ԵՐԵՎԱՆ, 13 հոկտեմբերի — Sputnik. Իրանի IRNA լրատվական գործակալությունը հայտնում է, որ այսօր` հոկտեմբերի 13-ի առավոտյան, Իրանի հյուսիս-արևմուտքում գտնվող Արդեբիլ նահանգի Պարսաբադ-Մողան սահմանամերձ շրջանում անօդաչու թռչող սարք է ընկել:
Փաստը IRNA- ի հետ զրույցում հաստատել է Արդեբիլի փոխնահանգապետ Բեհրուզ Նեդաին։
Azeri or Armenian drone crashes on northwestern #Iran https://t.co/jxc18K8tKs pic.twitter.com/O3xNj1BIWn
— IRNA News Agency (@IrnaEnglish) October 13, 2020
Նա նաև նշել է, որ իրանական կողմը քննություն է տանում` պարզելու` ԱԹՍ–ն ադրբեջանական է, թե հայկական։
Սակայն համացանցում տարածվել էր Իրանի տարածքում ընկած ԱԹՍ–ի տեսանյութը, որի համարձայն այն պատկանում է Ադրբեջանին, իսրայելական IAI Harop ընկերության արտադրության է և հայտնաբերվել ու խոցվել է Իրանի հակաօդային պաշտպանության համակարգի կողմից։