Թուրքիա, արխիվային լուսանկար

Թուրքիայում հունիսից կբացվե՞ն ծովափնյա հանգստավայրերը

183
(Թարմացված է 19:19 27.04.2020)
ՀՀ ԱԺ արտաքին հարաբերությունների մշտական հանձնաժողովի նախաձեռնությամբ կազմակերպված «COVID 19. տարածաշրջանային իրավիճակ. դիմակայում և հնարավոր զարգացումներ» առցանց քննարկմանը բանախոսներն անդրադարձել են Թուրքիայում տիրող իրավիճակին ու այդ երկրի իշխանությունների ծրագրերին:

ԵՐԵՎԱՆ, 27 ապրիլի - Sputnik. Թուրքիայում կորոնավիրոսի համավարակով պայմանավորված սահմանափակումները կիրառվում են նահանգ առ նահանգ, երկրի ընդհանուր տարածքում արտակարգ դրության ռեժիմ սահմանված չէ: Այս մասին այսօր ՀՀ ԱԺ արտաքին հարաբերությունների մշտական հանձնաժողովի կազմակերպած «COVID 19. տարածաշրջանային իրավիճակ. դիմակայում և հնարավոր զարգացումներ» թեմայով առցանց քննարկման ժամանակ հայտնեց թուրքագետ Վարուժան Գեղամյանը:

Նա նշեց, որ պաշտոնական տվյալներով Թուրքիայում գրանցված է վարակի 110 000, մահվան՝ ավելի քան 2 800 դեպք: Այս տվյալներով Թուրքիան աշխարհում առաջատար դիրքերում է:

«Երկար ժամանակ Թուրքիայի իշխանությունները խուսափում էին սահմանափակումներ մտցնելուց: Չնայած, որ ընդդիմադիր քաղաքապետները կոչ էին անում տեղաշարժի սահմանափակումներ մտցնել, բայց իշխանությունները երկար ժամանակ չէին արձագանքում այս կոչերին: Միայն երկու շաբաթ առաջ մեկ ժամվա ընթացքում որոշում կայացվեց տեղաշարժի սահմանափակում մտցնել շաբաթ-կիրակի օրերի համար, ինչը բերեց նրան, որ գիշերով խանութների առաջ ֆանտաստիկ հերթեր առաջացան, ու կարծում եմ՝ ձեզանից շատերը տեսել են այդ կադրերը, թե ինչպես են մարդիկ հերթում իրար ծեծում, որ մտնեն խանութ»,- ասաց Գեղամյանը:

Անդրադառնալով կորոնավիրուսի հետևանքով այդ երկրի տնտեսության կրած վնասներին՝ փորձագետը հայտնեց, որ հիմնականում տուժել է զբոսաշրջության ոլորտը:

Ինչ վնասներ են հասցրել կորոնավիրուսն ու նավթի գինը Ադրբեջանի տնտեսությանը

«Անցյալ տարի գրանցվել էր 35 մլրդ դրամի եկամուտ միայն զբոսաշրջության ոլորտից: Այս տարի այդ եկամուտները չեն լինի: Սակայն պետությունն ամեն ինչ անում է, որպեսզի հնարավորինս գոնե խրախուսի տուրիզմի զարգացումն այս դժվարին ժամանակներում: Համաձայն Էրդողանի ներկայացրած ճանապարհային քարտեզի, որն անցյալ շաբաթ նա ներկայացրեց երկրի իշխող վերնախավի հետ հանդիպմանը, նախատեսվում է, որ Ռամադանի վերջին շաբաթում բոլոր սահմանափակումները կվերացվեն, ռեստորանները, հյուրանոցներն ու մեծ առևտրային կենտրոնները կբացվեն»,- նշեց Գեղամյանը:

Նա հայտնեց, որ որոշ սահմանափակումներ նախատեսվում է կիրառել, մասնավորապես՝ հյուրանոցները կաշխատեն իրենց թողունակության 50%-ի չափով, ռեստորանները՝ 30 և այլն:

«Բացի այդ, տուրիզմի նախարարությունը հանդես է եկել կորոնավիրուսից զերծ տարածքների նախաձեռնությամբ, որտեղ ընդգրկվել են Միջերկրական ծովի ծովափնյա տուրիստական տարածքները: Այստեղ հունիս ամսից խրախուսվելու է տուրիզմը՝ երաշխավորելով, որ այստեղ կորոնավիրուս չկա»,- ընդգծեց նա:

Փորձագետը նաև հայտնեց, որ գների աննախադեպ անկում է գրանցվել գյուղմթերքների շուկայում, աճել են գործազրկությունն ու հանցավորությունը: Փոխարենը Թուրքիայի իշխանություններն անվճար դիմակներ են տրամադրում քաղաքացիներին, ինչը Վարուժան Գեղամյանի դիտարկմամբ, պաշտոնական քարոզչությունը ներկայացնում է իբրև մեծ ձեռքբերում:

183
թեգերը:
Վարուժան Գեղամյան, դիմակ, կորոնավիրուս, Թուրքիա
թեմա:
Կորոնավիրուսը Չինաստանում և աշխարհում (702)
Ըստ թեմայի
Պեսկովն ասել է` կորոնավիրուսը երբ կարող է նահանջել Ռուսաստանում
Գիտնականներն ասել են՝ ինչ է ցույց տալիս կորոնավիրուսից մահացածների դիահերձումը
Ինչպես է կորոնավիրուսն ազդում կյանքի միջին տևողության վրա
Կորոնավիրուսը Հայաստանում. մեկ օրում վարակվածների թիվն ավելացել է 69-ով և դարձել 1746
Գազի խողողվակ

Ռուսաստանից Վրաստան ներկրվող գազի գինը կիջնի. «Գազպրոմի» հետ նոր պայմանավորվածություն կա

115
(Թարմացված է 23:14 26.05.2020)
Կոմերցիոն գաղտնիքի նկատառումներից ելնելով՝ նախարարը չի խոսել հստակ թվերից, սակայն նշել է, որ բնական գազի գինը կնվազի 15%-ով։

ԵՐԵՎԱՆ, 26 մայիսի  – Sputnik. Վրաստանի իշխանությունը վերանայել է «Գազպրոմի» հետ ընթացիկ պայմանագիրն ու ներկրվող գազի գնի նվազեցման մասին պայմանավորվածություն է ձեռք բերել։ Այս տեղեկությունը վրացի լրագրողների հետ զրույցում հայտնել է Վրաստանի էկոնոմիկայի ու կայուն զարգացման նախարար Նատիա Տուրնավան։

«Հաշվի առնելով բարձր մրցակցությունն  ու նաև նավթամթերքի գնի անկումը՝ մենք վերանայել ենք պայմանագիրը «Գազպրոմի» հետ։ Դա կնպաստի գազի գնի նվազեցմանը», - ասել է Տուրնավան։

Կոմերցիոն գաղտնիքի նկատառումներից ելնելով՝ նախարարը հստակ թվեր չի ասել, բայց նշել է, որ բնական գազի գինը կնվազի 15%-ով։

Նա հավելել է նաև, որ անհրաժեշտության դեպքում հնարավոր կլինի գինն ավելի իջեցնել, ամեն ինչ կախված է շուկայից։

2019 թվականին Վրաստանը հայտնել էր «Գազպրոմից» քիչ ծավալով գազ գնելու պայմանագիր կնքելու մասին։ 2019 թվականին Վրաստանը 160 խորանարդ մետր գազ է գնել, ինչը կազմել է ներմուծման ընդհանուր ծավալի մոտ 5%-ը։ Նշենք, որ Վրաստանը 2006 թվականից Ռուսաստանից գազ չէր գնում։

Հիշեցնենք՝ մինչ 2016 թվականը «Գազպրոմը» բնամթերքով էր վճարում գազի տարանցման դիմաց․ Վրաստանը գազի ֆիքսված ծավալ էր ստանում դեպի Հայաստան տարանցումն իրականացնելու համար։ 2016 թվականից Վրաստանը փոխել է մոտեցումը  բոլոր այն երկրների հետ, որոնց հետ տարանցման պայմանագրեր ունի։

Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին

Ընդդիմությունը մեղադրում էր իշխանությանը, որ նպաստում է ռուսական ընկերության ներթափանցմանը վրացական շուկա, հատկապես, որ նոր համաձայնագրով Վրաստանը մի քանի տասնյակ միլիոն դոլար պակաս է ստացել։

Նշենք, որ Ռուսաստանի ու Հայաստանի միջև կնքված պայմանագրի համաձայն՝ տարեկան մինչև 2,5 միլիարդ խորանարդ մետր գազ է մատակարարվում մեր երկիր։ Ավելի վաղ ՀՀ վարչապետ Նիկոլ Փաշինյանը հայտնել էր, որ Հայաստանի համար ռուսական գազի գինը նվազեցնելու հնարավորություն կա։ 2019 թ-ի հունվարի 1-ից ռուսական գազի գինն աճել է հազար խորանարդ մետրի դիմաց 150-ից մինչև 165 դոլար, բայց բնակչության համար սակագինը մնացել է նույնը՝ ընկերության ծախսերի կրճատման հաշվին։

 

115
թեգերը:
«Գազպրոմ Արմենիա» ընկերություն, Ռուսաստան, գազի սակագին, գազ, Վրաստանի Հանրապետություն
Հայ սակրավոները Հալեպին են հանձնել 142.000 քմ ականազերծված տարածք

Կյանքեր փրկելով. հայ սակրավոները Հալեպին են հանձնել 142.000 քմ ականազերծված տարածք

40
(Թարմացված է 12:35 26.05.2020)
Սիրիական կողմն իր խորին երախտագիտությունն է հայտնել եղբայրական ժողովրդին՝ կյանքեր փրկելու և անմնացորդ աջակցության համար։

ԵՐԵՎԱՆ, 26 մայիսի — Sputnik. Հալեպում երեկ` մայիսի 25-ին, կայացել է Հայաստանի հումանիտար առաքելության կողմից ականազերծված տարածքների հանձնումը Սիրիայի Արաբական Հանրապետության Հալեպի նահանգի իշխանություններին:

Ինչպես տեղեկացնում են Հումանիտար ականազերծման և փորձագիտական կենտրոնից, Հալեպի իշխանություններին հանձնված ականազերծման հավաստագրերով փաստվել է, որ մաքրվել է երկու ականադաշտ՝ մոտ 51000 քառակուսի մետր ընդհանուր տարածքով: Ականազերծման աշխատանքների ընթացքում հայտնաբերվել և վնասազերծվել են ավելի քան 200 զինամթերք և ենթազինամթերք, այդ թվում՝ հակատանկային և հակահետևակային ականներ, հրետանային արկերի և ավիառումբի մնացորդներ, ուղղորդված ականներ և ինքնաշեն պայթուցիկ առարկաններ: Հալեպի իշխանություններին հանձնվել են նաև ականազերծված տարածքների քարտեզները, ստորագրվեցին հանձնման-ընդունման վկայականները:

Церемония передачи разминированных территорий армянской гуманитарной миссии властям Сирии (25 мая 2020). Алеппо
Հայ սակրավոները Հալեպին են հանձնել 142.000 քմ ականազերծված տարածք

Արարողությանը ներկա էին Հալեպի փոխնահանգապետ Ահմեդ Յասինը, Հայաստանի գլխավոր հյուպատոս Արմեն Սարգսյանը, հակամարտող կողմերի հաշտեցման Հալեպում տեղակայված ռուսական կենտրոնի ղեկավարությունը, հումանիտար առաքելություն իրականացնող խմբի ներկայացուցիչ Արկադի Տոնոյանը, Հալեպ նահանգի իշխանության ներկայացուցիչներ, հայոց թեմի հոգևոր առաջնորդներ, այլ պաշտոնատար անձինք:

Ողջունելով հյուրերին` Արկադի Տոնոյանը համառոտ ներկայացրեց ականազերծման գործառույթները և ընթացիկ տարում կատարված աշխատանքները, վստահություն հայտնեց դրանց շարունակականության վերաբերյալ.

«Գարնանը սկսված աշխատանքների արդյունքում, անգամ համաճարակային սահմանափակումների պայմաններում, հայ սակրավորները միջազգային չափորոշիչներին համապատասխան ականազերծել են մոտ 5 հեկտար հողատարածք. հայտնաբերել և վնասազերծել են բազմաթիվ նռնակներ, տարբեր տրամաչափի փամփուշտներ, հակատանկային և հակահետևակային ականներ»,–ասաց նա:

Փոխնահանգապետ Ահմեդ Յասինը կարևորեց կենտրոնի աշխատանքները և հույս հայտնեց, որ ականազերծման գործընթացի ակտիվացումը կնպաստի Հալեպի ժողովրդի վերադարձին իրենց բնակավայրեր։

«Ամենամյա ականազերծման աշխատանքների արդյունքում գյուղատնտեսական կիրառման համար պիտանելի են դառնում նորանոր հողատարածքներ, իսկ գլխավորը` նվազում է չվնասազերծված զինամթերքի պայթյունի հետևանքով հնարավոր դժբախտ պատահարների հավանականությունը»,–ասաց նա:

Սիրիայի ժողովուրդը գնահատում է հայերի աշխատանքը. ի՞նչ է արել մեր առաքելությունը ապրիլին

Այսպիսով, Հումանիտար առաքելություն իրականացնող խումբն իր գործունեության ամբողջ ընթացքում Հալեպի իշխանություններին օգտագործմանն է հանձնել 142.000 քառակուսի մետր ականազերծված տարածք:

Սիրիական կողմն իր խորին երախտագիտությունն է հայտնել եղբայրական ժողովրդին՝ կյանքեր փրկելու և անմնացորդ աջակցության համար ու նշել, որ օրը պատմական է և այն ևս մեկ անգամ ամրագրում է երկու ժողովուրդների դարավոր բարեկամությունը։

40
թեգերը:
Հալեպ, ական, Սակրավոր, հայ, Սիրիա
Ըստ թեմայի
Զինյալները Սիրիայի Էբլա հնագույն քաղաքի պեղումների տարածքից ոսկի են հափշտակել 
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Սիրիայում ՀՀ դեսպանությունը հայտնել է` երբ է նախատեսվում Դամասկոս–Երևան չվերթը
Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

0
(Թարմացված է 23:52 26.05.2020)
Բացման արարողությանը ներկա են եղել տաճարի պատասխանատու երեք եկեղեցիների ղեկավարները։

ԵՐԵՎԱՆ, 26 մայիսի - Sputnik. Բեթղեհեմի Սուրբծննդյան տաճարը եռամսյա դադարից հետո բացվել է հավատացյալների համար։ Տեղեկությունը ՌԻԱ Նովոստիին է հայտնել Երուսաղեմի աջակցության մահմեդական–քրիստոնեական հիմնադրամի նախագահ Հաննա Իսսան։

Տաճարը փակ էր մարտի 5-ից։ Իսսան ասել է, որ մի քանի քրիստոնյա հոգևորականներ են հետևել եկեղեցու բացման արարողությանը։ Ներկա են եղել տաճարի պատասխանատու երեք եկեղեցիների ղեկավարները (Երուսաղեմի ուղղափառ եկեղեցի, Երուսաղեմի Հայոց պատրիարքություն, Երուսաղեմի լատինական պատրիարքարանի կաթոլիկ եկեղեցի – խմբ․)։

Տաճարը քրիստոնյա աշխարհի ամենանշանակալի սրբավայրերից է, ըստ ավանդության` կառուցված է Հիսուս Քրիստոսի ծննդյան վայրում։

Ավելի վաղ հայտնի էր դարձել, որ կորոնավիրուսի համավարակի պատճառով երկու ամիս փակ մնալուց հետո բացվել է նաև Երուսաղեմի Սուրբ Հարության տաճարը։

0
թեգերը:
տաճար, Բեթղեհեմ
Ըստ թեմայի
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Հայկական եկեղեցին` ոչխարների փարախ. ինչպես Խարբերդի հայերը փրկեցին մշակութային կառույցը
Ստամբուլի հայկական եկեղեցին վառելու փորձի հարցը Թուրքիայի խորհրդարան է հասել