ԱՄՆ–ի դեսպանատունը Թուրքիայում

Թուրք քաղաքական գործիչներն առաջարկում են ԱՄՆ-ին պատասխանել Ղրիմի ճանաչմամբ

118
(Թարմացված է 21:12 26.04.2021)
Թուրքական «Հայրենիք» կուսակցության ներկայացուցիչները հանրահավաք են արել Անկարայում ԱՄՆ դեսպանատան առջև։ Հանրահավաքի նպատակը անհամաձայնություն հայտնել ԱՄՆ նախագահի կողմից Հայոց ցեղասպանության ճանաչմանը։ Ցուցարարները պահանջել են փակել Թուրքիայում ամերիկյան ռազմակայանները։

ԵՐԵՎԱՆ, 26 ապրիլի – Sputnik. Թուրքիայում ԱՄՆ դեսպանատան առջև հանրահավաք է տեղի ունեցել, որի ընթացքում «Vatan» («Հայրենիք») կուսակցությունն առաջարկել է փակել Թուրքիայում ամերիկյան ռազմակայանները և Ղրիմը ռուսական ճանաչել՝ ի պատասխան ԱՄՆ նախագահ Ջո Բայդեն կողմից Օսմանյան կայսրությունում հայերի Ցեղասպանության ճանաչման, հայտնում է ՌԻԱ Նովոստին։

«Մենք դիմում ենք կառավարությանը։ Բայդենի արածին չի կարելի խոսքերով պատասխանել։ Միջոցներ ձեռնարկելը պարտադիր է։ «Ինջիրլիք» և «Քյուրեջիկ» ռազմակայանները պետք է անհապաղ թուրքական ԶՈւ-ի լիակատար վերահսկողության տակ անցնեն, իսկ ամերիկյան զորքերը պետք է իրենց երկիր ուղարկվեն 15 օրվա ընթացքում։

Ղրիմի և Աբխազիայի, ինչպես նաև Կիպրոսի Հյուսիսային Թուրքական Հանրապետության (ինքնահռչակ) ճանաչման համար պետք է անհապաղ դիվանագիտական շփումներ սկսվեն Ռուսաստանի, Իրանի և Ադրբեջանի հետ»,- նշվում է հայտարարության մեջ, որը ԱՄՆ-ի դիվանագիտական առաքելության առջև բողոքի ցույցի ժամանակ ընթերցել է կուսակցության գլխավոր քարտուղար Օզգյուր Բուրսալան։

 «Vatan» կուսակցությունը Բայդենի հայտարարության դեմ բողոքի ցույց է անցկացրել նաև Ստամբուլում ԱՄՆ գլխավոր հյուպատոսության առջև և մտադիր է շաբաթվա ընթացքում նմանատիպ ցույցեր անցկացնել Թուրքիայի տարբեր քաղաքներում։ Տեղեկությունը ՌԻԱ Նովոստիին հայտնել են կուսակցության մամուլի ծառայությունից։

Ցեղասպանության հերքումը կարող է քրեականացվել. Բայդենի ուղերձի բերած հնարավորությունները

Հիշեցնենք՝ ապրիլի 24-ին՝ Հայոց ցեղասպանության 106-րդ տարելիցին, ԱՄՆ 46-րդ նախագահ Ջո Բայդենը Օսմանյան Թուրքիայում իրագործված զանգվածային սպանությունները որակեց «ցեղասպանություն»: Դրան անմիջապես հաջորդեց Թուրքիայի արտգործնախարարության արձագանքը։ Արտգործնախարար Մևլութ Չավուշօղլուն Բայդենի հայտարարությունը պոպուլիստական անվանեց՝ ընդգծելով, որ Թուրքիան մերժում է այն։

118
թեգերը:
Ղրիմ, Հայոց ցեղասպանություն, Ջո Բայդեն, Բողոքի ակցիա, դեսպանատուն, ԱՄՆ, Ստամբուլ, Անկարա, Թուրքիա
Ըստ թեմայի
Մեր ընդհանուր Կարսը և Սղերդը. ինչպես կարող է թափ առնել Ցեղասպանության ճանաչման պայքարը
Կարո Փայլանը Թուրքիայի մեջլիսին առաջարկում է ճանաչել Հայոց ցեղասպանությունը
Արաբական երկրներն էլ կճանաչեն Ցեղասպանությունը. Եգիպտոսի կաթողիկե եկեղեցու արքեպիսկոպոս
Ռամին Մեհմանպարաստը

Թեհրանը քիչ է զբաղվել Արցախի խնդրով. Իրանի նախագահի թեկնածու

104
(Թարմացված է 00:48 13.05.2021)
Ռամին Մեհմանպարաստը կարծում է, որ տարածաշրջանի երկրների, այդ թվում Ադրբեջանի և Հայաստանի անվտանգությունն Իրանի համար ռազմավարական նշանակություն ունի։

ԵՐԵՎԱՆ, 12 մայիսի – Sputnik. Իրանի Իսլամական Հանրապետության նախագահի թեկնածու, Իրանի ԱԳՆ նախկին պաշտոնական ներկայացուցիչ, Լեհաստանում, Լիտվայում և Ղազախստանում Իրանի նախկին դեսպան Ռամին Մեհմանպարաստը Sputnik Իրանին տված հարցազրույցում խոսել է տարածաշրջանում Իրանի դերի և Արցախյան խնդրում Իրանի բռնած դիրքորոշման մասին։

Իրանը պետք է մտածեր Լեռնային Ղարաբաղի մասին

Իրանը սահմանակից է Ադրբեջանի և Հայաստանի հետ և կարող էր կարևոր դեր խաղալ ԼՂՀ հակամարտության կարգավորման հարցում, բայց դա չարեց, չմասնակցեց Արցախի վերաբերյալ վերջին բանակցություններին։ Ռամին Մեհմանպարաստը այս հարցում կառավարության արտաքին քաղաքականության հետ համաձայն չէ։

 «Իրանն ուժեղ տարածաշրջանային խաղացող է։ Անվտանգությունը հարևան բոլոր երկրներում, այդ թվում Ադրբեջանում և Հայաստանում, մեզ համար կարևոր է, և այդ հարցը ռազմավարական բնույթ է կրում։ Իրանն անպայման պետք է մասնակցի տարածաշրջանային վեճերի և հակամարտությունների կարգավորմանը, բայց, ցավոք, միջազգային քաղաքականության ռազմավարական այդ գիծը հաշվի չի առնվել Իրանի ԱԳՆ–ի կողմից։ Կարծում եմ, որ մենք երկկողմանի հարաբերությունների և տարածաշրջանային համագործակցության մի շարք հարցերում բավականաչափ ամուր և վճռական չենք գործել», – համոզված է Մեհմանպարաստը։

Նրա խոսքով`փոխարենը երկրի ղեկավարությունը դիվանագիտական ողջ ուժերը կենտրոնացրել է Իրանի միջուկային ծրագրի Գործողությունների համատեղ համապարփակ ծրագրի շուրջ ընթացող բանակցությունների վրա։

104
թեգերը:
Ադրբեջան, տարածաշրջան, Լեռնային Ղարաբաղ, Արցախ, Հայաստան, Իրանի Իսլամական Հանրապետություն
Ըստ թեմայի
Հայաստան-Իրան սահմանը մշտապես եղել է խաղաղության և համագործակցության «կամուրջ». դեսպան
Միջուկային գործարքի շուրջ բանակցություններում ԱՄՆ-ն ժամանակ է ձգում, իսկ Իրանը շտապում է
Մահմուդ Ահմադինեժադը կպայքարի Իրանի նախագահի պաշտոնի համար
Նիկոլ Փաշինյան, Իրակլի Ղարիբաշվիլի

Առևտրային և տնտեսական կապեր․ ի՞նչ են պայմանավորվել Հայաստանի և Վրաստանի վարչապետները

45
(Թարմացված է 17:46 12.05.2021)
Վրաստանի հետ բարիդրացիական հարաբերությունների զարգացումն առանձնահատուկ տեղ է զբաղեցնում Հայաստանի արտաքին քաղաքական օրակարգում։

ԵՐԵՎԱՆ, 12 մայիսի – Sputnik. Հայաստանն ու Վրաստանը պայմանավորվել են նոր լիցք հաղորդել առևտրային և տնտեսական կապերի զարգացմանը։ Այս մասին ասել է ՀՀ վարչապետի պաշտոնակատար Նիկոլ Փաշինյանը Վրաստանի վարչապետ Իրակլի Ղարիբաշվիլիի հետ համատեղ ճեպազրույցի ժամանակ։

Փաշինյանի խոսքով՝ վրացի գործընկերոջ հետ հանդիպման ժամանակ կարևորել է տարանցիկ ներուժի զարգացումը, ինչպես նաև տրանսպորտային հանգույցների առավել արդյունավետ օգտագործումը:

«Մենք համագործակցության լայն օրակարգ ունենք, որը բազմաթիվ ոլորտներ է ընդգրկում։ Այսօր հնարավորություն ունենք շարունակել Վրաստանի կառավարության հետ հաստատված երկխոսությունը»,-ասել է Փաշինյանը։

Վարչապետի պաշտոնակատարը նշել է, որ բանակցությունների ընթացքում կողմերը քննարկել են տրանսպորտային, էներգետիկ և այլ ոլորտներում փոխգործակցության ներկա վիճակն ու զարգացման հեռանկարները: Պայմանավորվել են ավելի շատ ուշադրություն դարձնել առևտրային և տնտեսական կապերի զարգացմանը։

Նշվել է նաև բարձր տեխնոլոգիաների ոլորտում երկու երկրների համագործակցության ներուժի օգտագործման անհրաժեշտությունը: Քննարկվել են կրթության, գիտության և մշակույթի ոլորտներում համագործակցությանը վերաբերող հարցեր, մտքեր են փոխանակվել կորոնավիրուսի տարածման դեմ պայքարին ուղղված քայլերի շուրջ։

Փաշինյանը նշել է նաև, որ Վրաստանի հետ բարիդրացիական հարաբերությունների զարգացումն ու խորացումը առանձնահատուկ տեղ են զբաղեցնում Երևանի արտաքին քաղաքական օրակարգում։

Իր հերթին Վրաստանի վարչապետը հայտարարել է, որ հայ գործընկերոջ հետ պայմանավորվածություն է ձեռք բերվել պահպանել բարձր մակարդակով այցերի դինամիկան, ինչպես նաև նպաստել միջգերատեսչական սերտ համագործակցությանը:

«Չնայած մեր երկրների միջև առկա ինտենսիվ հարաբերություններին, դրանց զարգացման մեծ ներուժ կա, ընդ որում՝ ոչ մեկ ուղղությամբ»,-ասել է Ղարիբաշվիլին։

Հիշեցնենք, որ 2018 թ․-ի սեպտեմբերին Երևան կատարած այցի ժամանակ Վրաստանի այն ժամանակվա վարչապետ Մամուկա Բախտաձեն Հայաստանին առաջարկել էր ապրանքաշրջանառությունը հասցնել 1 մլրդ դոլարի: Հայաստանի և Վրաստանի միջև ապրանքաշրջանառությունը 2020 թ․-ին կազմել է 129,7 մլն դոլար: Սա 12 տոկոսով պակաս է նախորդ տարվա ցուցանիշից՝ 150 մլն դոլար։

Հիշեցնենք` Ղարիբաշվիլին պաշտոնական այցով Հայաստան է ժամանել այսօր։

Հայաստանյան այցի շրջանակում հանդիպումներ են նախատեսված ոչ միայն ՀՀ վարչապետի պաշտոնակատար Նիկոլ Փաշինյանի, այլև ՀՀ արտաքին գործերի նախարարի պաշտոնակատար Արա Այվազյանի հետ:

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Ինչպես Բաղրամյան 26-ում դիմավորեցին Վրաստանի վարչապետին. լուսանկարներ

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

45
թեգերը:
առևտուր, Նիկոլ Փաշինյան, Իրակլի Ղարիբաշվիլի, Վրաստանի Հանրապետություն, Հայաստան
Ըստ թեմայի
Հայաստանն ու Վրաստանը մայիսին կլուծեն «Կախեթի» հարցը. էկոնոմիկայի փոխնախարար
Վրաստանը չի թողնում զրահաբաճկոններով բեռնատարները Ռուսաստանից Հայաստան հասնեն
Վրաստանի վարչապետը ժամանեց Հայաստան
Արխիվային լուսանկար

Շրթունքները հինգ րոպեում մեծացնելու հեշտ տարբերակը հաճելիորեն զարմացրել է օգտատերերին

0
(Թարմացված է 13:56 12.05.2021)
Պարզ հնարքն իսկապես կարող է անգնահատելի լինել շատ կանանց համար, որոնք այս կամ այն պատճառով գեղեցկության սրահներ այցելելու հնարավորություն չունեն։

ԵՐԵՎԱՆ, 13 մայիսի - Sputnik. Տան պայմաններում շրթունքները մեծացնելու հեշտ, արագ ու արդյունավետ միջոցը, որով ամերիկացի բլոգեր Բրիթանի Միլերը կիսվել է TikTok-ում, ուրախացրել է  հազարավոր օգտատերերի: Երիտասարդ գեղեցկուհին տեսանյութում ցավ չպատճառող այլընտրանք է առաջարկել բոլոր տեսակի ցավոտ ներարկումներին։ Հրապարակումն արժանացել է Mirror պարբերականի ուշադրությանը:

Գաղտնիքը շատ պարզ է ՝ բավական է շրթունքներին քսել դարչինի փոշուց ու դարչինի յուղից պատրաստված խառնուրդ։ Սկրաբի նման մի բան է ստացվում։

 

​Տեսանյութում աղջիկը մանրամասն պատմում ու ցույց է տալիս, թե ինչպես ու ինչ համամասնությամբ է պետք խառնել բաղադրիչները, ինչպես օգտագործել, որքան պահել ու ինչպես շրթունքների վրայից ճիշտ հանել խառնուրդը:

Արդյունքն ակնհայտ է։ Դարչինի սկրաբը մաքրելուց հետո շուրթերն իսկապես ավելի հաստ ու հրապուրիչ տեսք ունեն։

«Աստված իմ, դրանք իսկապես ահավոր մեծ են երևում։ Ահա, աղջիկներ, հիանալի միջոց», - ասել է Բրիթանին։ Տեսանյութն արդեն ավելի քան 350 հազար «հավանություն» է ստացել։

Աղջիկը վստահեցնում է, որ արդյունքը  մոտ վեց ժամ է պահպանվում, բայց պետք չէ միանգամից փորձել շրթունքների մեծացման այս տարբերակը: Ավելի լավ է թեստ անել ու համոզվել, որ ալերգիկ ռեակցիաներ չկան։

Ամերիկացի գիտնականները մեկ վայրկյանում կորոնավիրուսը ոչնչացնելու միջոց են գտել

Դարչինի սկրաբն իրենց վրա փորձարկած օգտատերերն արդեն մեկնաբանություններ են գրել։

««Դարչինի վաճառքը կտրուկ կաճի», «Աստված իմ, շուրթերը սքանչելի տեսք ունեն», «Դարչինը վառում է, բայց արդյունքը դրանարժե»», - գրել են գոհ մնացած բաժանորդները:

Ավելացնենք, որ դարչինի վերականգնող և խթանող հատկությունների մասին վաղուց է հայտնի։ Շուրթերի ծավալի մեծացման էֆեկտը ստացվում է արյան հոսքի շնորհիվ, որը թեթև այրում ու ծակծկոց է առաջացնում։

«Գեղեցկությունը հեշտ չի տրվում». Ռևայի հայուհի կինը հետաքրքիր տեսանյութ է հրապարակել

0
թեգերը:
դարչին, Կին, շրթունք
Ըստ թեմայի
Քիմ Քարդաշյանը` սպիտակ զգեստով և շրթունքին ամրացված օղակով
«Դոմ 2»–ի մասնակից Արա Չոբանյանը որոշել է հաստացնել շուրթերը. լուսանկարներ և տեսանյութ
Մամ, շրթունքներդ այսպես արա, նկարվում ենք. Քեշյանը հրապարակել է մոր հետ զրույցը
Դիմակը խանգարո՞ւմ է շուրթերը մեծացրած կամ քիթը փոքրացրած հայերին