Եկատերինա Տիկարաձեն

Մտադիր ենք պարզել` ինչն է Թորոսյանին նման հայտարարության առիթ տվել. Վրաստանի ԱՆ

333
(Թարմացված է 22:25 25.05.2020)
Վրաստանի առողջապահության նախարար Եկատերինա Տիկարաձեն անդրադարձել է հայ գործընկերոջ` Արսեն Թորոսյանի հայտարարությանը, որը երկու երկրներում աղմուկ էր բարձրացրել։

ԵՐԵՎԱՆ, 25 մայիսի –Sputnik. Վրաստանի առողջապահության նախարար Եկատերինա Տիկարաձեն մտադիր է կապ հաստատել ՀՀ առողջապահության նախարար Արսեն Թորոսյանի հետ` կապված Հայաստանի հանրային խորհրդի նիստում նրա բարձրացրած հարցերի հետ։ Այս մասին Տիկարաձեն ասել է Rustavi 2 հեռուստաալիքի եթերում։

Տիկարաձեն Թորոսյանի հայտարարությունները չհիմնավորված և հարցեր առաջացնող է անվանել։

Հիշեցնենք, որ  ՀՀ առողջապահության նախարար Արսեն Թորոսյանը Հանրային խորհրդի նիստում խոստովանել էր, որ Վրաստանում կիրառված և մինչ օրս գործող սահմանափակումներն ավելի արդյունավետ էին և ավելի խիստ։ Սակայն նա կասկած էր հայտնել վարակվածների հաշվարկի մեթոդաբանության հարցում`նշելով, որ Հայաստանում հակահամաճարակաբանական համակարգն ավելի զարգացած է, քան հարևանների մոտ։

Թորոսյանի խոսքերը լուրջ իրարանցում էին առաջացրել Վրաստանում, բժշկական հանրությունը ներողություն էր պահանջել։

Ավելի ուշ Հայաստանի առողջապահության նախարարությունը դիվանագիտական խողովակներով պաշտոնական Թբիլիսիին իր ափսոսանքն էր փոխանցել Թորոսյանի հայտարարության հետ կապված։

«Իտալական սցենարից խուսափել չի հաջողվի». փորձագետը՝ Հայաստանում COVID-19–ի իրավիճակի մասին

«Մենք համավարակի շրջանում բազմիցս շփվել ենք հեռախոսով։ Խորհրդակցել ենք, համեմատել մեր երկրների իրավիճակը։ Եթե նրա մոտ հարցեր կային, Թորոսյանը կարող էր կրկին դիմել հաղորդակցման այդ ձևին և կստանար իր բոլոր հարցերի պատասխանները», -ասել է Տիկարաձեն։

Նրա խոսքով` ոչ ոք չի կարող կասկածի տակ դնել այն արդյունքները, որոնց Վրաստանը հասել է կորոնավիրուսի դեմ պայքարում։

Նա նշել է, որ ձեռնարկված միջոցառումների արդյունավետությունը միայն թվերը չեն հաստատում, այլև հասարակական գնահատականը։

Նա ընդգծել է, որ այդ տեսանկյունից Թորոսյանի հայտարարությունը որոշակի կասկածներ և հարցեր է ծնում` ստիպելով մտածել նրա խոսքերի իսկության մասին։

«Մտադիր ենք նրա հետ հեռախոսազրույց ունենալ, մանրամասն պարզելու համար, թե որն է եղել նման հայտարարության պատճառը», – ասել է Տիկարաձեն։

Նախարարն ընդգծել է, որ անկախ քաղաքական գործիչների և հանրության` էքսպրես թեստեր անցկացնելու կոչերի, իրավասու մարմիններն ընտրել են PCR թեստավորումը, ինչը, ըստ նրա, բացառում է պաշտոնական վիճակագրության հետ կապված ցանկացած կասկած։

Մայիսի 25-ի դրությամբ` Հայաստանում կորոնավիրուսի 7113  դեպք է գրանցվել, Վրաստանում` 731։

333
թեգերը:
թեստ, Նախարար, կորոնավիրուս, Արսեն Թորոսյան, Վրաստանի Հանրապետություն
Ըստ թեմայի
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Ինչպես կարելի է կորոնավիրուսից 95 % պաշտպանվածության երաշխիք ունենալ. 3 կանոն վարչապետից
Կորոնավիրուսը Ուհան է վերադարձել. 10 օրվա ընթացքում COVID-19-ի 189 վարակակիր է բացահայտվել
Վլադիմիր Պուտինն ու Էրդողանը, արխիվային լուսանկար

Ռուսաստանը և Թուրքիան հուլիսի 15-ից կվերականգնեն ավիահաղորդակցությունը

28
(Թարմացված է 16:00 15.07.2020)
Հունիսին թուրքական կողմը Ռուսաստանին առաջարկել էր հուլիսի 15-ից վերսկսել ավիահաղորդակցությունը։ Երկրի իշխանությունները հայտարարել էին, որ պատրաստ են ընդունել ռուսաստանցի զբոսաշրջիկներին: Կողմերը, ըստ ամենայնի, համաձայնության են եկել։

ԵՐԵՎԱՆ, 15 հուլիսի – Sputnik. Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույցից հետո վարչություններին հանձնարարել են սկսել ավիահաղորդակցության վերականգման մասին բանակցությունները։ Տեղեկությունը ՌԻԱ Նովոստիին հայտնել է ՌԴ նախագահի մամուլի քարտուղար Դմիտրի Պեսկովը։

Անադոլու գործակալության հաղորդմամբ՝ Թուրքիայի տրանսպորտի և ենթակառուցվածքների նախարարությունը տեղեկացրել է, որ Մոսկվան և Անկարան պայմանավորվել են թռիչքները վերսկսել հուլիսի 15-ից։

Ինչպես հայտնում են ռուսական ԶԼՄ-ները, որոշ զբոսաշրջային ընկերություններ արդեն տուր-փաթեթներ են վաճառում դեպի Թուրքիա․ Որոշ տուրեր առաջարկվում են չարտերային չվերթներով, որոշներն էլ՝ Turkish Airlines-ի պարբերական չվերթներով։

Ավելի վաղ ՌԴ փոխվարչապետ Տատյանա Գոլիկովան հայտարարել էր, որ հուլիսի 15-ից իշխանությունները կսկսեն վերացնել օտարերկրյա թռիչքների սահմանափակումները։ Ավիահաղորդակցությունը կվերականգնվի այն երկրների հետ, որտեղ կորոնավիրուսով հիվանդացությունը յուրաքանչյուր 100 հազար բնակչի հաշվով 40 դեպքից ավելի չէ․ COVID-19-ի օրական միջին տարածման ցուցանիշն այդ երկրներում չպետք է գերազանցի 1%-ը։

«Իրար մեջ դեռ չեն կարողանում պարզել». Պուտինը` միջազգային ավիահաղորդակցության մասին

Ռուսաստանը մարտի 27-ին կորոնավիրուսի պատճառով դադարեցրել է այլ երկրների հետ պարբերական և չարտերային ավիահաղորդակցությունը։ Բացառություն են կազմում տարհանման, ինչպես նաև բեռնափոխադրող, փոստային, սանիտարական և մարդասիրական չվերթները, դատարկ ինքնաթիռների տեղափոխումը՝ տեխսպասարկման համար, տրանզիտային թռիչքները երկրի տարածքում՝ վերալիցքավորման կամ անձնակազմի փոփոխության վայրէջքով, որոնք իրականացվում են ՌԴ կառավարության առանձին որոշումներով։

28
թեգերը:
չվերթ, զբոսաշրջություն, Թուրքիա, Ռուսաստան, Ռեջեփ Թայիփ Էրդողան, Վլադիմիր Պուտին
Ըստ թեմայի
Իրանը պատրաստ է վերսկսել ուղիղ ավիահաղորդակցությունն ԱՄՆ–ի հետ
Վրաստանը դադարեցրել է ավիահաղորդակցությունն Իրանի հետ
Ե՞րբ կվերականգնվի Վրաստանի հետ ավիահաղորդակցությունը. Կրեմլի պարզաբանումը
Հայաստանը մտադի՞ր է դադարեցնել ավիահաղորդակցությունն Իրանի հետ
Рубен Сафрастян

«Թուրքիան սպառնալիք է տարածաշրջանի համար». արևելագետը ասել է` ով է Հայաստանի դաշնակիցը

279
(Թարմացված է 13:37 15.07.2020)
Ռուբեն Սաֆրաստյանի կարծիքով` Հայաստանը 1920 թվականին կորցրեց պետականությունը  աշխարհաքաղաքական միայնակության պատճառով։

ԵՐԵՎԱՆ, 15 հուլիսի –Sputnik.  Թուրքիայի գործողություններն ու հռետորաբանությունը լուրջ սպառնալիք են տարածաշրջանի կայունության ու անվտանգության համար։ Ավելին` Անկարան փորձում է ամեն կերպ սրել իրավիճակը հայ-ադրբեջանական սահմանին` Տավուշի ուղղությամբ, աջակցելով Ադրբեջանին և այդպիսով քաջալերելով նրան հետագա սրացման համար։ Այս մասին այսօր առցանց ճեպազրույցի ժամանակ հայտարարեց  ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը։

«Թուրքիայի վարքը գնալով ավելի վտանգավոր է դառնում Հայաստանի և Լեռնային Ղարաբաղի համար։ Այս պայմաններում կարևոր է Հայաստանի կարողությունն ինքն իրեն պաշտպանելու ոչ միայն ռազմական, այլև դիվանագիտական ճակատում։ Նախևառաջ մենք պետք է ապահովենք մեր անվտանգությունը։ Մենք պետք է նաև ճիշտ գնահատենք աշխարհաքաղաքական իրավիճակը», - ասաց արևելագետը։

Սաֆրաստյանը շատ կարևոր է համարում նաև Հայաստանի ռազմավարական դաշնակիցների հարցը։  Ըստ նրա` վերլուծելով իրավիճակը և զուգահեռներ տանելով 1918-1920 թվականներին Առաջին հանրապետության ժամանակաշրջանի հետ, գալիս ենք այն եզրահանգման, որ Հայաստանն այն ժամանակ պարտվել է, քանի որ չի կարողացել լուծել աշխարհաքաղաքական դաշնակիցների հարցը։ Առաջին հանրապետությունն այն ժամանակ միայնակ էր մնացել։

«Դա կարևոր դաս դարձավ մեր պետականության համար, և այսօր մենք ունենք աշխարհաքաղաքական, ռազմավարական դաշնակից, որը Ռուսաստանն է։ Պետք է կարողանանք առավելագույն օգուտ քաղել այդ հանգամանքից»,- հավելեց նա։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայ-ադրբեջանական լարվածություն. Լավրովը Թուրքիայի՞ն է սաստել

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

ՀՀ ԱԳՆ–ն պատասխանել է Թուրքիային

Երեկ գիշերվանից հայ–ադրբեջանական սահմանի Տավուշի հատվածում հարաբերական անդորր է։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ և 10 վիրավոր։

279
թեգերը:
Սահման, հայ-ադրբեջանական, Ադրբեջան, Ռուսաստան, Հայաստան, Ռուբեն Սաֆրաստյան, Թուրքագետ, Թուրքիա
Ըստ թեմայի
Թուրքերը զանգվածաբար աղոթում են մզկիթի վերածված Սուրբ Սոֆիայի տաճարի մոտ. տեսանյութ
Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները
Կողոպուտը նրանց ԴՆԹ-ի մեջ է․ ինչպես են թուրքերը փնտրում «հանկարծ անհետացած» հայերի գանձերը
Իլհամ Ալիև

«Ես չկարողացա գտնել Էլմար Մամեդյարովին». Ալիևը զայրացել է

0
(Թարմացված է 22:48 15.07.2020)
Կառավարության նիստի ժամանակ Իլհամ Ալիևին զեկուցել են, որ արտգործնախարարն այս օրերին աշխատել է տնից։

ԵՐԵՎԱՆ, 15 հուլիսի – Sputnik. Ադրբեջանի նախագահ Իլհամ Ալիևը կառավարության նիստի ժամանակ խիստ քննադատության է ենթարկել երկրի ԱԳՆ-ի և անձամբ նախարար Էլմար Մամեդյարովի աշխատանքը: Նա դժգոհել է, թե ինչպես են դիվանագետներն աշխատել հայ-ադրբեջանական պետական սահմանագոտու իրավիճակի սրման շրջանում:

«Հայաստանի վարչապետն ասում է` Ղարաբաղը Հայաստանն է, և վերջ»։ Ես պատասխանում եմ նրան։ Իսկ արտաքին գործերի նախարարությունն ինչ-որ մակարդակով պատասխանե՞լ է, թե՞ ոչ ։ Ես չեմ լսել, Ադրբեջանի ժողովուրդն էլ չի լսել։ Ո՞վ պետք է առաջին հերթին դա աներ։ ԱԳՆ-ն լռում է», - նրա խոսքերն են մեջբերում ադրբեջանական լրատվամիջոցները:

Ալիևի խոսքով ՝ հունվարի 12 –ից հետո, երբ սկսվել են իրադարձությունները (սահմանին-խմբ.), կառավարության բոլոր անդամներն աշխատավայրում են եղել ։

«Ես մինչև առավոտ աշխատավայրում եմ, վարչապետը աշխատավայրում է։ Պաշտպանության նախարարը, գլխավոր շտաբի պետը, պետական անվտանգության ծառայության պետը, արտաքին հետախուզության ծառայության պետը, ներքին գործերի նախարարը, անվտանգության խորհրդի քարտուղարը. բոլորն առավոտից գիշեր աշխատավայրում են։ Ես չկարողացա գտնել արտգործնախարարին», - հավելել է նա։

Այնուհետև Ալիևը հարցրել է վարչապետին, թե որտեղ է եղել արտգործնախարարը։ Պարզվել է, որ նա աշխատել է տնից։

«Պարզ է։ Ես չեմ ուզում խորանալ։ Ես շատ բան կարող եմ ասել։ Բայց կարծում եմ, որ դա բավարար է», - ի պատասխան ասել է Ալիևը։

Նշենք, որ ադրբեջանական մամուլում արդեն շրջանառվում են Մամեդյարովի հրաժարականի լուրերը։ Պաշտոնական հաստատում դեռ չկա։

0
թեգերը:
Էլմար Մամեդյարով, Իլհամ Ալիև, Ադրբեջան