Արխիվային լուսանկար

Ինչպե՞ս կարող է Երևանը պահպանել իր տեղը «Հյուսիս-Հարավ» էներգետիկ միջանցքում

154
Առաջիկայում տեղի կունենա «Հյուսիս-Հարավ» էներգետիկ միջանցքի ծրագրի տեխնիկական բաղկացուցիչների քառակողմ քննարկում։ Կողմերը նախանշելու են գործողությունների հետագա ծրագիրը։

ԵՐԵՎԱՆ, 13 փետրվարի – Sputnik, Լաուրա Սարգսյան։ «Հյուսիս-Հարավ» էներգետիկ միջանցքի ծրագրի իրագործումը Հայաստանին դուրս կբերի էներգետիկ շրջափակումից։ Սակայն, հաշվի առնելով ընթացիկ իրողությունները, Երևանը պետք է առավելագույն ջանքեր գործադրի՝ տարածաշրջանում արտահանող երկրի կարգավիճակը պահպանելու համար։

Էներգետիկ միջանցքի կառուցման թեման նոր չէ։ Հարցը թարմացվեց արդեն փոխվարչապետ Տիգրան Ավինյանի և Հայաստանում Վրաստանի արտակարգ և լիազոր դեսպան Գեորգի Սագանելիձեի հանդիպումից հետո: Կողմերը քննարկել են «Հյուսիս-Հարավ» էներգետիկ միջանցքի ստեղծման ծրագիրը, այդ ուղղությամբ արդեն իսկ կատարված աշխատանքները, ինչպես նաև նախատեսվող քայլերը:

Այդ կապակցությամբ մենք դիմեցինք փոխվարչապետի գրասենյակ՝ մանրամասներ իմանալու, այդ թվում՝ նախագծի իրագործման ժամկետների վերաբերյալ։

Sputnik Արմենիայի պաշտոնական հարցմանն ի պատասխան հայտնեցին, որ այս պահին քննարկման փուլում է գտնվում տեխնիկատնտեսական բաղադրիչի վերաբերյալ Fichtner խորհրդատվական ընկերության կողմից ներկայացված զեկույցը: Բացի այդ, առաջիկայում տեղի կունենա ծրագրի տեխնիկական բաղկացուցիչների քառակողմ քննարկում։

Ինչ վերաբերում է «Իրան-Հայաստան» 400կՎտ հզորությամբ էլեկտրահաղորդման օդային գծի կառուցման և «Նորավան» 400կՎտ հզորությամբ ենթակայանի կառուցման ծրագրին, ապա դրանք գտնվում են իրականացման փուլում:

Սակագնային պատնեշ․ ի՞նչ խնդիրների է բախվում ԵԱՏՄ գազի ընդհանուր շուկայի նախագիծը

«Ներկայումս իրականացվում է օդային հենարանների և լարերի մոնտաժային աշխատանքներ, դեպի դրանք տանող ճանապարհների կառուցում, սարքերի տեղադրում և այլ աշխատանքներ: Ծրագիրը նախատեսվում է ավարտել 2021 թ․-ի դեկտեմբերին։ Հայաստանն ու Իրանն այժմ աշխատանքներ են կատաում «Գազ՝ էլեկտրաէներգիայի դիմաց» ծրագրի ծավալների ավելացման, համաձայնագրի ժամկետի երկարաձգման ուղղությամբ»,-պատասխանեցին փոխվարչապետի գրասենյակից։

«Կովկասյան էլեկտրահաղորդման ցանց» (Հայաստան-Վրաստան ենթակայան) ծրագրով նախատեսված է գլխավոր կապալառուների ընտրություն երեք լոտով (Դդմաշեն ենթակայան մուտք/ելք), լոտ 2՝ էլեկտրահաղորդման գիծ, լոտ 3՝  տրանսֆորմատորների բարձրավոլտ ենթակայանի կառուցում: Ծրագրի ավարտը նախատեսված է 2025 թ․-ի դեկտեմբերին։

Նախագիծը հայկական կողմին բավարարող պայմաններով իրականացնելու կարևորությունը Sputnik Արմենիային տված հարցազրույցում ընդգծեց «Էներգետիկ անվտանգության ինստիտուտ» վերլուծական կենտրոնի տնօրեն Վահե Դավթյանը։

«Էներգետիկ նախագիծը, որը մշակվել է դեռևս 2015-2016 թվականներին, կարող է ապահովել Հայաստանի ելքը էներգետիկ շրջափակումից, որում մենք գտնվում ենք։ Այն ուղղված է Իրանի, Հայաստանի, Վրաստանի, Ռուսաստանի միջև փոխադարձ ներհոսքների ավելացմանը»,-ասաց Դավթյանը։

Նրա խոսքով, Հայաստանն ավելցուկային էներգետիկ հզորություններ ունի, ինչը բավական հեռանկարային հնարավորություններ է ստեղծում երկրի համար՝ էլեկտրաէներգիան դեպի արտաքին շուկաներ՝ իրանական, վրացական և Վրաստանով՝ Ռուսաստան և ԵԱՏՄ երկրներ արտահանելու համար:

Փորձագետը նշեց, որ նախքան դրան հասնելը անհրաժեշտ է լուծել հիմնական խնդիրը՝ Վրաստանի և Իրանի շուկաներում ադրբեջանական Azerenerji էներգետիկ ընկերության ակտիվացումը: Դավթյանն ընդգեց, որ այդ ընկերությունը փորձում է Հայաստանին լիովին դուրս մղել տարածաշրջանային շուկայից: Այսպես, 2018 թ․-ից էլեկտրաէներգիայի վրացական շուկան Հայաստանի համար գրեթե կորել է։

Ինչ վերաբերում է Իրանին, այստեղ որոշակի կայունություն կա, սակայն այս ուղղությամբ էլ նոր խաղացողներ են ձևավորվում՝ ի դեմս նույն Azerenerji-ի։ Բացի այդ, Թուրքմենստանն առաջարկում է տարածաշրջանի համար ամենաէժան էլեկտրականությունը, իսկ Բաքուն լոբբիավորում է «Հյուսիս-Հարավ» էներգետիկ միջանցքի անցկացումը իր տարածքով։

Փորձագետն այդ քայլերը գնահատում է որպես սպառնալիք Հայաստանի էներգետիկ անվտանգությանը։ Նա նշեց, որ այս ամենին դիմակայելու համար Հայաստանը պետք է սկսի էներգետիկ անվտանգության ձևավորման հայեցակարգային հիմքերից՝ հաստատի ազգային անվտանգության հայեցակարգը, որպեսզի հասկանա կառավարման դոկտրինալ հիմքերը և բացահայտի ներքին ու արտաքին սպառնալիքներն ու ռիսկերը:

«Ուռա, լույս, լույս». 25 տարի առաջ այս օրը վերագործարկվեց Հայկական ատոմակայանը

«Եթե մենք ընթանում ենք միջազգային էներգետիկ միջանցքի ձևավորման ճանապարհով, ապա մենք պետք է, առաջին հերթին, ինքներս մեզ դիտարկենք որպես տարածաշրջանային շուկայում արտահանող երկիր»,-ասաց Դավթյանը։

Նա նշեց, որ Հայաստանի այդ հարցում կօգնի ատոմային էլեկտրակայանի առկայությունը և այն վստահությունը, որ երկիրը զարգացնելու է խաղաղ ատոմը։

154
թեգերը:
Հայաստան, տարածաշրջան, նախագիծ, էլեկտրաէներգիա
Ըստ թեմայի
Ինչպես երկարացնել հայկական ատոմակայանի կյանքը. փորձագետը նշում է գլխավոր հարցերը
Ատոմակայանը կերիտասարդանա 80- 85 տոկոսով. ռեակտորի թրծման կայանքը հասավ Հայաստան
Էներգետիկ առումով ծանր տարի է սպասվում. ատոմակայանը 140 օր կկանգնի
Իլհամ Ալիև

Ալիևը հայտարարել է, թե բոլոր ռազմագերիներին հանձնել է Հայաստանին

329
(Թարմացված է 12:34 26.02.2021)
Ասուլիսի ընթացքում Ադրբեջանի նախագահը ադրադարձել է նաև Հայաստանում տեղի ունեցող իրադարձություններին ու Արցախի շուրջ ստեղծված իրավիճակին:

ԵՐԵՎԱՆ, 26 փետրարի - Sputnik. Ադրբեջանի նախագահ Իլհամ Ալիևը հայտարարել է, որ Բաքուն բոլոր ռազմագերիներին է հանձնել Երևանին:

«Մենք նրանց վերադարձրեցինք բոլոր գերիներին և զոհված զինծառայողների մարմինները: Պատերազմից հետո նրանց վերադարձվեց ավելի քան 1000 դիակ», - ասել է նա ՝ ավելացնելով, որ Ադրբեջանում հիմա միայն հայ դիվերսանտներ են մնացել:

Միևնույն ժամանակ, Ալիևը հույս ունի, որ չնայած Հայաստանում ստեղծված իրավիճակին, որը նա որակել է իբրև «երկրի ներքին գործ», Ղարաբաղի վերաբերյալ եռակողմ հայտարարության բոլոր դրույթները կյանքի են կոչվելու:

Ալիևը դժգոհել է, թե հայկական կողմն Ադրբեջանին չի տվել ականապատ տարածքների քարտեզները, ինչն իրենք որակում են իբրև պատերազմական հանցագործություն:

Հիշեցնենք, որ մինչ օրս Հայաստան է վերադարձել 69 գերի (այդ թվում՝ քաղաքացիական անձինք)։ Պաշտոնական տվյալներ չկան, թե քանի գերի ունենք ադրբեջանական կողմում, սակայն 2020թ. նոյեմբերի 9-ի եռակողմ հրադադարի մասին հայտարարությունը ստորագրելուց գրեթե չորս ամիս անց ոչ պաշտոնական տվյալներով մինչև 300 հայ ռազմագերիներն ու պատանդները դեռ շարունակում են մնալ գերության մեջ:

329
թեգերը:
Արցախ, Լեռնային Ղարաբաղ, Նիկոլ Փաշինյան, Հայաստան, ռազմագերի, գերի, Ադրբեջան, Իլհամ Ալիև
Ըստ թեմայի
ՀՀ նախագահն ու Մուրադովը հանդիպում են. քննարկվում է գերիների հարցը
Գերիների վերադարձ, սահմանազատում. էլ ի՞նչ են քննարկել Արմեն Սարգսյանն ու Ռուստամ Մուրադովը
Ադրբեջանը շարունակում է որպես գործիք օգտագործել գերիների վերադարձի հարցը. Այվազյան
Իրանի ԱԳՆ

Իրանի ԱԳՆ–ն Հայաստանում բոլոր կողմերին զսպվածության կոչ է արել

65
(Թարմացված է 22:16 25.02.2021)
Իրանի ԱԳՆ պաշտոնական ներկայացուցիչը հայտարարել է, որ Իրանում ուշադիր հետևում են Հայաստանում իրադարձությունների զարգացմանը։

ԵՐԵՎԱՆ, 25 փետրվարի – Sputnik. Պաշտոնական Թեհրանը Հայաստանում բոլոր կողմերին կոչ է անում զերծ մնալ բռնությունից և զսպվածություն դրսևորել։ Նման հայտարարությամբ հանդես է եկել Իրանի ԱԳՆ պաշտոնական ներկայացուցիչ Սաիդ Հաթիբձադեն։

«Իրանի ԱԳՆ ներկայացուցիչը Հայաստանում բոլոր կողմերին զսպվածության և բռնությունից խուսափելու կոչ է արել», – ասվում է Իրանի ԱԳՆ մամուլի ծառայության հաղորդագրության մեջ։

Հաթիբձադեն հայտարարել է նաև, որ Իրանում ուշադիր հետևում են Հայաստանում դեպքերի զարգացմանը։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

65
թեգերը:
Իշխանություն, ընդդիմություն, Նիկոլ Փաշինյան, Արտաքին գործերի նախարարություն (ԱԳՆ), Հեղաշրջում, Հայաստան, Իրանի Իսլամական Հանրապետություն
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Նիկոլ Փաշինյանը զանգել է Վլադիմիր Պուտինին
Անթույլատրելի է նախագահի նկատմամբ ճնշման որևէ փորձ. Սարգսյանի աշխատակազմի հայտարարությունը
Վիգեն Սարգսյանն ասել է` որոնք են այս իրավիճակի հնարավոր ելքերը
«Սպուտնիկ V»

Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև

0
(Թարմացված է 19:01 26.02.2021)
Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը:

ԵՐԵՎԱՆ, 26 փետրվարի – Sputnik. Կորոնավիրուսի դեմ «Սպուտնիկ V» ռուսական պատվաստանյութի թշնամիները փորձում են խաթարել դրա նկատմամբ վստահությունն աշխարհում, քանի որ այն լավագույններից է, ու նրանք պարզապես վախենում են դրանից։ Նման կարծիք է  հայտնել Ուղղակի ներդրումների ռուսական հիմնադրամի ղեկավար Կիրիլ Դմիտրիևը:

«Կարծում եմ՝ կարելի է խոսել ոչ միայն «Սպուտնիկ V» պատվաստանյութի միջազգային ճանաչման, այլև աշխարհում մեր առաջատար լինելու մասին․.. Մենք պետք է լինենք համեստ, բայց ազնիվ։ Մենք ունենք աշխարհի լավագույն պատվաստանյութերից մեկը, ու դա ռուս գիտնականների մեծ սխրանքն է, պետք է հպարտանալ դրանով», - ասել է Դմիտրիևը Ռուսաստանի պատմական ընկերության հարթակում վիրուսաբանության բնագավառում Ռուսաստանի առաջատարության պատմությանը նվիրված ցուցահանդեսի բացմանը:

«Ռուսաստանի բազմաթիվ թշնամիներ փորձել են խարխլել Ռուսաստանի նկատմամբ վստահությունը, բայց մենք հասկանում ենք, որ նրանք այդքան մեծ ջանքեր են գործադրում ռուսական պատվաստանյութի նկատմամբ վստահությունը խաթարելու համար, քանի որ այն լավագույններից է աշխարհում, ու նրանք պարզապես վախենում են այդ պատվաստուկից», - վստահ է նա:

Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը: Կլինիկական հետազոտությունների III փուլի ընթացքում «Սպուտնիկ V»-ն արդյունավետության, իմունոգենության ու անվտանգության բարձր ցուցանիշներ է ցույց տվել։ Պատվաստանյութի արդյունավետությունը կազմել է 91,6 տոկոս:

Ո՞ր պատվաստանյութով արժե պատվաստվել․ 5 գլխավոր միֆերը

Այն ապահովում է լիարժեք պաշտպանություն նոր կորոնավիրուսային վարակի ծանր դեպքերից: «Սպուտնիկ V» պատվաստանյութի կիրառումը հավանության է արժանացել ավելի քան 30 երկրներում: Այն երկրների ընդհանուր բնակչությունը, որտեղ գրանցված է ռուսական պատվաստանյութը, գերազանցում է 1,1 միլիարդը։

0
թեգերը:
Ռուսաստան, պատվաստանյութ, Սպուտնիկ V
թեմա:
Կորոնավիրուսը աշխարհում
Ըստ թեմայի
Հայաստանյան արտադրողները կարող են ներգրավվել «Սպուտնիկ V» պատվաստանյութի արտադրության մեջ
Պատվաստանյութերի դեֆիցիտը ստիպել է ԵՄ–ին ուշադրություն դարձնել «Սպուտնիկ V»–ին
ՀՀ–ի ռուս դիվանագետները պատվաստվել են «Սպուտնիկ V»-ով. Զախարովան մանրամասներ է հայտնել