Գեորգի Սագանելիձե. արխիվային լուսանկար

Հայաստանում Վրաստանի դեսպանի կինը սեր է խոստովանել Երևանին և տոկունություն մաղթել հայերին

302
(Թարմացված է 13:54 22.03.2020)
Հայաստանում Վրաստանի արտակարգ և լիազոր դեսպանի կինը վստահ է, որ կորոնավիրուսով պայմանավորված իրավիճակը կհանդարտվի և դրական ավարտ կունենա։

ԵՐԵՎԱՆ, 22 մարտի — Sputnik. Հայաստանում Վրաստանի արտակարգ և լիազոր դեսպան Գեորգի Սագանելիձեի տիկինը՝ Եկատերինա Բաքրաձեն, շնորհակալություն է հայտնել հայ ժողովրդին բարության համար և այս դժվարին օրերին համբերություն մաղթել։ Նա Facebook-ի իր էջում Հայաստանից լուսանկար է հրապարակել` Արարատ լեռան ֆոնին։

«Սիրում եմ այս քաղաքը: Բարությունից, բարյացակամությունից, հարգանքից բացի այլ բան չեմ զգացել այստեղ: Շնորհակալ եմ դրա համար։ Հայ ժողովրդին սրտանց ցանկանում եմ խաղաղություն, տոկունություն, համբերություն: Ամեն ինչ հաստատ լավ է լինելու»,–լուսանկարին կից գրել է նա:

Եկատերինայի գրառումը շատ է դուր եկել իր հայրենակիցներին, որոնք ևս եղել են Հայաստանում և հիանալի տպավորություններով են հեռացել։

«Ես էլ եմ շատ սիրում Հայաստանը, հատկապես Երևանը», «Մեծ սիրով միանում եմ ձեր բարեմաղթանքին, թող որ բոլոր երկրներում մարդիկ շուտ ապաքինվեն», «Հայ ժողովուրդն ուրախ կլինի սա տեսնել»,–գրել են վրացի օգտատերերը։

Բաքրաձեից շնորհակալություն են հայտնել նաև հայ օգտատերերը, նրանք ուրախ են դրական գնահատանքի համար։

Ինչպես պաշտպանվել կորոնավիրուսից. Եվգենի Պետրոսյանի խորհուրդները` տեսանյութով

Նշենք, որ Գեորգի Սագանելիձեն Հայաստանի Հանրապետությունում Վրաստանի Հանրապետության արտակարգ և լիազոր դեսպան է նշանակվել 2016 թվականին։ Նա ընտանիքի հետ արդեն 4 տարի է ապրում է Հայաստանում։

302
թեգերը:
կորոնավիրուս, Լուսանկար, Կին, Դեսպան, Վրաստանի Հանրապետություն, Հայաստան
Ըստ թեմայի
Չեղարկված համերգներ, պարտադրված կարանտին. Ռոբի Ուիլյամսը որոշել է անվճար երգել
Բանակն ապահովված է անհրաժեշտ նյութերով. հորդորում են անհասկանալի դրամահավաքի չմասնակցել
Պայքար կորոնավիրուսի դեմ. հրշեջ-փրկարարական ջոկատների տարածքները և տեխնիկան ախտահանվում են