Վրացական սահման, արխիվային լուսանկար

«Վերին Լարսի» անցակետում խցանվածների թվում ՀՀ քաղաքացիներ կա՞ն․ պարզաբանում է ԱԳՆ-ն

127
(Թարմացված է 17:02 17.03.2020)
Արտաքին գործերի նախարարությունը Հայաստանի քաղաքացիներին խորհուրդ է տալիս անհրաժեշտության դեպքում դիմել Դոնի Ռոստովում գտնվող ՀՀ հյուպատոսարան:

Երևան, 17 մարտի - Sputnik. «Վերին Լարսի» անցակետում (ռուս-վրացական սահման) խցանվածների թվում պետք է, որ ՀՀ քաղաքացիներ չլինեն: Հակառակ դեպքում նրանք պետք է կապ հաստատեն Դոնի Ռոստովում գտնվող Հայաստանի հյուպատոսության հետ:Այս մասին Sputnik Արմենիայի թղթակցին ասաց ՀՀ արտաքին գործերի նախարարության խոսնակ Աննա Նաղդալյանը:

Ավելի վաղ վրացական Sputnik գործակալությունը՝ վկայակոչելով ԶԼՄ-ներին, հաղորդել էր, որ Վրաստանի քաղաքացիների մեքենաները խցանված են ռուս-վրացական սահմանի Վերին Լարս անցակետում:

Մարտի 16-ից Վրաստանը փակել է սահմանը Ռուսաստանի հետ կորոնավիրուսի տարածումը կանխելու համար: Այս որոշումը չի տարածվում այն ​​մարդկանց վրա, որոնք վերադառնում են հայրենիք, սակայն այն քաղաքացիները, որոնք փորձում են Վրաստան վերադառնալ, եղանակային պայմանների պատճառով չեն կարողանում հատել սահմանը: Ըստ ԶԼՄ-ների տեղեկությունների ՝ քաղաքացիների վիզայի ժամկետն ավարտվում է, ինչը նշանակում է, որ նրանց կարող են տուգանել:

«Վրաստանը փակում է սահմանը օտարերկրյա քաղաքացիների համար: Մենք դա արդեն հայտարարել ենք, դեսպանատունը տեղեկացված է: Հետևաբար, այնտեղ ՀՀ քաղաքացիներ չպետք է լինեն»,- ասաց Նաղդալյանը:

Սակայն նա նշեց, որ եղանակային պայմանների պատճառով փակվել է «Վերին Լարս» անցակետը: Եթե ​​խցանման մեջ հայտնված քաղաքացիների թվում դեռ ՀՀ քաղաքացիներ կան, ԱԳՆ-ն հորդորում է տեղեկություն ստանալու համար դիմել Դոնի Ռոստովի հայկական հյուպատոսարան կամ Մոսկվայի դեսպանատուն:

Ժամանակավորապես կասեցվում է քաղաքացիների մուտքը ՌԴ դեսպանատան հյուպատոսական բաժին

Առողջապահության համաշխարհային կազմակերպությունը (ԱՀԿ) մարտի 11-ին հայտարարեց նոր կորոնավիրուսային COVID-19- ի համաճարակի մասին: Կազմակերպությունը կոչ է անում պետություններին միանալ վարակի դեմ ակտիվ պայքարին:

127
թեգերը:
խցանում, ՀՀ Արտաքին գործերի նախարարություն. ԱԳՆ, Վերին Լարս
Ըստ թեմայի
Արտակարգ դրությունը հաստատվեց առանց քվեարկության
Բժիշկն այցելել է, դուռը չեն բացել. Փաշինյանը խոսեց արտակարգ դրության անհրաժեշտության մասին
«ՀՀ-ում ըմբռնեցի՞ն խնդրի հրատապությունը». Հարությունյանը`արտակարգ դրության մասին
«Բանակը պատրաստ է երկրում արտակարգ դրության». Փաշինյան