Արխիվային լուսանկար

Թուրքիան բացահայտել է, թե ինչքան զենք է վաճառել Ադրբեջանին

629
(Թարմացված է 21:04 14.10.2020)
Արդեն սեպտեմբերին Ադրբեջանը Թուրքիայից ռազմամթերք արտահանողների ցուցակում առաջատարն է եղել` առաջ անցնելով Օմանից ու ԱՄՆ–ից։

ԵՐԵՎԱՆ, 14 հոկտեմբերի - Sputnik. Թուրքիայից ռազմական արտադրանքի արտահանումը անցյալ տարվա համեմատ աճել է՝ 20 մլն դոլարից հասնելով 123 մլն–ի։ Այս մասին հայտնում է Reuters–ը` վկայակոչելով Թուրքիայի արտահանողների միության տվյալները։

Ղարաբաղում ռազմական գործողությունների սկզբից թուրքական ԱԹՍ–ների ու այլ ռազմական արտադրանքի վաճառքն ավելացել է 77 մլն դոլարով։
Իսկ առաքումների հիմնական մասը տեղի է ունեցել 2020թ–ի հուլիսից, երբ Թուրքիան ու Ադրբեջանը մեկնարկել են համատեղ զորավարժությունները։

Արդեն սեպտեմբերին Ադրբեջանը Թուրքիայից ռազմամթերք արտահանողների ցուցակում առաջատարն է եղել` առաջ անցնելով Օմանից ու ԱՄՆ–ից։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

629
թեգերը:
սպառազինություն, Թուրքիա, Ադրբեջան
թեմա:
Ադրբեջանական ագրեսիան Արցախում - 2020 (1812)
Ըստ թեմայի
Թրամփն ու Պուտինը «հոկտեմբերյան անակնկալ» են պատրաստել
ՀՀ ԶՈւ–ն այսուհետ կարող է թիրախավորել Ադրբեջանի ռազմական օբյեկտները. ՊՆ–ի կոշտ արձագանքը
Ս-500 համակարգն առաջին գնորդներն ունի սպառազինությունների համաշխարհային շուկայում
Թբիլիս

Թուրքական բեռնատարը Վրաստանում մխրճվել է ավտոբուսի մեջ. կան զոհեր

35
(Թարմացված է 14:13 30.10.2020)
Գորիի մոտ վթարի ենթարկված միկրոավտոբուսի ուղևորները` Սաակաշվիլիի կողմնակիցները, վերադառնում էին «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից:

ԵՐԵՎԱՆ, 30 հոկտեմբերի — Sputnik. Հոկտեմբերի 29–ի լույս 30-ի գիշերը Թբիլիսի-Սենակի-Լեսելիձե մայրուղու 77-րդ կիլոմետրում թուրքական համարանիշներով բեռնատարը բախվել է մարդատար միկրոավտոբուսին:

Վրացական ԶԼՄ-ների վերջին տվյալներով ՝ զոհվել է վեց մարդ, 10-ը ստացել են ծանր մարմնական վնասվածքներ։

Վրացական առաջին ալիքի տեղեկատվության համաձայն ՝ Գորիի մոտ վթարի ենթարկված միկրոավտոբուսի ուղեւորները Թբիլիսիից տուն էին վերադառնում «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից (կուսակցությունները խորհրդարանական ընտրություններում պաշտպանում են նախկին նախագահ Միխեիլ Սաակաշվիլիին` խմբ.):

Վրաստանի նախագահ Սալոմե Զուրաբիշվիլին ցավակցություն է հայտնել Գորիի (Շիդա Քարթլիի տարածաշրջան) մոտ տեղի ունեցած ավտովթարի զոհերի ընտանիքներին և մերձավորներին:

Քննությունն ընթանում է «Տրանսպորտային միջոցի անվտանգության կամ շահագործման կանոնների խախտում, որն իր հետ բերել է երկու և ավելի մարդու մահվան» հոդվածով:

Վրաստանում COVID-19-ի ցուցանիշների ռեկորդային աճ է գրանցվել

Իրավապահ մարմինների աշխատակիցներն արդեն ձերբակալել են բեռնատարի վարորդին ՝ Թուրքիայի քաղաքացուն։ Նրան սպառնում է մինչև 10 տարվա ազատազրկում։

35
թեգերը:
Միխեիլ Սաակաշվիլի, Զոհ, Թուրք, բեռնատար, ավտովթար, ավտոբուս, Վրաստանի Հանրապետություն
թեմա:
Վթար, պատահար, սպանություն, գողություն
Ըստ թեմայի
Թուրքիայի սանձարձակ պահվածքը վկայում է, որ անհանգստացած են ՄԻԵԴ–ի որոշումներից
ԿԽՄԿ–ն աշխատում է Ադրբեջանում մահացած տղամարդու դին Հայաստան տեղափոխելու ուղղությամբ
Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել
Европейский суд по правам человека

Ադրբեջանը պարտավոր է տեղեկություններ տալ հայ գերիների մասին. ՄԻԵԴ–ի վերջնաժամկետը լրացել է

303
(Թարմացված է 12:21 30.10.2020)
ՄԻԵԴ-ում Հայաստանի ներկայացուցիչ Եղիշե Կիրակոսյանը Sputnik Արմենիայի հետ զրույցում ներկայացրել է Ադրբեջանում պահվող հայ գերիների մասին ՄԻԵԴ ներկայացրած դիմումի մանրամասները, ընթացակարգերն ու ժամկետները։

ԵՐԵՎԱՆ, 30 հոկտեմբերի — Sputnik. Ներկա պահին Ադրբեջանում շուրջ 2 տասնյակ հայ գերիներ կան։ Տեղեկությունը Sputnik Արմենիայի հետ զրույցում հայտնեց ՄԻԵԴ-ում Հայաստանի ներկայացուցիչ Եղիշե Կիրակոսյանը։

Նրա խոսքով` հայկական կողմը այս տեղեկությունները ստանում է համացանցում ադրբեջանցիների տարածած տեսանյութերից ու լուսանկարներից։

Представитель Армении в Европейском суде по правам человека Егише Киракосян в гостях радио Sputnik
© Sputnik / Andranik Ghazaryan
Եղիշե Կիրակոսյանը

«Այսինքն` մենք տեսնում ենք, որ զինծառայողները հայտնվում են ադրբեջանական իշխանությունների վերահսկողության ներքո։ Դրանք սովորաբար լինում են տարբեր տեսակի տեսագրությունների` հարցաքննությունների կամ ակնհայտ անմարդկային վերաբերմունքի, հարվածների տեսքով։ Եթե դրանք բոլորը հաշվենք, երևի շուրջ 20 մարդու մասին է խոսքը»,– ասաց Կիրակոսյանը։

Ինքնությունը հաստատված գերիներից 9-ի համար ՀՀ կառավարությունը դիմել է ՄԻԵԴ` միջանկյալ միջոց կիրառելու համար։ Մյուսների համար նրանց ընտանիքների անունից դիմումներ են ներկայացրել այս ուղղությամբ աշխատող փաստաբանների խումբը, որոնք ևս իրենց գործողությունները համապատասխանեցնում են ՀՀ իշխանությունների հետ։ 

Նշված 9 գերիների վերաբերյալ ՄԻԵԴ–ը` Հայաստանի դիմումի հիման վրա, Ադրբեջանի կառավարությունից պատասխան է պահանջել իր տարածքում գտնվող անձանց պահման պայմանների, գտնվելու վայրի, առողջական վիճակի, բուժօգնության տրամադրման մասին։

9 գերիներից 5-ի մասին Ադրբեջանից պահանջված պատասխանի վերջնաժամկետը լրացել է երեկ` հոկտեմբերի 29-ին։ Եղիշե Կիրակոսյանը հույս հայտնեց, որ այսօր` հոկտեմբերի 30-ին, ՄԻԵԴ–ից որոշակի տեղեկություններ կստացվեն, և իրենք կկարողանան գերիների ընտանիքներին ինչ–որ լուր հայտնել իրենց հարազատների վիճակի մասին։

«Քանի որ մենք սկզբում դիմել էինք 5 հոգու հարցով, հետո նաև մյուսների, այդ 5 հոգու պատասխանի համար ՄԻԵԴ–ի սահմանած վերջնաժամկետը լրացել է, իսկ մյուսների համար ժամկետը լրանում է նոյեմբերի 3-ին»,– ասաց Կիրակոսյանը։

Հիշեցնենք` երեկ` հոկտեմբերի 29-ին Կարմիր Խաչի միջազգային կոմիտեի միջամտությամբ հայկական կողմին էր փոխանցվել Արցախի գերեվարված քաղաքացի, 85-ամյա Եվգենիա Բաբայանը։

Զինծառայողների և գերիների նկատմամբ անմարդկային վերաբերմունք. ՄԻՊ–ը զեկույց է պատրաստել

Մեկ այլ տարեց գերու` 84-ամյա Միշա Մելքումյանի մասին Ադրբեջանը նախ կեղծ լուրեր էր տարածել, թե, իբր, հայկական կողմը հրաժարվել է  ընդունել նրան, ապա հայտարարվեց, որ Միշա Մելքումյանի բժշկական եզրակացության համաձայն տարեց տղամարդու տեղափոխումն անթույլատրելի է համարվել։ Այդուհանդերձ, Հայաստանի իրավասու մարմինները միանշանակ պատրաստակամություն են հայտնել առաջին իսկ հնարավորության դեպքում կազմակերպելու նրա վերադարձը:

Բայց հոկտեմբերի 29-ի ուշ երեկոյան հայտնի դարձավ, որ Ադրբեջանի զինված ուժերի կողմից գերեվարված 84-ամյա Միշա Մելքումյանը մահացել է։

303
թեգերը:
Պատերազմ, Ադրբեջան, հայ, գերի, Մարդու Իրավունքների Եվրոպական դատարան (ՄԻԵԴ)
թեմա:
Ադրբեջանական ագրեսիան Արցախում - 2020 (1812)
Ըստ թեմայի
ԱՄՆ-ը Թուրքիայի համար արտադրված F-35 կործանիչները կտա Հունաստանին
Հարավային ճակատում ինտենսիվ մարտեր են ընթանում. Արծրուն Հովհաննիսյան
Ռուսաստանի ԱԳՆ-ում չեն ժխտում սիրիացի գրոհայինների «ներհոսքը» Արցախից Ռուսաստան
Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ

Ժնևում մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

23
(Թարմացված է 14:22 30.10.2020)
Նշենք, որ այս հանդիպումը նախանշված էր հոկտեմբերի 29–ին, սակայն հետո հայտնի դարձավ, որ այն մեկ օրով հետաձգվել է։

ԵՐԵՎԱՆ, 30 հոկտեմբերի – Sputnik. Ժնևում մեկնարկել է Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ։ Տեղեկությունը Facebook-ի իր էջում կից լուսանկարին հայտնել է ՀՀ ԱԳՆ մամուլի խոսնակ Աննա Նաղդալյանը։

«Մեկնարկեց ՀՀ ԱԳ նախարար Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ»,–գրել է նա:

Ավելի վաղ տեղեկացրել էինք, որ հոկտեմբերի 29–ին Ժնևում տեղի կունենա ԵԱՀԿ Մինսկի խմբի համանախագահների փակ հանդիպումը Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հետ:

Սակայն հետո հայտնի դարձավ, որ բանակցությունները մեկ օրով հետաձգվել են։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

23
թեգերը:
Ղարաբաղյան հակամարտություն, Լեռնային Ղարաբաղ, Արցախ, Արցախյան պատերազմ, Հայաստան, ԵԱՀԿ Մինսկի Խումբ, Զոհրաբ Մնացականյան, Ժնև
թեմա:
Ղարաբաղյան հակամարտություն
Ըստ թեմայի
ԵԱՀԿ ՄԽ–ն Երևանին ու Բաքվին հորդորում է անհապաղ համաձայնեցնել վերիֆիկացիոն մեխանիզմը
Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ
ԵԱՀԿ-ում տարածվել է Ստեփանակերտի ԲԿ–ների հարվածների վերաբերյալ Արցախի ԱԳՆ հայտարարությունը