Իրանի արտաքին գործերի նախարար Մոհամադ Ջավադ Զարիֆ, 27 հունվարի, 2021

Վերադարձնել ազդեցությունը Բաքվի վրա, Երևանին էլ նախագծեր առաջարկել․ Իրանը «թափ է հավաքում»

1241
(Թարմացված է 17:50 07.02.2021)
Թուրքիայի չափազանց լուրջ ներթափանցումը տարածաշրջան մեծ անհանգստություն է առաջացրել Թեհրանում. Իսլամական հանրապետության իշխանությունները Հարավային Կովկասում իրենց ազդեցությունը վերականգնելու համար կանեն ամեն ինչ։

ԵՐԵՎԱՆ, 5 փետրվարի – Sputnik. «Մեծ Թուրանի» ստեղծման հեռանկարները խիստ անհանգստացնում են Թեհրանին, որը կփորձի մեծացնել ազդեցությունը Հայաստանի և Ադրբեջանի վրա՝ ի հակակշիռ Անկարայի, Sputnik Արմենիային ասաց արևելագետ Կարինե Գևորգյանը:

Իրանի Իսլամական Հանրապետություն կատարած այցից հետո էկոնոմիկայի նախարար Վահան Քերոբյանը իրանական ընկերություններին կոչ է արել ներդրումներ կատարել Հայաստանում՝ մատնանշելով երկաթուղային հաղորդակցության սպասվող գործարկումը։

«Կարծում եմ՝ Իրանում շատ սուր բանավեճ է ընթանում, համենայն դեպս՝ ոչ հրապարակային դաշտում։ Որքան ինձ հայտնի է, նրանց շատ է մտահոգում Թուրքիայի չափից ավելի ներթափանցումը Անդրկովկաս, Միջին Ասիա։ Շատ նախագծեր, որոնք կառաջարկի Իրանը, այսպես թե այնպես այլընտրանքային են և ուղղված են այդ տարածաշրջաններում դիրքերն ամրապնդելու Անկարայի հնարավորությունների նվազեցմանը»,-նշեց Գևորգյանը։

Նրա խոսքով՝ «Մեծ Թուրան»-ի ստեղծման ծրագրերը մտահոգում են Թեհրանին, որն իր խնդիրն է համարում Ադրբեջանին իր պատմամշակութային դաշտ վերադարձնելը: Դա միանգամայն ակնհայտ է։

Իրանը լրջորեն ռազմավարական ծրագրեր է քննարկում տարածաշրջանի վերաբերյալ, այդ թեման սրվել է։ Ամենայն հավանականությամբ, իրանական իշխանությունները շատ լուրջ առաջարկներ են պատրաստում, որպեսզի չկորցնեն ազդեցության այն մակարդակը, որն ունեցել են։

Ադրբեջանցիները հատուկ տեխնիկայով փոխում են ջրի հունը. Մեղրի համայնքը լուրջ խնդրի է բախվում

Իրանցիներն առհասարակ շատ երկար են «թափ հավաքում»։ Սակայն երկար բանակցություններից հետո (իրանցիները շատ «պայմանագրային մարդիկ են»), որպես կանոն, անշեղորեն կատարում են պայմանավորվածությունները։ Միաժամանակ նրանք չեն սիրում, երբ իրենց փորձում են «խցկել» ուրիշի ձևաչափում, նրանք խնամքով են վերաբերվում իրենց ինքնիշխանությանը։

Այլ հարց է, որ Արցախյան երկրորդ պատերազմի ֆոնին իրանական Ադրբեջանում սկսել են լուրջ անջատողական միտումներ արտահայտվել։

Իրանի իշխանությունները, քաղաքական գործիչները, Իրանի հեղափոխության պահապանների կորպուսի (ԻՀՊԿ) ներկայացուցիչներն իրենց առջև խնդիր են դրել ներքաղաքական դաշտը մաքրել այդ վտանգավոր միտումներից։

«Որքան ինձ հայտնի է, վերջին ամիսներին նմանատիպ ելույթներին ակտիվորեն մասնակցող մարդանց ձերբակալություններ ու կալանովորումներ են եղել»,-նշեց Գևորգյանը։

Մեկնաբանելով Հայաստանի էկոնոմիկայի նախարարի խոսքերն այն մասին, որ Երևանն ու Թեհրանը պայմանավորվել են 6 ամսվա ընթացքում ավելացնել ապրանքաշրջանառությունը միանգամից 2,5 անգամ, Գեւորգյանը կարծիք հայտնեց, որ այդ հայտարարությունը քաղաքական բնույթ է կրում:

«Մյուս կողմից՝ նման հայտարարությունները հենց այնպես չեն արվում։ Հնարավոր է, որ ապրանքաշրջանառության ծավալների մեծացման հեռանկարները քննարկվում են ոչ միայն երկկողմ կապերի շրջանակում, այլև միջտարածաշրջանային հարաբերությունների համատեքստում։ Ես նկատի ունեմ այնպիսի գործոններ, ինչպիսիք են Ռուսաստանը, Իրաքը, մյուս արաբական երկրները։ Իրանը կարող էր հետաքրքիր լինեն տարանցման տեսանկյունից»,-նշեց Գևորգյանը։

Նրա կարծիքով՝ այդ հարցերը լրջորեն քննարկվում են։ Եվ ապրանքաշրջանառության ծավալների մեծացման հեռանկարներ, անկասկած, կան։ Բայց դա, հավանաբար, կլինի միայն այն բանից հետո, երբ Հայաստանը կընդունի ռեինդուստրալիզացիայի՝ արդյունաբերության վերականգնման ծրագիրը։

Իրանի արտգործնախարարը Նախիջևանում է. տարանցման խնդիրներ են քննարկվելու

Ավելի վաղ Իրանի արտաքին գործերի նախարար Մոհամադ Ջավադ Զարիֆը տարածաշրջանային շրջայց էր կատարել՝ բանակցություններ վարելով Հայաստանում, Ռուսաստանում, Ադրբեջանում, Թուրքիայում, Վրաստանում։

Հունվարի 11-ին Հայաստանի, Ռուսաստանի և Ադրբեջանի նախագահներ Նիկոլ Փաշինյանի, Վլադիմիր Պուտինի և Իլհամ Ալիևի հանդիպման ժամանակ պայմանավորվածություն է ձեռք բերվել եռակողմ բանակցային ձևաչափ ստեղծելու վերաբերյալ:

Հունվարի 12-ին հայտնի դարձավ, որ Արցախի հարցով եռակողմ աշխատանքային խումբը հայկական կողմից ղեկավարելու է փոխվարչապետ Մհեր Գրիգորյանը: Բանակցողների հիմնական խնդիրն է՝ պարզել, թե ինչ է հարկավոր կառուցել կամ վերականգնել տարածաշրջանում տրանսպորտային հաղորդակցության լիակատար ապաշրջափակման համար:

Հունվարի 30-ին եռակողմ աշխատանքային խմբի մասնակիցներն առաջին հանդիպումն անցկացրին և պայմանավորվեցին ստեղծել հետևյալ փորձագիտական ենթախմբերը՝ երկաթուղային, ավտոմոբիլային և համակցված փոխադրումների հարցով, փոխադրումների ապահովման հարցերով՝ ներառյալ անվտանգությունը, սահմանային, մաքսային, սանիտարական, անասնաբուժական, բուսասանիտարական վերահսկողությունը և վերահսկողության այլ տեսակներ:

1241
թեգերը:
Ադրբեջան, Թուրքիա, Իրանի Իսլամական Հանրապետություն, Հայաստան
Ըստ թեմայի
Ադրբեջանում թուրքական ավիաբազաների տեղակայումն ուղղակի մարտահրավեր է ՌԴ–ին և Իրանին
Պետք է գերակտիվ աշխատել, որ ձևավորվի Ռուսաստան–Իրան–Հայաստան առանցքը. Ոսկանյան
ՀՀ էկոնոմիկայի նախարարը ստորագրել է հայ-իրանական գործարար կապերի ամրապնդման հուշագիր
Автотрасса Север-юг

Ստորջրյա քարեր «Հյուսիս–Հարավ» ճանապարհին. պե՞տք է արդյոք այն հիմա

157
(Թարմացված է 23:43 28.02.2021)
«Հյուսիս–Հարավը» անկախ Հայաստանի պատմության մեջ ամենամեծ նախագծերից մեկն է, որի իրականացման հարցում շահագրգռված է ոչ միայն Երևանը, այլև Թեհրանն ու Թբիլիսին։

Լաուրա Սարգսյան, Sputnik Արմենիա

«Հյուսիս–Հարավ» ավտոմայրուղու նախագիծը ժամանակակից իրողություններում ու 2020 թվականի նոյեմբերի 9-ին Հայաստանի, Ռուսաստանի և Ադրբեջանի առաջնորդների եռակողմ հայտարարությամբ նախատեսված տրանսպորտային հաղորդակցությունների ապաշրջափակման համատեքստում չի կորցրել իր կարևորությունն ու նշանակությունը։ Ավելին, տրանսպորտային հաղորդակցությունների ոլորտի մասնագետները շարունակում են պնդել, որ ճանապարհը կարևոր է ոչ միայն Երևանի համար։

Դեռ երկու տարի առաջ նախագիծը հետաքրքրեց Չինաստանի գործընկերներին։ Փորձագետներն այն ժամանակ նշեցին, որ նախագծի իրականացման պարագայում ճանապարհը կարող է դառնալ «Նոր մետաքսի ճանապարհ» գլոբալ նախագծի մի մասը։

Նախագծի իրականացումն ու ավտոճանապարհի շահագործումը թույլ կտան Հայաստանին կարևոր տարանցիկ հանգույց դառնալ, որը կձևավորի Պարսից ծոց–Սև ծով միջանցքը, և երկիրը դուրս կբերի տրանսպորտային շրջափակումից։

Այս նախագծի կարևորությունը Երևանում հասկանում էին իշխանափոխությունից և՛ առաջ, և՛ հետո։ Իսկ օրերս Գյումրիում ՀՀ վարչապետ Նիկոլ Փաշինյանի հետ խորհրդակցության ժամանակ հայտարարվել էր 2021 թվականին Թալին–Լանջիկ և Լանջիկ–Գյումրի հատվածի կառուցման մասին։

Ի՞նչ է հայտնի նախագծի մասին, և ե՞րբ այն կավարտվի

Հասկանալու համար, թե ինչ աշխատանքներ են իրականացվել ավտոմայրուղու շինարարության նախագծի իրականացման շրջանակում, մենք դիմեցինք ՀՀ տարածքային կառավարման և ենթակառուցվածքների նախարարություն։ Գերատեսչության ճանապարհային դեպարտամենտից մեզ պատասխանեցին, որ «Հյուսիս–Հարավ» տրանսպորտային միջանցքը լայնածավալ նախագիծ է, որը բաղկացած է 5 տրանշից։

«Աշխատանքներն ամբողջությամբ ավարտվել են Տրանշ-1–ում. կառուցվել է Երևան–Աշտարակ, Երևան–Արտաշատ 31-կիլոմետրանոց ճանապարհը և 2016 թվականին հանձնվել շահագործման», – ասացին դեպարտամենտում։

Գերատեսչությունից նշեցին, որ ներկա պահին Տրանշ-2-ի անավարտ աշխատանքների ծավալի գնահատում է իրականացվում (Աշտարակ-Թալին 42 կմ երկարությամբ ճանապարհահատված)։ 2021 թվականի վերջին կապալառուի միջազգային մրցույթ կհայտարարվի։

Ապաշրջափակում չի կարող լինել, քանի դեռ գերիների հարցը չի լուծվել․ փորձագետ

Դեպարտամենտից հիշեցրին, որ նշված տրանշով զբաղվում էր իսպանական Corsan Corviam Construccion S.A. ընկերությունը, որը 2018 թվականին դադարեցրեց շինարարական աշխատանքներն ու հեռացավ հայաստանյան շուկայից։ 2019 թվականի հուլիսին ընկերության հետ պայմանագիրը խզվեց կապալառուի կողմից պայմանագրի բազմաթիվ խախտումների, ինչպես նաև նրա անվճարունակության  պատճառով։

2019 թվականի նոյեմբերին Միջազգային առևտրային պալատ դիմում էր ներկայացվել կապալառուի դեմ արբիտրաժային քննություն սկսելու մասին։ Գործընթացը շարունակվում է։

Գերատեսչությունից պարզաբանեցին, որ ներկա պահին շինարարական աշխատանքներ են իրականացվում Տրանշ-3-ում (Թալին–Լանջիկ` 18,7 կմ, Լանջիկ–Գյումրի` 27,5 կմ, ճանապարհների ընդհանուր երկարությունը` 46,2 կմ)։ Բացի այդ, նախագծման աշխատանքներ են տարվում 3 ենթահատվածից բաղկացած Տրանշ-4–ի շրջանակում Քաջարան–Ագարակ հատվածում։

«Նախագծի շինարարության ավարտի մասին կարելի է հստակ հայտարարել` տրանշներում ֆինանսական աղբյուրների ճշգրտումից և շինարարության մեկնարկից հետո», – հայտարարեցին դեպարտամենտում։

Ներկա պահին շինարարական աշխատանքներ են ընթանում Թալին–Լանջիկ, Լանջիկ–Գյումրի ճանապարհահատվածներում։ Կապալառուն չինական Sinohydro Corporation ընկերությունն է։ Արդեն իրականացվել են հիմքի և ենթահիմքի աշխատանքները։ Ճանապարհի որոշ հատվածներ պատրաստ են ասֆալտապատման համար, գործընթացը կմեկնարկի 2021 թվականին։

Տրանշ–3-ի շինարարությունը նախատեսվում է ավարտել 2022 թվականի վերջին - 2023 թվականի սկզբին։

Իսկ փաստացի՞

Հայաստանի տրանսպորտային առաքողների միության ղեկավար Եղիշե Հովհաննիսյանը տրանսպորտային միջանցքը Երևանի համար կարևոր է համարում։ Sputnik Արմենիայի հետ զրույցում նա նշեց, որ ճանապարհի նշանակությունը չի փոխվում տարածաշրջանում տրանսպորտային հաղորդակցությունների ապաշրջափակման մասին հայտարարությունների համատեքստում։

«Ճանապարհը ապաշրջափակման հարցի հետ անուղղակիորեն է կապված, այդ մայրուղին իր գործառույթն ունի, այն սկսել են կառուցել և այն գործելու է», – ասաց Հովհաննիսյանը։

Նա հիշեցրեց, որ իսկզբանե «Հյուսիս–Հարավ»–ը նախատեսված էր որպես տարանցիկ և կենտրոնական մայրուղի հայկական բեռների տեղափոխման համար, որը հնարավորություն  կտա Իրանին, Վրաստանին, Հայաստանին կոմունիկացիոն կապ ունենալ։

Հայաստանը, Շիրակի մարզը, Գյումրին պետք է կառուցենք նորովի. Փաշինյան

Մայրուղին նախևառաջ նախատեսված է տարանցման համար և, ըստ էության, շարունակում է այդպիսին մնալ։ Ըստ նրա` միջանցքի գործարկումը թույլ կտա աշխուժացնել տրանսպորտային լոգիստիկան։ Ճանապարհը թույլ կտա Իրանից և Հայաստանից բեռներին անմիջապես ելք ապահովել դեպի վրացական Փոթի և Բաթում նավահանգիստներ։

«Այստեղ ուղիղ ճանապարհ կլինի դեպի ծով Վրաստանի տարածքով, ինչը կարևոր է ինչպես Երևանի, այնպես էլ Թեհրանի համար։ Ճանապարհը կապելու է Պարսից ծոցն ու Սև ծովը», – ասաց Հովհաննիսյանը։

Փորձագետն ընդգծեց, որ ավտոճանապարհը ծովայինից բավական կարճ է։  Իսկ լոգիստիկայում առանձնակի տեղ ու դեր ունեն ժամանակի և ծախսի գործոնները։

«Հյուսիս–Հարավ» նախագիծն անկախ Հայաստանի պատմության մեջ ամենալայնածավալ նախագծերից մեկն է։  Ճանապարհը կկրճատի տարածությունը իրանական սահմանից մինչև վրացական սահման 550 կմ–ից մինչև 490 կմ և կհեշտացնի ելքը դեպի Սև ծով ոչ միայն Հայաստանի, այլև Իրանի համար։

157
թեգերը:
Իրանի Իսլամական Հանրապետություն, Վրաստանի Հանրապետություն, Հայաստան, «Հյուսիս–հարավ» ավտոճանապարհ
Ըստ թեմայի
Երկաթուղային հաղորդակցության սխեման Հարավային Կովկասում` ապաշրջափակումից հետո
Ֆրանսիական ռազմական օգնությունը Հայաստանին. ի՞նչ է թաքնված դրա հետևում
«Հյուսիս–հարավ» ճանապարհի շինարարությունը շարունակվում է. մանրամասներ
Իլհամ Ալիև

Ալիևը հայտարարել է, թե բոլոր ռազմագերիներին հանձնել է Հայաստանին

413
(Թարմացված է 12:34 26.02.2021)
Ասուլիսի ընթացքում Ադրբեջանի նախագահը ադրադարձել է նաև Հայաստանում տեղի ունեցող իրադարձություններին ու Արցախի շուրջ ստեղծված իրավիճակին:

ԵՐԵՎԱՆ, 26 փետրարի - Sputnik. Ադրբեջանի նախագահ Իլհամ Ալիևը հայտարարել է, որ Բաքուն բոլոր ռազմագերիներին է հանձնել Երևանին:

«Մենք նրանց վերադարձրեցինք բոլոր գերիներին և զոհված զինծառայողների մարմինները: Պատերազմից հետո նրանց վերադարձվեց ավելի քան 1000 դիակ», - ասել է նա ՝ ավելացնելով, որ Ադրբեջանում հիմա միայն հայ դիվերսանտներ են մնացել:

Միևնույն ժամանակ, Ալիևը հույս ունի, որ չնայած Հայաստանում ստեղծված իրավիճակին, որը նա որակել է իբրև «երկրի ներքին գործ», Ղարաբաղի վերաբերյալ եռակողմ հայտարարության բոլոր դրույթները կյանքի են կոչվելու:

Ալիևը դժգոհել է, թե հայկական կողմն Ադրբեջանին չի տվել ականապատ տարածքների քարտեզները, ինչն իրենք որակում են իբրև պատերազմական հանցագործություն:

Հիշեցնենք, որ մինչ օրս Հայաստան է վերադարձել 69 գերի (այդ թվում՝ քաղաքացիական անձինք)։ Պաշտոնական տվյալներ չկան, թե քանի գերի ունենք ադրբեջանական կողմում, սակայն 2020թ. նոյեմբերի 9-ի եռակողմ հրադադարի մասին հայտարարությունը ստորագրելուց գրեթե չորս ամիս անց ոչ պաշտոնական տվյալներով մինչև 300 հայ ռազմագերիներն ու պատանդները դեռ շարունակում են մնալ գերության մեջ:

413
թեգերը:
Արցախ, Լեռնային Ղարաբաղ, Նիկոլ Փաշինյան, Հայաստան, ռազմագերի, գերի, Ադրբեջան, Իլհամ Ալիև
Ըստ թեմայի
ՀՀ նախագահն ու Մուրադովը հանդիպում են. քննարկվում է գերիների հարցը
Գերիների վերադարձ, սահմանազատում. էլ ի՞նչ են քննարկել Արմեն Սարգսյանն ու Ռուստամ Մուրադովը
Ադրբեջանը շարունակում է որպես գործիք օգտագործել գերիների վերադարձի հարցը. Այվազյան
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

0
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

0
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին