Սիրանուշ Սահակյան

Ինչու չլուծվեց գերիների հարցը. իրավապաշտպանը մատնանշել է խանգարող հանգամանքները և սխալները

402
(Թարմացված է 20:39 14.01.2021)
Իրավապաշտպանը նշում է, որ բանակցությունների ֆոնին դատական գործընթացները դանդաղում են։ Նրա կարծիքով՝ պետությունը որոշակի լուրջ սխալներ է թույլ տվել, ինչն էլ հիմք է դարձել Ադրբեջանի համար գործընթացը միակողմանիորեն տանել իր համար ցանկալի ուղղությամբ։

ԵՐԵՎԱՆ, 14 հունվարի – Sputnik․ Հայաստանի և Ադրբեջանի միջև ընթացող քաղաքական բանակցությունները որոշակի ազդեցություն ունեն գերիների վերադարձին վերաբերող իրավական գործընթացների վրա։ Sputnik Արմենիայի հետ զրույցում նման կարծիք հայտնեց Մարդու իրավունքների եվրոպական դատարանում Սահմանադրական դատարանի նախագահի ու դատավորների ներկայացուցիչ Սիրանուշ Սահակյանը։ Մասնավորաբար, նա անդրադարձավ հունվարի 11-ին Մոսկվայում տեղի ունեցած եռակողմ հանդիպմանն ու բանակցություններին, որից հետո Նիկոլ Փաշինյանի խոսքով՝ «ռազմագերիների հարցը չհաջողվեց լուծել»։

«Եթե առհասարակ չհանդիպեին և չերկխոսեին որևէ խնդրով, միջազգայնորեն այս ձևաչափը չընկալվեր որպես օրինական, ճանաչված, արդյունավետ մեխանիզմ, ապա իրավական կառույցները, միջազգային գործընկերներն ավելի մեծ պատասխանատվությամբ կզբաղվեին խնդրով։ Ներկայումս միջազգային գործընկերները քաջ գիտակցում են, որ Հայաստանի և Ադրբեջանի միջև տեղի են ունենում բանակցություններ։ Այդ բանակցություններն ընկալվում են որպես արդյունավետ, այլապես ընդհանուր խնդիրներ չէին լուծվի, և Հայաստանը այդ բանակցությունների սեղանին զիջումների չէր գնա»,- նշեց իրավապաշտպանը։

Նա ընդգծում է՝ եթե կա գործող մեխանիզմ, որտեղ կողմերը երկխոսում են բարդ խնդիրներով, ենթադրվում է, որ մարդասիրական խնդիրներն առաջին հերթին պետք է լուծում ստանան հենց նույն  բանակցությունների միջոցով։ Իսկ եթե այդ ձևաչափում մարդասիրական խնդիրները լուծում չեն ստանում,  ապա Հայաստանը, նրա խոսքով, այդ ձևաչափում անելիք չունի։

Սիրանուշ Սահակյանը նկատում է, որ իհարկե ընթացող բանակցությունները որևէ կերպ չեն ազդում ՄԻԵԴ-ի կողմից որոշումների ընդունման վրա, սակայն Ադրբեջանն էլ պաշտպանվում է այդ նույն փաստարկներով և ազդանշան է  տալիս, որ դատական ատյանն ավելի համբերատար պետք է գտնվի, որովհետև դատական գործընթացներին զուգահեռ ընթանում են արդյունավետ քաղաքական գործընթացներ, և միջազգային դատական կառույցները չեն կարող անտեսել կամ ստորադասել այդ քաղաքական ընթացակարգերը։

«Կոչ եմ անում վստահել մեր ջանքերին». ՀՀ արտգործնախարարը` գերիների վերադարձի մասին

Իրավապաշտպանը նշում է, որ բանակցությունների ֆոնին դատական գործընթացները, կարծես թե դանդաղում են։ Նրա կարծիքով՝ պետությունը որոշակի լուրջ սխալներ է թույլ տվել, ինչն էլ հիմք է դարձել Ադրբեջանի համար գործընթացը միակողմանիորեն տանել իր համար ցանկալի ուղղությամբ։

Որպես առաջին սխալ՝ իրավապաշտպանը նշում է «կարգավորվածության դետալները»։ Մեկնաբանում է՝ շատ կարևոր էր հենց բանակցությունների սկիզբը, խնդիրները պետք է քննարկվեին, համաձայնեցվեին բոլոր պայմանները, չկարգավորված հարցեր չպետք է մնային։

Երկրորդը սխալն այն էր, որ մեր պետությունն իր ձեռքում պետք է լծակներ պահեր։ Շեշտում է՝ Հայաստանը չպետք է գնար ամեն տեսակի զիջումների, հենց սկզբից պետք է փոխկապվածություն ստեղծվեր։ Մեր կողմից արված մի զիջումից հետո պետք է լուծվեին Հայաստանին առնչվող մարդասիրական խնդիրները և այդ հերթագայությամբ պետք է շարունակվեր։

«Քանի դեռ Հայաստանին առնչվող մարդասիրական խնդիրները չէին լուծվել, իսկ դրանք չլուծելու համար իրավական, բարոյական հիմքեր գոյություն չունեն, Հայաստանը պետք է սառեցներ բոլոր գործընթացները»,- նշում է նա։

Այս առումով, Հայաստանը չպետք է առաջինն արտահանձներ մեր երկրում պահվող Ադրբեջանի 2 հանցագործներին, քանի դեռ վերջին հայը չեր վերադարձել։

Ինչ վերաբերում է այն դիտարկմանը, թե Ադրբեջանն իր տնտեսական շահերն առաջ է տանում՝ օգտագործելով կամ շահարկելով հայ ռազմագերիների գործոնը, իրավապաշտպանը կարծում է, որ պարզապես Ադրբեջանը կարողանում է բանակցություններում իր տնտեսական շահերն առաջ տանել։ Իրավապաշտպանը կապվածություն չի տեսնում ռազմագերիների վերադարձի և տարածքներ զիջելու, կամ այլ զիջումների միջև։ Այնուամենայնիվ նկատում է, եթե զիջումների գինը ռազմագերիների վերադարձն էր, ապա հունվարի 11-ին ևս Հայաստանը գնացել է զիջումների, սակայն ռազմագերիների վերադարձ չի եղել։

Բոլոր գործընկեր երկրները պետք է ջանքեր գործադրեն գերիների վերադարձի համար․ Միրզոյան

Ինչ վերաբերում է Ադրբեջանում պահվող հայ գերիներին, ապա նրանք 100-ից ավելի են, հստակ թիվ դժվարանում է նշել։

«120 դեպք կա, որ մենք հիմնավորում ենք անհերքելի ապացույցներով նրանց գերեվարվելու փաստը, սակայն Բաքուն պաշտոնապես հաստատում է միայն 5-ը։ Բոլոր անձնաց նկատմամբ կիրառված են միջանկյալ միջոցներ, նույնիսկ ավելի շատ անձանց նկատմամբ է կիրառված, պարզապես երբ մենք խոսում ենք 120 դեպքերի մասին, դրանք անվիճելի են»,- նշեց Սահակյանը։

Նախնական տեղեկություններով` գերիներից  10-ը կին են եղել, 5-ը վերադարձվել են։

Լիբանանահայ կինը գնացել է Շուշիից իրերը վերցնելու, նրան գերի են վերցրել. ՄԻԵԴ–ը հաստատել է

Նա անդրադարձավ նաև Ադրբեջանի կողմից 64 հայ  ռազմագերիների նկատմամբ հարուցված քրեական գործերին։ Խոսքը Խծաբերդի հատվածում գերեվարված 62-հոգանոց խմբի մասին է, նույն հատվածում եղել է նաև Էջմիածնի ՄՈԲ-ը՝ 11-հոգանոց խմբով. նրանցից 9-ը սպանվել են, 2-ը՝ գերեվարվել։ Սահակյանի խոսքով՝ քրեական գործընթացներ են ընթանում ավելի  մեծ թվով հայ ռազմագերիների նկատմամբ։ Իրավապաշտպաններն արդեն իսկ այս խնդրով զբաղվում են, պետք է համապատասխան միջոցներ ձեռնարկվեն, որ միջազգային ատյաններում, այդ թվում՝ դատական, բարձրաձայնվեն ապօրինի քրեական հետախուզման դեպքերը։

402
թեգերը:
Արցախյան պատերազմ, Եռակողմ հայտարարություն, Վլադիմիր Պուտին, Իլհամ Ալիև, Նիկոլ Փաշինյան, Հայաստան, Ադրբեջան, ռազմագերի, գերի
Ըստ թեմայի
Պատրա՞ստ է ՄԻՊ–ը գերիների հարցով Ադրբեջանի գործընկերոջ հետ հանդիպել. նոր զեկույց կլինի
ՀՀ գլխավոր դատախազը Մոսկվայում բարձրացրել է հայ գերիներին շուտափույթ վերադարձնելու հարցը
Պետք չէ շահարկել. Մակունցը` Մոսկվայում գերիների հարցում համաձայնության չհասնելու մասին
Մոհամադ Ջավադ Զարիֆ

Իրանի ԱԳ նախարարը պատրաստվում է այցելել Հայաստան, Ռուսաստան Վրաստան և Ադրբեջան

16
(Թարմացված է 17:08 20.01.2021)
Իրանի արտաքին քաղաքական գերատեսչության ղեկավարի խոսքով՝ ինքը ցանկանում է այցելել այն երկրները, որոնք կարող են օգնել Ղարաբաղյան հիմնախնդրի կարգավորման, ինչպես նաև տարածաշրջանում խաղաղության և կայունության հաստատման հարցում:

ԵՐԵՎԱՆ, 20 հունվարի - Sputnik. Իրանի արտգործնախարար Մոհամադ Ջավադ Զարիֆը մտադիր է այցելել Հայաստան, Վրաստան, Ադրբեջան և Ռուսաստան: Նրա շրջագայությունը պլանավորվում է հաջորդ շաբաթ, հայտնում է Fars գործակալությունը։

«Հաջորդ շաբաթ ես պլանավորում եմ այցելել Կովկաս և Ռուսաստան», - հայտնել է Զարիֆը:

Իրանի արտաքին քաղաքական գերատեսչության ղեկավարի խոսքով՝ ինքը ցանկանում է այցելել այն երկրները, որոնք կարող են օգնել Ղարաբաղյան հիմնախնդրի կարգավորման, ինչպես նաև տարածաշրջանում խաղաղության և կայունության հաստատման հարցում:

Ընդ որում, Մոհամմադ Ջավադ Զարիֆը չի նշել Հարավային Կովկասի երկրներ և Ռուսաստան այցերի ճշգրիտ ամսաթիվը:

Ավելի վաղ Ռուսաստանի ԱԳՆ պաշտոնական ներկայացուցիչ Մարիա Զախարովան հայտնել էր, որ Զարիֆը Մոսկվա կայցելի հունվարի 26-ին:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

16
թեգերը:
Ղարաբաղյան հակամարտություն, Վրաստանի Հանրապետություն, Ադրբեջան, Հայաստան, Ռուսաստան, Իրանի Իսլամական Հանրապետություն, Մոհամմադ Ջավադ Զարիֆ
Ըստ թեմայի
ԼՂ-ում տիրող իրավիճակի մասին Այվազյանը խոսել է Մինսկի խմբի երկրների ներկայացուցիչների հետ
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Ադրբեջանը հայ ռազմագերուն զրկել է կյանքի իրավունքից. պատգամավորը` Արա Այվազյանին
Գեղարքունիք

Լարսը փակ է բոլոր տիպի տրանսպորտային միջոցների համար․ Հայաստանում ո՞ր ճանապարհներն են փակ

31
(Թարմացված է 10:55 20.01.2021)
Վայոց ձորի և Սյունիքի մարզերում, Կոտայքի մարզի Չարենցավան և Աբովյան քաղաքներում տեղում է ձյուն։ Վարորդներին խորհուրդ է տրվում երթևեկել բացառապես ձմեռային անվադողերով։

ԵՐԵՎԱՆ, 20 հունվարի - Sputnik. Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։

Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները փակ են։

Վարդենյաց լեռնանցքը փակ է բոլոր տրանսպորտային միջոցների համար։

Դիլիջան-Վանաձոր ավտոճանապարհը և Տավուշի մարզի Նոյեմբերյան-Ջուջևան ավտոճանապարհը, Դիլիջանի ոլորանները փակ են բեռնատարների համար։ 

Վայոց ձորի, Տավուշի և Սյունիքի մարզերի ավտոճանապարհները դժվարանցանելի են։

Արագածոտնի, Շիրակի, Լոռու, Արմավիրի, Արարատի և Կոտայքի մարզերի ավտոճանապարհներին տեղ-տեղ առկա է մերկասառույց:

Վայոց ձորի և Սյունիքի մարզերում, Կոտայքի մարզի Չարենցավան և Աբովյան քաղաքներում տեղում է ձյուն։

Վարորդներին խորհուրդ է տրվում երթևեկել բացառապես ձմեռային անվադողերով։

Ձյունը ե՞րբ կդադարի. եղանակի տեսություն

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար, ինչպես նաև ռուսական կողմում կա կուտակված 730 բեռնատար ավտոմեքենա:

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

31
թեգերը:
Լարս, Ճանապարհ, Հայաստան, եղանակ
Ըստ թեմայի
Ինչպես չկորցնել հիշողությունը և սուր միտք ունենալ. գիտնականները տարրական միջոց են գտել
Ռուս խաղաղապահները Լաչինի միջանցքում

Հայաստանի և Արցախի անվտանգային հարաբերություններում ոչինչ չի փոխվել. վարչապետ

0
Նիկոլ Փաշինյանն ասաց, որ Հայաստանի և Արցախի անվտանգային հարաբերություններում ակնհայտորեն նոր գործոն է ավելացել։

ԵՐԵՎԱՆ, 20 հունվարի – Sputnik. Հայաստանի և Արցախի անվտանգային հարաբերություններում ոչինչ չի փոխվել։ Ազգային ժողովում կառավարության անդամների հետ հարցուպատասխանի ժամանակ հայտնեց վարչապետ Նիկոլ Փաշինյանը։

«Հայաստանի Հանրապետությունն իր ողջ պատմության ընթացքում եղել է ՀԱՊԿ–ի անդամ։ Ինչքան էլ մենք համարել ենք, որ ՀՀ անվտանգության երաշխավորն ինքը ՀՀ–ն է, նկատի ենք ունեցել նաև այն իրավապայմանագրային բազան, որը Հայաստանը ստեղծել է իր հարաբերությունների շնորհիվ։ Հայաստանի և Արցախի անվտանգային հարաբերություններում անկհայտորեն նոր գործոն է ավելացել` ռուս խաղաղապահների ներկայությունը ԼՂ–ում»,-ասաց Փաշինյանը։

Նրա խոսքով` ռուս խաղաղապահների ներկայությունն Արցախում դրական երևույթ է, և նրանց ներկայությունն անվտանգային խնդիրներ լուծելու համար է տեղի ունեցել։ Վարչապետը նշեց` ԼՂ–ում խաղաղապահները տեղակայվել են նաև ՀՀ որոշման վրա, որպեսզի Հայաստանը կարողանա լիարժեք կատարի իր գործառույթն Արցախի անվտանգության հարցով։

Փաշինյանը վստահեցրեց` եթե խաղաղապահներն Արցախում չլինեին, հնարավոր է` չկարողանար ՀՀ–ն այդ գործառույթն իրականացնել։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեմա:
Իրադրությունը Հայաստանում և Արցախում հայտարարության ստորագրումից հետո