Թուրքիայի ոստիկանություն

Թուրքիայում ձերբակալել են ԻՊ-ի առաջնորդ Աբու Բաքր ալ-Բաղդադիի հիմնական աջակիցներից մեկին

85
(Թարմացված է 18:56 02.05.2021)
Գրոհայինը, որին երկար ժամանակ հետևում էին, ձերբակալվել է տնից դուրս գալուց անմիջապես հետո։ Ոստիկանությունը խուզարկություն է իրականացրել այն բնակարանում, որտեղ բնակվում էր նա։

ԵՐԵՎԱՆ, 2 մայիսի - Sputnik. Թուրքիայի ոստիկանությունը ձերբակալել է «Իսլամական պետություն» ահաբեկչական խմբավորման գրոհայիններից մեկին, որն Աբու Բաքր ալ Բաղդադիի առանցքային դեմքերից էր։ Տեղեկությունը հայտնում է ՌԻԱ Նովոստին` հղում անելով Yeni Safak թերթին։ Նշենք, որ Աբու Բաքր ալ Բաղդադիին ոչնչացվել է երկու տարի առաջ:

Ավելի վաղ Թուրքիայի Գլխավոր դատախազությունը հայտնել էր, որ ձերբակալվել են  Ալ Բաղդադիի 25 հարազատները։

Գործողությունը իրականացվել է թուրքական ոստիկանության և Թուրքիայի Ազգային հետախուզական կազմակերպության աշխատակիցների համատեղ ջանքերով Ստամբուլի Աթաշեհիր շրջանում։ Գրոհայինը, որին երկար ժամանակ հետևում էին, ձերբակալվել է տնից դուրս գալուց անմիջապես հետո։ Ոստիկանությունը խուզարկություն է կատարել այն բնակարանում, որտեղ բնակվում էր նա։ Առգրավել է բջջային հեռախոսներ, լուսանկարներ, որոնց վրա գրոհայինը պատկերված է սուրը ձեռքին:

Ահաբեկիչը, որը երեք տարի առաջ կեղծ փաստաթղթերով մուտք է գործել Թուրքիա և այդ ամբողջ ընթացքում եղել է Ինտերպոլի կարմիր տեղեկագրում, խմբավորման ռազմական ենթակառուցվածքի պատասխանատուն է և 2014 թվականից ներգրավված է եղել Սիրիայում տեղի ունեցած բազմաթիվ ահաբեկչություններում, ինչպես նաև զբաղվել է զինյալների ուսուցմամբ:

Սիրիայի Իդլիբ նահանգում ԱՄՆ հատուկ նշանակության ջոկատի հատուկ գործողության արդյունքում ԻՊ-ի նախկին ղեկավար Ալ Բաղդադիի ոչնչացման մասին 2019 թվականի հոկտեմբերին հայտարարել է ԱՄՆ նախագահ Դոնալդ Թրամփը: Նա շնորհակալություն է հայտնել Ռուսաստանին, Թուրքիային, Սիրիային և Իրաքին ալ Բաղդադիի ոչնչացմանն աջակցելու համար։

85
թեգերը:
Ձերբակալություն, Աբու Բաքր Ալ-Բաղդադի, ահաբեկիչ, «Իսլամական պետություն», Թուրքիա
Ըստ թեմայի
Հիմնավորվել է` Մուհամմադ ալ-Շխերը և Յուսեֆ Ալաբեթ ալ-Հաջին սիրիացի վարձկան-ահաբեկիչներ են
Հայաստանում ահաբեկչության ֆինանսավորման ռիսկը ցածր է, փողերի լվացման ռիսկը` միջինից ցածր
Կրակոցներով Ադրբեջանը նպատակ է հետապնդում ահաբեկելու խաղաղ բնակիչներին. Արցախի ՄԻՊ
Ռամին Մեհմանպարաստը

Թեհրանը քիչ է զբաղվել Արցախի խնդրով. Իրանի նախագահի թեկնածու

89
(Թարմացված է 00:48 13.05.2021)
Ռամին Մեհմանպարաստը կարծում է, որ տարածաշրջանի երկրների, այդ թվում Ադրբեջանի և Հայաստանի անվտանգությունն Իրանի համար ռազմավարական նշանակություն ունի։

ԵՐԵՎԱՆ, 12 մայիսի – Sputnik. Իրանի Իսլամական Հանրապետության նախագահի թեկնածու, Իրանի ԱԳՆ նախկին պաշտոնական ներկայացուցիչ, Լեհաստանում, Լիտվայում և Ղազախստանում Իրանի նախկին դեսպան Ռամին Մեհմանպարաստը Sputnik Իրանին տված հարցազրույցում խոսել է տարածաշրջանում Իրանի դերի և Արցախյան խնդրում Իրանի բռնած դիրքորոշման մասին։

Իրանը պետք է մտածեր Լեռնային Ղարաբաղի մասին

Իրանը սահմանակից է Ադրբեջանի և Հայաստանի հետ և կարող էր կարևոր դեր խաղալ ԼՂՀ հակամարտության կարգավորման հարցում, բայց դա չարեց, չմասնակցեց Արցախի վերաբերյալ վերջին բանակցություններին։ Ռամին Մեհմանպարաստը այս հարցում կառավարության արտաքին քաղաքականության հետ համաձայն չէ։

 «Իրանն ուժեղ տարածաշրջանային խաղացող է։ Անվտանգությունը հարևան բոլոր երկրներում, այդ թվում Ադրբեջանում և Հայաստանում, մեզ համար կարևոր է, և այդ հարցը ռազմավարական բնույթ է կրում։ Իրանն անպայման պետք է մասնակցի տարածաշրջանային վեճերի և հակամարտությունների կարգավորմանը, բայց, ցավոք, միջազգային քաղաքականության ռազմավարական այդ գիծը հաշվի չի առնվել Իրանի ԱԳՆ–ի կողմից։ Կարծում եմ, որ մենք երկկողմանի հարաբերությունների և տարածաշրջանային համագործակցության մի շարք հարցերում բավականաչափ ամուր և վճռական չենք գործել», – համոզված է Մեհմանպարաստը։

Նրա խոսքով`փոխարենը երկրի ղեկավարությունը դիվանագիտական ողջ ուժերը կենտրոնացրել է Իրանի միջուկային ծրագրի Գործողությունների համատեղ համապարփակ ծրագրի շուրջ ընթացող բանակցությունների վրա։

89
թեգերը:
Ադրբեջան, տարածաշրջան, Լեռնային Ղարաբաղ, Արցախ, Հայաստան, Իրանի Իսլամական Հանրապետություն
Ըստ թեմայի
Հայաստան-Իրան սահմանը մշտապես եղել է խաղաղության և համագործակցության «կամուրջ». դեսպան
Միջուկային գործարքի շուրջ բանակցություններում ԱՄՆ-ն ժամանակ է ձգում, իսկ Իրանը շտապում է
Մահմուդ Ահմադինեժադը կպայքարի Իրանի նախագահի պաշտոնի համար
Նիկոլ Փաշինյան, Իրակլի Ղարիբաշվիլի

Առևտրային և տնտեսական կապեր․ ի՞նչ են պայմանավորվել Հայաստանի և Վրաստանի վարչապետները

45
(Թարմացված է 17:46 12.05.2021)
Վրաստանի հետ բարիդրացիական հարաբերությունների զարգացումն առանձնահատուկ տեղ է զբաղեցնում Հայաստանի արտաքին քաղաքական օրակարգում։

ԵՐԵՎԱՆ, 12 մայիսի – Sputnik. Հայաստանն ու Վրաստանը պայմանավորվել են նոր լիցք հաղորդել առևտրային և տնտեսական կապերի զարգացմանը։ Այս մասին ասել է ՀՀ վարչապետի պաշտոնակատար Նիկոլ Փաշինյանը Վրաստանի վարչապետ Իրակլի Ղարիբաշվիլիի հետ համատեղ ճեպազրույցի ժամանակ։

Փաշինյանի խոսքով՝ վրացի գործընկերոջ հետ հանդիպման ժամանակ կարևորել է տարանցիկ ներուժի զարգացումը, ինչպես նաև տրանսպորտային հանգույցների առավել արդյունավետ օգտագործումը:

«Մենք համագործակցության լայն օրակարգ ունենք, որը բազմաթիվ ոլորտներ է ընդգրկում։ Այսօր հնարավորություն ունենք շարունակել Վրաստանի կառավարության հետ հաստատված երկխոսությունը»,-ասել է Փաշինյանը։

Վարչապետի պաշտոնակատարը նշել է, որ բանակցությունների ընթացքում կողմերը քննարկել են տրանսպորտային, էներգետիկ և այլ ոլորտներում փոխգործակցության ներկա վիճակն ու զարգացման հեռանկարները: Պայմանավորվել են ավելի շատ ուշադրություն դարձնել առևտրային և տնտեսական կապերի զարգացմանը։

Նշվել է նաև բարձր տեխնոլոգիաների ոլորտում երկու երկրների համագործակցության ներուժի օգտագործման անհրաժեշտությունը: Քննարկվել են կրթության, գիտության և մշակույթի ոլորտներում համագործակցությանը վերաբերող հարցեր, մտքեր են փոխանակվել կորոնավիրուսի տարածման դեմ պայքարին ուղղված քայլերի շուրջ։

Փաշինյանը նշել է նաև, որ Վրաստանի հետ բարիդրացիական հարաբերությունների զարգացումն ու խորացումը առանձնահատուկ տեղ են զբաղեցնում Երևանի արտաքին քաղաքական օրակարգում։

Իր հերթին Վրաստանի վարչապետը հայտարարել է, որ հայ գործընկերոջ հետ պայմանավորվածություն է ձեռք բերվել պահպանել բարձր մակարդակով այցերի դինամիկան, ինչպես նաև նպաստել միջգերատեսչական սերտ համագործակցությանը:

«Չնայած մեր երկրների միջև առկա ինտենսիվ հարաբերություններին, դրանց զարգացման մեծ ներուժ կա, ընդ որում՝ ոչ մեկ ուղղությամբ»,-ասել է Ղարիբաշվիլին։

Հիշեցնենք, որ 2018 թ․-ի սեպտեմբերին Երևան կատարած այցի ժամանակ Վրաստանի այն ժամանակվա վարչապետ Մամուկա Բախտաձեն Հայաստանին առաջարկել էր ապրանքաշրջանառությունը հասցնել 1 մլրդ դոլարի: Հայաստանի և Վրաստանի միջև ապրանքաշրջանառությունը 2020 թ․-ին կազմել է 129,7 մլն դոլար: Սա 12 տոկոսով պակաս է նախորդ տարվա ցուցանիշից՝ 150 մլն դոլար։

Հիշեցնենք` Ղարիբաշվիլին պաշտոնական այցով Հայաստան է ժամանել այսօր։

Հայաստանյան այցի շրջանակում հանդիպումներ են նախատեսված ոչ միայն ՀՀ վարչապետի պաշտոնակատար Նիկոլ Փաշինյանի, այլև ՀՀ արտաքին գործերի նախարարի պաշտոնակատար Արա Այվազյանի հետ:

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Ինչպես Բաղրամյան 26-ում դիմավորեցին Վրաստանի վարչապետին. լուսանկարներ

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

45
թեգերը:
առևտուր, Նիկոլ Փաշինյան, Իրակլի Ղարիբաշվիլի, Վրաստանի Հանրապետություն, Հայաստան
Ըստ թեմայի
Հայաստանն ու Վրաստանը մայիսին կլուծեն «Կախեթի» հարցը. էկոնոմիկայի փոխնախարար
Վրաստանը չի թողնում զրահաբաճկոններով բեռնատարները Ռուսաստանից Հայաստան հասնեն
Վրաստանի վարչապետը ժամանեց Հայաստան
Նիկոլ Փաշինյան. արխիվային լուսանկար

Սա դիվերսիոն անցում է. Փաշինյանը` Սյունիքի դեպքերի մասին

175
(Թարմացված է 00:35 13.05.2021)
ԱԽ նիստում Նիկոլ Փաշինյանն արձանագրել է, որ իրավիճակն առնվազն մերձճգնաժամային է, եթե չասենք ճգնաժամային, բայց կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ:

ԵՐԵՎԱՆ, 13 մայիսի – Sputnik. Սյունիքում կատարվածն իր բնույթով դիվերսիոն անցում է։ Այսպես է գնահատել ադրբեջանական ԶՈւ գործողությունները ՀՀ վարչապետի պաշտոնակատար Նիկոլ Փաշինյանը Սյունիքի մարզի Սև լիճ տեղանքում ստեղծված իրավիճակի և հետագա քայլերի մասին հրավիրված Անվտանգության խորհրդի արտահերթ նիստում: Տեղեկությունը հայտնում են կառավարության մամուլի ծառայությունից։

Նիկոլ Փաշինյանն իր խոսքում հիշեցրել է, որ այսօր առավոտյան Ադրբեջանի զինված ուժերը Սյունիքի Սև լիճ տեղանքում հատել են Հայաստանի Հանրապետության պետական սահմանը և խորացել մինչև 3,5 կիլոմետր` ըստ էության, փորձ անելով պարփակել Սև լիճը:

«Իհարկե այս գործողություններն անհանդուրժելի են Հայաստանի Հանրապետության համար, որովհետև դա ոտնձգություն է ՀՀ ինքնիշխան տարածքի նկատմամբ և իհարկե առանձին քննարկման առարկա է, թե ինչու և ինչպես է հնարավոր դարձել նման գործողությունը, բայց պետք է արձանագրել, որ սա իր բնույթով, ըստ էության, դիվերսիոն անցում է»,–ասել է վարչապետի պաշտոնակատարը:

Նա նշել է, որ ՀՀ զինված ուժերը վաղ առավոտից արձագանքել են տեղի ունեցող իրադարձություններին, իրականացվել են անհրաժեշտ մարտավարական տեղաշարժեր և այլ գործողություններ: Ադրբեջանական զինված ուժերի գործողությունները չեն զուգորդվել հրաձգային կամ որևէ այլ զենքի կիրառմամբ, և նրանք փորձում են հիմնավորել իրենց գործողություններն ինչ-որ քարտեզներով, որոնք մեր առաջին իսկ դիտարկմամբ մտացածին և կեղծ են, որովհետև մեր տրամադրության տակ է դեռևս Խորհրդային Միության ժամանակներում Սովետական Հայաստանի և Սովետական Ադրբեջանի միջև հաստատված, նաև Կենտրոնական իշխանության կողմից հաստատված քարտեզ, որտեղ հստակ երևում է, թե Հայաստանի և Ադրբեջանի միջև սահմանագիծն ինչպես է անցնում:

«Այնուամենայնիվ, ստեղծված իրավիճակն անընդունելի է, Հայաստանի Հանրապետությունը չի կարող ուղղակի համակերպվել ստեղծված իրավիճակի հետ, բայց նաև հաշվի առնելով իրադրությունը՝ մեր առաջնային ծրագիրը բանակցությունների միջոցով, նաև դիվանագիտական եղանակներով այս խնդիրը լուծելն է: Բայց սա տարբերակներից մեկն է»,–ասել է Փաշինյանը:

Նա նշել է, որ ՀՀ–ն որևէ կերպ չի կարող հանդուրժել ու համակերպվել ստեղծված իրավիճակի հետ, և Անվտանգության խորհրդի նիստում պետք է քննարկվի այս պահին առկա իրավիճակն ու հետագա անելիքները, հնարավոր սցենարները և այդ սցենարների միջև առկա ներքին փոխկապակցվածությունները:

Ադրբեջանը սադրիչ քայլերով փորձում է ճնշում գործադրել ՀՀ-ի վրա և պարտադրել իր պահանջները

«Հարկ եմ համարում ընդգծել, որ ինչպես և կարելի էր, ցավոք սպասել, իրավիճակը նաև ներքաղաքական շահարկումների առիթ է դառնում և դարձել: Ես ուզում եմ կրկին կոչ անել, որ արտաքին անվտանգության հետ կապված իրավիճակները փորձ չարվի օգտագործել ներքաղաքական նպատակների համար, որովհետև սա ազգային անվտանգության հարց է, և տվյալ իրավիճակում մեզ պետք է կենտրոնանալ խնդրի ու նրա լուծման վրա»,–ասել է Փաշինյանը:

Վարչապետի պաշտոնակատարն արձանագրել է, որ կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ, մյուս կողմից, սակայն, պետք է արձանագրել, որ իրավիճակն առնվազն մերձճգնաժամային է, եթե չասենք ճգնաժամային: «Ամեն դեպքում այս իրավիճակում մեզ անհրաժեշտ է պահպանել սառնասրտություն, մյուս կողմից անհրաժեշտ է լինել հետևողական մեր պետական և ազգային շահերի պաշտպանության տեսանկյունից, և մենք նաև այսօր պետք է որոշումներ կայացնենք անելիքների ու հետագա գործիքակազմի վերաբերյալ»,–ասել է Փաշինյանը:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

175
թեգերը:
Անվտանգության խորհուրդ, Իշխանասար, Սյունիք, Հայաստան, Նիկոլ Փաշինյան
Ըստ թեմայի
Ռուսաստանի ներկայացուցիչը Սյունիքում է, բանակցություններ են ընթանում. Անդրանիկ Քոչարյան
Դըմփ-դըմփ-հու, Շուռնուխի օրինակը պետք է դաս լինի. Արշակյանը` Սյունիքի դեպքերի մասին
Սև լիճն անցել են, մտել մեր գոտի. Առուշանյանը`Սյունիքում ադրբեջանցիների առաջխաղացման մասին