Արխիվային լուսանկար

Անկարան կրկին հայտարարում է Արցախում թուրք խաղաղապահների մասին, Մոսկվան կրկին հերքում է

232
(Թարմացված է 14:22 12.11.2020)
Թուրք խաղաղապահների մասնակցությունը ղարաբաղյան հակամարտության կարգավորմանն անհնար է առանց Երևանի և Բաքվի համաձայնության, ընդգծել է ՌԴ նախագահի մամուլի քարտուղարը։

ԵՐԵՎԱՆ, 12 նոյեմբերի – Sputnik. Ղարաբաղում խաղաղապահ առաքելություն կիրականացնեն բացառապես ռուս զինվորականները, իսկ թուրք զինվորականները կտեղակայվեն Ադրբեջանի մոնիտորինգային կենտրոնում։ Այդ մասին, ՌԻԱ Նովոստիի փոխանցմամբ, հայտարարել Է Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ Թուրքիայի պաշտպանության նախարար Հուլուսի Աքարը հերթական անգամ հայտարարել էր, որ Թուրքիան կմասնակցի Ղարաբաղի հարցով պայմանավորվածությունների կատարման մոնիթորինգի և դիտարկման գործընթացին: Նրա խոսքով՝ թուրք զինվորականները կգործեն համատեղ խաղաղապահ առաքելության կազմում։

Ինչպես նշել է Պեսկովը, ղարաբաղյան կարգավորման գործընթացում թուրք խաղաղապահների մասնակցությունն անհնար է առանց Երևանի և Բաքվի համաձայնության:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

«Ինչպես մենք բազմիցս ասել ենք, դա չի կարող լինել միայն Մոսկվայի և Անկարայի միջև քննարկման առարկա։ Դրան պետք է համաձայնություն տան կողմերը՝ Հայաստանն ու Ադրբեջանը»,-ասել է նա լրագրողներին։

Այդ պատճառով էլ, նրա խոսքով, այդ թեման չի քննարկվել, նման պայմանավորվածություններ չեն եղել, աշխատանքը շարունակվում է։

Կրեմլում կարծիք են հայտնել, որ Ղարաբաղում խաղաղարար առաքելությանը մասնակցելու մասին Թուրքիայի նոր հայտարարությունը պայմանավորված է պայմանավորվածությունների ըմբռնման տարբերություններով։

Հիշեցնենք, որ Լեռնային Ղարաբաղի շփման գծում և Լաչինի միջանցքի երկայնքով, որը կապահովի տարածաշրջանի կապը Հայաստանի հետ, կարգուկանոն պահպանելու համար Ռուսաստանը մոտ 2 հազար զինծառայող է ուղարկում: Նրանք ապահովված կլինեն հրաձգային զենքով, 90 զրահամեքենայով, 380 միավոր ավտոմոբիլային և հատուկ տեխնիկայով։

Այդ մասին համապատասխան կետը ներառված էր Նիկոլ Փաշինյանի, ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի ստորագրած հայտարարության տեքստում։

 

232
թեգերը:
Ռուսաստան, Թուրքիա, խաղաղապահ, Արցախ
թեմա:
Խաղաղապահներն Արցախում (58)
Ըստ թեմայի
Թուրքիան ղարաբաղյան կարգավորման երաշխավոր չի լինի. Քերի Քավանո
Ռուսաստանի և Թուրքիայի պաշտպանության նախարարները մեկ օրում 2–րդ անգամ են խոսել Ղարաբաղից
Ադրբեջանն ու Թուրքիան ստիպում են հայերին թողնել իրենց տները, հայրենի հողը Արցախում. Շեր
Դմիտրի Պեսկով

Լեռնային Ղարաբաղի հակամարտությունը հիմքեր չի տալիս Դոնբասում իրավիճակի սրման համար. Պեսկով

89
(Թարմացված է 15:43 25.11.2020)
Սեմյոն Պեգովն ասել էր, որ Ուկրաինայի ռազմաքաղաքական վերնախավը նույն սցենարով գործողություններ է նախապատրաստում դոնբասյան հանրապետությունների դեմ։

ԵՐԵՎԱՆ, 25 նոյեմբերի - Sputnik. Լեռնային Ղարաբաղում հակամարտությունը հիմքեր չի տալիս մտածել, որ իրավիճակը Դոնբասում կսրվի՝ «Կիևի ռևանշիստական տրամադրությունների հետևանքով»։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը:

Ավելի վաղ ռազմական թղթակից Սեմյոն Պեգովը, հղում անելով իր աղբյուրներին, ասել էր, որ Ուկրաինայի ռազմաքաղաքական վերնախավը, ոգեշնչված Բաքվի օրինակով, նույն սցենարով գործողություններ է նախապատրաստում դոնբասյան հանրապետությունների դեմ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ղարաբաղյան հակամարտության գոտում ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

 

89
թեգերը:
Ուկրաինա, Դմիտրի Պեսկով, Արցախյան պատերազմ
Ըստ թեմայի
«Դա Թուրքիայի ներքին գործն է»․ Պեսկովը՝ թուրք զինվորականներին Ադրբեջան ուղարկելու մասին
Խորամանկությամբ անտեսելով ԼՂ–ի վերաբերյալ հրահանգը. ինչու է Թուրքիան զորք մտցնում Ադրբեջան
Նրանք պարզաբանումներ կստանան ղարաբաղյան համաձայնագրի և Թուրքիայի դերի վերաբերյալ. Պեսկով
Ռուս խաղաղապահներ Լաչինի միջանցքում

Կրեմլում չեն մեկնաբանել Էրդողանի նոր հայտարարությունը Լեռնային Ղարաբաղի վերաբերյալ

258
(Թարմացված է 14:18 25.11.2020)
Էրդողանը հայտարարել է, որ բացի Ռուսաստանից ու Թուրքիայից, այլ երկրներ նույնպես կարող են ներգրավվել Լեռնային Ղարաբաղում խաղաղություն ապահովելու գործում։

ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը չի մեկնաբանել Թուրքիայի նախագահ Թայիփ Էրդողանի հայտարարությունն այն մասին, որ նա Ռուսաստանի ղեկավարի հետ քննարկել է Լեռնային Ղարաբաղում հրադադարի ռեժիմը պահպանելու՝ տարածաշրջանի մյուս երկրների հետ ջանքերն ընդլայնելու հնարավորությունը։

«Բացի այն, ինչ մենք ասել ենք երեկ երեկոյան տարածված հաղորդագրության մեջ, ես ոչինչ չեմ կարող ավելացնել»,-ասել է Պեսկովը լրագրողներին։

Էրդողանը, ելույթ ունենալով խորհրդարանում, հայտարարել է, որ բացի Ռուսաստանից ու Թուրքիայից, այլ երկրներ նույնպես կարող են ներգրավվել Լեռնային Ղարաբաղում խաղաղություն ապահովելու գործում։

Թուրքիայի նախագահի խոսքով, «եթե երեք երկրներին միանա տարածաշրջանային չորրորդ կամ հինգերորդ պետությունը, ապա կարող ենք հասնել այլ իրավիճակի», ասել է Էրդողանը՝ չնշելով, սակայն, թե որ երկրների մասին է խոսքը։

258
թեգերը:
Արցախ, Ռուսաստան, Ռեջեփ Թայիփ Էրդողան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ֆրանսիայի ԱԳՆ–ն հայտարարություն է արել Էրդողանի զրպարտող հայտարարությունների մասին
Պուտինն ու Էրդողանը կրկին քննարկել են ԼՂ-ի հայտարարության կատարման ընթացքը
Էրդողանն ուզում է Արցախի շրջանները բնակեցնել սիրիացի գրոհայիններով. Սեմյոն Պեգով
Սոթք

Ադրբեջանցիները Սոթքի հանքի տարածքում են` բանակցություններ են վարում. համայնքի ղեկավար

0
(Թարմացված է 19:04 26.11.2020)
Գեղամասար խոշորացված համայնքի ղեկավարը Sputnik Արմենիայի հետ զրույցում հաստատել է լուրերը, որ ադրբեջանցիները հիմա Սոթքի հանքի տարածքում են։ Պաշտպանության նախարարությունը հերքում է տարածված տեղեկությունը։

ԵՐԵՎԱՆ, 26 նոյեմբերի – Sputnik. Ադրբեջանցիներն այս պահին Սոթքի հանքի տարածքում են` բանակցություններ են վարում։ Sputnik Արմենիայի հետ զրույցում ասաց Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը։

Մամուլում լուրեր են շրջանառվում, որ ադրբեջանական բանակը մտել է Սոթքի հանքավայր և աշխատակիցներին ժամանակ են տվել դուրս գալու համար: ՀՀ պաշտպանության նախարարությունը հերքել էր լուրերը, որ ադրբեջանցի զինվորականները մտել են Սոթքի հանքավայր։

«Այնպես չէ, որ հիմա պատերազմական իրավիճակ է կամ էլ լարված է, բանակցություններ են գնում։ Երկու կողմը հանդիպել են ու բանակցում են։ Այս պահին վտանգավոր իրավիճակ չէ` խաղաղ պայմաններում են բանակցություններն ընթանում»,–ասաց Ավետյանը։

Հարցին` արդյո՞ք ճիշտ են լուրերը, որ Սոքթի հանքի աշխատակիցներին ադրբեջանցիները ժամանակ են տվել հեռանալու համար, քանի որ տարածքն իրենց պիտի հանձնեն` Ավետյանը պատասխանեց, որ բանակցությունների արդյունքում ամեն ինչ կորոշվի։

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Նրա խոսքով` տեղում ներկա են Հայաստանի պաշտպանության նախարարության ներկայացուցիչները և այլ պատկան մարմինների ներկայացուցիչներ։

0
թեգերը:
ադրբեջանցի, Գյուղապետ, Քարվաճառ, Սոթք-Քարվաճառ ավտոճանապարհ, Սոթքի հանքավայր
թեմա:
Իրադրությունը Հայաստանում և Արցախում հայտարարության ստորագրումից հետո