Մանե Գևարգյան

Հայաստանը պատրաստ է ապահովել կապը Ադրբեջանի և Նախիջևանի միջև. վարչապետի խոսնակ

1103
(Թարմացված է 16:21 07.01.2021)
Թեպետ «Նախիջևանի միջանցքի» մասին եռակողմ հայտարարության մեջ չի նշվում, սակայն նախատեսվում է տարածաշրջանի տրանսպորտային և տնտեսական ենթակառուցվածքների ապաշրջափակում։

ԵՐԵՎԱՆ, 7 հունվարի - Sputnik. Հայաստանը հետաքրքրված է Ադրբեջանի տարածքով դեպի Ռուսաստանի Դաշնություն, Իրան և հակառակ ուղղությամբ հայկական բեռներ տեղափոխելու հնարավորությամբ: «Արմենպրեսի» հետ զրույցում այսպես է մեկնաբանել Իլհամ Ալիևի Նախիջևանի միջանցքի մասին հայտարարությունը վարչապետի մամուլի խոսնակ Մանե Գևորգյանը։

Անդրադառնալով այն հարցին, թե արդյոք եռակողմ հայտարարությամբ նման միջանցքի բացման վերաբերյալ կոնկրետ պայմանավորվածություններ կան` Գևորգյանը նշել է, որ հայտարարության մեջ Ադրբեջանը Նախիջևանի հետ կապող միջանցքի մասին խոսք չկա:

«Հայտարարության 9-րդ կետը տարածաշրջանի տրանսպորտային և տնտեսական ենթակառուցվածքների ապաշրջափակման մասին է ու այս համատեքստում՝ նաև Ադրբեջանի Արևելյան մասի ու Նախիջևանի Ինքնավար Հանրապետության միջև տրանսպորտային կապ հաստատելու»,- ասել է վարչապետի խոսնակը։

Նա հավելել է, որ հայկական կողմը հետաքրքրված է դեպի Ռուսաստանի Դաշնություն հայկական բեռների ավտոմոբիլային և երկաթուղային տրանսպորտի միջոցով տեղափոխման հնարավորությամբ, իսկ դեպի Իրանի Իսլամական Հանրապետություն՝ հատկապես երկաթուղային տրանսպորտով փոխադրումներով:

«Այս համատեքստում, բնականաբար, Հայաստանը պատրաստ է ապահովել հաղորդակցությունն Ադրբեջանի Արևելյան մասի ու Նախիջեւանի Ինքնավար Հանրապետության միջև»,- ընդգծել է նա։

Պատրիարք Կիրիլը կոչ է արել Արցախի հարցում հաշվի առնել կրոնական առաջնորդների կարծիքը

Մանե Գևորգյանը հավելել է, որ այս հարցերի ամբողջական քննարկումը դժվար կլինի առանց հայտարարության 8-րդ կետի լիարժեք իրագործման։ Հիշեցնենք՝ այն նախատեսում է գերիների, պատանդների, այլ պահվող անձանց, զոհվածների մարմինների փոխանակում:

Խոսնակն ընդգծել է, որ հայկական կողմը չափազանց կարեւոր է համարում նաև ռազմական գործողությունների գոտում որոնողափրկարարական աշխատանքների ծավալների ընդլայնումը:

«Այս թեմայով Ադրբեջանից հնչող վերջին շրջանի հայտարարությունները տարակուսանքի տեղիք են տալիս և կասկածի տակ դնում նոյեմբերի 10-ի հայտարարության պայմանավորվածությունները կյանքի կոչելու Բաքվի հանձնառությունը: Մինչև հիմա Բաքվում պահվող հայ գերիներ կան, բազմաթիվ են վկայությունները նրանց նկատմամբ դաժան ու նվաստացնող վերաբերմունք ցուցաբերելու մասին: Կան վկայություններ գերիներին մահապատժի ենթարկելու փաստերի վերաբերյալ։ Այս բոլոր վկայությունները պետք է մանրամասն քննության արժանանան՝ այդ թվում միջազգային ատյաններում»,- ասել է նա։

Գևորգյանը նաև ուշադրություն է հրավիրել այն հանգամանքին, որ Ադրբեջանում շարունակվում է հայատյաց քարոզչությունը:

Նա շեշտել է, որ տարածաշրջանում կայունություն և խաղաղություն հաստատելու համար անհրաժեշտ է վերջ դնել սադրիչ գործողություններին և հայտարարություններին:

1103
թեգերը:
տրանսպորտային միջանցք, Ադրբեջան, Նախիջևան, Մանե Գևորգյան (ՀՀ վարչապետի մամուլի խոսնակ), Նիկոլ Փաշինյան
Ըստ թեմայի
Հայ և ռուս սահմանապահները հսկում են Գորիս-Կապան ճանապարհի անվտանգությունը. տեսանյութ
Կաթողիկոսի վերաբերմունքը բնական է. հոգևորականը՝ վարչապետի հրաժարականի պահանջի մասին
Ավելի քան 47 650 բնակիչ վերադարձել են Արցախ․ ՌԴ ՊՆ
Մոհամադ Ջավադ Զարիֆ

Իրանի ԱԳ նախարարը պատրաստվում է այցելել Հայաստան, Ռուսաստան Վրաստան և Ադրբեջան

16
(Թարմացված է 17:08 20.01.2021)
Իրանի արտաքին քաղաքական գերատեսչության ղեկավարի խոսքով՝ ինքը ցանկանում է այցելել այն երկրները, որոնք կարող են օգնել Ղարաբաղյան հիմնախնդրի կարգավորման, ինչպես նաև տարածաշրջանում խաղաղության և կայունության հաստատման հարցում:

ԵՐԵՎԱՆ, 20 հունվարի - Sputnik. Իրանի արտգործնախարար Մոհամադ Ջավադ Զարիֆը մտադիր է այցելել Հայաստան, Վրաստան, Ադրբեջան և Ռուսաստան: Նրա շրջագայությունը պլանավորվում է հաջորդ շաբաթ, հայտնում է Fars գործակալությունը։

«Հաջորդ շաբաթ ես պլանավորում եմ այցելել Կովկաս և Ռուսաստան», - հայտնել է Զարիֆը:

Իրանի արտաքին քաղաքական գերատեսչության ղեկավարի խոսքով՝ ինքը ցանկանում է այցելել այն երկրները, որոնք կարող են օգնել Ղարաբաղյան հիմնախնդրի կարգավորման, ինչպես նաև տարածաշրջանում խաղաղության և կայունության հաստատման հարցում:

Ընդ որում, Մոհամմադ Ջավադ Զարիֆը չի նշել Հարավային Կովկասի երկրներ և Ռուսաստան այցերի ճշգրիտ ամսաթիվը:

Ավելի վաղ Ռուսաստանի ԱԳՆ պաշտոնական ներկայացուցիչ Մարիա Զախարովան հայտնել էր, որ Զարիֆը Մոսկվա կայցելի հունվարի 26-ին:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

16
թեգերը:
Ղարաբաղյան հակամարտություն, Վրաստանի Հանրապետություն, Ադրբեջան, Հայաստան, Ռուսաստան, Իրանի Իսլամական Հանրապետություն, Մոհամմադ Ջավադ Զարիֆ
Ըստ թեմայի
ԼՂ-ում տիրող իրավիճակի մասին Այվազյանը խոսել է Մինսկի խմբի երկրների ներկայացուցիչների հետ
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Ադրբեջանը հայ ռազմագերուն զրկել է կյանքի իրավունքից. պատգամավորը` Արա Այվազյանին
Գեղարքունիք

Լարսը փակ է բոլոր տիպի տրանսպորտային միջոցների համար․ Հայաստանում ո՞ր ճանապարհներն են փակ

33
(Թարմացված է 10:55 20.01.2021)
Վայոց ձորի և Սյունիքի մարզերում, Կոտայքի մարզի Չարենցավան և Աբովյան քաղաքներում տեղում է ձյուն։ Վարորդներին խորհուրդ է տրվում երթևեկել բացառապես ձմեռային անվադողերով։

ԵՐԵՎԱՆ, 20 հունվարի - Sputnik. Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։

Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները փակ են։

Վարդենյաց լեռնանցքը փակ է բոլոր տրանսպորտային միջոցների համար։

Դիլիջան-Վանաձոր ավտոճանապարհը և Տավուշի մարզի Նոյեմբերյան-Ջուջևան ավտոճանապարհը, Դիլիջանի ոլորանները փակ են բեռնատարների համար։ 

Վայոց ձորի, Տավուշի և Սյունիքի մարզերի ավտոճանապարհները դժվարանցանելի են։

Արագածոտնի, Շիրակի, Լոռու, Արմավիրի, Արարատի և Կոտայքի մարզերի ավտոճանապարհներին տեղ-տեղ առկա է մերկասառույց:

Վայոց ձորի և Սյունիքի մարզերում, Կոտայքի մարզի Չարենցավան և Աբովյան քաղաքներում տեղում է ձյուն։

Վարորդներին խորհուրդ է տրվում երթևեկել բացառապես ձմեռային անվադողերով։

Ձյունը ե՞րբ կդադարի. եղանակի տեսություն

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար, ինչպես նաև ռուսական կողմում կա կուտակված 730 բեռնատար ավտոմեքենա:

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

33
թեգերը:
Լարս, Ճանապարհ, Հայաստան, եղանակ
Ըստ թեմայի
Ինչպես չկորցնել հիշողությունը և սուր միտք ունենալ. գիտնականները տարրական միջոց են գտել
«Ռոսիա» ավիաընկերության ինքնաթիռը «Զվարթնոց» օդանավակայանում

Հայաստանն և Ռուսաստանը կվերացնեն ելքի և մուտքի փոխադարձ արգելքները. Մհեր Գրիգորյան

0
(Թարմացված է 21:13 20.01.2021)
Մհեր Գրիգորյանի խոսքով` կստեղծվի մի համակարգ, և անձը թեստ հանձնելուց հետո կստանա սահմանը հատելու կանաչ լույս թե՛ Հայաստանում, թե՛ Ռուսաստանում:

ԵՐԵՎԱՆ, 20 հունվարի - Sputnik. Հայաստանի և Ռուսաստանի կառավարությունները կվերացնեն փոխադարձ ելքի և մուտքի՝ կորոնավիրուսի համավարակով պայմանավորված խոչընդոտները: Ազգային ժողովում կառավարության անդամների հետ հարցուպատասխանի ժամանակ ասաց փոխվարչապետ Մհեր Գրիգորյանը։

«Լուսավոր Հայաստան» խմբակցության անդամ Սարիկ Մինասյանը հետաքրքրվեց, թե արդյո՞ք ՀՀ կառավարությունն ինչ–որ քայլեր է իրականացնում, որպեսզի ՌԴ–ի հետ սահմանները բացվեն, քանի որ գաղտնիք չէ, որ արտագնա աշխատանքի ամենաշատը հենց այնտեղ են գնում։

«Մենք փորձում էինք ԵԱՏՄ շրջանակում այդ խնդիրը լուծել, սակայն չհաջողվեց։ Դրանից հետո ռուսական կողմի հետ նախաձեռնել ենք հարցի մի լուծում, որը հնարավորություն է տալիս ազատ սահմանի սկզբունք դնել բոլոր մեր այն հայրենակիցների համար, որոնք ունեն թեստավորման արդյունքներ կամ հիվանդացել և արդեն լավացել են»,–ասաց փոխվարչապետը։

Նա նշեց, որ ՀՀ կառավարությունն այդ մասին 2020-ի դեկտեմբերի 27-ին արդեն իսկ որոշումն ընդունել է, հիմա սպասում են նման որոշման ՌԴ-ից, որից հետո այդ մեխանիզմը կսկսի աշխատել։ Գրիգորյանի խոսքով` կստեղծվի մի համակարգ, և անձը թեստ հանձնելուց հետո կստանա սահմանը հատելու կանաչ լույս թե՛ Հայաստանում, թե՛ Ռուսաստանում:

Ռուսաստանը սեպտեմբերի 1-ից կբացի սահմանը Հայաստանի համար

Նա հույս հայտնեց, որ վերոհիշյալ համակարգը կաշխատի, ու մեր հայրենակիցները հնարավորություն կստանան առանց որևէ սահմանափակումների հատել սահմանը։

0
թեգերը:
Սահման, արգելք, Ռուսաստան, Հայաստան
Ըստ թեմայի
Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է
Իրանի ԱԳ նախարարը պատրաստվում է այցելել Հայաստան, Ռուսաստան Վրաստան և Ադրբեջան
Հայաստանի և Ռուսաստանի փոխարտգործնախարարները քննարկել  են անվտանգության հետ կապված հարցեր