Լիճ

Ադրբեջանցի ենթասպան խեղդվել է Արցախի լճերից մեկում

759
(Թարմացված է 11:56 31.03.2021)
Վերջին օրերին ադրբեջանական բանակում զինծառայողների մահվան երկու դեպք է գրանցվել:

ԵՐԵՎԱՆ, 31 մարտի - Sputnik. Ադրբեջանցի զինծառայողը խեղդվել է Արցախի լճերից մեկում։ Տեղեկությունը  հայտնում է ԱՊԱ  գործակալությունը՝ հղում անելով Ադրբեջանի պաշտպանության նախարարությանը:

Նախնական տեղեկություններով` ենթասպա Հեյդար Ռովշան օղլու Ալիևը խեղդվել է Հադրութի մոտակայքում  գտնվող լճում:

Եվս մեկ ադրբեջանցի զինվոր՝ Իլկին Զոհրաբովը, օրերս մահացել է Քարվաճառում։ Մահվան պատճառի մասին չի հաղորդվում, սակայն որոշ տեղեկությունների համաձայն, նա  ինքնասպանություն է գործել։

759
թեգերը:
Մահ, Լեռնային Ղարաբաղ, Արցախ, ադրբեջանցի
Ըստ թեմայի
Մոնիկան «Միսս տիեզերք» մրցույթին կներկայանա Արցախի տարազով ու կարևոր հարցեր կբարձրացնի
Ռուսաստանից եկած հայը հեքիաթային տնակներ է կառուցում Արցախում
Բոլոր խաղաղապահները մինչև ապրիլի 5-ը տեղավորված կլինեն Արցախում
Արմեն Սարգսյանը` Վրաստանում

Չի լինի տևական խաղաղություն առանց արցախյան հիմնահարցի արդար կարգավորման. Սարգսյան

56
(Թարմացված է 20:26 15.04.2021)
ՀՀ նախագահը Վրաստանի նախագահի հետ հանդիպման ժամանակ խոսել է Ադրբեջանի կողմից պատերազմից հետո ստեղծված իրավիճակը շահարկելու, մարդատյացության, ազգային արժանապատվության ոտնահարման քաղաքականություն վարելու անթույլատրելիության մասին։

ԵՐԵՎԱՆ, 15 ապրիլի – Sputnik. Հայաստանը  մեծ կարևորություն է տալիս հարևան Վրաստանի հետ բարեկամությանն ու համագործակցությանը: Նման հայտարարություն է արել  ՀՀ նախագահ Արմեն Սարգսյանը Թբիլիսիում Վրաստանի նախագահ Սալոմե Զուրաբիշվիլի հետ հանդիպման ժամանակ։

Նա նշել է, որ հայ-վրացական հարաբերություններն ունեն դարավոր պատմություն, հայերը Վրաստանի մշակութային, տնտեսական, հասարակական, քաղաքական կյանքի ակտիվ մասն են կազմել դարերով և այսօր էլ հայկական բիզնեսը մեծ ներդրում ունի Վրաստանում և վրացի գործընկերները հաջողությամբ աշխատում են Հայաստանում:

«Մենք հաջողությամբ համագործակցում ենք տրանսպորտի, էներգետիկայի, զբոսաշրջության, կրթության, գյուղատնտեսության և մշակույթի ու բազմաթիվ այլ ոլորտներում: Առկա է համագործակցության մեծ ներուժ ժամանակակից տեխնոլոգիաների, արհեստական բանականության, բարձր տեխնոլոգիաների զարգացման , կենսատեխնոլոգիաների, կիբեռանվտանգության, պարենային անվտանգության ապահովման հարցերով: Համագործակցությունը երկկողմ ու բազմակողմ է»,–ասել է նախագահը:

Սարգսյանը ընդգծել է, որ նախագահական ինստիտուտների  համագործակցության ներքո կարող են քաջալերել ժամանակակից գործարար հարաբերությունների զարգացումը երկու պետությունների միջև:

«Ուզում եմ վստահեցնել, որ ես պատրաստ կլինեմ ձեզ հետ և ձեր գործընկերների հետ աշխատել, որպեսզի գործարար, բարեկամական հարաբերությունները շատ արագ զարգանան»,–ասել է նա:

ՀՀ նախագահը Վրաստանի նախագահի հետ զրույցում  անդրադարձել է  նաև տարածաշրջանային անվտանգության և կայունության ապահովման հարցերին՝ հաշվի առնելով Լեռնային Ղարաբաղի դեմ Թուրքիայի բացահայտ աջակցությամբ Ադրբեջանի իրականացրած ռազմական ագրեսիայի արդյունքում ստեղծված նոր իրողությունները:

Սերժ Սարգսյանը պատասխանել է Ալեքսանդր Լուկաշենկոյի հայտարարությանը

«Ես իմ վրացի գործընկերոջը ներկայացրի ԼՂ հարցում հայկական կողմի մոտեցումները և տեսակետները, հատուկ ընդգծեցի, որ տարածաշրջանում անհնար է հաստատել տևական խաղաղություն և ապահովել կայունություն առանց նաև  արցախյան հիմնահարցի արդար կարգավորման: Նաև նշեցի ԵԱՀԿ Մինսկի խմբի շրջանակներում հակամարտության խաղաղ կարգավորման գործընթացի վերսկսման հնարավորությունը և  դրա անհրաժեշտությունը: Շեշտեցի պատերազմի արդյունքում առաջացած հումանիտար հսկայական խնդիրները, այդ թվում Ադրբեջանի կողմից գերիներին և պատանդներին կամ այն անձանց, որոնք այդպիսի կարգավիճակ ունեն, նրանց ազատ արձակման հարցում շուտափույթ լուծումներ գտնելու կարևորությունը», – ասել է նա:

Պուտինն ու Լուկաշենկոն քննարկել են Արցախի թեման

Նախագահը ընդգծել է նաև Ադրբեջանի կողմից պատերազմից հետո ստեղծված իրավիճակը շահարկելու, մարդատյացության, ազգային արժանապատվության ոտնահարման  քաղաքականություն վարելու անթույլատրելիությունը: Նրա խոսքով`այդ քաղաքականությունը չի կարող նպաստել երկխոսության մթնոլորտի ձևավորմանը:

Հանդիպման ընթացքում Սարգսյանը նաև անդրադարձել է  ադրբեջանական վերահսկողության տակ հայտնված տարածքներում հայկական պատմական և հոգևոր մշակութային ժառանգության պաշտպանության հարցին:

Նա հույս է հայտնել, որ Վրաստանի նախագահի հետ կակտիվանցնեն երկու երկրների միջև համագործակցությունը և ապագայում Վրաստանի նախագահին կտեսնի Հայաստանում:

56
թեգերը:
Ղարաբաղյան հակամարտություն, Արցախ, Սալոմե Զուրաբիշվիլի, Արմեն Սարգսյան, տարածաշրջան, Վրաստանի Հանրապետություն, Հայաստան
Ըստ թեմայի
Սարգսյանի այցին ընդառաջ․ Հայաստանն ու Վրաստանը՝ թվերով
Հայաստանի և Վրաստանի դրոշները` դիմակների վրա. Արմեն Սարգսյանն արդեն Թբիլիսիում է
Ի՞նչ կտա Արմեն Սարգսյանի թբիլիսյան այցը. Վրաստանի փոխվարչապետի մեկնաբանությունը
Արման Թաթոյան

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

49
(Թարմացված է 18:38 15.04.2021)
Ադրբեջանում բացված «պուրակ-թանգարանը» ունի ծայրաստիճան նվաստացնող, էթնիկ արժանապատվությունը ոտնահարող նպատակ:

ԵՐԵՎԱՆ, 15 ապրիլի – Sputnik. Ադրբեջանում մարդկային տառապանքների «պուրակ-թանգարանը» նախատեսված է նաև մանկահասակ երեխաների համար: Տեղեկությունը Facebook–ի իր էջում գրել է ՀՀ մարդու իրավունքների պաշտպան Արման Թաթոյանը։ Գրառմանը կից պաշտպանը նաև լուսանկարներ է հրապարակել։

«Այս «պուրակ-թանգարանն» ակնհայտ հաստատում է Ադրբեջանում պետական հովանավորչությամբ հայատյացության ու թշնամանքի, ռասիզմի և ֆաշիստական քաղաքականության փաստը»,–գրել է Թաթոյանը:

Նա շեշտել է, որ «պուրակ-թանգարանը» բացվել է Բաքվում` առավելագույն հրապարակայնություն ապահովելով և ունի ծայրաստիճան նվաստացնող, էթնիկ արժանապատվությունը ոտնահարող նպատակ:

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

Հիշեցնենք` Բաքվում բացվել է որպես ավար վերցված հայկական զրահատեխնիկայի պուրակ, որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների լուսանկարներով արյունոտ մանեկեններ։

49
թեգերը:
երեխա, զինծառայող, Արման Թաթոյան, ՀՀ ՄԻՊ, Բաքու, Ադրբեջան
Ըստ թեմայի
Ադրբեջանն իր հայատյաց հայտարարություններով խոչընդոտում է բանակցությունների վերսկսմանը. ԱԳՆ
Ադրբեջանցիները ևս մեկ զոհված զինծառայողի աճյուն են փոխանցել հայկական կողմին
Ադրբեջանից դատարկ վերադարձած ինքնաթիռի համար պատասխանատվություն կրելու է Ալիևը. Փաշինյան

Ամերիկացիները պատրաստվում են ակտիվանալ Արկտիկայում

0
(Թարմացված է 00:11 16.04.2021)

ԱՄՆ-ն ձգտում է կրճատել իր հետ մնալը Ռուսաստանից Արկտիկայում։ Օրերս Ցամաքային զորքերն Անդրբևեռային տարածքի համար ռազմական տեխնիկայի մշակման պայմանագիր են կնքել Oshkosh Defense կոնցեռնի հետ՝ սինգապուրյան ST Engineering-ի և BAE Systems-ի հետ համագործակցությամբ։ Պարզվել է, որ նման տիպի ժամանակակից մեքենաներ ամերիկացիներն ուղղակի չունեն, իսկ եղածներն էլ վաղուց հնացած են։ Ավելի մանրամասն՝ ՌԻԱ Նովոստիի հոդվածում։

Կառուցել մինչև հունիս

Արկտիկան լուրջ մարտահրավեր է ցանկացած բանակի համար։ Գերցածր ջերմաստիճաններ, սառցաբեկորներ, լողացող սառցալեռներ, ենթակառուցվածքների բացակայություն, բարդ լոգիստիկա, երկարատև բևեռային գիշեր՝ այս ամենը մեծապես բարդացնում է խոշոր ռազմական խմբավորման տեղակայումը:

Սառը պատերազմի տարիներին ԱՄՆ-ն, ի տարբերություն ԽՍՀՄ-ի, բավարար ուշադրություն չի դարձրել այդ տարածաշրջանին, ուստի այսօր Պենտագոնի տրամադրության տակ միայն մի սարքին սառցահատ կա՝ Polar Star-ը։ Ռուսաստանն այդ տիպի ավելի քան 40 նավ ունի։ Բացի այդ, ամերիկացիներն այնտեղ փաստացի ռազմակայաններ չունեն։

Ցամաքային զորքերի համար ևս տեխնիկան չի բավականացնում, որն ի վիճակի կլիներ բևեռային բարդ պայմաններում բեռներ ու զինծառայողներին տեղափոխել։

Դրա համար պիտանի միակ քարշակ-ամենագնացները շվեդական երկշղթա-թրթուրավոր Bandvagn 206-ներն են, որոնք սպառազինության մեջ ներառվել են Small Unit Support Vehicle նշումով (SUSV` ստորաբաժանումների աջակցության փոքր մեքենա)։ Սակայն այս տեսակի առաջին մեքենաները հոսքագծից դուրս են եկել դեռ 40 տարի առաջ և վաղուց արդեն չեն համապատասխանում ժամանակակից պահանջներին։

Բանակը որոշել է թարմացնել արկտիկական տեխնիկան և մրցույթ է հայտարարել ColdWeather, All-Terrain Vehicle (CATV, ամենագնաց սառը կլիմայի համար) ծրագրի շրջանակում։ Պենտագոնը պատրաստ է հեռանկարային քարշակի մշակման, կառուցման և փորձարկումերի վրա 2021 ֆինանսական տարում 6,6 միլիոն դոլար ծախսել, ևս 9,25 միլիոն՝ 110 միավոր CATV-ի վրա։

Այնուհետև պարկը կմեծացնեն՝ հասցնելով 163 ամենագնացի։ Նախատիպերը սպասվում են հունիսի 14-ին։ Օգոստոսից մինչև դեկտեմբերի վերջ՝ փորձարկումներ Ալյասկայի զինափորձարանում։ Հաղթողին կընտրեն 2022 թ․-ի ֆինանսական տարում։

Չորս տարբերակ

Սպասվում է, որ CATV-ն կներկայացեն 4 տարբերակով։ Ընդհանուր նշանակության ամենագնացը պետք է տեղավորի ոչ պակաս, քան 9 զինվոր, վարորդին չհաշվաց, ինչպես նաև երեք օրվա ինքնավար գործողությունների համար սարքավորումներ և պաշարներ ունենա։

Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ

Սանիտարական տարբերակը՝ բժշկական սարքավորումներով, նախատեսված է երկու բժշկի, երկու պառկած և չորս թեթև վիրավոր մարդկանց համար։ Հրամանատարական ամենագնացը կհագեցնեն կապի և զորքերի կառավարման ժամանակակից միջոցներով։ Եվ վերջապես, բեռնակիր տարբերակը՝ նախատեսված խոշոր չափերի ռազմական սարքավորումները մեծ հեռավորություններ տեղափոխելու համար։

«Այդ մեքենաները կկարողանան խնդիրների լայն շրջանակ լուծել ծայրահեղ ցածր ջերմաստիճանի պայմաններում, այլ տեխնիկայի համար անանցանելի տեղանքում»,-լրագրողներին պատմել է ԱՄՆ բանակի սպա, CATV ծրագրի պատասխանատու Թիմ Գոդդեթը։-Նրանք պետք է առանց խնդիրների տեղաշարժվեն սառույցի վրայով, հաղթահարեն ջրային պատնեշները, հեշտությամբ բարձրանան բարձունքները, լինեն հեշտ սպասարկվող և խնայողաբար ծախսեն վառելիքը»։

Մրցույթի մասնակիցները հենվում են նախորդ մշակումներ վրա։ Oshkosh-ը և ST Engineering-ը որպես հիմք են վերցրել Bronco 3 երկշղթա քարշակը։ Այդ մեքենան արդեն ավելի քան 20 տարի բրիտանական բանակի սպառազինության կազմում է, մասնակցել է Աֆղանստանի մարտական գործողություններին։

Bronco 3-ն ունի հակագնդակային զրահապատում, աշտարակ՝ գնդացրով, V-աձև հիմք, որը նվազեցնում է վնասը ականի վրա պայթելու դեպքում։ Ամենագնացը ջրային պատնեշները հաղթահարում է հինգ կմ/ժ արագությամբ։

BAE Systems-ը նորարարություն կառաջարկի Beowulf երկշղթա քարշակի հիման վրա, որը հիմնականում նույնն է, ինչ Bronco 3-ն ու SUSV-ը, բայց ավելի մեծ բեռնատարողություն ունի։

Հասնել Ռուսաստանին

Մեկ ամիս առաջ հրապարակված «Արկտիկական ռազմավարության» մեջ ամերիկացիները բացեիբաց հայտարարել են տարածաշրջանում Մոսկվային ու Պեկինին դուրս մղելու ցանկության մասին։ Պենտագոնին հատկապես մտահոգում է Ռուսաստանը, որի տրամադրության տակ է աշխարհի ամենամեծ սառցահատ նավատորմը, հյուսիսային լայնություններում ռազմակայանների ցանցը և առանց էքստրեմալ ցրտի պայմաններում աշխատելու ընդունակ տեխնիկայի մեծ զինանոցը։

Հաղթանակի շքերթներին միշտ մասնակցում են հայրենական ՀՕՊ համակարգերի արկտիկական մոդիֆիկացիաները․ փոքր հեռահարության «Тор-М2ДТ» զենիթահրթիռային համակարգը, զենիթային հրթիռահրանոթային «Панцирь-СА»-ն, ինչպես նաև ապահովման մեքենաների հատուկ տարբերակներ։

Արկտիկական տարածաշրջանի համար գրեթե ամբողջ ցամաքային տեխնիկան հավաքված է ДТ-30 «Витязь» երկշղթա թրթուրավոր ամենագնացների հիման վրա, որին չի վախեցնում անգամ ամենասարսափելի ցուրտը (մինչև -55 աստիճան)։ Որոշ մոդիֆկացիաներ կարող են կտրել-անցնել ջրային պատնեշները, ինչը Հյուսիսային բևեռում սառույցների մշտական կուտակման պայմաններում նկատելիորեն ավելացնում է շարժունակությունը։ Նոր «Панцирь»-ներն ու «Тор»-ը ծածկում են 2015թ․-ի Արկտիկայում տեղակայված հեռահար զենիթահրթիռային С-400 համակարգերի տեղակայման շրջանները։

Բացառիկ զինանոց ունի նաև Ցամաքային զորքերի առաջին լիարժեք արկտիկական միավորումը՝ 80-րդ առանձին մոտոհրաձգային բրիգադը, որը տեղակայված է Մուրմանսկի մարզի Ալակուրտտի ավանում: Ցրտադիմացկուն հետևակը յուրացնում է, մասնավորապես, ТРЭКОЛ բարձր անցանելիության ձնաճահճագնացները, որոնք տեղաշարժվում են գերցածր ճնշման հսկայական անվադողերով անիվների վրա։ Այդպիսի մեքենաներն անգամ ընդհատուն տեղանքով ընթանում են առանց արագությունը նվազեցնելու։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

Բացի այդ, 80-րդ բրիգադի մարտիկներն ունեն «Урал» և КамАЗ լիաքարշ բեռնատարներ, որոնք հարմարեցված են ծայրահեղ սառնամանիքներին, ТТМ-1901 «Беркут» ձնագնացներ՝ ջեռուցվող խցիկով, օդային բարձիկով մոտորանավակներ, ինչպես նաև շների և եղջերուների լծվացքներ:

Հայրենական մեծ պատերազմի տարիներին լծվացքները կարևոր դեր են խաղացել Անդբևեռյան հատվածի պաշտպանության գործում։ Շներով և եղջերուներով նշանակված վայր էին հասցնում զինամթերքն ու անձնակազմը։ Կենդանիներն անցնում են այնտեղով, որտեղով տեխնիկան չի կարողանում անցնել։ Բացի այդ, արկտիկական բրիգադի համար մշակում են տանկերի, ՀՄՄ-ների և ուղղաթիռների հատուկ մոդիֆիկացիաներ, մասնավորապես՝ Ми-8АМТШ-ВА՝ ուժային սարքավորումների հիմնական ագրեգատների ջեռուցման համակարգով:

0
թեգերը:
ԱՄՆ, Ռուսաստան, Արկտիկա
Ըստ թեմայի
Ուղիղ սպառնալիք Ռուսաստանին. ի՞նչ է Պենտագոնը կառուցում Ալյասկայում
Վլադիմիր Պուտինը պատվավոր կոչում է շնորհել Արթուր Չիլինգարովին
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին