Հալեպ

Երջանկության բաղադրատոմսը․ Հալեպի պաղպաղակի գործարանատիրոջ պատմությունը

141
(Թարմացված է 13:22 24.05.2020)
Երջանկությունը վերադառնում է սիրիական քաղաք: Այն թեև 2016 թվականին ազատագրել էին գրոհայիններից, սակայն մոտակայքում միշտ ահաբեկիչներ են եղել։

ԵՐԵՎԱՆ, 22 մայիսի – Sputnik. Սիրիայի Հալեպ քաղաքը, որտեղ ժամանակին մեծ հայկական համայնք կար, քիչ–քիչ վերադառնում է խաղաղ կյանքին․առաջին անգամ Ռամադանը նշվում է հանգիստ մթնոլորտում։ Ավելին, այստեղ նույնիսկ պաղպաղակի գործարաններն են գործարկվել։ Տեղեկությունը հայտնում է ՌԻԱ Նովոստին։

Հալեպի պաղպաղակի գործարանի սեփականատեր Սահեբ Աբդալան վստահ է, որ քաղցրավենիքը տեղով երջանկություն է։ «Մեր պաղպաղակը շատ համեղ է։ Կարող եմ միանգամից մեկ կիլոգրամ ուտել։ Այո, ես ոչ այդքան սլացիկ, բայց լրիվ երջանիկ մարդ եմ։ Ինձանից օրինակ վերցրեք», - ասել է նա։

Երջանկությունը վերադառնում է սիրիական քաղաք։ Թեև այն 2016 թվականին ազատագրել էին գրոհայիններից, սակայն մոտակայքում միշտ ահաբեկիչներ էին հայտնվում։ Վերջին տարիներին նրանք հանգիստ չէին թողնում քաղաքում մնացած բնակչությանը, անընդհատ կրակում էին բնակելի թաղամասերի ուղղությամբ։

Սահեբ Աբդալայի  գործարանը մոտ է մինչ վերջերս գրոհայինների թիրախ դարձած թաղամասերին։ Սակայն այժմ մարդիկ առանց վախի կարող են գնալ պաղպաղակ գնելու։ Կախված տարվա եղանակից՝ գործարանը 30 տեսակ պաղպաղակ է արտադրում։

 «Ինչ այդ պահին այգիներում աճում է, դրանից էլ պաղպաղակ ենք սարքում։ Հիմա կեռաս է, ելակ, դեղձ, կիտրոն։ Մեր արտադրանքը միայն բնական բաղադրիչներից է պատրաստվում։ Սկսած մրգից ու հատապտուղներից մինչև թարմ կաթը, որը հենց գյուղացիներից ենք գնում», - ասել է գործարանի սեփականատիրոջ որդին։

Հալեպի արվարձանում վերականգնում են Էլ Համդանիա շրջանը. լուսանկարներ

Սիրիայի հայ համայնքը համարվում էր աշխարհի ամենահզոր համայնքներից մեկը և շուրջ 110 հազար մարդ էր ընդգրկում իր կազմում։ Սիրիական ճգնաժամից հետո, տարբեր գնահատականների համաձայն, ավելի քան 90 հազար հայ լքել է Սիրիան։ Սիրիայի Հալեպ քաղաքում շուրջ 60 հազար հայ էր բնակվում:

141
թեգերը:
գործարան, պաղպաղակ, Հալեպ, Սիրիա
Ըստ թեմայի
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
«Ամերիկացիները կարծում են` իրենց հողն է»․ փախած գրոհայինը` Սիրիայի Աթ Թանֆ բազայի մասին
Սիրիայում ՀՀ դեսպանությունը հայտնել է` երբ է նախատեսվում Դամասկոս–Երևան չվերթը
Վանա լիճ, Ախթամար եկեղեցի

Կողոպուտը նրանց ԴՆԹ-ի մեջ է․ ինչպես են թուրքերը փնտրում «հանկարծ անհետացած» հայերի գանձերը

165
(Թարմացված է 00:29 13.07.2020)
Թուրքիայում «ոսկու տենդը» չի հանդարտվում, և ամեն տարի ավելի ու ավելի շատ թուրքեր ու քրդեր են կողոպտում հայերի տները, եկեղեցիները, գերեզմանատներն ու հուշարձանները՝ գանձեր գտնելու հույսով։

ԵՐԵՎԱՆ, 12 հուլիսի – Sputnik. Թուրքիայի քաղաքացիները չեն ճանաչում Ցեղասպանությունը, բայց չգիտես՝ ինչու հավատում են, որ Վանից, Մուշից, Բիթլիսից, Էրզրումից, Դիարբեքիրից, Ուրֆայից, Այնթափից, Ադանայից, Կարսից և մյուս շրջաններից անհետացած հայերն իրենց տներում և բակերում ոսկի են կուտակել։

Հայկական ծագումով կանադացի պատմաբան Րաֆֆի Բեդրոսյանը հայ-ամերիկյան The Armenian Mirror Spectator պարբերականում գրում է Թուրքիայի ծայրահեղականների մասին, որոնք շարունակում են ջարդուփշուր անել հայերի տները՝ գանձեր գտնելու հույսով։

Ըստ Բեդրոսյանի՝ Google որոնման համակարգը «գանձերի որոնում հայկական տներում» թեմայով ավելի քան 800 հազար հղում է առաջարկում՝ թուրքերենով։Եթե ապագա «որսորդն» իր որոնումներում ավելի ճշգրիտ գտնվի և փնտրի, օրինակ, «գանձեր հայկական եկեղեցիներում», ապա կգտնի այդպիսի 700 հազար հղում, իսկ «ի՞նչ փնտրել հայերի տներում գանձեր որոնելիս» հարցի դեպքում՝ որոնման համակարգը 400 հազար հղում է ցույց տալիս։

YouTube-ում հարյուրավոր վիդեոդասընթացներ կան, որոնք ցուցադրում են, թե որտեղ և ինչպես է պետք գանձեր փնտրել ներկայիս Թուրքիայի տարածքում գտնվող հայկական տներում և եկեղեցիներում։ Նմանատիպ դասընթացներ կան նաև հայկական խորհրդանշանների, բառերի և տառերի նշանակության մասին, որոնք կարող են հայերի թաքնված գանձերը գտնելու բանալի դառնալ։

Յուրաքանչյուր նմանատիպ տեսանյութ մի քանի տասնյակ հազար դիտում ունի, իսկ այսպես կոչված՝ «դասավանդողները» կամ «փորձագետները» թուրքական թոք-շոուներում պահանջված հյուրերն են։ Ի դեպ, նրանց ծառայություններն անվճար չեն․ այս «մասնագետները» վաճառում են հայկական նշանների մասին իրենց «գիտելիքները» և անգամ նկարներ են ստեղծում, որոնցում, իբր, ցույց են տալիս, թե որտեղ են թաղված հայերի գանձերը։

Եվ ուրեմն, ինչո՞ւ են 20-րդ դարի սկզբին Թուրքիայից «հրաշքով անհետացած» հայերն այդքան ոսկի թողել։ Թուրք «փորձագետների» պատասխանը հնչում է մոտավորապես այսպես՝ հայերը «ինքնակամ որոշել են» լքել իրենց տները՝ վերադառնալու հույսով, այդ պատճառով էլ գանձերը թաղել են բակում, պատերի մեջ և այլն։ Ընդ որում՝ այս պնդումը այնպիսի վստահությամբ է տարածվում, ասես՝ խոսքը բացարձակ ճշմարտության մասին է, եղանակի տեսության կամ սպասվող ընտրությունների։

«Հայկական գանձերի պրոֆեսիոնալ որսորդները խորհուրդ են տալիս մետաղորսիչ սարքեր ունենալ՝ աղյուսե կամ բետոնե պատի մեջ թաքցրած ոսկե կամ արծաթե դրամները հայտնաբերելու համար։ Նրանք նաև խորհուրդ են տալիս ուշադիր հետևել Թուրքիա այցելող սփյուռքահայերին»։

«ՁԵզ կարող է թվալ, թե նրանք սովորական զբոսաշրջիկներ են, սակայն իրականում եկել են իրենց նախնիների թողած գանձերը տանելու։ Մենք խորհուրդ ենք տալիս հայերի հանդիպելիս մեզ մոտ բերել, այդպիսով մենք կարող ենք համաձայնություն կնքել՝ հայտնաբերված գանձերը կիսելու մասին»,- այս անհեթեթությունը թուրքական շոուների ժամանակ իմաստուն դեմքով կրկնում են կեղծ հնագետները։

Բեդրոսյանը գրում է, որ ժամանակին գանձերը գտնելու հարցում օգնության ակնկալիքով մի քանի թուրք դիմել էին անգամ «Ակոս» թերթի խմբագիր Հրանտ Դինքին։

«Իսկական գանձերը հողի տակ թաղված չեն, իսկական գանձերն այդ մարդիկ էին ստեղծում իրենց աշխատանքով»,-այն ժամանակ նրանց ասել էր Դինքը։ Սակայն հեշտ ավարի ու հարստանալու մտքից արբած՝ թուրքերն, իհարկե, չլսեցին նրան։

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

Թուրքական պետությունը պաշտոնապես չի ողջունում այս գործողությունները, բայց, ակնհայտորեն, նաև չի խոչընդոտում դրանք, քանի որ հայկական տներում գանձերի որոնումների մասին բաց և ազատորեն քննարկվում է տպագիր ԶԼՄ-ներում, սոցիալական ցանցերում և թոք-շոուներում։

Փաստացի, երբ կառավարությունը որոշեց քանդել Մուշի մոտ 500 հայկական տները՝ նոր բնակելի թաղամաս կառուցելու համար, տների սեփականատերերին թույլատրվեց ինքնուրույն քանդել դրանք, ինչպես նաև ներգրավել հետաքրքրված մարդկանց՝ գանձերը գտնելու համար։

Տեղական ինքնակառավարման մարմինների լռելյայն համաձայնությամբ թույլատրվում է պեղումներ կատարել լքված հայկական տներում, եկեղեցիներում և գերեզմանատներում, ընդ որում՝ ոչ միայն ձեռքով, այլ նաև խոշոր շինարարական տեխնիկայի գործադրմամբ, անգամ դինամիտ օգտագործելով։

Բեդրոսյանն համոզմամբ՝ թալանը (այդ բառը հայերենում և թուրքերենում նույն իմաստն ունի) թուրքերի ԴՆԹ-ի մեջ է։

Մի օր բոլորս վերադառնալու ենք. ծպտյալ հայերն ու Արմեն Բաքըրջըօղլուի հայկական ընտանիքը

Հեղինակի կարծիքով՝ սկզբում՝ Միջնադարում, թուրքերը գրավում էին ուրիշների տարածքները, այնուհետև Օսմանյան կայսրության ոչ մահմեդական բնակչությանը՝ հայերին, հույներին, ասորիներին, հրեաներին մշտական սարսափի մեջ էին պահում, հետո կատարեցին մարդկության դեմ մեծագույն հանցագործությունը՝ ոչնչացնելով 1,5 միլիոն հայի, գրավելով նրանց տներն ու հուշարձանները, և անգամ հիմա՝ 21-րդ դարում, շարունակում են ապրել գողի հոգեբանությամբ։

165
թեգերը:
Հուշարձան, Եկեղեցի, գերեզման, շինարարություն, Ոսկի, հայ, Թուրք
թեմա:
Հայոց ցեղասպանություն
Ըստ թեմայի
Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները
Ամասիացի Օհանը և մյուսները․ ինչու են թուրք գրողները խոսում Արևմտյան Հայաստանի հայերի մասին
Թուրքիայում ավերում են հայկական կոթողները, իսկ ի՞նչ է անում թուրքական իշխանությունը
«Միայն արյան հոտը կարող է ձեզ սթափեցնել». մեկ դար անց թուրքի նամակը Կոմիտասին
Ռեջեփ Թայիփ Էրդողան

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

115
Տեր-Հարությունյանի արտահայտությունները իրարանցում են առաջացրել թուրքական դիվանագիտական ներկայացուցչությունում. տասնյակ ցուցարարներ են հավաքվել Al Jadeed հեռուստաալիքի շենքի մոտ:

ԵՐԵՎԱՆ, 12 հուլիսի - Sputnik. Լիբանանյան Al Jadeed հեռուստաալիքի «Անա Հեք» թոք-շոուի հաղորդավար, հայազգի Նշան Տեր-Հարությունյանը դատարանի առաջ կկանգնի՝ Թուրքիայի նախագահ Ռեջեփ Թայիփ Էրդողանին «վիրավորելու» համար։

Arab Weekly-ի հաղորդմամբ՝ հանդիսականներից մեկը Տեր-Հարությունյանին փախստական էր անվանել և մեղադրել ռասիզմի մեջ նրա համար, որ նա Էրդողանին չարիք էր անվանել։ Տեր-Հարությունյանն էլ պատասխանել է8 հանդիսատեսին. «Նա հենց չարիք է,  միլիոնավոր չար մարդկանց որդին»։

Ավելի ուշ նա պարզաբանել էր իր արտահայտությունը՝ նշելով, որ այն վերաբերում էր Էրդողանին, նրա ռեժիմին, թուրք-օսմաններին և թուրքերին։

«Եթե դուք կարծում եք, որ ես փախստական եմ, ապա ասեմ՝ ես ավելի շատ ծագումով լիբանանցի եմ, քան դուք, և ես հպարտանում եմ Լիբանանով ավելի շատ, քան դուք»,- ասել էր նա:

Տեր-Հարությունյանի արտահայտություններն իսկական իրարանցում են առաջացրել թուրքական դիվանագիտական ներկայացուցչությունում։ Տասնյակ ցուցարարներ են հավաքվել Al Jadeed հեռուստաալիքի առջև և բողոքի ակցիա կազմակերպել «Օսմանյան պետությանն ու Թուրքիայի նախագահ Ռեջեփ Թայիփ Էրդողանին ուղղված «վիրավորանքի» համար:

Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները

Իսկ Թուրքիայի իշխանությունները կապվել են Լիբանանի արտաքին գործերի նախարարության հետ և պահանջել, որ պետական մակարդակով «անհրաժեշտ միջոցներ» ձեռնարկվեն հաղորդավարի դեմ ։

Լիբանանի ազգային լրատվական գործակալությունը (NNA) հայտարարել է, որ «դատախազությանը տրամադրված տեղեկության համաձայն՝ Տեր-Հարությունյանի գործը կներկայացվի Բեյրութի հրապարակումների պալատ»:

Տեր-Հարությունյանն իր խոսքերի համար պատասխան կտա հոկտեմբերին։

Ի դեպ, մի շարք լրատվամիջոցներ պաշտպանել ենՏեր-Հարությունյանին, գործընկերներից շատերն ի աջակցություն նրա՝ Twitter-ում գրառումներ են արել։ Նրանց թվում է հայտնի լիբանանցի երգչուհի, դերասանուհի և մոդել Սիրին Աբդելնուրը։

Որոշ մասնագետներ անանուն մնալու պայմանով հայտնել են առաջադրված մեղադրանքների ոչ իրավաչափության մասին: Նրանց կարծիքով այս ամենի պատճառը այն է, որ Թուրքիան չի ուզում ճանաչել Օսմանյան կայսրությունում հայերի դեմ իրականացված հանցագործությունները։

115
թեգերը:
Բողոքի ակցիա, Լիբանան, Դատարան, Ռեջեփ Թայիփ Էրդողան, հաղորդավար, հայ
Ըստ թեմայի
Այդ «սրից փրկվածները» դեռ կան․ Էրդողանը գռեհիկ է արտահայտվել հույների և հայերի հասցեին
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Էրդողանն ընդդեմ Հայոց ցեղասպանության, կամ ինչից է այդքան վախենում Անկարան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա
Զինծառայողներ, արխիվային լուսանկար

Ադրբեջանական ԶՈՒ կրակոցները տարբեր ինտենսիվությամբ շարունակվում են. Շուշան Ստեփանյան

185
(Թարմացված է 01:59 13.07.2020)
ՀՀ Պն մամուլի խոսնակը հայտնում է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։

ԵՐԵՎԱՆ, 13 հուլիսի - Sputnik. ՀՀ Պն մամուլի խոսնակ Շուշան Ստեփանյանը հայտնում է, որ ադրբեջանական զինված ուժերի կողմից կրակոցները պարբերաբար տարբեր ինտենսիվությամբ շարունակվում են։ Ստեփանյանը Facebook սոցիալական ցանցի իր էջում գրառում է արել` հայտնելով, որ հակառակորդի բոլոր փորձերը թիրախավորվում և չեզոքացվում են։

«Հայկական զինված ուժերը կորուստներ և վիրավորներ չունեն»,– գրել է նա։

Մեկ այլ գրառմամբ էլ Ստեփանյանը տեղեկացրել է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։ Նրա խոսքով` թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։

Հիշեցնենք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի

նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

185
թեգերը:
Շուշան Ստեփանյան, կրակոց, Սահման, հայ-ադրբեջանական