Սադախլո

Սադախլոյի անցակետը փակ է քաղաքացիների համար

60
(Թարմացված է 23:30 23.03.2020)
Վրաստանից Հայաստան մեկնել ցանկացող ՀՀ քաղաքացիներին անհրաժեշտ է մինչև մարտի 24-ը, ժամը 12։00, նամակ ուղարկել դեսպանությանը։

ԵՐԵՎԱՆ, 23 մարտի-Sputnik. Վրաստանի Մառնեուլիի և Բոլնիսիի շրջաններում խիստ կարանտինային ռեժիմ մտցնելու պատճառով այս պահին փակ է դեպի Սադախլոյի անցակետ քաղաքացիների տեղաշարժը։ Վրաստանում ՀՀ դեսպանությունը Facebook-ի պաշտոնական էջում քիչ առաջ հայտարարություն է տարածել Վրաստանում գտնվող և Հայաստան վերադառնալ ցանկացող քաղաքացիների համար։

«Վրաստանից Հայաստան մեկնել ցանկացող ՀՀ քաղաքացիներին անհրաժեշտ է իրենց տվյալները (անուն-ազգանուն, հեռախոսահամար, ծննդյան թիվ, մեքենայի պետհամարանիշ) մինչև մարտի 24-ը ժամը 12։00-ն անձնական նամակի միջոցով ուղարկել Վրաստանում ՀՀ դեսպանության ֆեյսբուքյան էջին (կամ դեսպանության Էլ. փոստին՝ armgeorgiaembassy@mfa.am)»,- ասված  է հաղորդագրության մեջ։

Դեսպանությունը նշում է, որ Հայաստան մեկնման ժամի և հավաքատեղիի վերաբերյալ քաղաքացիները լրացուցիչ կտեղեկացվեն։

Հավելենք, որ Սադախլոյի անցակետի սահմանափակումը չի վերաբերում բեռնատարներին։ Հայկական բեռնատարները կշարունակեն ազատ շարժվել Վրաստանի տարածքով դեպի Վերին Լարսի անցակետ։

Ավելի վաղ հաղորդել էինք, որ հայկական բեռնատարների մուտքը Վրաստան ժամանակավորապես դադարեցվել էր վրացական կողմում մեծ թվով տրանսպորտային միջոցների կուտակման և Մառնեուլիի և Բոլնիսիի շրջաններում կարանտինային ռեժիմի պատճառով։

Իշխող կուսակցությունը փակ դռների հետևում քննարկել է կորոնավիրուսի շուրջ ստեղծված իրավիճակը

Հիշեցնենք, որ 2020 թվականի  մարտի 21-ից մինչև ապրիլի 21-ը Վրաստանում արտակարգ դրություն է հայտարարվել:

Մարտի 23-ի դրությամբ՝ Վրաստանում կորոնավիրուսով վարակվածների թիվը հասել է 54-ի: 3254 մարդ մեկուսացված է, իսկ 233-ը հիվանդանոցում են:

60
թեգերը:
Սադախլոյի անցակետ, Հայաստան, Վրաստանի Հանրապետություն, կորոնավիրուս
թեմա:
Կորոնավիրուսը Չինաստանում և աշխարհում (493)
Ըստ թեմայի
Երևանյան սրճարաններն աշխուժանում են. կորոնավիրուսը սրճարան չի՞ մտնում
Ինչպես են Հայաստանում հակասեպտիկներ արտադրում
Ծաղիկները կորոնավիրուսին չեն սպասում․ ի՞նչ վիճակում են ծաղկավաճառներն ու ջերմոցատերերը