Կարո Փայլան

Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան

257
(Թարմացված է 11:16 28.09.2020)
Թուրքիայի խորհրդարանի հայ պատգամավորը կոչ է արել ղարաբաղյան հակամարտության գոտում վերջ դնել ռազմական գործողություններին։

ԵՐԵՎԱՆ, 28 սեպտեմբերի- Sputnik. Աշխարհի միայն մեկ երկիր է շահագրգրված և աջակցում է Ղարաբաղյան հակամարտության գոտում ռազմական գործողություններին` դա Թուրքիան է։ Facebook-ի իր էջոմ նման գրառումէ  արել Թուրքիայի խորհրդարանի հայ պատգամավոր Կարո Փայլանը։

«Թուրքիան աշխարհում միակ երկիրն է, որը աջակցում է հայ-ադրբեջանական հակամարտության սրմանը։ Բոլոր երկրներն ու միջազգային կազմակերպությունները կոչ են անում դադարեցնել կրակը, իսկ թուրքական իշխանություններն ու զանգվածային լրատվամիջոցները հակառակն են պնդում։ Պատերազմը աղետ է»- գրել է Փայլանը։

Թուրքիայի խորհրդարանի հայ պատգամավորը կոչ է արել վերջ դնել մարտական գործողություններին ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

257
թեգերը:
Արցախ, Ղարաբաղյան հակամարտություն, Լեռնային Ղարաբաղ, Հայաստան, Ադրբեջան, Թուրքիա, Կարո Փայլան
թեմա:
Ադրբեջանական ագրեսիան Արցախում - 2020 (1842)
Ըստ թեմայի
Ադրբեջանը պետք է իմանա, որ իր դիմաց կանգնած է բանակի վերածված ողջ հայությունը. Արամ Ա
«ՏՕՍ» հրետանու կիրառումից հայկական կողմը կորուստ չունի. տեսանյութ
Հայկական կողմն այս պահի դրությամբ ունի 200 վիրավոր. Արծրուն Հովհաննիսյան
Բավրայի անցակետը

Թբիլիսին պատրաստ է պայմաններ ստեղծել ՀՀ-ի ու Ադրբեջանի միջև մարդասիրական փոխանակման համար

143
(Թարմացված է 21:24 30.10.2020)
Ադրբեջանի ԶՈւ-ի կողմից գերի վերցված 85-ամյա Եվգենյա Բաբայանի փոխանցումը Հայաստան իրականացվել է վրացական կողմի աջակցությամբ։

ԵՐԵՎԱՆ, 30 հոկտեմբերի - Sputnik. Վրաստանը պատրաստ է հետագայում էլ մարդասիրական միջանցք տրամադրել հակամարտող Հայաստանի ու Ադրբեջանի համար՝ նրանց համաձայնությամբ։ Sputnik Արմենիային այս մասին հայտնեցին Վրաստանի ԱԳՆ մամուլի ծառայությունում։

Արտգործնախարարությունում նշեցին, որ վրացական կողմի աջակցությամբ հոկտեմբերի 29-ին հաջողվել է Ադրբեջանից Հայաստան տեղափոխել տարեց կնոջը (85-ամյա Եվգենյա Բաբայանին, որը գերի էր ընկել – խմբ․)։

Կարմիր խաչի միջազգային կոմիտեի ու ԵԱՀԿ աջակցությամբ, հայկական ու ադրբեջանական կողմերի համաձայնությամբ իրականացվել է ղարաբաղյան հակամարտության ընթացքում զոհվածների դիերի փոխանակումը։ ԱԳՆ-ից հայտնել են, որ համաձայնությունը նախատեսում էր նաև հակամարտության ընթացքում գերի ընկած երկու քաղաքացիական անձանց փոխանակում, որն իրականացվել է վրացական կողմի աջակցությամբ։

Արդյունքում տարեց կինը Վրաստանի տարածքով Հայաստան է բերվել։

«Վրացական կողմը ևս մեկ անգամ հաստատում է, որ պատրաստ է ցանկացած ձևաչափով աջակցել տարածաշրջանում իրավիճակի լարվածության թուլացմանը, նաև հակամարտող կողմերի համաձայնությամբ ապագայում մարդասիրական միջանցքի տրամադրում ապահովել», - հայտնեցին Վրաստանի ԱԳՆ-ում։

Ադրբեջանն ակտիվորեն տարածում է հայ գերիների տեսանյութերը. Կարմիր խաչը զբաղվում է դրանցով

Հիշեցնենք` երեկ` հոկտեմբերի 29-ին Կարմիր Խաչի միջազգային կոմիտեի միջամտությամբ հայկական կողմին էր փոխանցվել Արցախի գերեվարված քաղաքացի, 85-ամյա Եվգենյա Բաբայանը։

Մեկ այլ տարեց գերու` 84-ամյա Միշա Մելքումյանի մասին Ադրբեջանը նախ կեղծ լուրեր էր տարածել, թե, իբր, հայկական կողմը հրաժարվել է ընդունել նրան, ապա հայտարարվեց, որ Միշա Մելքումյանի բժշկական եզրակացության համաձայն՝ տարեց տղամարդու տեղափոխումն անթույլատրելի է համարվել։ Այդուհանդերձ, Հայաստանի իրավասու մարմինները միանշանակ պատրաստակամություն են հայտնել առաջին իսկ հնարավորության դեպքում կազմակերպելու նրա վերադարձը:

Բայց հոկտեմբերի 29-ի ուշ երեկոյան հայտնի դարձավ, որ Ադրբեջանի զինված ուժերի կողմից գերեվարված 84-ամյա Միշա Մելքումյանը մահացել է։

 

143
թեգերը:
Ադրբեջան, Վրաստանի Հանրապետություն, Հայաստան, Կարմիր խաչ, գերի
թեմա:
Ադրբեջանական ագրեսիան Արցախում - 2020 (1842)
Ըստ թեմայի
ԿԽՄԿ–ն աշխատում է Ադրբեջանում մահացած տղամարդու դին Հայաստան տեղափոխելու ուղղությամբ
«Սոսկալի տեսարանները, որոնց ականատես ենք եղել, չպետք է կրկնվեն». ԿԽՄԿ հայտարարությունը
Ցանկացած այլ մեկնաբանություն անընդունելի է. Մնացականյանը հանդիպել է ԿԽՄԿ-ի նախագահի հետ
Спасатели и горожане у рухнувшего здания в Измире после сильного землетрясения в Эгейском море (30 октября 2020). Турция

Երկրաշարժ ու ցունամի Թուրքիայում. աղետի հետևանքով Իզմիրում շենքեր են ավերվել. տեսանյութեր

1353
(Թարմացված է 17:11 30.10.2020)
Ցնցումները զգացվել են նաև Հունաստանում։ Ավերածություն է գրանցվել հունական Սամոս կղզու Սբ. Աստվածամայր եկեղեցում։

ԵՐԵՎԱՆ, 30 հոկտեմբերի — Sputnik. Թուրքիայի Իզմիր քաղաքում հզոր երկրաշարժ է տեղի ունեցել։

Համացանցում արդեն հայտնվել են բնական աղետի հետևանքների մասին վկայող տեսանյութեր ու լուսանկարներ։

Ինչպես հայտնում է ՌԻԱ Նովոստին, երկրաշարժի ուժգնությունը գնահատվել է 6,9 մագնիտուդ։

Նույն աղբյուրի տեղեկություններով` Իզմիրում քանդվել է առնվազն 6 շենք։

Թուրքական աղբյուրներում նշվում է, որ երկրաշարժը գրանցվել է տեղական ժամանակով 14։51–ին։ Էպիկենտրոնը գտնվել է Էգեյան ծովում`Իզմիրի ափամերձ հատվածում, 16,5 մետր խորության վրա։

Ցնցումները տևել են շուրջ 15 վայրկյան ու զգացվել Թուրքիայի արևմտյան շրջաններում։

Ի դեպ, երկրաշարժը զգացվել է նաև Հունաստանում։ ՌԻԱ Նովոստիի տվյալներով` ստորգետնյա ցնցումների հետևանքով ավերածություն է գրանցվել հունական Սամոս կղզու Սբ. Աստվածամայր եկեղեցում։

Երկրաշարժի հետևանքով զոհերի մասին տվյալներ դեռ չեն հաղորդվում։

Տեղեկություններ կան, որ երկրաշարժը նաև ցունամի է առաջացրել։ Իզմիրի փողոցները ողողված են ջրով։

 

1353
թեգերը:
Զոհ, Ավերածություններ, Երկրաշարժ, Թուրքիա
Ըստ թեմայի
ԱՄՆ-ը Թուրքիայի համար արտադրված F-35 կործանիչները կտա Հունաստանին
Թուրքիան ԵՄ չհասավ, բայց ցանկանում է դառնալ աշխարհի հզորների ակումբի անդամ
Թուրքիայի սանձարձակ պահվածքը վկայում է, որ անհանգստացած են ՄԻԵԴ–ի որոշումներից
Արխիվային լուսանկար

2381 վարակման դեպք, 41 մահ` մեկ օրում. կորոնավիրուսային հիվանդության ընթացքը Հայաստանում

1
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 31 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 2381–ով և դարձել 89813։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Տվյալները թարմացվում են...

Այս պահին փաստացի բուժում է ստանում 31458 (+1397) մարդ, կատարվել է 397596 (+4936) թեստավորում, առողջացել են վարակվածներից 54316–ը (+1059)։ Գրանցվել է մահվան 1300 (+28) դեպք։ Կորոնավիրուսով վարակված, բայց այլ պատճառով մահացածների թիվն ավելացել է 2–ով և դարձել 358 (+4)։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Վիրավոր զինվոր, թե Covid-ով հիվանդ. առողջապահական համակարգը պարալիզացման եզրին է

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

 

1
թեգերը:
համավարակ, Հայաստան, կորոնավիրուս, թեստ
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը COVID-19-ի դեմ պատվաստանյութ կգնի. արդեն համաձայնագիր է ստորագրվել
Կորոնավիրուսի դեմ ի՞նչ պատվաստանյութ կհասնի Հայաստանին. նախարարությունը քայլեր է անում
Մենք չպետք է մոռանանք, որ ունենք անտեսանելի թշնամի. կորոնավիրուսը նոր թափ է հավաքել