Խոցված ուղղաթիռը

«Ամեն ինչ էլ պատահում է»․ Ադրբեջանի դեսպանն արդարանում է Մի-24-ի պատճառով

170
(Թարմացված է 17:51 12.11.2020)
Պաշտոնական Բաքուն դեպքից անմիջապես հետո խոստովանել է, որ Հայաստանի տարածքում ռուսական ուղղաթիռ է խոցել, ներողություն է խնդրել ու համապատասխան փոխհատուցում վճարելու պատրաստականություն է հայտնել։ Այսօր Ադրբեջանի դեսպանը մի փոքր այլ մեկնաբանություն է տվել։

ԵՐԵՎԱՆ, 12 նոյեմբերի — Sputnik. Ռուսաստանում քրեական գործ է հարուցվել նոյեմբերի 9-ին Հայաստանի տարածքում Ադրբեջանի կողմից ռուսական Մի-24 ուղղաթիռի խոցման դեպքի հետ կապած։ Տեղեկությունը հայտնում են ռուսական լրատվամիջոցները։

Թեև գործը հարուցվել է ՌԴ ՔՕ 351 հոդվածով (չվերթի կամ չվերթին պատրաստվելու կանոնների խախտում, որն անզգուշության հետևանքով մահվան է հանգեցրել), հետաքննության ընթացքում այն ամենայն հավանականությամբ կվերանայվի, ու արարքը կվերավորակավորվի որպես ավելի ծանր հանցանք։

Իսկ այժմ ռուսաստանյան ռազմական քննիչները Հայաստանի ու Ադրբեջանի գործընկերների հետ համագործակցելով՝ սկզբնական քննչական գործողություններ են իրականացնում, այդ թվում՝ դեպքի վայրում, տարատեսակ փորձաքննություններ են նշանակվել։ Հետաքննությունն իրականացնում են ռազմական քննիչները, որոնց գտնվում են Գյումրիում տեղակայված 102-րդ ռուսական ռազմաբազայում։

«Փողով ու լոլիկներով չեն մաքրվի». ռուս ռազմական փորձագետը` ՀՀ–ում խոցված ուղղաթիռի մասին

Պաշտոնական Բաքուն դեպքից անմիջապես հետո խոստովանել է, որ Հայաստանի տարածքում ռուսական ուղղաթիռ է խոցել, ներողություն է խնդրել ու համապատասխան փոխհատուցում վճարելու պատրաստականություն է հայտնել։ Մինչդեռ Ռուսաստանում Ադրբեջանի դեսպան Փոլադ Բյուլբյուլօղլին այսօր «Ռոսիա սեգոդնյա» ՄՏԳ-ի ասուլիսի ժամանակ ասել է, որ «ռուսական Մի-24 խոցված ուղղաթիռի միջադեպի հետ կապված վերջնական եզրակացություններ դեռ չկան»։

«Պատերազմը պատերազմ է, ամեն ինչ էլ պատահում է։ Հանձնաժողովն աշխատում է, եզրակացություններ դեռ չկան։ Պարզվել է, որ երեկո էր, ինքնաթիռը ցածր է թռել, այդ պատճառով ռադարների տեսադաշտում չի հայտնվել։ Իսկ այնտեղ ռազմական դրություն է, երիտասարդ տղաները տեսել են, որ ռազմական ուղղաթիռ է թռչում, և ահա նման որոշում է կայացվել», - ասել է դեսպանը։

Նա հիշեցրել է, որ նման միջադեպերի հետաքննությունը, որպես կանոն, բավականին երկար է տևում։ «Սակայն հաշվի առնելով, որ պատերազմական ժամանակ է, կարծում եմ՝ ավելի արագ կավարտվի։ Այնտեղ և՛ մեր պաշտպանության նախարարությունն է, և՛ ՌԴ պաշտպանության նախարարությունը, նրանք կապի մեջ են, հանձնաժողով է ստեղծվել, և՛ Ադրբեջանի, և՛ Ռուսաստանի դատախազությունները զբաղվում են դրանով։ Կարծում եմ՝ եզրահանգումներ կարվեն», - նշել է դիվանագետը։

170
թեգերը:
Ադրբեջան, Հայաստան, Ռուսաստան, ուղղաթիռ
Ըստ թեմայի
Ադրբեջանական կողմի արդարանալու փորձերը կեղծ են և հիմնազուրկ. ԱԳՆ–ն` ուղղաթիռի դեպքի մասին
Ռուսական Մի-24 ուղղաթիռի կործանման վայրը շրջափակված է․ բացառիկ կադրեր
Բաքվի կողմից ուղղաթիռի խոցումից հետո Հայաստանը ՌԴ-ի հետ մշտական կապի մեջ է․ դեսպան
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 դեպք՝ մեկ օրում 

89
(Թարմացված է 17:53 29.11.2020)
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցանիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:

Ի՞նչ վտանգ է ներկայացնում կորոնավիրուսն ատամների համար. գիտնականների նոր բացահայտումը

Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանեn, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերին՝ արդեն 13 000:

89
թեգերը:
Իրանի Իսլամական Հանրապետություն, կորոնավիրուս
թեմա:
Կորոնավիրուսը աշխարհում
Ըստ թեմայի
Վերջին օրերին կորոնավիրուսի դեպքեր առավել շատ գրանցվել են Երևանում և Կոտայքում
Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել
Բժիշկն ասել է՝ ինչպես է կարելի ազատվել կորոնավիրուսային վարակի հետևանքներից
Դմիտրի Պեսկով

Լեռնային Ղարաբաղի հակամարտությունը հիմքեր չի տալիս Դոնբասում իրավիճակի սրման համար. Պեսկով

94
(Թարմացված է 15:43 25.11.2020)
Սեմյոն Պեգովն ասել էր, որ Ուկրաինայի ռազմաքաղաքական վերնախավը նույն սցենարով գործողություններ է նախապատրաստում դոնբասյան հանրապետությունների դեմ։

ԵՐԵՎԱՆ, 25 նոյեմբերի - Sputnik. Լեռնային Ղարաբաղում հակամարտությունը հիմքեր չի տալիս մտածել, որ իրավիճակը Դոնբասում կսրվի՝ «Կիևի ռևանշիստական տրամադրությունների հետևանքով»։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը:

Ավելի վաղ ռազմական թղթակից Սեմյոն Պեգովը, հղում անելով իր աղբյուրներին, ասել էր, որ Ուկրաինայի ռազմաքաղաքական վերնախավը, ոգեշնչված Բաքվի օրինակով, նույն սցենարով գործողություններ է նախապատրաստում դոնբասյան հանրապետությունների դեմ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ղարաբաղյան հակամարտության գոտում ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

 

94
թեգերը:
Ուկրաինա, Դմիտրի Պեսկով, Արցախյան պատերազմ
Ըստ թեմայի
«Դա Թուրքիայի ներքին գործն է»․ Պեսկովը՝ թուրք զինվորականներին Ադրբեջան ուղարկելու մասին
Խորամանկությամբ անտեսելով ԼՂ–ի վերաբերյալ հրահանգը. ինչու է Թուրքիան զորք մտցնում Ադրբեջան
Նրանք պարզաբանումներ կստանան ղարաբաղյան համաձայնագրի և Թուրքիայի դերի վերաբերյալ. Պեսկով
Ջո Բայդեն

Բայդենը պետք է հատուկ կոշիկ կրի. Թրամփն առողջություն է մաղթել նրան

16
(Թարմացված է 11:47 30.11.2020)
ԱՄՆ նորընտիր նախագահի ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

ԵՐԵՎԱՆ, 30 նոյեմբերի - Sputnik. ԱՄՆ-ի նորընտիր նախագահ, 78-ամյա Ջո Բայդենը սայթաքել և վայր է ընկել, հաղորդում է ՌԻԱ Նովոստին:

Բայդենի բժիշկ Քեվին Օ'քոննորը հայտնել է, որ ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

Բայդենը մի քանի շաբաթ պետք է հատուկ վիրակապ ու կոշիկ կրի:

ԱՄՆ նախագահ Դոնալդ Թրամփը շուտափույթ ապաքինում է մաղթել նախագահական ընտրություններում իր մրցակից Ջո Բայդենին։

«Շուտ ապաքինվեք»,-գրել է Թրամփն իր թվիթերյան էջում:

«Հարյուր հազարավոր կեղծ ձայներ». Թրամփը վստահ է՝ ընտրությունների արդյունքները կփոխվեն

Հիշեցնենք, որ նոյեմբերի 3-ին տեղի ունեցած նախագահական ընտրություններում հաղթանակ է տարել Ջո Բայդենը։ Գործող նախագահ Թրամփը մի շարք տեղամասերում վերահաշվարկ է պահանջել։

16
թեգերը:
Դոնալդ Թրամփ, Ջո Բայդեն
Ըստ թեմայի
Զարմանալի ընտրություններ, կամ ԱՄՆ նախագահ դարձավ Ջո Բայդենը, բայց վերընտրվեց Դոնալդ Թրամփը
Թրամփի խորհրդականները պարտության են նախապատրաստում նախագահին․ Washington Post
Թրամփի կողմնակիցների և հակառակորդների միջև բախման հետևանքով երիտասարդ է դանակահարվել