Ոստիկանություն, Թբիլիսի, արխիվային լուսանկար

Ոչ մի հարսանիք ու հոգեհանգստյան կարգ. Վրաստանը խստացնում է սահմանափակումները

152
(Թարմացված է 16:33 09.09.2020)
Արգելվել է ոչ միայն հարսանիքներն ու թաղումները, այլև այս օրերին նախատեսված կինոթատրոնների և թատրոնների բացումը։

ԵՐԵՎԱՆ, 9 սեպտեմբերի – Sputnik. Համաճարակային իրավիճակի վատթարացման պատճառով Վրաստանում նոր սահմանափակումներ են մտցվել։ Սահմանափակումների որոշումը կայացվել է այսօր համակարգող խորհրդի նիստում։

Սեպտեմբերի 8-ին Վրաստանում հակառեկորդ է գրանցել. մեկ օրում հայտնաբերվել է COVID-19-ով վարակված 45 մարդ։ Նրանց մեծ մասը գրանցվել է Աջարիայի սևծովյան հատվածում, որտեղ հանգստացողների մեծ հոսք է եղել։

Ինչպես ճեպազրույցի ժամանակ նշել է Վրաստանի կառավարության վարչակազմի ղեկավար Նաթիա Մեզվրիշվիլին, սեպտեմբերի 10-ից երկրում արգելվել են 200 հոգուց ավել մարդկանց մասնակցությամբ մարզական և մշակութային միջոցառումները։

«Հաշվի առնելով ստեղծված համաճարակային իրավիճակը, թատրոնների, կինոթատրոնների բացումը, որը նախատեսված էր սեպտեմբերի 15-ին և հոկտեմբերի 1-ին, տեղափոխվում է մինչև նոյեմբերի 1–ը»,– ասել է Մեզվրիշվիլին։

Հայ-վրացական սահմանի բացման հարցն անորոշ է․ ո՞րն է պատճառը

Նույն ցանկում են նաև մանկական զվարճանքի կենտրոնները։ Երկրում սեպտեմբերի 10-ից արգելվում է հոգեհանգստի, հարսանիքների, տոնախմբությունների և այլ ծիսական միջոցառումների անցկացումը։ Արգելվում է նաև հանրային միջոցառումների անցկացումը։ Այս կանոնները չպահպանելու համար համապատասխան պատժամիջոցներ են նախատեսված։

Խորհուրդ չի տրվում նաև հանդեսներ և տոնական միջոցառումներ կազմակերպել դպրոցներում, իսկ քաղաքացիները պետք է պահպանեն սոցիալական հեռավորություն և կրեն պաշտպանիչ դիմակ։ Սակայն դպրոցներում դասերը կմեկնարկեն, ինչպես և նախատեսված էր` սեպտեմբերի 15-ից։

Ավելի վաղ, Վրաստանի կառավարությունը բնակչությանը սմս–հաղորդագրություններ էր ուղարկել, կոչ անելով, հատկապես նրանց, ովքեր 12 օրվա ընթացքում եղել են Աջարիայում, COVID-19–ի ախտանշաններ ունենալու դեպքում դիմել բուժկենտրոններ կամ զանգահարել թեժ գիծ` «112» հեռախոսահամարով։

Սեպտեմբերի 9-ի դրությամբ Վրաստանում SARS-CoV-2–ի բացահայտված դեպքերի թիվը 1773 է։

Վերին Լարսում մնացածների թվում երեխաներ կան. գլխավոր հյուպատոսը մեկնաբանում է իրավիճակը

152
թեգերը:
հոգեհանգիստ, թաղում, հարսանիք, կորոնավիրուս, Վրաստանի Հանրապետություն
թեմա:
Կորոնավիրուսը աշխարհում (898)
Ըստ թեմայի
Միխեիլ Սաակաշվիլուն առաջադրել են Վրաստանի վարչապետի պաշտոնում
Վրաստանի մայրաքաղաքի կենտրոնում պայթյուն է որոտացել, մեկ մարդ մահացել է. տեսանյութ
Որ Վրաստանը պայմանները կխստացնի, կասկածից վեր է. Մելիքյանը` «կանաչ միջանցքի» մասին
Ինչ հնարավորություններ ունի Սաակաշվիլին Վրաստանի ընտրություններում. վրացագետի կարծիքը
Կարմիր խաչ

Կարմիր խաչի ներկայացուցիչներին հաջողվել է այցելել սպա Գուրգեն Ալավերդյանին. մանրամասներ

630
(Թարմացված է 16:05 22.09.2020)
Կարմիր խաչի միջազգային կոմիտեի ներկայացուցիչներն այցելել են Ադրբեջանում ձերբակալված Հայաստանի քաղաքացիներին, այդ թվում՝ հայ սպա Գուրգեն Ալավերդյանին։

ԵՐԵՎԱՆ, սեպտեմբերի 22, Sputnik. Կարմիր խաչի միջազգային կոմիտեի ներկայացուցիչներին հաջողվել է այցելել Ադրբեջանում գտնվող հայ սպա Գուրգեն Ալավերդյանին։ Sputnik Արմենիայի հետ զրույցում տեղեկությունը հայտնեց Կարմիր խաչի միջազգային կոմիտեի հայաստանյան գրասենյակի հաղորդակցման ծրագրերի պատասխանատու Զառա Ամատունին։

«Առաջին անգամ ԿՄԽԿ ներկայացուցիչներն այցելեցին Գուրգեն Ալավերդյանին։ Բացի այդ, այցեր են եղել նաև Ադրբեջանում ձերբակալված մյուս ՀՀ քաղաքացիներին»,–ասաց Ամատունին։

Նա հայտնեց, որ Կարմիր խաչի ներկայացուցիչներն այցի ժամանակ ստուգել են նրանց պահման պայմանները, տեղեկացել առողջական վիճակի մասին, հնարավորություն ընձեռել կապ հաստատել ընտանիքների հետ։

Ամատունու խոսքով` Ալավերդյանից բացի, մյուսներին այցելել էին նաև կորոնավիրուսի օրերին։

Ադրբեջանցի զինվորականների պահվածքը Գուրգեն Ալավերդյանի իրավունքների կոպիտ խախտում է․ ՄԻՊ

Ի դեպ, Ադրբեջանում պահվում են Բերդավան գյուղի բնակիչ Կարեն Ղազարյանը, զինծառայող Արայիկ Ղազարյանը, Ներքին Խնձորեսկ գյուղի բնակիչ Նարեկ Սարդարյանը, սպա Գուրգեն Ալավերդյանն ու Արցախի բնակիչ Արսեն Բաղդասարյանը:

Նրանցից Գուրգեն Ալավերդյանը, ՊՆ տվյալներով, օգոստոսի 22-ին` ժամը 19:30-ի սահմանում, մարտական հենակետը ստուգելու ժամանակ մոլորվել էր ու հայտնվել էր Ադրբեջանի տարածքում։  Ադրբեջանի պաշտպանության նախարարությունն էլ հայտարարել էր, թե Ադրբեջանի ԶՈւ–ն գերի է վերցրել «դիվերսանտի»։

Դեպքից շուրջ մեկ ամիս անց` սեպտեմբերի 15-ին, դատախազությունը հայտնեց, որ  Ադրբեջանում հայտնված սպա Գուրգեն Ալավերդյանի դեպքով քրեական գործ է հարուցվել` ՀՀ քրեական օրենսգրքի 131-րդ հոդվածի 2-րդ մասի 1-ին կետով (Մարդուն առևանգելը մի խումբ անձանց կողմից նախնական համաձայնությամբ):

630
թեգերը:
Կարմիր խաչ, գերի, Սպա, Գուրգեն Ալավերդյան, Ադրբեջան
Ըստ թեմայի
«2 երեխա ունի, ինչպե՞ս կարող է ուզել Ադրբեջանում մնալ». մանրամասներ մոլորված սպայի մասին
Ալավերդյան.«Գերիներին փոխանակելը պայմանավորված է հումանիտար քայլեր անելու հայտարարությամբ»
ՊՆ–ում Կարմիր խաչի պատվիրակությանն են ընդունել և քննարկել Ադրբեջանում հայտնված սպայի հարցը
Թուրքիա. արխիվային լուսանկար

Ռուս զբոսաշրջիկների ավտոբուսը վթարի է ենթարկվել թուրքական Անթալիայում

23
(Թարմացված է 18:46 18.09.2020)
Ավելի վաղ հաղորդվել էր, որ վթարի հետևանքով տուժել է 7 մարդ, սակայն այդ տեղեկությունը պաշտոնապես դեռ չեն հաստատում:

ԵՐԵՎԱՆ, 18 սեպտեմբերի — Sputnik. Անթալիայում ռուս զբոսաշրջիկներով ավտոբուսը վթարի է ենթարկվել։ Տեղեկությունը հայտնում է ՌԻԱ Նովոստին՝ վկայակոչելով Անթալիայում ՌԴ գլխավոր հյուպատոսության ներկայացուցչին:

Ավելի վաղ E1.RU պորտալը հայտնել էր, որ Ալանի շրջանում, լեռնային ճանապարհի վրա ռուս զբոսաշրջիկներ տեղափոխող ավտոբուս է շրջվել։ Ըստ նրանց տեղեկության` վթարի հետևանքով 7 մարդ է տուժել։ Բայց այդ տեղեկության պաշտոնական հաստատում դեռ չի ստացվել։

«Այո, ավտոբուսի մասնակցությամբ  վթար եղել է։ Դեպքի մանրամասները պարզվում են», - ասել է գործակալության զրուցակիցը։

Բայց Անթալիայի Ճանապարհային ոստիկանությունից ՌԻԱ Նովոստիին հայտնել են, որ ուրբաթ օրը ՌԴ-ից եկած զբոսաշրջիկների ավտոբուսով վթարներ չի եղել:

«Նման վթարների մասին հաղորդում չի ստացվել», - ասել է գործակալության զրուցակիցը:

Ըստ նույն E1.RU պորտալի` զբոսաշրջիկները տարբեր աստիճանի վնասվածքներ են ստացել, այդ թվում կոտրվածքներ, վնասվածքներ գլխի շրջանում։

23
թեգերը:
ավտոբուս, ավտովթար, Զբոսաշրջիկ, ռուս, Թուրքիա
Ըստ թեմայի
Գյումրու քաղաքապետի մոտ կորոնավիրուս է հաստատվել. ևս 26 աշխատակից թեստավորվել են
«Շենգավիթում» 30-ամյա ծննդկան է մահացել. բժշկական կենտրոնը պարզաբանում է տարածել
Ի՞նչ կապ կա գարդասիլի պատվաստման և 17-ամյա աղջկա տեսողական խնդիրների միջև. մանրամասներ

Հաճախորդի լոյալությունը` բիզնեսի առաջխաղացման կարևորագույն ատրիբուտ

0
(Թարմացված է 23:30 22.09.2020)
Տնտեսագետ Հայկ Մանասյանն ու «Բիզնեսի դիալեկտիկա» հաղորդաշարի վարող Արամ Չախոյանը զրուցել են հաճախորդի լոյալության մասին։

Հաճախորդի լոյալությունն այսօր մրցակցային միջավայրի պայմաններում բիզնեսի առաջխաղացման կարևորագույն ատրիբուտներից մեկն է։ 

«Բիզնեսի դիալեկտիկա» հաղորդաշարի հերթական հաղորդման ընթացքում Հայկ Մանասյանը ներկայացնում է, թե իրականում ինչ է հաճախորդի լոյալությունը, որքան կարևոր է դա բիզնեսի առաջխաղացման համար, ինչ օգուտներ կարելի է ակնկալել հաճախորդների լոյալությունից և ինչ մեթոդներով կարելի է հասնել բարձր լոյալության։

«Բիզնեսի դիալեկտիկա». որո՞նք են «երկար պոչերը» բիզնեսի պրոդուկտային պորտֆելում

0
թեգերը:
հաճախորդ, բիզնես
թեմա:
Բիզնեսի դիալեկտիկա
Ըստ թեմայի
Որոնք են գնորդների վարքագծային հիմնական փոփոխությունները ռեցեսիայի պայմաններում
Որն է այն միակ գործոնը, որի շնորհիվ բիզնեսն արժեք է ստեղծում
Մարքեթինգի ու վաճառքի բաժինների բախումից տուժում է բիզնեսը. ի՞նչ անել, որ դա տեղի չունենա