Քիմ Քարդաշյանը Ծիծեռնակաբերդում

Ստամբուլի դատարանը արդարացրել է Քիմ Քարդաշյանին հայհոյած և «զզվելի հայ» անվանած տղամարդուն

254
(Թարմացված է 16:25 23.03.2021)
Մուրաթ Օվյուչի դեմ հայց էր ներկայացրել պոլսահայ իրավաբան Սիմոն Չեքեմը և պահանջել էր պատասխանատվության ենթարկել Օվյուչին։

ԵՐԵՎԱՆ, 23 մարտի — Sputnik. Ստամբուլի ընդհանուր իրավասությունների դատարանն արդարացրել է թուրքական սոցցանցերում հայտնի դարձած երգիչ Մուրաթ Օվյուչին, որը հայհոյել և վիրավորել էր հայազգի ամերիկյան աստղ Քիմ Քարդաշյանին։ Տեղեկությունը հայտնում է Ermeni Haber-ը։

2020-ին Օվյուչն իր ինստագրամում Քարդաշյանին «զզվելի հայ» էր կոչել և հայհոյանք հնչեցրել նրա հասցեին։ Նա մասնավորապես անդրադարձել էր Քարդաշյանի` Հայոց ցեղասպանհության 105-ամյա տարելիցին նվիրված գրառմանն ու ասել էր. «Դուք՝ հայերդ, զզվելի եք։ Դու ո՞վ ես, որ իմ օսմանցի մեծերին բարբարոս անվանես»։

Մուրաթ Օվյուչի դեմ հայց էր ներկայացրել պոլսահայ իրավաբան Սիմոն Չեքեմը և պահանջել էր պատասխանատվության ենթարկել Օվյուչին։ Նրա դեմ մեղադրրանք էր առաջադրվել հասարակության մեջ խտրականություն դնելու, ժողովրդի մեջ թշնամանք սերմանելու, վիրավորանք հնչեցնելու և սպառնալիք տարածելու հոդվածների հատկանիշներով։

Դատական նիստերի ժամանակ մեղադրյալն իր մեղքը չէր ընդունել` ասելով, որ վիրավորել է Քիմ Քարդաշյանին, ոչ թե հայերին։ Սակայն Չեքեմը հիշեցրել է, որ նա շեշտել է Քարդաշյանի ազգությունը, և «զզվելի» է կոչել բոլոր հայերին։

Ապրիլին լույս կտեսնի Հայոց ցեղասպանության մասին թուրք պրոֆեսորի գիրքը

Սակայն Ստամբուլի դատարանը մեղադրյալի դեմ հարուցված գործի առնչությամբ դիտավորյալ հանցանք չի նկատել և վճռել է արդարացնել Օվյուչին:

Հիշեցնենք, 2020-ի ապրիլի 24–ին`Հայոց ցեղասպանության 105-րդ տարելիցի առնչությամբ ամերիկյան ռեալիթի շոուի աստղ,  Քիմ Քարդաշյանը Instagram–ի իր էջի «սթորի» բաժնում գրառումների շարք է արել, որոնք պատմում են 1915 թվականին Արևմտյան Հայաստանում տեղի ունեցած արյունոտ դեպքերի մասին։

«Սրանք իմ նախնիներն են. նրանք տանջամահ արվեցին, բռնաբարվեցին ու սպանվեցին։ Մինչև 1917 թվականը 1,5 միլիոն հայ սպանվեց»,–գրել էր նա։

254
թեգերը:
Դատարան, երգիչ, Թուրքիա, Թուրք, հայ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան (228)
Ըստ թեմայի
Մտածում եմ այն արցախցիների մասին, որոնք նոր ցեղասպանության զոհ դարձան. Վալերի Բուայե
Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան
Ցեղասպանության ճանաչմանն այսքան մոտ դեռ չէինք եղել․ ինչ չպետք է անի Երևանը Բայդենի օրոք
Իլհամ Ալիև

«Մենք ավելի լիարժեք պատասխանի էինք սպասում»․Ալիևը դժգոհ է Ռուսաստանից

267
(Թարմացված է 23:19 20.04.2021)
Ալիևի խոսքով ՝ ռուսական խաղաղապահ զորախումբը իրենց կողմից հրավիրվել է Ղարաբաղ և հարակից տարածքներ։ Եվ իրենք կարծում էին, որ համագործակցության այս նոր ձևաչափը կամրապնդի հարաբերությունները։

ԵՐԵՎԱՆ, 20 ապրիլի - Sputnik․ Բաքուն ակնկալում է ավելի ամբողջական պատասխան ստանալ Ռուսաստանից Արցախում «Իսկանդեր-Մ» հրթիռների հայտնվելու վերաբերյալ։ Այս մասին տեղեկացնում է ՌԻԱ Նովոստին՝ հղում անելով Ադրբեջանի պետական հեռուստատեսությանը տրված նախագահ Իլհամ Ալիևի հարցազրույցին։

«Մեզ պետք է պաշտոնապես պատասխան տան։ Կա՛մ այդ հրթիռները փոխանցվել են Հայաստանին, կա՛մ անօրինական ճանապարհով դուրս են բերվել Ռուսաստանից։ Այս հարցերի պատասխանները չկան։ Տհաճ իրավիճակ է», - ասել է Ալիևը։

Նրա խոսքով ՝ Ռուսաստանի և Ադրբեջանի միջև գոյություն ունի ռազմավարական գործընկերություն։

«Ռուսական խաղաղապահ զորախումբը մեր կողմից հրավիրվել է Ղարաբաղ և հարակից տարածքներ։ Մենք կարծում էինք, որ համագործակցության այս նոր ձևաչափը կամրապնդի մեր հարաբերությունները։ Շուշիում «Իսկանդեր-Մ» հրթիռների բեկորների հայտնաբերման վերաբերյալ ամբողջական պատասխանի բացակայությունն, իհարկե, ափսոսանք ու զարմանք է առաջացնում ինչպես ադրբեջանական ժողովրդի, այնպես էլ ադրբեջանական ղեկավարության մոտ։ Մենք հույս ունենք, որ այդ հարցը կպարզվի», — հավելել է Ադրբեջանի նախագահը։

«Բացահայտ մեղադրանք». Ալիևը հերքում է «Իսկանդեր-Մ»- ն Սիրիայից Արցախ տեղափոխելու վարկածը

Մարտի վերջին ադրբեջանական ԶԼՄ-ներում տեղեկություն էր հայտնվել «Իսկանդեր» ռազմամթերքի բեկորների հայտնաբերման մասին: Ադրբեջանական ականազերծման գործակալության (ANAMA) պնդմամբ ՝ Շուշի քաղաքում մարտի 15-ին հայտնաբերվել էին երկու հրթիռի բեկորներ։ Սակայն պետք է նշել, որ Հայաստանի սպառազինության մեջ կա «Իսկանդեր-Է» տեսակի զենքը, ոչ թե «Իսկանդեր-Մ»։ Բաքվում սկսեցին գրել, որ ադրբեջանական զինուժի դեմ Ռուսաստանի կողմից են կիրառվել այդ հրթիռները։ Իսկ Մոսկվան ի պատասխան հայտարարել է, որ Ղարաբաղում Իսկանդեր հրթիռներ ընդհանրապես չեն կիրառվել։

Ալիևը հայտնել է, որ Ղարաբաղում «Իսկանդեր-Մ»-ի կիրառման մասին Մոսկվայից պատասխան են ստացել

Այդ կապակցությամբ շատ ռուս և հայ փորձագետներ պնդում են, որ «Իսկանդերների» բեկորները կարող էին բերվել թուրք մասնագետների կողմից Սիրիայից ՝ սադրանքի նպատակով։

267
թեգերը:
Լեռնային Ղարաբաղ, Արցախյան պատերազմ, Շուշի, Ռուսաստան, Իսկանդեր, Իլհամ Ալիև
Ըստ թեմայի
Ադրբեջանում պահվող հայերը պետք է վերադարձվեն առանց «բայց»-երի. Ավստրիայի ներկայացուցիչ
Ընդդիմության նվերը, կամ ինչպե՞ս կընթանա Փաշինյան-Քոչարյան «շախմատային պարտիան»
Ադրբեջանցիները Սյունիքի ուղղությամբ կրակոցներ են արձակում ու ահաբեկում մարդկանց․ Թաթոյան
«Իսկանդեր–Մ». արխիվային լուսանկար

«Բացահայտ մեղադրանք». Ալիևը հերքում է «Իսկանդեր-Մ»- ն Սիրիայից Արցախ տեղափոխելու վարկածը

190
(Թարմացված է 22:27 20.04.2021)
Ադրբեջանի նախագահ Իլհամ Ալիևը հայտնել է, որ ռուսական լրատվամիջոցների կողմից շահարկվող`Արցախում «Իսկանդեր-Մ»-ի բեկորների հայտնվելու վարկածները պատահական չի համարում:

ԵՐԵՎԱՆ, 20 ապրիլի – Sputnik. Ադրբեջանի նախագահ Իլհամ Ալիևը հայտարարել է, որ Բաքուն «ակնհայտ մեղադրանք» է համարում Սիրիայից «Իսկանդեր-Մ» հրթիռների մնացորդները Ղարաբաղ տեղափոխելու մասին հայտարարությունները: ՌԻԱ Նովոստիի փոխանցմամբ՝ Ադրբեջանի նախագահն այդ մասին ասել է երկրի պետական հեռուստատեսությանը տված հարցազրույցում։

Ավելի վաղ Ալիևը հայտարարել էր, որ ՌԴ նախագահ Վլադիմիր Պուտինի հետ քննարկել է Ղարաբաղում «Իսկանդեր-Մ» հրթիռների հայտնաբերման մասին տեղեկատվությունը, Բաքուն այդ կապակցությամբ պաշտոնական նամակ է ուղարկել Մոսկվա։ Պատասխան նամակում, ըստ Ալիևի, Ռուսաստանի Պաշտպանության նախարարությունը հայտարարել է, որ ռուսական կողմը հրթիռների արձակումը չի արձանագրել։

«Ռուսական ԶԼՄ-ներում «Իսկանդեր – Մ» հրթիռների օգտագործման (Արցախում – խմբ․) վերաբերյալ անիմաստ վարկածներ են ի հայտ գալիս։ Ես կարող եմ մի բան ասել։ Դրանք պատահական վարկածներ չեմ համարում։ Քանի որ նույնիսկ այդ վարկածներում, որը առաջ էր քաշում մամուլը, ամեն դեպքում մենք համակարգային մոտեցում ենք տեսնում։ Իբր, Ադրբեջանը Թուրքիայի հետ այդ հրթիռները («Իսկանդեր – Մ»- խմբ.) Սիրիայից է տեղափոխել Շուշի։ Սա բացահայտ մեղադրանք է մեր դեմ։ Ինչու՞մ են մեզ մեղադրում, կեղծիքի՞ մեջ։ Ինչ-որ մեկը կարող է ասել, որ Ադրբեջանը երբևէ որևէ բան կեղծել է։ Ո՛չ»- ասել է Ալիևը Ադրբեջանի պետական հեռուստատեսությանը տված հարցազրույցում։

Մարտի վերջին ադրբեջանական ԶԼՄ-ներում տեղեկություն էր հայտնվել «Իսկանդեր» համակարգի ռազմամթերքի բեկորների հայտնաբերման մասին: Ադրբեջանական ականազերծման գործակալության (ANAMA) պնդմամբ՝ Շուշի քաղաքում մարտի 15-ին «... հայտնաբերվել են երկու հրթիռի բեկորներ»։ Բայց բանն այն է, որ Հայաստանի սպառազինության մեջ առկա է «Իսկանդեր-Է»-ն, իսկ Շուշիում և ավելի ուշ Բաքվում ցուցադրված բեկորները պատկանում են «Իսկանդեր-Մ»- ին։ Դա Բաքվում որոշ գործիչների առիթ տվեց հայտարարելու, որ «Իսկանդերներն» ադրբեջանական զինուժի դեմ Ռուսաստանի կողմից են արձակվել։ Մոսկվան ի պատասխան հայտարարել է, որ Ղարաբաղում «Իսկանդեր» հրթիռներ չեն կիրառվել։

Բազմաթիվ ռուս ու հայ փորձագետներ պնդում են, որ «Իսկանդերների» բեկորները կարող էին սադրանքի նպատակով բերվել թուրք մասնագետների կողմից Սիրիայից։ Սիրիայում «Իսկանդերներ Մ»- ն օգտագործվել է փետրվարի վերջին գրոհայինների դիրքերին հարվածների ժամանակ:

«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան

Անցյալ տարվա նոյեմբերին ՀՀ ԶՈւ գլխավոր շտաբի նախկին պետ Մովսես Հակոբյանը հայտարարել էր, որ «Իսկանդերները» օգտագործվել են պատերազմի վերջին օրերին։ Իսկ երրորդ նախագահ Սերժ Սարգսյանն այս տարվա փետրվարին հարցազրույցներից մեկում ասել էր, որ համալիրներից կրակել են Շուշիի ուղղությամբ։ Թեման զարգացում ստացավ վարչապետ Նիկոլ Փաշինյանի հարցազրույցից հետո, երբ նա ասաց, որ հրթիռները 10 տոկոսով են պայթել։ Այս արտահայտությունը լուրջ արձագանք առաջացրեց։ ՌԴ ՊՆ-ն իր հերթին հայտարարեց, որ «Իսկանդերները» պատերազմի ընթացքում չեն օգտագործվել:

 

190
թեգերը:
Ռուսաստան, Լեռնային Ղարաբաղ, Արցախ, Իսկանդեր, Ադրբեջան, Իլհամ Ալիև
Ըստ թեմայի
«Չեմ պատրաստվում պետական գաղտնիք բացել»․ Դավիթ Տոնոյանը՝ «Իսկանդերի» կիրառման մասին
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
Ալիևը հայտարարել է, որ «Իսկանդերի» թեման քննարկել է Պուտինի հետ
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

0
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
0
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին