Արցախի բնակիչները վերադառնում են Ստեփանակերտ

Ինչ են մտածում ռուսաստանցիները Ղարաբաղյան պատերազմի մասին. հարցում

451
(Թարմացված է 19:32 17.11.2020)
Տարեց մարդիկ ավելի ուշադիր են հետևում իրադարձություններին, ավելի բարձր են գնահատում Ռուսաստանի դերակատարությունը հակամարտության կարգավորման հարցում ու կարծում են, որ նոր պատերազմ չի լինելու։ Հարցման ավելի երիտասարդ մասնակիցները մի փոքր այլ կարծիք ունեն։

ԵՐԵՎԱՆ, 17 նոյեմբերի — Sputnik. Հասարակական կարծիքի համառուսաստանյան կենտրոնը ներկայացրել է ռուսաստանցիների կարծիքը Ղարաբաղում ընթացող իրադարձությունների վերաբերյալ։ Կենտրոնի պաշտոնական կայքում նշված է, որ ռուսաստանցիների 72%-ը հետևում է Ղարաբաղի իրադարձություններին, նրանցից 19%-ը՝ ուշադրությամբ։ Հիմնականում (39%) 60-ն անց մարդիկ են։ Հարցման մասնակիցների 26%-ն ընդհանրապես չի հետաքրքրվում տարածաշրջանի իրադարձություններով․ հիմնականում դա 18-24 ու 25-34 տարեկաններն են (44% ու 51% համապատասխանաբար)։

Մասնակիցների 81 տոկոսը դրական է վերաբերվում ռազմական գործողությունների դադարեցման մասին հայտարարությանը։ Հիմնականում դա ավագ սերնդի ներկայացուցիչներ են՝ 45-59 տարեկան (88%) ու 60-ից մեծ մարդիկ (94%)։ Ռուսաստանցիների 15 տոկոսը չի հետաքրքրվում իրադարձություններով, մեծ մասամբ դա 25-34 տարեկան մարդիկ են։

Ռուսաստանցիների կարծիքով՝ ՌԴ-ն հակամարտության կարգավորման հարցում հիմնական դերակատարն է եղել։ Այդպես են կարծում հարցման մասնակիցների 64%-ը, հիմնականում 60-ից բարձր տարիքի մարդիկ, նաև 45-59 տարեկանները (77%). Հարցման մասնակիցների 16%-ը կարծում է, որ Ռուսաստանի դերակատարությունը երկրորդական է եղել․ հիմնականում դա երիտասարդներն են․ նրանց 35%-ը 18 - 24 տարեկան են,  28%-ը՝ 25 - 34 տարեկան։

Ռուսաստանի օդուժի ուղղաթիռներն ուղեկցում են ԼՂ ուղևորվող ռուս խաղաղապահների շարասյանը

Ղարաբաղի ապագայի մասին հարցին պատասխանելիս 39%-ը նշել է, որ պատերազմ չի լինելու։ Հիմնականում այդպես են կարծում 60 –ից մեծ մարդիկ (46%)։  Մասնակիցների 31%-ը կարծում է, որ պատերազմը կվերսկսվի, բայց ոչ մոտ ապագայում, 12%-ը կարծում է, որ ռազմական գործողությունները շուտով կվերսկսվեն։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1505 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

451
թեգերը:
Ռուսաստան, Հարցում, Արցախյան պատերազմ
թեմա:
Ադրբեջանական ագրեսիան Արցախում - 2020 (2212)
Ըստ թեմայի
Ռուսաստանի ԱԴԾ-ն 5 լրացուցիչ հենակետ է տեղակայել Հայաստանում
Ռուսաստանը Ղարաբաղի համար մարդասիրական արձագանքման կենտրոն է ստեղծում
Ղարաբաղի հարցում Ռուսաստանի դիրքորոշումը վերջին չորս ու կես տարում չի փոխվել. Փաշինյան
Արաքս գետն Արցախի, Ադրբեջանի ու Իրանի միջև

Իրանցի սահմանապահները ահաբեկիչների են ձերբակալել Արևմտյան Ադրբեջան նահանգում

164
(Թարմացված է 00:32 03.12.2020)
Սահմանապահերը գրոհայիններից մեծ քանակությամբ զենք, զինամթերք և կապի միջոցներ են առգրավել: 

ԵՐԵՎԱՆ, 3 դեկտեմբերի - Sputnik. Իրանի Իսլամական հեղափոխության պահապանների կորպուսի (ԻՀՊԿ) զինծառայողները 3 ահաբեկչի են ձերբակալել երկրի Արևմտյան Ադրբեջան նահանգում, տեղեկացնում է MEHR գործակալությունը։

Ձերբակալվածները պատրաստվում էին ահաբեկչական գործողություներ իրականացնել Իրանի տարածքում։

Նրանցից մեծ քանակությամբ զենք, զինամթերք և կապի միջոցներ են առգրավվել:  

Ռուսաստանին և Իրանին ձեռնտու չէ Արցախը թուրքոմաններով և վարձկաններով բնակեցնելը

Հիշեցնենք, որ նոյեմբերի կեսերին իրանցի երեք սահմանապահ է զոհվել սահմանը խախտած գրոհայինների հետ մարտի ժամանակ։

164
թեգերը:
Սահման, ահաբեկիչ, Իրանի Իսլամական Հանրապետություն
Ըստ թեմայի
Իրանը հարված է հասցրել հյուսիսարևմտյան սահմանի մոտ գտնվող գրոհայինների դիրքերին
Հաջորդ «նպատակը» կարող է Իրանը լինել. Թեհրանին լրջորեն անհանգստացնում են Անկարայի ծրագրերը
Իրանը Լեռնային Ղարաբաղի վերականգնմանը մասնակցելու պատրաստակամություն է հայտնել. Ջահանգիրի
Խաղաղապահներ. Արցախ

Ադրբեջանի մոնիթորինգի կենտրոնում Ռուսաստանի և Թուրքիայի զինվորականների թիվը հավասար կլինի

100
(Թարմացված է 17:50 01.12.2020)
Ռուսաստանն ու Թուրքիան համատեղ դիտորդական կենտրոնի տեխնիկական հարցերի վերաբերյալ արդեն համաձայնության են եկել։

ԵՐԵՎԱՆ, 1 դեկտեմբերի – Sputnik. Ադրբեջանում ռուս–թուրքական համատեղ դիտորդական կենտրոնում երկու երկրների զինվորականների թիվը հավասար կլինի։ ՌԻԱ Նովոստիի փոխանցմամբ` այս մասին այսօր հայտնել է ՌԴ ՊՆ պաշտոնական ներկայացուցիչ, գեներալ–մայոր Իգոր Կոնաշենկովը` հավելելով, որ Մոսկվան և Անկարան համաձայնության են եկել ԼՂ հրադադարի վերահսկման վերաբերյալ համատեղ կենտրոնի շուրջ։

Ավելի վաղ Թուրքիայի ՊՆ–ն հայտնել էր, որ ՌԴ–ի հետ համաձայնագրի են ստորագրել ԼՂ–ում հրադադարի  վերահսկման մոնիթորինգային համատեղ կենտրոնի ստեղծման մասին։

Կոնաշենկովի խոսքով` նոյեմբերի 11-ին ՌԴ–ի և Թուրքիայի ՊՆ–ների ստորագրած հուշագրով` համաձայնություն է ձեռք բերվել հրադադարի և բոլոր ռազմական գործողությունների դադարեցման վերահսկման ռուս–թուրքական համատեղ կենտրոնի տեղակայման և գործելու կարգի վերաբերյալ։  

«Կենտրոնը տեղակայվելու է Ադրբեջանի տարածքում։ Համատեղ կենտրոնի կազմակերպչական կառույցում ռուսական և թուրքական անձնակազմերի թիվը հավասար է լինելու», – նշել է Կոնաշենկովը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

100
թեգերը:
զինադադար, զինծառայող, Թուրքիա, Ռուսաստան, Ադրբեջան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս
Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ
Արցախում ռուս խաղաղապահները շուրջ 1000 պայթյունավտանգ զինամթերք են վնասազերծել
Արա Այվազյան

Արա Այվազյանն ընդգծել է Պուտինի դերը պատերազմի դադարեցման գործում

0
(Թարմացված է 20:45 03.12.2020)
Հայաստանի արտաքին քաղաքական գերատեսչության ղեկավարը շնորհակալություն է հայտնել նաև Ֆրանսիային և ԱՄՆ-ին Լեռնային Ղարաբաղում կրակի դադարեցմանն ուղղված ջանքերի համար:

ԵՐԵՎԱՆ, 3 դեկտեմբերի - Sputnik. ՀՀ ԱԳ նախարար Արա Այվազյանը ԵԱՀԿ արտգործնախարարների խորհրդի նիստի ժամանակ հայտարարել է, որ Հայաստանը կարևորում է Ռուսաստանի նախագահ Վլադիմիր Պուտինի անձնական ջանքերը Ղարաբաղյան հակամարտության գոտում հրադադարի հաստատման գործում։

«Այսօր մենք պետք է ընդգծենք Ռուսաստանի ջանքերն ու նախագահ Վլադիմիր Պուտինի անձնական մասնակցությունը հրադադարի հաստատման և պատերազմի դադարեցման գործում, այդ թվում ՝ խաղաղապահ ուժերի տեղակայման միջոցով», - ասել է Այվազյանը։

Արտգործնախարարը նաև շնորհակալություն է հայտնել Ֆրանսիային և ԱՄՆ-ին Լեռնային Ղարաբաղում կրակի դադարեցմանն ուղղված ջանքերի համար:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

0
թեգերը:
Պատերազմ, Լեռնային Ղարաբաղ, Վլադիմիր Պուտին, Արա Այվազյան, Հայաստան
Ըստ թեմայի
Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան
Քոչարյանը Պուտինի հետ հանդիպելու համար միջնորդի կարիք չունի. Վիկտոր Սողոմոնյան
Արմեն Սարգսյանը նամակ է գրել Վլադիմիր Պուտինին