Ռեջեփ Թայիփ Էրդողանը

Էրդողանը խորապես վշտացած է Բայդենի կողմից Հայոց ցեղասպանության ճանաչման առնչությամբ

281
(Թարմացված է 21:11 26.04.2021)
ԱՄՆ նախագահի կողմից «ցեղասպանություն» բառն արտաբերելը Թուրքիայի նախագահի վրա շատ է ազդել` նա արդեն իսկ խոսում է երեսպաշտության մասին։

ԵՐԵՎԱՆ, 26 ապրիլի - Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ խորապես վշտացած է իր ամերիկացի գործընկեր Ջո Բայդենի կողմից Օսմանյան կայսրությունում Հայոց ցեղասպանության ճանաչման առնչությամբ:

Ապրիլի 24-ին ԱՄՆ նախագահ Ջո Բայդենը 20-րդ դարասկզբին Օսմանյան կայսրությունում հայերի զանգվածային սպանությունները որակեց որպես «ցեղասպանություն»։ Թուրքիայի արտգործնախարար Մևլութ Չավուշօղլուն ասել էր, որ Բայդենի հայտարարությունը հիմնված է պոպուլիզմի վրա, և Թուրքիան մերժում է այն։

«Բայդենը ավելի քան մեկ դար առաջ տեղի ունեցած իրադարձությունների առնչությամբ օգտագործել է ոչ ճիշտ արտահայտություն, որը պատմական հիմք չունի։ Դա մեզ խորապես վշտացրել է։ Նման հարցերի գնահատականը պետք է թողնել պատմաբաններին, այլ ոչ թե քաղաքական գործիչներին, սակայն հակառակ կողմից ոչ մի պատասխան չկա։ Արևմուտքը երեսպաշտություն է ցույց տալիս հայկական հարցի և ահաբեկչական կազմակերպությունների նկատմամբ»,–ասել է Էրդողանը կառավարության նիստի արդյունքներն ամփոփող իր հեռուստաուղերձում ՝ հավելելով, որ Առաջին համաշխարհային պատերազմի ժամանակ Օսմանյան կայսրությունում «հայկական ավազակախմբերը սպանում էին անմեղ մարդկանց»։

Թուրքիայի նախագահը հայտարարել է, որ նման հայտարարություն է անում`հենվելով այն փաստաթղթերի վրա, որոնք թուրքական արխիվներում մեկ միլիոնից ավելին են։

«Ինչի՞ վրա է հենվում Բայդենը` ես չգիտեմ։ Եթե ԱՄՆ-ում կամ Եվրոպայում նման արխիվներ կան, նրանք պատրա՞ստ են դրանք բացել։ Իսկ մենք պատրաստ ենք, եկե՛ք, ուսումնասիրե՛ք»,–ասել է Էրդողանը։

Արաբական երկրներն էլ կճանաչեն Ցեղասպանությունը. Եգիպտոսի կաթողիկե եկեղեցու արքեպիսկոպոս

Հայոց ցեղասպանությունը ճանաչել են, մոտ երեք տասնայկ պետություններ, այդ թվում նաև` Լիբանանն ու Լիբիան, 2020 թվականին նրանց օրինակին հետևել է Սիրիան`երկրի խորհրդարանն ընդունել է 1915-ին հայերի զանգվածային ոչնչացման և տեղահանության ճանաչման ու դատապարտման մասին օրինագիծը:

281
թեգերը:
Հայոց ցեղասպանություն, Ջո Բայդեն, ԱՄՆ, Թուրքիա, Ռեջեփ Թայիփ Էրդողան
Ըստ թեմայի
«Է՜յ, Էրդողան». թուրք բասկետբոլիստ Կանտերի և այլ հայտնիների արձագանքը Բայդենի ելույթին
Պատմական արդարության վերականգնում․ Արցախի ԱԺ-ն՝ Բայդենի ուղերձի մասին
«Լիովին համաձայն եմ». Այվազյանը՝ Բայդենի ուղերձի կարևոր շեշտադրման մասին
Աննա Նաղդալյան. արխիվային լուսանկար

Գերիների ազատման հարցում միջազգային ճնշման տակ Ադրբեջանը առաջ է քաշում կեղծ օրակարգեր

79
(Թարմացված է 18:25 07.05.2021)
Նաղդալյանը շեշտել է, որ Հայաստանը մշտապես պատրաստակամ է համագործակցել միջազգային գործընկերների հետ՝ մարդասիրական բնույթի խնդիրների լուծման ուղղությամբ:

ԵՐԵՎԱՆ, 7 մայիսի – Sputnik. Հայաստանը ամբողջությամբ կատարել է 2020թ. նոյեմբերի 9-ի եռակողմ հայտարարությամբ 8-րդ կետով ստանձնած իր պարտավորությունները և վերադարձրել ադրբեջանցի բոլոր ռազմագերիներին, այդ թվում՝ 2014թ. անչափահասի սպանության համար դատապարտված երկու անձանց: Տեղեկությունը հայտնել է  ՀՀ ԱԳՆ մամուլի խոսնակ Աննա Նաղդալյանը`  պատասխանելով տարբեր ԶԼՄ–ներին վերջին օրերին հուզող հարցերին, որոնք կապված են Ադրբեջանում պահվող հայ գերիների հետ։

«Ադրբեջանի վրա տարբեր երկրների և միջազգային կազմակերպությունների օրեցօր աճող ճնշումը ցույց է տալիս, որ ձևավորվում է միջազգային հանրության կոնսենսուս հայ ռազմագերիների և պատանդի կարգավիճակում գտնվող քաղաքացիական անձանց շուտափույթ հայրենադարձման վերաբերյալ՝ միջազգային հումանիտար իրավունքի պահանջներին համաձայն»,–ասել է Նաղդալյանը:

Անդրադառնալով Ադրբեջանի կողմից հնչեցվող մեղադրանքներին, թե Հայաստանն Արցախյան առաջին պատերազմի ժամանակ անհայտ կորած անձանց և ականապատման մասին տեղեկատվություն չի տրամադրել` ՀՀ ԱԳՆ մամուլի խոսնակը շեշտել է, որ դրանք Ադրբեջանի կողմից առաջ քաշվող կեղծ օրակարգեր են։

«Գերիների ազատ արձակման հարցում օրեցօր ուժեղացող միջազգային ճնշման լույսի ներքո Ադրբեջանը փորձում է առաջ քաշել կեղծ օրակարգեր՝ արդարացում փնտրելով իր իսկ կողմից ստանձնած մարդասիրական պարտավորությունների չկատարման համար»,– նշել է նա:

Նաղդալյանը շեշտել է, որ Հայաստանը մշտապես պատրաստակամ է համագործակցել միջազգային գործընկերների հետ՝ մարդասիրական բնույթի խնդիրների լուծման ուղղությամբ:

Հիշեցնենք՝ մայիսի 4–ին Ադրբեջանն ազատ արձակեց գերության մեջ գտնվող ևս երեք հայի` Ռոբերտ Վարդանյանին, Սամվել Շուխյանին և Սեյրան Թամրազյանին։ Երևան հասնելուն պես նրանք բուժկենտրոն տեղափոխվեցին բժշկական հետազոտություն անցնելու համար։

ՀՀ փոխվարչապետի պաշտոնակատար Տիգրան Ավինյանի գրասենյակից Sputnik Արմենիային հայտնել էին, որ գերիները վերադարձել են ԵԱՀԿ Մինսկի խմբի համանախագահ երկրների ջանքերի արդյունքում և միջազգային հանրության օրեցօր աճող ճնշման պայմաններում։

Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան

Նոյեմբերի 9–ի եռակողմ հայտարարության ընդունումից հետո Ադրբեջանից Հայաստան են վերադարձել 73 գերիներ։ Ոչ պաշտոնական տվյալներով` հարևան երկրում 200–ից ավելի հայ գերի կա։ Մայիսի 3–ին հայտնի դարձավ, որ 19 հայ գերիներ խոշտանգվել ու սպանվել են ադրբեջանցի զինծառայողների կողմից, նրանց մեջ նաև կանայք կան։

79
թեգերը:
միջազգային կառույցներ, Ադրբեջան, Հայաստան, ռազմագերի, գերի, Աննա Նաղդալյան
Ըստ թեմայի
Այվազյանը Լավրովի հետ հանդիպմանը խոսել է գերիների մասին
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
ԵԱՀԿ նախագահը ողջունել է հայ գերիներին ազատ արձակելու որոշումը
Արթուր Դավթյան

Ադրբեջանը ՀՀ քաղաքացիների նկատմամբ արդյունավետ հետախուզում չի կարող իրականացնել. Դավթյան

69
(Թարմացված է 12:58 07.05.2021)
ՀՀ գլխավոր դատախազ Արթուր Դավթյանը լրագրողների հետ զրույցում խոսել է Ադրբեջանի պաշտոնյաների նկատմամբ հետապնդումների ու ՀՀ քաղաքացիների նկատմամբ Ադրբեջանի հայտարարած հետախուզումների մասին։

ԵՐԵՎԱՆ, 7 մայիսի - Sputnik․ Արցախյան պատերազմին վերաբերող քրեական գործերով ադրբեջանցի պաշտոնյաների նկատմամբ հետապնդումների ու հետախուզման բազմաթիվ դեպքեր կան։ Տեղեկությունն այսօր ԱԺ–ում, լրագրողների հետ զրույցում հայտնեց ՀՀ գլխավոր դատախազ Արթուր Դավթյանը։

Նա չցանկացավ անուններ տալ` ասելով, որ դրանց մասին այս պահին հրապարակային խոսելն արդարացված չէ։

Լրագրողների դիտարկմանը, թե ադրբեջանական կողմը պարբերաբար հայ նախկին ու ներկա պաշտոնյաների նկատմամբ հետախուզման մասին հայտարարություններ է անում, Արթուր Դավթյանը պատասխանեց. «Եթե իրենք խոսում են, դա չի նշանակում, որ մենք էլ պիտի խոսենք։ Մենք խնդրին վերաբերվում ենք իրավական հարթության մեջ, և բնականաբար, մենք մեր աշխատանքի արդյունավետությունը գնահատելով, գալիս ենք այն հետևության, որ դրա մասին հրապարակային խոսելը չի օգնի, այլ հակառակը` կվնասի»։

Ինչ վերաբերում է ադրբեջանական կողմի հայտարարություններին, դատախազը նշեց, որ Հայաստանը դրանք անարձագանք չի թողնում և միշտ հակաքայլեր է ձեռնարկում։

«Եվ այդ հակաքայլերն արդյունք են տվել։ Եվ նրանք որևէ արդյունավետ հետախուզում մեր քաղաքացիների նկատմամբ չեն կարողանում իրականացնել», – ասաց Դավթյանը։

 Հիշեցնենք` 2020թ–ի նոյեմբերին Ադրբեջանը միջազգային հետախուզում էր հայտարարել Հայաստանի պաշտպանության նախկին նախարար Սեյրան Օհանյանի նկատմամբ։ Բաքվի ռազմական դատարանը Օհանյանին հեռակա կարգով կալանավորելու որոշում էր կայացրել։

69
թեգերը:
հետախուզում, Ադրբեջան, Հայաստան, դատախազ, Արթուր Դավթյան
Ըստ թեմայի
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով
ԵԱՀԿ նախագահը ողջունել է հայ գերիներին ազատ արձակելու որոշումը
Վարազդատ Հարոյան

Վարազդատ Հարոյանը «Աստանայից» կտեղափոխվի եվրոպական ակումբ

0
(Թարմացված է 10:15 11.05.2021)
Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։

ԵՐԵՎԱՆ, 11 մայիսի – Sputnik. Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։ Տեղեկությունն իր  Տելեգրամ-ալիքում հայտնել է լրագրող Արարատ Մամբրեյանը։

«Ըստ իմ աղբյուրների, Հայաստանի ազգային հավաքականի կենտրոնական պաշտպան Վարազդատ Հարոյանը շուտով կփոխի իր ակումբը:

«Աստանայի» և Հայաստանի ազգային հավաքականի պաշտպան Վարազդատ Հարոյանը շուտով կհայտնվի եվրոպական մեկ այլ ակումբում: Սպասեք հաճելի անակնկալի»,- գրել է Մամբրեյանը:

Մեր հավաքականում մի բան կա, որ չկա ոչ մի այլ տեղ. Բայրամյանը` ֆուտբոլի և ընտանիքի մասին

Նշենք, որ մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

0
թեգերը:
Եվրոպա, Ղազախստան, ֆուտբոլիստ, ֆուտբոլ, Վարազդատ Հարոյան
Ըստ թեմայի
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Ճակատագրի հեգնանք. Մխիթարյանը վերադարձավ «Օլդ Թրաֆֆորդ», իսկ Մոուրինյոն կգլխավորի «Ռոման»