Էրդողանը պատվաստվել է կորոնավիրուսի դեմ

60
(Թարմացված է 23:06 14.01.2021)
Ավելի քան 250 հազար բուժաշխատողներ արդեն ստացել են չինական պատվաստանյութ։

ԵՐԵՎԱՆ, 14 հունվարի - Sputnik. Թուրքիայի նախագահ Ռեջեփ Թայիփ Էրդողանը Անկարայի քաղաքային հիվանդանոցում պատվաստվել է կորոնավիրուսի դեմ։ Տեղեկությունը հաղորդում է թուրքական NTV հեռուստաալիքը։

«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին

Նախօրեին Թուրքիայի առողջապահության նախարար Ֆահրեթթին Կոջան ուղիղ եթերում պատվաստվել էր չինական SinoVac ընկերության «Սորոնավակ» պատվաստանյութով։ Այդպիսով, նա երկրում պատվաստման արշավ է սկսել։

Թուրքիայի առողջապահության նախարարության տվյալներով՝ պատվաստման հենց առաջին օրն ավելի քան 250 հազար բուժաշխատողներ կորոնավիրուսի դեմ պատվաստվել են չինական դեղամիջոցով:

60
թեգերը:
պատվաստանյութ, կորոնավիրուս, Ռեջեփ Թայիփ Էրդողան
թեմա:
Կորոնավիրուսը աշխարհում (971)
Ըստ թեմայի
Առանց վարանելու ռուսական պատվաստանյութը կընտրեմ. Նատալյա Օրեյրո
ՀՀ-ն բանակցություններ է վարում. կորոնավիրուսի պատվաստանյութերից որն առաջինը տեղ կհասնի
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
Թուրք–ադրբեջանական զորավարժություններ

Թուրք–ադրբեջանական զորավարժություններ. նոր պատերա՞զմ, թե՞ քաղաքական ցուցադրություն

425
(Թարմացված է 23:21 18.01.2021)
Թուրք-ադրբեջանական սպասվող զորավարժությունների համատեքստում հավանական սպառնալիքն են գնահատել փորձագետները Sputnik Արմենիայի հետ զրույցում։

ԵՐԵՎԱՆ, 18 հունվարի – Sputnik․ Կարսում սպասվող թուրք-ադրբեջանական զորավարժությունները Հայաստանում բավականին տհաճ հիշողություններ ու զուգահեռներ են ծնում։ Գրեթե նույնպիսի զորավարժություններ էին անցկացվում նախորդ տարվա հուլիս-օգոստոսին, և դրանց ավարտից մոտ մեկուկես ամիս անց Թուրքիայի ամենաակտիվ մասնակցությամբ սկսվեց Արցախյան պատերազմը։

Եվ չնայած տարածաշրջանի ռազմաքաղաքական իրավիճակը շատ է տարբերվում 2020թ․-ի ամռան-աշնան իրավիճակից, ու հակամարտության նոր սրացում չի սպասվում, ակնհայտ է, որ ռազմական ոլորտում թուրք-ադրբեջանական համագործակցության ուժեղացումը չի կարող չանհանգստացնել Հայաստանին։

Զորավարժությունները սկսվում են փետրվարի 1-ին Կարսի գավառում և կշարունակվեն մինչև փետրվարի 12-ը։ Դրանցում ներգավված կլինեն տանկային միավորումներ, հրետանային զորամասեր, դիպուկահարների ջոկատներ, հատուկ ծառայությունների աշխատակիցներ և ավիացիա։ Թուրքիայի պաշտպանության նախարարության հայտարարության մեջ ասվում է, որ զորավարժությունների նպատակն է ապահովել համակարգումը համատեղ գործողությունների դեպքում, ինչպես նաև փորձարկել նոր սպառազինությունն ու տրանսպորտային միջոցները:

Նախատեսվում է նաև ավիահարվածներ մշակել պայմանական հակառակորդի օբյեկտների ուղղությամբ, դեսանտավորում և տրամաբանական աջակցություն կիրառել։ Անձնակազմի թվաքանակի ու տեխնիկայի քանակության մասին տեղեկություն չի հաղորդվում․ պաշտոնական հաղորդագրություններում նշվում է միայն «լայնամասշտաբ» մարզումների մասին։

Ադրբեջանի կողմից զորավարժություններին կմասնակցի համազորային բանակի՝ Նախիջևանում տեղակայված ստորաբաժանումը։ Թուրքիայի ռազմական գերատեսչության հրապարակած տեսանյութից դատելով՝ Նախիջևանից Կարս է մեկնել համահավաք դասակ։ Սա, անշուշտ, շատ չէ, սակայն, ինչպես կարծում է ռազմական փորձագետ Տարոն Հովհաննիսյանը, այստեղ ավելի շատ պետք է դիտարկել մասնակցության քաղաքական բաղադրիչը։ Նա նշում է, որ ադրբեջանական զինուժը նախորդ տարիներին ևս մասնակցել է Կարսում անցկացվող ձմեռային զորավարժություններին և մեկ վաշտից ավելի այնտեղ չեն ուղարկել։

Կարսի թուրք–ադրբեջանական զորավարժությունները կարող են մտահոգիչ լինել նաև ՌԴ–ի համար

«Սովորաբար նման դեպքերում ստուգվում է հատուկ ստորաբաժանումների ներդաշնակության աստիճանը։ Դրանով հենց կարելի է բացատրել ադրբեջանական զորքերի ոչ մեծաքանակ մասնակցությունը։ Բայց այն, թե ինչպես է դա ներկայացվում, ինչ աղմկոտ քարոզչական արշավ են նրանք կազմակերպում, թույլ է տալիս խոսել քաղաքականացման բարձր մակարդակի մասին»,-ասաց Հովհաննիսյանը Sputnik Արմենիային տված հարցազրույցում։ 

Փորձագետը զորավարժության կազմակերպման մեջ որևէ նոր բաղադրիչ չի տեսնում՝ միևնույն ագրեսիվ հռետորաբանությունն է ու սադրիչ հայտարարությունները։ Ձևաչափն ու մասնակիցների կազմը նույնպես նախորդ տարիների զորավարժությունների համեմատ առանձնապես չեն փոխվել։ Հարցին, թե նման զորավարժությունների համատեքստում որքան մեծ է էսկալացիայի ռիսկը, է Razm.info ռազմական կայքի համակարգող Կարեն Վրթանեսյանն ասաց, որ ցանկացած զորավարժություն ինչ-ինչ քաղաքական մեսիջներ պարունակում է։ Բայց, այնուամենայնիվ, պետք է առաջին հերթին խոսել ռազմական բաղադրիչի մասին։ Ցանկացած զորավարժություն ուժեղացնում է այդ զորավարժությունն անցկացնող բանակին։

Մշակվում են հավանական հակառակորդին հետ մղելու համատեղ հնարքները և մեթոդները, ստորաբաժանումների ներդաշնակության հարցերը և այլն: Այդ համատեքստում՝ մեր թշնամիների հզորացմանն ուղղված ցանկացած գործընթաց պետք է մտահոգի մեզ:

Փորձագետի կարծիքով՝ սա արդիական է նաև ռուսական կողմի համար, հաշվի առնելով, որ Կարսից ոչ հեռու՝ սահմանի մյուս կողմում, տեղակայված է 102-րդ ռուսական ռազմակայանը։ Վրթանեսյանը կարծում է, որ Ռուսաստանի համար իր բազայի անմիջական հարևանությամբ թուրքական զինուժի ցանկացած ուժեղացում, ցանկացած ենթակառուցվածքային բարելավում պետք է մտահոգի: Հարցին, թե ինչպես պետք է զորավարժություններին արձագանքեն Հայաստանի իշխանությունները, Վրթանեսյանը հայտարարեց, որ ՀՀ ղեկավարության կողմից արձագանքելու որևէ ցանկություն, որևէ մտադրություն կամ ունակություն չի տեսնում:

Ռուս ռազմական փորձագետ, Քաղաքական և ռազմական վերլուծության ինստիտուտի փոխտնօրեն Ալեքսանդր Խրամչիխինի կարծիքով` Կարսում զորավարժություններն ավելի շատ պետք է դիտարկել որպես թուրք-ադրբեջանական ռազմական համագործակցության պահպանման ցուցադրություն: Հայաստանի դեմ նոր պատերազմի մասին խոսելն այժմ ոչ մի իմաստ չունի, առավել ևս ՝ Թուրքիայի մասնակցությամբ։ Նա կարծում է, որ Հայաստանի դեմ Թուրքիայի պատերազմը կնշանակի նաև պատերազմ Ռուսաստանի դեմ։

«Մեծ հաշվով՝ Ղարաբաղի պատերազմի արդյունքներով Ալիևը մի քիչ «գցեց» Էրդողանին։ Էրդողանը նրան հաղթանակ նվիրեց, իսկ վերջինս ի պատասխան ոչինչ չապահովեց։ Իսկ քանի որ Թուրքիայի հետ լուրջ վիճելն Ադրբեջանի համար շահեկան չէ, ապա նա կշարունակի համագործակցել Անկարայի հետ, որպեսզի որևէ մեկը որևէ կասկած չունենա»,-ասաց Խրամչիխինը Sputnik Արմենիային տված հարցազրույցում։

Իրանը ՀՕՊ ուժերի խոշոր զորավարժություններ կանցկացնի Թուրքիայի և Ադրբեջանի հետ սահմանին

Մեր զրուցակիցը կարծում է, որ հայկական և ռուսական կողմերը Կարսում զորավարժությունների պատճառով ինչ-որ բան ձեռնարկելու հատուկ անհրաժեշտություն չունեն։ Եթե խոսենք հայ-ռուսական միացյալ խմբավորման մասին, ապա այն իր ծրագրերն ու խնդիրներն ունի։ Դրանցում կարող են ինչ-որ շտկումներ կատարվել, բայց ինչ-որ բան ձեռնարկելու դեպքում պետք է դա անել Ղարաբաղի պատերազմի արդյունքների հիման վրա։

Խրամչիխինը կարծում է, որ Ռուսաստանն ակնհայտորեն հիացած չէ թուրք-ադրբեջանական ռազմական մերձեցմամբ։ Հավանաբար, հենց դա էլ ցույց է տալիս նոյեմբերի 9-ին հրադադարի մասին համատեղ հայտարարության տակ թուրքական կողմի ստորագրության բացակայությունը։ Սակայն Բաքվի և Անկարայի հետ բացեիբաց առճակատման գնալ Մոսկվան չի ցանկանում։

425
թեգերը:
Կարս, Ռուսաստան, Հայաստան, Զորավարժություններ, Ադրբեջան, Թուրքիա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Լավրովն «էկզոտիկ» է համարել Ղարաբաղը Ռուսաստանի կազմ մտցնելու առաջարկը
Պատճառ չկա, որ Հայաստանի պաշտոնյաները չայցելեն Ղարաբաղ. Լավրով
Ահմեդ Դավութօղլուն

Շուտով Էրդողանը կհեռացվի իր թիմի կողմից. Դավութօղլու

406
(Թարմացված է 14:38 18.01.2021)
Թուրքիայի նախագահի նախկին դաշնակիցն ու գործընկերը հիմա դարձել է նրա ամենաթեժ քննադատներից մեկը։

ԵՐԵՎԱՆ, 18 հունվարի — Sputnik. Թուրքիայի նախագահ Ռեջեփ Էրդողանը շուտով կհեռացվի հենց իր թիմի կողմից։ Karar TV-ին տված հարցազրույցում նման կարծիք է հայտնել Թուրքիայի նախկին վարչապետ, նախկին արտգործնախարար, «Ապագայի կուսակցության» առաջնորդ Ահմեդ Դավութօղլուն։

Նա ասել է, որ Էրդողանն այժմ փաստացի գտնվում է ռազմական խռովարարների վերահսկողության տակ։ Նրան շատ հացերում զսպում է նաև կոալիցիոն գործընկեր, «Ազգային շարժում» կուսակցության առաջնորդ Դևլեթ Բահչելին։

Նախկին վարչապետի կարծիքով՝ Թուրքիայի նախագահին չափազանց դժվար կլինի հաղթել ընտրություններում։

«Էրդողանը հայտնվել է քաղաքական ճամփաբաժանում։ Կարծում եմ՝ նա շատ շուտով հեռացվելու է», - ավելացրել է քաղաքական գործիչը։

Էրդողանը պատվաստվել է կորոնավիրուսի դեմ

Հիշեցնենք՝ Էրդողանի հերբեմնի համախոհ ու դաշնակից Ահմեդ Դավութօղլուն համարվում է նեոօսմանիզմի  գաղափարակիցներից։ Նրանց ճանապարհները տարբեր ուղղությամբ են գնացել 2016 թվականի մայիսին, երբ Դավութօղլուն հրաժարական է տվել վարչապետի պաշտոնից։ 2019 թվականի քաղաքական գործիչը հեռացել է «Արդարություն և զարգացում» կուսակցությունից ու հիմնել է «Ապագայի կուսակցություն» ընդդիմադիր կուսակցությունը։

406
թեգերը:
Ահմեդ Դավութօղլու, Թուրքիա, Ռեջեփ Թայիփ Էրդողան
Ըստ թեմայի
Թուրքիայի ափերի մոտ նավի խորտակման հետևանքով 4 մարդ է մահացել, 6-ին փրկել են. տեսանյութ
«Արարատ Միրզոյանը Թուրքիայի հատուկ ծառայությունների գործակալ է». Միքայել Մինասյան
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ

Պարենային ինքնաբավության խնդիրն Արցախում դժվար թե լուծվի առկա հողատարածքներով. Ավետիսյան

0
(Թարմացված է 23:51 18.01.2021)
«Ամբերդ» հետազոտական կենտրոնի ավագ փորձագետ, տնտեսագիտության դոկտոր, պրոֆեսոր Սամվել Ավետիսյանը Sputnik Արմենիայի հետ զրույցի ընթացքում խոսել է պարենային անվտանգության խնդիրների մասին, որոնք ավելի ցցուն են դարձել արցախյան պատերազմից հետո։

Սամվել Ավետիսյանի դիտարկմամբ` պարենային անվտանգությունը դարձել է ամենակարևոր հիմնախնդիրներից մեկը, և Հայաստանին պատուհասած երկու արհավիրքները` համավարակն ու պատերազմն էական ազդեցություն են թողել պարենային անվտանգության վրա։

«Սկզբում կորոնավիրուսը խաթարեց հասարակական կյանքի ռիթմը, իսկ հետո արցախյան պատերազմն իր հետ բերեց զգալի կորուստներ, մասնավորապես Արցախի գյուղնախարարի վկայությամբ` հողատարածքների 75 տոկոսն անցավ թշնամուն։ Եթե հաշվի առնենք, որ Արցախում գյուղատնտեսական նշանակության հողատարածքների 90 տոկոսը դրված էր հացահատիկի ու հատիկաընդեղենային մշակաբույսերի տակ, ապա պարզ է դառնում, թե որն է կորուստի առյուծի բաժինը»,– նշեց տնտեսագետը։

Ավետիսյանը ևս մեկ անգամ հիշեցրեց, որ մեր պարենային պաշարները համալրվում էին նաև Արցախից եկած ցորենով, քանզի տարեկան ներկրվում էր 30 հազար տոննա ցորեն, 18 հազար տոննա գարի, և հիմա քիչ է ասել, որ պաշարներն այլևս չեն գա, որովհետև, Ավետիսյանի կանխատեսմամբ, կստեղծվի մի իրավիճակ, երբ ստիպված կլինենք արդեն մեր բաժնից մաս հանել Արցախի համար։

Մասնագետի համոզմամբ`պարենային ինքնաբավության խնդիրն Արցախում դժվար թե լուծվի պատերազմից հետո մնացած հողատարածքներով։ Նա անդրադարձավ Հայաստանի և Արցախի պարենային հաշվեկշռի կազմման մեթոդաբանությանը, ինչպես նաև պարենային ինքնաբավությանը միտված պետական քաղաքականությանը` խոսելով գործարարների հետ կնքվելիք ֆյուչերսային, այսինքն` ապագային միտված պայմանագրերի անհրաժեշտության մասին։

0
թեգերը:
Սամվել Ավետիսյան, Պատերազմ, կորոնավիրուս, Արցախ
թեմա:
Sputnik զրույց
Ըստ թեմայի
Երբ ուղիղ մահվան աչքերին ես նայում, կամ սարկավագ Քամալյանի պատերազմական պատմությունները
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
«Փաշինյանը նվազագույնը 38,4 մլրդ դոլարի վնաս է հասցրել Հայաստանին». Մեսրոպ Մանուկյան
Արցախ վերադարձած ընտանիքները կշարունակեն ապահովվել պարենամթերքով և անհրաժեշտ պարագաներով