ԵՐԵՎԱՆ, 27 սեպտեմբերի – Sputnik. Պաշտոնական Թեհրանն Ադրբեջանին ու Հայաստանին մարտական գործողություններն անհապաղ դադարեցնելու և բանակցություններ սկսելու կոչ է արել։ Տեղեկությունը նշված է Իրանի ԱԳՆ պաշտոնական ներկայացուցիչ Սաիդ Խատիբզադեի հայտարարության մեջ։
Հայտարարության մեջ նշված է, որ իրանական կողմը մտահոգված է Հայաստանի ու Ադրբեջանի միջև եղած լարվածությամբ, կոչ է անում կողմերին լինել զուսպ, անհապաղ դադարեցնել կրակն ու սկսել երկխոսություն։
Իրանը պատրաստ է օգտագործել բոլոր հնարավորությունները մարտական գործողությունները դադարեցնելու հարցում օգնություն ցուցաբերելու համար։
Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:
ԱԱԾ-ն քաղաքական վերլուծաբաններին հորդորում է ապատեղեկատվություն չտարածել
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։
Արցախում և Հայաստանում ռազմական դրություն և համատարած զորահավաք է հայտարարվել։
