Ստեփանակերտ

Թուրքիան պարտվում է նեոօսմանիզմի համար առաջին մարտում. Հարությունյանը` պատերազմի մասին

1188
(Թարմացված է 01:04 10.10.2020)
Հայաստանի նախկին պաշտպանության նախարարը կարծում է, որ կատաղի մարտերի ընթացքում հայկական կողմին հաջողվել է ուժասպառ անել հակառակորդին և չեզոքացնել նրա հարձակողական ներուժը։

ԵՐԵՎԱՆ, 9 հոկտեմբերի – Sputnik. Արցախում պատերազմի բնույթը հասկանալու և մարտերի տևողությունը կանխատեսելու համար անհրաժեշտ է պարզել այն նպատակներն ու խնդիրները, որոնք իրենց առջև դնում են Թուրքիան և Ադրբեջանը։ Sputnik Արմենիայի հետ զրույցում նման կարծիք է հայտնել ՀՀ պաշտպանության նախկին նախարար, վարչապետի գլխավոր խորհրդական Վաղարշակ Հարությունյանը։շ

Մարտական գործողություններն ընթանում են սեպտեմբերի 27-ից, ադրբեջանական բանակը հսկայական կորուստներ է կրել` ավելի քան 4300 զոհ։ Բայց միևնույն ժամանակ մարտի դաշտում հակառակորդի բանակը որևէ արդյունքի չի հասել։

Sputnik Արմենիային տված հարցազրույցում Հարությունյանը նկարագրել է ռազմաքաղաքական և օպերատիվ իրավիճակը մարտական գործողությունների գոտում։ Նրա համոզմամբ` այժմ թուրք–ադրբեջանական տանդեմը ձգտում է հարված հասցնել Արցախի շփման գծի հարավային ուղղությամբ` Արաքս գետի երկայնքով, որպեսզի դուրս գա Մեղրիի սահման` հետագայում Նախիջևանի հետ միանալու համար, նաև որպեսզի կտրի Իրանի սահմանի մի մասը և վերցնի այն վերահսկողության տակ` ԻԻՀ–ի արդբեջանաբնակ շրջանների հետագա ապակայունացման հեռանկարով։ Այդ է պատճառը, որ արդեն մի քանի օր է առավել թեժ մարտեր են ընթանում հարավային ուղղությամբ։

«Պետք է հասկանալ, որ Մեղրի դուրս գալը երկարաժամկետ նպատակ է, այլ ոչ այժմեական։ Դրա իրականացումը մեծ մասամբ պայմանավորված է նրանով, թե ինչպես կընթանան մարտական գործողություններն Արցախում։ Դեռ նրանց չի հաջողվում, քանի որ տվյալ հատվածում ադրբեջանական բանակի որևէ առաջխաղացում չկա», – ասում է Հարությունյանը։

ՀՀ վարչապետի գլխավոր խորհրդականը նշում է, որ ներկայիս արցախյան պատերազմը Թուրքիայի առաջին պատերազմն է այս տարածաշրջանում նեոօսմանիզմի իր գաղափարների համար։ Եվ դատելով նյութատեխնիկական աջակցման ծավալից, որ Թուրքիան ցուցաբերում է Ադրբեջանին, ինչպես նաև այն համառությանը, որով նրանք փորձում են առաջ գնալ հարավային ուղղությամբ` Անկարան բավական վճռական է տրամադրված։

Կինը 6 ամսական երեխային թողել է ու եկել պատերազմ. Հովհաննիսյան

Թուրքիայի համար Արցախում տեղի ունեցողը առաջին կարևոր մարտն է։ Ընդ որում, Կովկասի համար պայքարում Էրդողանի դաշնակիցն է Մերձավոր Արևելքի ողջ ահաբեկչական կծիկը։ Հարությունյանն այս համատեքստում օբյեկտիվ և տեղին անվանեց Ռուսաստանի արտաքին հետախուզության ծառայության (ԱՀԾ) ղեկավար Սերգեյ Նարիշկինի հայտարարությունը։ Օրեր առաջ նա ասել էր, որ ԱՀԾ–ի տեղեկություններով` արցախյան հակամարտության գոտի ակտիվորեն վարձկաններ են տեղափոխվում Մերձավոր Արևելքում կռվող միջազգային ահաբեկչական խմբավորումներից, ընդ որում խոսքը հարյուրավոր և արդեն նույնիսկ հազարավոր ծայրահեղականների մասին է։ Ահաբեկիչների մասին խոսել է նաև Ֆրանսիայի նախագահը։ Բարձրաստիճան անձանց հայտարարությունները լավագույնս բացահայտում են պատերազմի բնույթը, սա Էրդողանի կողմից կառավարվող միջազգային ահաբեկչություն է։

Նախկին նախարարը հիշեցրեց, որ ժամանակին Ռուսաստանը որոշել էր կանգնեցնել Սիրիայից ահաբեկչության տարածումը` Սիրիայի կառավարության խնդրանքով ռազմական գործողություն սկսելով։ Նա կարծում է, որ Մոսկվան այդ ժամանակ փրկեց տարածաշրջանն աղետից։ Այսօր ջախջախված հրոսակախմբերի մնացուկները Թուրքիայի նախագահի հովանու ներքո փորձում են գրավել հետխորհրդային տարածքը` տեղափոխվելով Ադրբեջան։

Վերադառնալով առաջնագծում տիրող իրավիճակին և գնահատելով ադրբեջանական բանակի գործողությունները` Հարությունյանն ընդգծեց, որ այն չկարողացավ հանկարծակի հարվածի էֆեկտ ստանալ, ինչի հետևանքով կորցրեց հարվածային իր ներուժը։ Հայկական ուժերն այդ ընթացքում բավականին ուժասպառ արեցին հակառակորդին, և հիմա վերջինս ստիպված է նոր խմբավորումներ ձևավորել։

Սակայն ակնհայտ է, որ նոր խմբերը պակաս մարտունակ կլինեն, քանի որ ի տարբերություն առաջին էշելոնի, սրանք մարտական պատրաստության դասընթացներ չեն անցել։ Մեր զրուցակցի կարծիքով` սա արդեն այն մակարդակը չէ, որ կար մարտական գործողությունների սկզբին։

Ի՞նչ է պատրաստ զիջել Լեռնային Ղարաբաղը. La Republica-ի այս հարցին պատասխանել է Փաշինյանը

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 9-ի ժամը 11։00-ի դրությամբ` հակառակորդի կրակոցների հետևանքով զոհվել են 350 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4369 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 162 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 508 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

1188
թեգերը:
Մեղրի, Վաղարշակ Հարությունյան, ահաբեկիչ, վարձկաններ, Օսմանյան կայսրություն, Թուրքիա, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020 (1684)
Ըստ թեմայի
Լաքոտը վերահաստատել է` Ֆրանսիան պատրաստ է աջակցել, որ Ղարաբաղում կրակը դադարեցվի
Պաշտոնական Քաբուլը դեմ է, որ վարձկան ահաբեկիչները տեղափոխվեն Ադրբեջան. Ոսկանյան
Կինը 6 ամսական երեխային թողել է ու եկել պատերազմ. Հովհաննիսյան
Իրանի զինված ուժերի հրամանատար Աբդուլռահիմ Մուսավին

Իրանական բանակը կպայքարի իր սահմանների մոտ հայտնված ահաբեկիչների դեմ. Իրանի ԶՈւ հրամանատար

47
(Թարմացված է 16:19 27.10.2020)
Իրանի իշխանություններն ավելի վաղ որոշում էին կայացրել ուժեղացնել սահմանների պաշտպանությունը երկրի անվտանգության ապահովման համար:

ԵՐԵՎԱՆ, 27 հոկտեմբերի — Sputnik. Իրանական բանակը վճռականորեն պայքարելու է իր սահմանների մոտ հայտնված ահաբեկիչների դեմ։ Ինչպես հաղորդում է Miran Press Telegram-ալիքը, այս մասին հայտարարել է Իրանի զինված ուժերի հրամանատար Աբդուլռահիմ Մուսավին։

Ղարաբաղյան հակամարտության գոտում մարտական գործողություններ են ընթանում նաև Իրանի հարակից մասում։ Իրանի ղեկավարությունը բազմիցս անհանգստություն է հայտնել Ղարաբաղում տիրող իրավիճակի կապակցությամբ։ Երկրի իշխանություններն ուժեղացրել են սահմանների պահպանությունն Իրանի անվտանգությունն ապահովելու համար։

«Մեր ուժերը մարտական են տրամադրված և անխնա պայքարելու են ահաբեկիչների, մեր սահմանների մոտ ԻՊ ներկայության դեմ», - նշել է Մուսավին:

Իրանը Հայաստանի և Ադրբեջանի հետ սահմանակից շրջաններում զորավարժություններ է անցկացրել

Ավելի վաղ հայտնի էր դարձել, որ Իրանի նախագահի հատուկ դեսպանորդ Աբբաս Արաքչին կայցելի Ռուսաստան, Ադրբեջան, Հայաստան և Թուրքիա` ղարաբաղյան հակամարտության կարգավորումը քննարկելու համար:

47
թեգերը:
ահաբեկիչ, վարձկաններ, Ադրբեջան, Սահման, Արցախ, Ղարաբաղյան հակամարտություն, Լեռնային Ղարաբաղ, Հայաստան, Իրանի Իսլամական Հանրապետություն
Ըստ թեմայի
Լեռնային Ղարաբաղում տիրող իրավիճակի պատճառով Իրանն ուժեղացրել է սահմանների պաշտպանությունը
ՆԱՏՕ-ն արցախյան պատերազմով թակում է Իրանի դարպասները
Հոսեյն Սալամին այցելել է Իրանի սահմանի Խուդաֆերինի հատված
Բաքու-Թբիլիսի-Ջեհյան գազամուղ

Էրդողանի տնտեսական նկրտումները. Արցախը չի տեղավորվում թուրքական գազային խողովակներում

496
Փորձագետները, սակայն, չեն բացառում, որ Արցախում սկսված գործընթացի արդյունքում Հարավային Կովկասում ու ամբողջ Կասպյան տարածաշրջանում շուտով հսկայական փոփոխություններ են տեղի ունենալու` թե՛ քաղաքական, թե՛ տնտեսական։

Տարածաշրջանում իր իսկ ստեղծած իրավիճակից Թուրքիան ձգտում է դուրս գալ որպես էներգետիկ գերտերություն, որը կվերահսկի Կասպյան տարածաշրջանի բոլոր գազի հոսքերը։

«Օրբելի» վերլուծական-հետազոտական կենտրոնի փորձագետ, տնտեսագետ Գոռ Ծառուկյանը Sputnik Արմենիայի հետ զրույցում Թուրքիայի նախագահի այս տնտեսական նկրտումները իրատեսական որակեց` չբացառելով, որ Թուրքիան, տարածաշրջանում քաղաղաքական գերակայության հասնելով, նաև փորձում է տնտեսական գերակայության հասնել։ Եվ այս դեպքում առաջնային նպատակը էժան էներգետիկ ռեսուրսներին տիրանալն է։
«Եթե մինչ այժմ Թուրքիայի համար այլընտրանքը միայն Ադրբեջանից ստացվող գազն էր ու նաև` ռուսական գազը, ապա Հարավային Կովկաս մուտք գործելու դեպքում Թուրքիան արդեն հնարավորություն կստանա վերահսկել տարածաշրջանի հիմնական էներգետիկ հոսքերը»,– ասաց Ծառուկյանը։

Տնտեսագետը պարզաբանեց, որ խոսքը հիմնականում Ադրբեջանի ու Թուրքիայի տարածքում առկա ռեսուրսների մասին է, որոնք Էրդողանը հույս ունի արտահանել Եվրոպա։ Այս ծրագրի իրագործմանը, նրա դիտարկմամբ, մինչև հիմա խոչընդոտել են Ռուսաստանն ու Իրանը։

«Բայց Թուրքիայի քաղաքական գործոնի աճելու արդյունքում Անկարան հնարավորություն կունենա վերջապես բացելու այդ փականը»,– ասաց տնտեսագետը։

Ադրբեջանի հարցում Թուրքիան, ըստ էության, խնդիր չունի։ Ամենայն հավանականությամբ, մոտ ապագայում Ադրբեջանը Թուրքիայի համար կնվազեցնի գազի գինը։

Ինչ է Հայաստանն ամենաշատը բերում Թուրքիայից

«Շատ հավանական է, որ Ադրբեջանի իշխանությունները գնան նման գործարքի, որպեսզի որոշակի տնտեսական զիջումների, անգամ որոշակի ռազմական զիջումների արդյունքում ունենան հաղթաթուղթ` սեփական ժողովրդին վաճառելու ու որպես հաղթանակ մատուցելու համար։ Իհարկե, այդ ամենի գլխավերևում կլինի Ալիև ընտանիքի ընտանեկան լուսանկարը, քանի որ կներկայացվի, թե դա հենց իրենց շնորհիվ տեղի ունեցավ։ Եվ իրենք հենց այդ հաշվարկով են անում այդ ամենը»,– ասաց տնտեսագետը։

Ադրբեջանական գազի շուկայականից ցածր գինն իր հերթին թույլ կտա Անկարային գազի գնի նվազեցման բանակցություններ սկսել Ռուսաստանի ու Իրանի հետ` խիստ շահեկան դիրքերից ու շահեկան դիրք գրավել «Երկնագույն հոսք» և «Թուրքական հոսք» նախագծերով Ռուսաստանի հետ պայմանավորվածությունները վերանայելու համար:

Ադրբեջանական ու ռուսական գազի գինը գցելուց զատ Էրդողանը ձգտում է նաև Թուրքմենստանի գազի պաշարներին հասնել, որոնք, ի դեպ, ամենահարուստն են ողջ կասպյան ավազանում։

Դրա համար հարկ կլինի նոր խողովակաշար կառուցել` թուրքմենական գազը Կասպից ծովով դեպի Ադրբեջան տեղափոխելու համար, իսկ այնտեղից արդեն արտահանել դեպի Արևմուտք։

Թուրքական հետքը Թուրքմենստանում, ի դեպ, նորություն չէ։ Թուրքական ամենախոշոր «Չալիք հոլդինգ» ընկերությունն այստեղ արդեն իսկ ներդրումային ծրագեր է իրականացնում։ Դրանցից ամենախոշորը Թուրքմենստանի «Թուրքմենբաշի» նավահանգստի կառուցումն է, որը, որոշ մասնագետների դիտարկմամբ, հենց նախատեսված է որպես խոշոր էներգետիկ հանգույց։ Այս հոլդինգի նախագահը` Ահմեդ Չալիքը Թուրքիայի ամենահարուստ օլիգարխն է, Էրդողանի փեսայի ընկերը։

Մինչ Էրդողանի իշխանություն գալը Ահմեդ Չալիքը միջին բիզնեսմեն էր, բայց դրանից հետո հաշված տարիների ընթացքում դարձավ երկրի ամենահարուստ անձանցից մեկը։ Կարճ ասած` Էրդողանը նաև Թուրքմենստանում «մարդ» ունի իր ծրագիրն առաջ տանելու համար։

Որքան էլ զավեշտալի հնչի` Թուրքիայի այս ծրագրի ճանապարհին ներկա պահին միակ խոչընդոտը Լեռնային Ղարաբաղն է։

«Եթե մինչև հիմա Ռուսաստանի ազդեցությունը շատ մեծ էր թե՛ Հարավային Կովկասում, թե՛ Միջին Ասիայում, ապա ղարաբաղյան հարցի թուրքանպաստ լուծման դեպքում Թուրքիան արդեն մուտք է գործում Հարավային Կովկաս, ու հաջորդ քայլը կլինի Կասպից ծովը, Թուրքմենստանը և այդպես շարունակ»,– կանխատեսում է Գոռ Ծառուկյանը։

Նրա դիտարկմամբ, թե՛ Ռուսաստանը, թե՛ աշխարհի մյուս խոշոր երկրները Հարավային Կովկասում Թուրքիայի այս տեղաշարժերին ու տնտեսական նկրտումներին առայժմ միայն հետևողի դերում են։ Ընդ որում, տնտեսագետը չի բացառում, որ ռուսական գազին այլընտրանք ունենալը նաև եվրոպական երկրների շահերից է բխում։

Նոր տվյալներ. Արցախի դեմ պատերազմին Ադրբեջանը վաղուց է պատրաստվել և Թուրքիայի աջակցությամբ

Առայժմ Թուրքիայի դեմ բացահայտ հայտարարություններ է անում միայն Ֆրանսիան։ Ռուսաստանը հանդես է գալիս ԵԱՀԿ ՄԽ համանախագահ երկրի դերում` փորձելով անկողմնակալություն պահպանել ու չսրել Թուրքիայի հետ հարաբերությունները։ Դե, իսկ ԱՄՆ–ին ավելի շատ հուզում են իր նախագահական ընտրությունները։

Փորձագետները, սակայն, չեն բացառում, որ Արցախում սկսված գործընթացի արդյունքում Հարավային Կովկասում ու ամբողջ Կասպյան տարածաշրջանում շուտով թե՛ քաղաքական, թե՛ տնտեսական հսկայական փոփոխություններ են տեղի ունենալու։

496
թեգերը:
Արցախ, գազ, Կասպից ծով, Թուրքիա, Ռեջեփ Թայիփ Էրդողան
Ըստ թեմայի
Ադրբեջանական ագրեսիան տեղի է ունենում Թուրքիայի ներգրավմամբ. Մնացականյանը` Պոմպեոյին
Ի՞նչ է LC Waikiki–ն՝ պարզապես լավ գովազդային արշավ. ինչպես ազատվել թուրքական ապրանքից
Ինչու են թուրքմենները թղթադրամների վրա գրում «Բերդիմուհամեդով, հեռացի՛ր»
Ալեն Սիմոնյան

Ինչ նկատի ուներ Փաշինյանը «ցավոտ փոխզիջում» ասելով. պատասխանում է Ալեն Սիմոնյանը

0
ԱԺ–ում լրագրողները հետաքրքրվել են, թե արդյո՞ք Փաշինյանը լավրովյան հայտնի լուծման մասին էր խոսում` «ցավոտ փոխզիջում» ասելով։

ԵՐԵՎԱՆ, 27 հոկտեմբերի - Sputnik. ՀՀ վարչապետ Նիկոլ Փաշինյանի հայտարարության մեջ, թե Արցախի հարցում պատրաստ ենք ցավոտ փոխզիջումների, ինչ–որ բան փնտրելը սխալ է։ ԱԺ–ում լրագրողների հետ զրույցում ասաց Ազգային ժողովի փոխնախագահ Ալեն Սիմոնյանը` ի պատասխան լրագրողների հարցադրմանը, թե ի՞նչ նկատի ուներ Փաշինյանը նման արտահայտություն անելիս։

«Խոսքն այն մասին է, որ մենք մշտապես պատրաստ ենք եղել բանակցություններին և այդ ընթացքում եթե կար կամ կլիներ որևէ առաջարկ, որը մեզ համար ընդունելի կլիներ, ապա կներկայացվեր Հայաստանի և Արցախի ժողովրդի քննարկմանը։ Սակայն փաստն այն է, որ նմանատիպ առաջարկներ չի եղել ու չեն կարող լինել։ Այս փուլում, ցավոք, այդ խոսակցությունն այլևս սպառված է։ Փաշինյանի ասածներում որևէ այլ կոնկետացում մտցնելը սխալ է»,–ասաց Սիմոնյանը։

Լրագրողները հետաքրքրվեցին, թե արդյոք Փաշինյանի նկատի չուներ Ռուսաստանի արտաքին գործերի նախարար Սերգեյ Լավրովի հայտնի ծրագիրը, ըստ որի` փուլային տարբերակով պետք է Արցախյան հիմնահարցը լուծվեր և տարածքներ հանձնեինք։ Ի պատասխան Սիմոնյանը նշեց, որ եթե խոսքն այդ մասին լիներ, ապա դրա հետ կապված փաստաթուղթն արդեն պատրաստ էր, բանակցություններըն ընթացել էին և այդ խոսակցությունը կշարունակվեր։

Հիշեցնենք, որ ըստ վերոհիշյալ սկզբունքների` Արցախի հիմնահարցը պետք է լուծվի փուլային տարբերակով։ Առաջին փուլում պետք է 5 շրջան հանձնվի Ադրբեջանին, որից հետո Արցախի ստատուս քվոյի հարցը պետք է որոշվի, դրանից հետո ևս 2 շրջան պետք է հանձնվի։

0