ Լեռնային Ղարաբաղի այս երկրորդ պատերազմի ընթացքում Եվրոպական միության ձայնը լսելի չհնչեց:

«Սակայն այստեղ խոսքը ավելի շատ մեր մասին է. մենք պետք է սովորենք ավելի ակտիվ լինել այն միության շրջանակում, որտեղ արդեն իսկ գտնվում ենք: Դա Եվրասիական տնտեսական միությունն է: Ապա պետք է կառուցենք մեր հարաբերությունները ԵՄ-ի հետ, քանի որ մենք հատուկ հարաբերությունների և հատուկ համաձայնագրերի մաս ենք կազմում, և դա բավականին խոր կապ է: Բայց համաձայնագրերը համաձայնագրեր են: Եթե դրանք կյանքի չեն կոչվում, ապա ոչ մի արժեք չունեն»,–ասել է նախագահը:

Նա նշել է, որ առաջնահերթ մենք պետք է կայունացնենք իրավիճակը Հայաստանում և կենտրոնանանք բազմաթիվ ներքին խնդիրների լուծման վրա:

Ռուսաստանի հետ հարաբերությունների մասին խոսելիս` ՀՀ նախագահը հիշեցրել է, որ Ռուսաստանի հետ ունենք երկար, շատ սերտ, պատմական հարաբերություններ:

Ռուսաստանը վճռորոշ դեր է ունեցել Ղարաբաղյան հակամարտությունը կանգնեցնելու գործում. Պուտին

«Երկար տարիներ Ռուսաստանը մեր բարեկամն է, և մյուսները դա հասկանում են: Մենք Ռուսաստանի հետ ունեցել ենք խոր ու ամուր հարաբերություններ և կշարունակենք ունենալ, բայց դրանում ոչ մի հակասություն չկա, քանի որ Հայաստանը լավ և խոր հարաբերություններ ունի նաև ԵՄ-ի հետ»,–ասել է նա:

Ալիևը հայտարարում է, որ հային պետք է սպանել Ղարաբաղում. Զոհրաբյանի ելույթը ԵԽԽՎ–ում

Արմեն Սարգսյանը նշել է, որ մենք կարող ենք անել ավելին մեր հարաբերություններում՝ ոչ միայն Ռուսաստանի հետ: Մենք կարող ենք և պետք է անենք ավելին նաև Եվրոպայի հետ: Հատկապես Հայաստանի պարագայում, որը փոքր երկիր է, բայց համաշխարհային ազգ, միլիոնավոր հայրենակիցներ ունի Սփյուռքում, պետք է ավելի ակտիվ աշխատի:

Հենց այս խորհուրդն է ՀՀ նախագահը տվել հաջորդ կառավարությանը՝ լինել ավելի ակտիվ և լսել բարեկամներին՝ նրանց հետ ավելի արդյունավետ աշխատելու նպատակով: Նա նշել է, որ  Լեռնային Ղարաբաղի այս պատերազմի ժամանակ Հայաստանին ուղղված միջազգային աջակցությունը նվազել էր՝ համեմատած 1990-ականների սկզբին տեղի ունեցած ղարաբաղյան առաջին պատերազմի հետ, որտեղ հայկական բանակը հաղթանակ տարավ:

146
թեգերը:
Արմեն Սարգսյան, Եվրամիություն, Թուրքիա, Արցախյան պատերազմ, Արցախ, Ռուսաստան, Հայաստան
թեմա:
Հայաստանի Հանրապետության 4-րդ նախագահը
Ըստ թեմայի
Ալիևը հայտարարում է, որ հային պետք է սպանել Ղարաբաղում. Զոհրաբյանի ելույթը ԵԽԽՎ–ում
Լավրովն ու Բայրամովը քննարկել են Ղարաբաղի հարցով եռակողմ հայտարարությունների իրականացումը
Կարմիր խաչի գլխավոր տնօրենը Սերգեյ Լավրովի հետ կքննարկի Ղարաբաղի հարցը
Դատարան

Կռվել է Արցախում. Բաքվում դատավարություն է սկսվել Ռուսաստանի քաղաքացու նկատմամբ

231
(Թարմացված է 11:57 23.06.2021)
Ռուսաստանի քաղաքացուն «ահաբեկչություն», «հանցավոր խմբում մասնակցություն», «Ադրբեջանի պետական սահմանի ապօրինի հատում» հոդվածներով մեղադրանք է առաջադրվել։

ԵՐԵՎԱՆ, 23 հունիսի – Sputnik. Բաքվի դատարանը Ռուսաստանի քաղաքացի Էդուարդ Դուբակովի նկատմամբ դատավարություն է սկսել։ Տեղեկությունը հայտնում Sputnik Ադրբեջանը։

Ադրբեջանական ԶԼՄ–ների պնդմամբ` Դուբակովն Արցախում կռվել է հայկական կողմից։

Նրան մեղադրանք է առաջադրվել «ահաբեկչություն», «հանցավոր խմբում մասնակցություն», «Ադրբեջանի պետական սահմանի ապօրինի հատում» հոդվածներով։

Նշենք, որ ավելի վաղ Բաքվի դատարանը դատապարտել է ԼՂ–ում գերեվարված լիբանանահայ Վիգեն Էուլջեքչյանին։

Նրան նույնանման մեղադրանք էր առաջադրվել «վարձկանություն», «ահաբեկչություն», «Ադրբեջանի պետական սահմանի ապօրինի հատում» հոդվածներով: Դատարանը հայ գերուն 20 տարվա ազատազրկման էր դատապարտել։

Էուլջեքչյանից բացի Բաքվում այլ կեղծ գործերով դատավարություն է ընթանում գերեվարված մոտ 20 հայի նկատմամբ։

ՀՀ ԱԳՆ–ն հանդես է եկել հայտարարությամբ` դատապարտելով Ադրբեջանում ապօրինի պահվող գերիների և պատանդների քրեական հետապնդման փաստը։

ԱԳՆ–ն ընդգծել է, որ Ադրբեջանի իշխանությունները կոպտորեն խախտում են միջազգային իրավունքի նորմերը։  Գերատեսչությունը պահանջել էր Բաքվից անհապաղ ազատել բոլոր հայ գերիներին։

Գերի ընկած կանայք տանջամահ են արվել ադրբեջանական բանտերում. Մարուքյանի ելույթը ԵԽԽՎ-ում

231
թեգերը:
Արցախյան պատերազմ, Արցախ, դատ, գերի, ռուս, հայ, Բաքու, Ադրբեջան
թեմա:
Հայ գերիներ, անհետ կորածներ
Ըստ թեմայի
Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին
Ռուսաստանն արել և անում է անհնարինը, որ գերիները վերադարձվեն. Կոպիրկին
Երբ Այվազյանը հրաժարական տվեց, գերիների հարցը շատ արագ լուծվեց. ԱԽՔ
Շուշիի Ղազանչեցոց եկեղեցին ադրբեջանական հրթիռակոծությունից հետո

Ադրբեջանը թույլատրում է ու նույնիսկ շտապեցնում ՅՈՒՆԵՍԿՕ-ին՝ այցելել իր վերահսկած տարածքներ

9

Բաքուն համաձայնել է թույլատրել ՅՈՒՆԵՍԿՕ-ի առաքելության մուտքն Արցախ՝ Ադրբեջանի վերահսկողության տակ անցած տարածքներ․ առաքելությունը կգնահատի պատմական և մշակութային հուշարձանների վիճակը: Եթե Ադրբեջանի կողմից հայկական հուշարձանների նպատակային ոչնչացման փաստերը հաստատվեն, ապա այդ երկրի նկատմամբ կարող են պատժամիջոցներ կիրառվել։

Պատերազմից յոթ ամիս անց Բաքուն, վերջապես, համաձայնել է արտոնել ՅՈՒՆԵՍԿՕ-ի առաքելության դիտորդների այցը Ղարաբաղ։ Առաքելությունը կոչված է վերահսկել պատմական և մշակութային ժառանգության հուշարձանների վիճակը։

Ադրբեջանի ԱԳՆ պաշտոնական ներկայացուցիչ Լեյլա Աբդուլաևան երեկ հայտարարեց, որ հունիսի 21-ին ՅՈՒՆԵՍԿՕ-ի ներկայացուցիչների և արտաքին քաղաքական գերատեսչության ղեկավարության միջև կայացած տեսակոնֆերանսի ընթացքում պաշտոնական Բաքուն «պատրաստակամություն է հայտնել ընդունել առաքելությունը և կազմակերպությանը կոչ է արել արագացնել այդ գործընթացը»:

«Մենք առաջարկն արել ենք, պատասխանի ենք սպասում»,-եզրափակել է Աբդուլաևան։

Մինչդեռ իրականում պատասխանի սպասում էր ՅՈՒՆԵՍԿՕ-ի ղեկավարությունը, ընդ որում՝ սպասում էր արդեն կես տարի։ Դեռևս նոյեմբերի վերջերին կազմակերպության գլխավոր տնօրեն Օդրի Ազուլեն Իլհամ Ալիևին կոչ էր արել միջազգային դիտորդական առաքելության անդամներին թույլ տալ մուտք գործել Լեռնային Ղարաբաղի՝ Ադրբեջանի կողմից գրավված շրջաններ, վերահսկելու պատմական հուշարձանների պահպանման պարտավորությունների կատարումը: Անկախ փորձագետները պետք է հնարավորություն ունենային ադրբեջանական վերահսկողության տակ հայտնված ամենանշանակալի մշակութային արժեքների նախնական գույքագրում անցկացնել։

Մակրոնը Ալիևին խորհուրդ է տվել թույլ տալ, որ ՅՈւՆԵՍԿՕ-ի առաքելությունն այցելի Ղարաբաղ

Բաքվի ղեկավարությունը բանավոր ողջունում էր նախաձեռնությունը, սակայն գործնականում ամեն կերպ խոչընդոտում էր դրա իրականացմանը: Դեկտեմբերի 21-ին ՅՈՒՆԵՍԿՕ-ի քարտուղարությունը պաշտոնական հաղորդագրություն տարածեց այն մասին, որ դիտորդների այցին խանգարում է միայն Ադրբեջանի կառավարության թույլտվության բացակայությունը:

Այնուհետև ելույթ ունեցավ կազմակերպության մշակույթի հարցերով փոխտնօրեն Էռնեստո Օտտոնեն, որը Էրդողանի վարչակազմին գրեթե ուղիղ տեքստով մեղադրեց հարցի լուծմանն ապակառուցողական մոտեցում ցուցաբերելու համար։ Ի պատասխան Ադրբեջանի ԱԳՆ-ն հանդես եկավ հայտարարությամբ, որում ասվում էր, թե հնչած գնահատականները «չեն համապատասխանում Ադրբեջանի և ՅՈՒՆԵՍԿՕ-ի միջև համագործակցության ոգուն»: Մշակույթի նախարար Անար Քերիմովը միջազգային կազմակերպության բարձրաստիճան ներկայացուցչին կողմնակալության մեջ մեղադրեց։

Իսկ հունվարի 5-ին ՅՈՒՆԵՍԿՕ-ի վրա հարձակումներով հանդես եկավ անձամբ նախագահ Ալիևը։ Նա հայտարարեց, որ «Ադրբեջանը կարող է վերանայել ՅՈՒՆԵՍԿՕ-ի հետ համագործակցությունը, եթե կազմակերպությունը հանդես գա իր միջազգային կարգավիճակին հակասող հայտարարություններով»։ Բաքվի իշխանամետ մամուլը բացեիբաց «հարձակումներ» սկսեց Ազուլեի և Օտտոնեի վրա։ «Ազուլեն, պահանջելով հատուկ առաքելության մանդատ տրամադրել հայկական հուշարձանների պահպանության ստուգման համար, սկսել է Ադրբեջանի կառավարության հետ շանտաժի և վերջնագրերի լեզվով խոսել»,-գրում էր պարբերականներից մեկը։ Բաքվում «բացահայտեցին» ՅՈՒՆԵՍԿՕ-ի գլխավոր տնօրենի կողմնակալ վերաբերմունքը հայերի հանդեպ, որոնք, իբր, կարողացել են «հավաքագրել» նրան։

Այս կապակցությամբ ակամա հիշում ես, թե ինչ հսկայական ջանքեր էր գործադրում պաշտոնական Բաքուն 2017թ․-ին, որպեսզի Ադրբեջանի նախկին մշակույթի նախարար Փոլադ Բյուլբյուլօղլին ընտրվի ՅՈՒՆԵՍԿՕ-ի գլխավոր տնօրեն։ Հիմա արդեն պարզ է, թե ինչի համար էր Բաքվի իշխանավորներին հարկավոր ամեն գնով վերահսկել ՄԱԿ-ի կառուցվածքը, որը պատասխանատու է մշակույթի և պատմական ժառանգության պահպանման համար։

ՅՈՒՆԵՍԿՕ-ի քարտուղարությունը դեռևս պաշտոնապես չի մեկնաբանում դիտորդական առաքելության անդամներին ընդունելու պատրաստակամության մասին ադրբեջանական կողմի հայտարարությունը: Բայց առաջիկա ուղևորության վերաբերյալ որոշակի հստակություն արդեն կա։ ՅՈՒՆԵՍԿՕ-ում Ռուսաստանի մշտական ներկայացուցիչ Ալեքսանդր Կուզնեցովը հայտնել է, որ այցը Ղարաբաղ նախատեսված է ամռան վերջին: Նրա տվյալներով առաքելության անդամները կայցելեն Շուշի, Ակնա (Աղդամ) և Վարանդա (Ֆիզուլի): Ծրագրում, չգիտես ինչու, բացակայում է Հադրութը, ինչը չի կարող զարմանք չառաջացնել։

Ըստ երեւույթին, ՅՈՒՆԵՍԿՕ-ի դիտորդական առաքելությունը չի սահմանափակվի միայն մեկ տեսչական այցով: Չի բացառվում, որ մի քանի շաբաթ անց միջազգային փորձագետները կծանոթանան Արցախի՝ հայկական կողմի վերահսկողության տակ գտնվող տարածքներում հուշարձանների վիճակին։ Ստեփանակերտի իշխանություններն ամենևին դեմ չեն և հավաստիացնում են, որ պատրաստ են ապահովել դրա համար անհրաժեշտ բոլոր պայմանները:

Ուրեմն ինչո՞ւ ծանր բանակցությունների սկզբից կես տարի անց Ալիևի վարչակազմն այնուամենայնիվ համաձայնեց թույլատրել դիտորդների մուտքը իր կողմից վերահսկվող տարածքներ։ Առաջին պատճառն, անկասկած, կապված է Բաքվի վրա հզորագույն միջազգային ճնշման հետ։ Վերջերս անգամ Ֆրանսիայի նախագահն էր ՅՈՒՆԵՍԿՕ-ի առաքելությունը Ղարաբաղ թողնելու համոզիչ կոչ արել․ այդ մասին Էմանուել Մակրոնը գրել էր Ալիևին ուղղված նամակում։

ՅՈՒՆԵՍԿՕ-ն երկակի ստանդարտներով է առաջնորդվում. արվեստաբանը`հայկական հետքի ոչնչացման մասին

Միջազգային փորձագետների այցի կազմակերպումն արագացնելու անհրաժեշտության մասին հայտարարել էր նաև Ռուսաստանի արտգործնախարար Սերգեյ Լավրովը, որը խոստացել էր իր կողմից աջակցել առաքելության հաջող աշխատանքի համար պայմանների ստեղծմանը (նկատի ունենալով, հավանաբար,  առաքելության անդամների անվտանգության ապահովման միջոցները):

Մոտ երկու տասնյակ նշանավոր մշակութային գործիչներ վերջերս բաց նամակով դիմեցին ՅՈՒՆԵՍԿՕ-ի ղեկավարությանը՝ կոչ անելով նպաստել Ղարաբաղում քրիստոնեական ժառանգության հուշարձանների փրկմանը: Ստորագրողների թվում են դիրիժոր Վլադիմիր Սպիվակովը, երաժիշտ Բորիս Գրեբենշչիկովը, ռեժիսոր Ալեքսանդր Սոկուրովը, դերասանուհի Սվետլանա Նեմոլյաևան, գրող Զախար Պրիլեպինը․..

Երկրորդ պատճառը, որն Ալիևի վարչակազմին ստիպեց զիջել, այն է, որ ադրբեջանցի դիվանագետների համար ավելի ու ավելի դժվար էր դառնում պատճառաբանություններ հորինել, որոնք թույլ կտային հետաձգել այցի կազմակերպումը։ Մինչև վերջերս Բաքվի գլխավոր փաստարկը «անբարենպաստ եղանակային պայմաններն» էին։ Մինչև գարնան վերջ ՅՈՒՆԵՍԿՕ-ի ներկայացուցիչներին հավատացնում էին, որ Ղարաբաղի լեռներում դեռ ձյուն է նստած։ Իսկ հիմա Արցախի լեռներում արդեն +35 աստիճան է։

Եվ վերջապես, ըստ ամենայնի, երրորդ պատճառը․ Բաքվում արդեն հասցրել են ավարտել այն բոլոր միջոցառումները, որոնց ոչ մի դեպքում չպետք է ականատես դառնային միջազգային դիտորդները։ Պատմական ամենանշանակալի հուշարձանների մի ամբողջ շարք արդեն ձևափոխվել է այնպես, որպեսզի նկատելի չլինեն հայկական ժառանգությանը դրանց պատկանելիության հետքերը։ Մասնակիորեն քանդվել է Սուրբ Հովհաննես Մկրտչի վանքը, ապամոնտաժվել և բոլորովին այլ ճարտարապետական ոճով վերակառուցվել է Ղազանչեցոց վանքի գմբեթը։

Ջնջվել են 19-րդ դարում բարերար Թադևոս Թամիրյանցի պատվին կառուցված պատմական աղբյուր-հուշահամալիրի հայերեն գրությունները։ Իլհամ Ալիևն անձամբ է խոստացել «վերականգնել» Հադրութի Ծակուռի գյուղի իբրև թե «հայկականացված» Սուրբ Աստվածածին եկեղեցու «նախնական տեսքը»:

Դադիվանքը Ադրբեջանի իշխանություններն արդեն հայտարարել են ուդիական, Գանձասարը՝ ալբանական, Կանաչ ժամը՝ ռուսական։ Ակնհայտ է, որ Ադրբեջանի իշխանությունները հող են նախապատրաստում հայկական հուշարձանների ոչնչացման կամ յուրացման հետագա ծրագրերի համար։ Պատահական չէ, որ Ադրբեջանի Ճարտարապետների միության վարչության նախագահ Էլբայ Գասիմզադեն հայտարարել է. «Հայերը մոլորության մեջ են, երբ ասում են, թե վախենում են իրենց հուշարձանների համար։ Ադրբեջանում հայկական հուշարձաններ չկան։ Դրանք կովկասյան Ալբանիայի հուշարձաններն են։ Դրանք մերն են, և մենք մեր հուշարձանները կպահպանենք»։

Էջմիածինը դատապարտում է Ադրբեջանի կողմից իրականացվող մշակութային եղեռնագործությունը

Հայաստանի և Լեռնային Ղարաբաղի իշխանություններն իրենց կողմից պատրաստ են անել հնարավոր ամեն ինչ՝ դիտորդական առաքելության հաջողության համար: ՅՈՒՆԵՍԿՕ-ի ազգային հանձնաժողովը փորձագետներին կտրամադրի բոլոր անհրաժեշտ փաստաթղթերը: Կազմակերպության քարտուղարությունն արդեն տիրապետում է պատերազմի արդյունքում Ադրբեջանի վերահսկողության տակ հայտնված հայկական հուշարձաններին վերաբերող նյութերին։

Ընդհանուր առմամբ այդպիսի գրեթե 2000 հուշարձան կա։ Դրանց թվում՝ 13 վանական համալիր, 122 եկեղեցի, 4 մատուռ, 52 ամրոց, 523 խաչքար, 10 թանգարան։

Դրանցից մի քանիսն արդեն փաստացի ոչնչացված են։ ՅՈՒՆԵՍԿՕ-ն հնարավորություն ունի փրկել մնացածը։ Եթե կարողանա։

9
թեգերը:
Հուշարձան, ՅՈՒՆԵՍԿՕ, Ադրբեջան, Արցախ
Ըստ թեմայի
4000 հայկական վանքեր և մշակութային հուշարձաններ գտնվում են ոչնչացման վտանգի տակ. Դումանյան
Զախարովան մեկնաբանել է Բաքվի կողմից հայկական մշակութային ժառանգության ոչնչացման դեպքերը
Եղեռն եղեռնից հետո. մշակութային ի՞նչ արժեքներ են մնացել Ադրբեջանի վերահսկողության տակ