Սերգեյ Լավրով ու Ջեյհուն Բայրամով

ՌԴ ու Ադրբեջանի ԱԳ նախարարները քննարկել են Ղարաբաղում կրակի դադարեցման հետ կապված հարցեր

110
(Թարմացված է 19:31 15.11.2020)
Լավրովը տեղեկություններ է հայտնել հումանիտար արձագանքման միջգերատեսչական կենտրոն ստեղծելու աշխատանքների հիմնական ուղղությունների վերաբերյալ։

ԵՐԵՎԱՆ, 15 նոյեմբերի - Sputnik. Ռուսաստանի ու Ադրբեջանի արտգործնախարարներ Սերգեյ Լավրովն ու Ջեյհուն Բայրամովը հեռախոսազրույցի ժամանակ քննարկել են Ղարաբաղում կրակի դադարեցման պայմանավորվածության կատարման ընթացքը։

Հեռախոսազրույցը տեղի է ունեցել այսօր՝ նոյեմբերի 15-ին, ադրբեջանական կողմի նախաձեռնությամբ։

«Առանձնահատուկ ուշադրություն է հատկացվել եռակողմ հայտարարության կողմերի գործնական քայլերի համակարգմանը ՌԴ զինված ուժերի խաղաղապահ անձնակազմի տեղակայման ու «երկրի վրա» խաղաղապահների աշխատանքների կազմակերպման համատեքստում»,-նշվում է ՌԴ ԱԳՆ հաղորդագրության մեջ։

Լավրովը Բայրամովին հայտնել է նաև հումանիտար արձագանքման միջգերատեսչական կենտրոն ստեղծելու աշխատանքների հիմնական ուղղությունների մասին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Մնացականյանն ու Լավրովը քննարկել են Արցախի վերաբերյալ եռակողմ հայտարարության իրականացումը 

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Հայտարարության մեջ կետեր կան նաեւ Ադրբեջանին հանձնվող տարածքների մասին։

 

110
թեգերը:
Եռակողմ հայտարարություն, Արցախ, Ջեյհուն Բայրամով, Սերգեյ Լավրով
Ըստ թեմայի
Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից
Փաշինյանն ասաց` ինչ շրջադարաձային փոփոխություն կլինի եռակողմ հայտարարության արդյունքում
Նախագահ Սարգսյանն ու Կոմանդոսը քննարկել են Արցախի վերաբերյալ եռակողմ հայտարարությունը
Խաղաղապահներ. Արցախ

Ադրբեջանի մոնիթորինգի կենտրոնում Ռուսաստանի և Թուրքիայի զինվորականների թիվը հավասար կլինի

96
(Թարմացված է 17:50 01.12.2020)
Ռուսաստանն ու Թուրքիան համատեղ դիտորդական կենտրոնի տեխնիկական հարցերի վերաբերյալ արդեն համաձայնության են եկել։

ԵՐԵՎԱՆ, 1 դեկտեմբերի – Sputnik. Ադրբեջանում ռուս–թուրքական համատեղ դիտորդական կենտրոնում երկու երկրների զինվորականների թիվը հավասար կլինի։ ՌԻԱ Նովոստիի փոխանցմամբ` այս մասին այսօր հայտնել է ՌԴ ՊՆ պաշտոնական ներկայացուցիչ, գեներալ–մայոր Իգոր Կոնաշենկովը` հավելելով, որ Մոսկվան և Անկարան համաձայնության են եկել ԼՂ հրադադարի վերահսկման վերաբերյալ համատեղ կենտրոնի շուրջ։

Ավելի վաղ Թուրքիայի ՊՆ–ն հայտնել էր, որ ՌԴ–ի հետ համաձայնագրի են ստորագրել ԼՂ–ում հրադադարի  վերահսկման մոնիթորինգային համատեղ կենտրոնի ստեղծման մասին։

Կոնաշենկովի խոսքով` նոյեմբերի 11-ին ՌԴ–ի և Թուրքիայի ՊՆ–ների ստորագրած հուշագրով` համաձայնություն է ձեռք բերվել հրադադարի և բոլոր ռազմական գործողությունների դադարեցման վերահսկման ռուս–թուրքական համատեղ կենտրոնի տեղակայման և գործելու կարգի վերաբերյալ։  

«Կենտրոնը տեղակայվելու է Ադրբեջանի տարածքում։ Համատեղ կենտրոնի կազմակերպչական կառույցում ռուսական և թուրքական անձնակազմերի թիվը հավասար է լինելու», – նշել է Կոնաշենկովը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

96
թեգերը:
զինադադար, զինծառայող, Թուրքիա, Ռուսաստան, Ադրբեջան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս
Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ
Արցախում ռուս խաղաղապահները շուրջ 1000 պայթյունավտանգ զինամթերք են վնասազերծել
Սոթք–Քարվաճառ

Ինչ պետք է անել, որ Բաքուն սահմանները չգծի` ինչպես կամենա, կամ խուսափենք գալիք խնդիրներից

793
(Թարմացված է 09:51 01.12.2020)
Հայաստանի և Ադրբեջանի միջև նախկին վարչական սահմանները կարող են պետական դառնալ միայն սահմանազատումից հետո։ Գործընթացը կարող է ամիսներ և նույնիսկ տարիներ տևել։

ԵՐԵՎԱՆ, 30 նոյեմբերի – Sputnik. Հայաստանը Սոթքում պետք է առավելագույն օգուտով գծանշի Ադրբեջանի հետ պետական սահմանը, ինչպես նաև թույլ չտա ռազմավարական առումով կարևոր տարածքների հանձնում։ Ավելին, Երևանը պետք է պահպանի զգոնությունը և մինչև սահմանազատման անմիջական գործընթացը, թույլ չտա Ադրբեջանին Հայաստանի տարածքում որևէ սահմանային անցակետ տեղադրել։ Հայ մասնագետները համոզված են, որ դա անհրաժեշտ է ապագայում լուրջ խնդիրներից խուսափելու համար։

Բայց Sputnik Արմենիային ՀՀ արտգործնախարարությունից հայտնեցին, այս պահին իրենք տեղեկություններ չունեն համապատասխան ընթացակարգի մեկնարկի մասին, որի արդյունքում պետք է իրականացվի սահմանների սահմանազատումը:

Սահմանազատմանը երկար և համալիր գործընթաց է նախորդում։ Այն պետք է իրականացվի երկու երկրներում աշխատանքային խմբերի ձևավորումից հետո միայն։ Այդ խմբերը կարող են ձևավորվել միջգերատեսչական հանձնաժողովների աշխատանքի արդյունքում և միջպետական բանակցությունների հիման վրա։  Վերջում պետք է համապատասխան միջազգային փաստաթուղթ ստորագրվի։

Քաղաքագետ Արմեն Բաղդասարյանը Sputnik Արմենիայի հետ զրույցում նշեց, որ եթե պետական սահմանը չանցկացվի միջազգային ստանդարտներին ու պահանջներին համապատասխան, կարող է ապագայում տարբեր բախումների և կոնֆլիկտների հանգեցնել։ Այդ թեմայով մասնագետն ուշադրություն է հրավիրում բազմաթիվ խնդիրների վրա։

«Խորհրդային տարիներին Հայաստանի և Ադրբեջանի միջև հաստատված սահմանը ոչ թե քաղաքական էր,այլ վարչական», – ասաց Բաղդասարյանը։

Սոթքի հանքն աշխատելու է, բանակցում են աշխատելու ծավալների շուրջ․ Թագուհի Թովմասյան

Նրա խոսքով` սահմանը ժամանակ առ ժամանակ փոփոխությունների էր ենթարկվում։ Օրինակ, եթե հայկական գյուղի արոտավայրն օգտագործում էին ադրբեջանցիները, ապա մի մասն անցնում էր Ադրբեջանին, մյուսը` մնում Հայաստանին։  Իսկ այսօր խոսքը երկու պետությունների միջև պետական սահմանի մասին է, պետություններ, որոնց հարաբերությունները լավագույն ժամանակները չեն ապրում։

Բաղդասարյանը նշեց, որ գործընթացը դժվարացնում են հայտնի հանգամանքները, որոնց ներքո պետք է իրականացվի սահմանազատումը: Ըստ նրա` ադրբեջանական կողմը լավ պատրաստված է, այդ պատճառով կարևոր է, որ հայկական կողմից աշխատանքային խումբն արդեն այսօր լրջորեն զբաղվի այդ հարցերով, այլապես Բաքուն կսկսի սահմանները գծել այնպես, ինչպես կկամենա։

Մասնագետն ընդգծեց, որ սահմանազատման հարցում նույն սկզբունքները պետք է կիրառվեն նաև Արցախում, հատկապես  հարավում և Մարտունու շրջանում, որտեղ որոշ տեղեր սահմանազատումը գյուղերն ու ճանապարհները երկու մասի են բաժանում, իսկ Ռուսաստանի, Հայաստանի և Ադրբեջանի առաջնորդների համատեղ հայտարարությունն այս պարագայում դոգմա չէ, մանրուքները կարող են տեղում հստակեցվել։

ԵՊՀ աշխարհագրության և երկրաբանության ֆակուլտետի դեկան Մարատ Գրիգորյանը համակարծիք է Բաղդասարյանի հետ։ Sputnik Արմենիայի հետ զրույցում նա նշեց, որ անկախության հռչակումից հետո Հայաստանի և Ադրբեջանի միջև սահմաններն այդպես էլ չեն փոխվել, դրանք մնացել են ԽՍՀՄ ժամանակաշրջանում անցկացրած լեկալներով։

Սոթքում կատարվածը նա գնահատում է որպես Ադրբեջանի սեփական ամբիցիաները բավարարելու փորձ։

«Կառավարությունը պետք  է քայլեր ձեռնարկի, որպեսզի անի ամեն ինչ Հայաստանի սահմանները պաշտպանելու համար», – ասաց Գրիգորյանը`  նշելով, որ Ադրբեջանն անկախության տարիներին երբեք չի քննարկել ու չի բարձրացրել Սոթքի ոսկու հանքավայրի հարցը։

Ավելի վաղ ՀՀ վարչապետ Նիկոլ Փաշինյանը հայտնել էր, որ Հայաստանն ու Ադրբեջանը սահմանազատում են իրականացնում Սոթքի խորհրդային սահմանների հիման վրա։ Գործընթացն անցկացվում է նոյեմբերի 9-ի համաձայնագրի շրջանակում։ Ընդ որում, սահմանն այդ ոչ թե աչքաչափով է գծվում, այլ GPS–կոորդինատներով։

Ջերմուկի սարերում էլ կարող են ադրբեջանցիների հետ սահմանազատման խնդիրներ լինել. պատգամավոր

Սահմանների հետ կապված խնդրի շուրջ բանավեճը սկսվեց համացանցում ադրբեջանական զինվորականներով տեսանյութի հրապարակումից հետո։ Տեսանյութում թշնամում զինվորականները հայտնվել են Հայաստանի Գեղարքունիքի մարզում գտնվող Սոթքի հանքավայրի տարածքում և պահանջել, որպեսզի աշխատակիցներն ազատեն տարածքը։ ՀՀ ՊՆ–ն սկզբում հերքեց այդ տեղեկությունը, սակայն ավելի ուշ հանդես եկավ պարզաբանմամբ։  Գերատեսչությունը հայտնեց, որ ՀՀ, ՌԴ և Ադրբեջանի ԶՈւ ներկայացուցիչները սահմանազատման աշխատանքներ են սկսել  հատուկ միջոցների կիրառմամբ (GPS) Հայաստանի և Արցախի նախկին, իսկ ներկայիս Հայաստանի և Ադրբեջանի սահմանին։

793
թեգերը:
Եռակողմ հայտարարություն, Նիկոլ Փաշինյան, Լեռնային Ղարաբաղ, Արցախ, Հայաստան, հայ-ադրբեջանական, Ադրբեջան, Սահման
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Սկանդալի հետքերով․ սահմանազատման վերաբերյալ բանակցությունները Բաքվի հետ դժվար են լինելու
Վրթանեսյան. «Եթե պատերազմն ավարտված չէ, սահմանազատման մասին խոսելն ավելորդ է»
Քարվաճառում դարպասը ժամանակավոր էր. սահմանազատում է արվում Սոթքի հանքավայրի տարածքով. ՊՆ
Արծվիկ Մինասյան

Ընդդիմությունը վաղը կհայտարարի միասնական թեկնածուի անունը

0
(Թարմացված է 21:08 02.12.2020)
Դեկտեմբերի 3-ին՝ ժամը 18:00-ից ընդդիմությունը կփակի Երևանի ոչ կենտրոնական փողոցները: Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

ԵՐԵՎԱՆ, 2 դեկտեմբերի - Sputnik. Ընդդիմադիր 16 կուսակցությունները վաղը կներկայացնեն վարչապետի պաշտոնի միասնական թեկնածուի անունը: Այս մասին այսօր կազմակերպված հանրահավաքի ժամանակ լրագրողներին հայտնեց ՀՅԴ Հայաստանի ԳՄ անդամ Արծվիկ Մինասյանը:

Նա չցանկացավ բացել փակագծերը, բայց նշեց, որ ընդդիմության հետագա քայլերի ու անելիքների մասին ևս կհայտարարվի առաջիկա համազգային մեծ հանրահավաքի ժամանակ:

«Չեմ ուզում շատ փակագծեր բացել, բայց ուզում եմ, որ մեր ժողովուրդն իմանա, որ այն սպասելիքները, որոնք ինքը ներկայացրել է՝ կապված այն ապագա զարգացումների հետ, թե՛ ընդդիմադիր կուակցությունների սկսածն ավելի մեծ համազգային շարժման վերածելու, թե՛ միասնական թեկնածուի, թե նաև ճանապարհային քարտեզն ու նոր ձևավորվելիք անցումային կամ հակաճգնաժամային ծրագրերի հետ, նոր հայտարարություն կլինի և առաջիկա օրերին մեծ հանրահավաքի ընթացքում կներկայացվի»,- ասաց Մինասյանը:

Հիշեցնենք՝ ընդդիմության այսօրվա բողոքի ակցիայի ժամանակ հայտարարվեց, որ վաղը՝ ժամը 18:00-ից, ապակենտրոնացված սկզբունքով կփակվեն Երևանի տարբեր փողոցներ՝ որպես անհնազանդության ակցիաներ՝ Փաշինյանի հրաժարականի պահանջով:

Ընդդիմությունը կոչ է անում փակել Երևանի փողոցները

Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

Հիշեցնենք՝ նոյեմբերի 9-ին արցախյան ռազմաճակատներում հրադադարի վերաբերյալ եռակողմ հայտարարության ստորագրումից հետո Փաշինյանի ու կառավարության հրաժարականի պահանջով Հայաստանում բողոքի ակցիաներ են սկսվել։

0
թեգերը:
Հրաժարական, ընդդիմություն, Արծվիկ Մինասյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Համացանցում Փաշինյանի հրաժարականի պահանջով ստորագրահավաք է սկսվել