Պետրոս Ադամյանի թատրոնը Թբիլիսիում

Իվանիշվիլիի շնորհիվ. Փաշինյանին հրավիրել են Թբիլիսիում հայկական թատրոնի շենքի բացմանը

176
(Թարմացված է 22:20 05.03.2020)
ՀՀ վարչապետ Նիկոլ Փաշինյանը գնահատել է Վրաստանի իշխանությունների ներդրումը հայկական ժառանգության պահպանման գործում:

ԵՐԵՎԱՆ, 5 մարտի — Sputnik, Լաուրա Սարգսյան. Հայաստանի վարչապետ Նիկոլ Փաշինյանը հրավիրված է Պետրոս Ադամյանի անվան Թբիլիսիի պետական դրամատիկական թատրոնի բացմանը։ Տեղեկությունը Sputnik Արմենիայի թղթակցի հետ զրույցում հաղորդեց Թբիլիսիի հայկական թատրոնի գեղարվեստական ղեկավար Արմեն Բայանդուրյանը։

Թբիլիսիի հայկական թատրոնի հին շենքը քանդվել էր 2018 թվականին։ Սկզբում ծրագրվում էր շենքը վերականգնել, բայց այն այնքան վատ վիճակում էր, որ նախագծի հեղինակները որոշեցին քանդել և նույն տեղում` Վրաստանի մայրաքաղաքի կենտրոնում, նոր թատրոն կառուցել։ Ընդ որում` հին շենքի արտաքին տեսքն ու կոլորիտը պահպանել են։

«Շենքն ամբողջովին կառուցված է, մնացել են ներքին հարդարման աշխատանքները` լույս, ձայն, դահլիճ, որոնք կավարտենք մի քանի ամսից։ Այս տարվա դեկտեմբերին հանդիսավոր բացում ենք նախատեսում»,–ասաց Բայանդուրյանը։

Փաշինյանի` Թբիլիսի կատարած պաշտոնական այցի և Վրաստանի հայկական համայնքի ներկայացուցիչների հետ հանդիպման ժամանակ հայկական թատրոնի գեղարվեստական ղեկավարը ՀՀ վարչապետին հրավիրել է շենքի բացմանը։ Բայանդուրյանը հույս ունի, որ Փաշինյանը

Նա ընդգծեց, որ նոր թատրոնը կարժենա մոտավորապես 18 միլիոն դոլար։ Ֆինանսավորման հոգսն ամբողջությամբ իր վրա է վերցրել Վրաստանի նախկին վարչապետ, իշխող «Վրացական երազանք – Դեմոկրատական Վրաստան» կուսակցության ղեկավար Բիձինա Իվանիշվիլին` միջոցներ հատկացնելով իր «Քարթու» ֆոնդից։

Եթե չլիներ Վրաստանի կառավարության նախկին ղեկավարի նախաձեռնությունը, հնարավոր է` այսօր հայկական թատրոնը շենք չէր ունենա, այն էլ այսպիսի` միջազգային բոլոր ստանդարտներին համապատասխան։

Երևանը Թբիլիսիի առանցքն է. ինչով է նշանավոր Վրաստանի պաշտպանության նախարարի այցը

«Հայաստանի վարչապետը դա գիտի և երախտագիտություն է հայտնել Վրաստանի իշխանություններին»,–նշեց Բայանդուրյանը։

Նշենք, որ շինարարական աշխատանքներում ներգրավված է 40 բանվոր, ժամանակակից տեխնիկա, օգտագործվում են լավագույն շինանյութերը։ Շենքի ճակատամասը նույնը կմնա և քիչ կտարբերվի հին տարբերակից։ Իսկ ահա ներսի հատվածը ամբողջությամբ կթարմացվի, ներառյալ լույսն ու ակուստիկան, կկառուցվի 12 նոր օթյակ, կբացվի փոքր դահլիճ` 140 տեղով և մեծ դահլիճ` 450 տեղով։

Երկրորդ փորձը. ի՞նչ են պայմանավորվել հայ և վրացի խորհրդարանականները

Թատրոնը միանշանակ տարածաշրջանում լավագույններից մեկը կլինի։

Թբիլիսիի հայկական թատրոնի շենքը կառուցվել էր 1936 թվականին։ Այս ընթացքում թատրոնի բեմում ներկայացվել են Շեքսպիրի, Շիլլերի, Մոլիերի և այլ մեծագույն հեղինակների ստեղծագործությունները։

176
թեգերը:
Նիկոլ Փաշինյան, Թատրոն, Թբիլիսի, Վրաստանի Հանրապետություն, Հայաստան
թեմա:
Հայաստան–Վրաստան համագործակցություն (77)
Ըստ թեմայի
ՀՀ քաղաքացիները կկարողանան Վրաստան մեկնել ID քարտերով
Վրաստանը չի կարող առանց Հայաստանի և հակառակը. ի՞նչ է փոխվել
Վրաստանում հայտնաբերվել է կորոնավիրուսի 4-րդ դեպքը. տղամարդն անձամբ է դիմել հիվանդանոց
Огонь и дым, поднимающиеся с места военной базы, взорвавшаяся к северу от разделенной столицы Кипра Никосии (11 сентября 2019). Кипр

Ադրբեջանում գազատար է պայթել

887
(Թարմացված է 10:13 08.08.2020)
Նախնական տվյալներով՝ արտակարգ պատահարը տեղի է ունեցել Ադրբեջանի պետական АР (SOCAR) նավթային ընկերությանը պատկանող գազատար գծի վրա։

ԵՐԵՎԱՆ, 7 օգոստոսի – Sputnik․ Հրդեհ է բռնկվել Ադրբեջանի արևմուտքում գտնվող Հաջիգաբուլի շրջանով անցնող գազատարում: Տեղեկությունը հայտնում է Sputnik Ադրբեջանը:

Նախնական տվյալներով՝ արտակարգ պատահարը տեղի է ունեցել Ադրբեջանի պետական АР (SOCAR) նավթային ընկերությանը պատկանող գազատար գծի վրա։

Դեպքի վայր են մեկնել ԱԻՆ պետական հակահրդեհային ծառայության հրշեջ պահպանության ստորաբաժանումները:

SOCAR-ի գազատարի վթարվելու մասին տեղեկությունը ընկերությունը հաստատել է։ Ինչպես Trend-ին հայտնել է SOCAR-ի միջոցառումների կազմակերպման և հանրության հետ կապերի վարչության պետի տեղակալ Իբրահիմ Ահմեդովը՝ այն պետական նավթային ընկերության գլխավոր գազատարներից մեկն է:

Ինտերպոլը փորձագետներ կուղարկի Լիբանան՝ Բեյրութի պայթյունը հետաքննելու համար

«Ենթադրվում է՝ դա այն գազատարն էր, որը կապված է «Գալմազ» ստորգետնյա պահեստարանի հետ։ Պայթյունը տեղի է ունեցել բնակավայրերից հեռու գտնվող տեղանքում։ Ուստի այնտեղ բնակչության համար վտանգ չկա, տուժածներ ևս չկան»,- ասել է Ահմեդովը։

Ջորջ և Ամալ Քլունիները 100 հազար դոլար կհատկացնեն Բեյրութի բնակիչներին

Ընկերության ներկայացուցչի խոսքով՝ գազի հոսքը դեպի գազամուղ դադարեցված է։ Պայթյունի պատճառն առայժմ հայտնի չէ։

Ահմեդովի վարկածով՝ պայթյունի պատճառ կարող էր դառնալ կոռոզիան, որը հանգեցրել է գազի արտահոսքի:

887
թեգերը:
ՀՀ արտակարգ իրավիճակների նախարարություն (ԱԻՆ), Տուժածներ, Զոհ, հրդեհ, պայթյուն, Ադրբեջան
Ըստ թեմայի
Գրիգոր Ջաբոթյանի նորաձևության տունը Բեյրութի պայթյունի հետևանքով փլատակների է վերածվել
Իսրայելա-լիբանանյան կոնֆլիկտն ու Բեյրութի պայթյունը. ինչ կապ ունի «Հըզբոլլահը»
Մոմավառություն Երևանում՝ ի հիշատակ Բեյրութում տեղի ունեցած պայթյունի զոհերի
Բեյրութի պայթյունից 13 հայ է մահացել, հայտնի է 11–ի ինքնությունը
Բեռնատար, արխիվային լուսանկար

ՌԴ-ից ՀՀ պայթուցիկ նյութեր տեղափոխող բեռնատարները մնացել են Վրաստանում․ ո՞րն է պատճառը

849
(Թարմացված է 01:07 05.08.2020)
Հանքարդյունահանման ոլորտում հայկական ձեռնարկությունների կողմից օգտագործվող պայթուցիկ նյութով բեռնված յոթ ֆուռերն արդեն երկու շաբաթ է ՝ գտնվում է Վերին Լարսի չեզոք գոտում ։

ԵՐԵՎԱՆ, 5 օգոստոսի – Sputnik․ Հանքարդյունահանման ոլորտում հայկական ձեռնարկությունների կողմից օգտագործվող նյութով բեռնված յոթ բեռնատարներն արդեն երկու շաբաթ է՝ գտնվում են «Վերին Լարսի» սահմանային անցակետի չեզոք գոտում։ Բեռնատարները հատել են ռուսական կողմի սահմանը, սակայն վրացական սահմանապահ ծառայությունը չի թույլատրում դրանց տեղաշարժը Վրաստանի տարածքով։ Այս մասին Sputnik Արմենիայի թղթակցի հետ զրույցում հայտնեց Հայաստանում Geo Pro Mining ընկերության պաշտոնական ներկայացուցիչ Ռուզաննա Գրիգորյանը։

Նա նշեց, որ սահմանապահները չեն մեկնաբանում, թե ինչու  բեռնատարների մուտքը Վրաստան չեն թույլատրում։ ՀՀ ԱԳՆ-ն, և Վրաստանում Հայաստանի դեսպանատունն  արդեն զբաղվում են խնդրով։

Ինչի՞ համար են պայթուցիկ նյութերը

Հանքարդյունահանող GPM Gold ընկերության, ինչպես նաև Ագարակի կոմբինատի համար նախատեսված բեռնատարները բեռնված են ԱՍ-25 Պէմուլսիոն բաղադրանյութով․ պայթուցիկ նյութը նախատեսված է լեռնային աշխատանքների համար: Այն արդեն մի քանի տարի է՝Ռուսաստանից Հայաստան է ներկրվում Վրաստանի տարածքով։

Այս ապրանքի մատակարարման մասին GPM Gold-ը ռուսական «Պրոմսինթեզ» ընկերության հետ պայմանագիր է կնքել դեռևս 2018 թվականին։ Այդ ժամանակից ի վեր,միայն իր ներքին սպառման համար,ընկերությունը մատակարարում է 160 տոննա նշված նյութից՝ 12-13 տրանսպորտային միջոցներով. Գրիգորյանը նշեց, որ 2 տարվա ընթացքում որևէ խնդիր չի առաջացել։

«Ապրանքը չեն ընդունել և անցումը չեն թույլատրել վրացի սահմանապահները, չնայած որ մատակարարը՝ ռուսական «Պրոմսինթեզ» ընկերությունը, ունեցել է անհրաժեշտ բոլոր փաստաթղթերն ու ներկրման իրավունքը»,- պարզաբանեց նա։

«Ֆուդ սիթիի» խնդիրը չի լուծվել, բայց մթերքով բեռնված և արգելափակված բեռնատար չկա. Տողանյան

Գրիգորյանը նշեց, որ այդ ապրանքը պարբերաբար օգտագործվում է ընկերության ակտիվների ներկարտադրական ցիկլում և վերահսկվում է ՀՀ իրավասու մարմինների կողմից: Հետևաբար, բեռը երրորդ կողմին հանձնելու հնարավոր սպառնալիքների մասին խոսք լինել չի կարող։

Նշված նյութը հատուկ տեսակի ապրանքների կատեգորիայի մեջ է։ Ոչ մի ընկերություն չի կարող հենց այնպես, ինքնուրույն մատակարարել այն, դրա համար հատուկ ծառայություններից ստացած թույլտվություն, ինչպես նաև երկրի կառավարությունների երաշխավորական պարտավորագրեր են հարկավոր։ Բացի առևտրային համաձայնագրի կնքումից, Էկոնոմիկայի նախարարությունը հատուկ հավաստագիր է տրամադրում, համաձայն որի՝ ապրանքը հասնում է վերջնական օգտագործողին՝ պատվիրատուին, տվյալ դեպքում՝ GPM Gold-ին։

Ընկերությունում հույս ունեն, որ Հայաստանի Հանրապետության իրավասու մարմինների և Վրաստանի համապատասխան կառույցների միջև բանակցությունները կավարտվեն կառուցողական եզրակացությամբ, և կարճ ժամանակում ապրանքը տեղ կհասնի։

Խնդիրը տեխնիկակա՞ն է

Վրաստանի միջազգային բեռնափոխադրողների ասոցիացիայի գլխավոր քարտուղար Գիա Ցիպուրիան կարծում է, որ խնդիրը զուտ տեխնիկական տիրույթում է։

«Սա սովորական ապրանք չէ և սովորական բեռնափոխադրումների ու բարդ տրանզիտի մեջ չի տեղավորվում»,-շեշտեց նա։

Ցիպուրիան վերհիշեց, որ մեկ անգամ բեռը հետ են ուղարկել պարզապես այն պատճառով, քանի որ հնարավոր չի եղել այն թունելով անցկացնել։ Մեկ անգամ էլ պատճառ է դարձել նախապես նշված չափերի ու ծավալի գերազանցումը։ Մեկ այլ դեպքում՝ բեռը կանգնեցրել են, քանի որ վարորդի որակավորման ժամկետը լրացած է եղել։ Իսկ թե ինչ է տեղի ունեցել այս անգամ՝ նա որևէ մեկնաբանություն չի տվել։

Ինչ կտա «կանաչ միջանցքը» հայկական բեռնատարներին. «Վերին Լարսի» հերթերը կմնա՞ն անցյալում

Վրաստանի նախագահի աշխատակազմի նախկին ղեկավար Պետրե Մամրաձեն քաղաքական ենթատեքստը բացառեց․ «Ես լավ գիտեմ նման իրավիճակները։ Բացառված է, որ որևէ մեկը հենց այնպես վերցնի ու որոշի բեռնատարները ներս չթողնել»։

Մամրաձեն ևս կոչ արեց սպասել պաշտոնական հայտարարությունների։

849
թեգերը:
դեսպանատուն, Արտաքին գործերի նախարարություն (ԱԳՆ), բեռնափոխադրում, բեռնատար, Վրաստանի Հանրապետություն, Հայաստան, Ռուսաստան
Ըստ թեմայի
ՀՀ քաղաքացիների հետ միջադեպ Վերին Լարսում․ դեսպանությունը բացատրեց` ինչ է տեղի ունեցել
«Մենք ամեն ինչի պատրաստ ենք, միայն թե Վերին Լարսում ֆիզիկական զննում չլինի». Փաշայան
Ինքնագործունեությունը բարդացնում է իրավիճակը Լարսում` ստեղծելով լարումներ. Թանանյան
Տևական ժամանակ Վերին Լարսում գտնվող քաղաքացիները տեղափոխվել են Հայաստան
Նժդեհ Հովսեփյան

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

0
(Թարմացված է 23:53 08.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է Հայաստանում համավարակով պայմանավորված արտակարգ դրության ռեժիմի հերթական անգամ երկարաձգելուն և այն հանգամանքին, որ մեղմացվելու են մի շարք արգելքներ։
Հովսեփյան. «Հավաքների սահմանափակումն ընդամենը միտված էր վարակի տարածումը կանխելուն»

Նժդեհ Հովսեփյանի դիտարկմամբ` նախ պետք է հաշվի առնել` արդյո՞ք արտակարգ ռեժիմի անցնելու որոշում կայացնելիս իշխանությունը մտքում ուներ հենց հավաքների ազատության իրավունքի սահմանափակումը։ Ըստ նրա` ակնհայտ է, որ հայտնի շրջանակները, որոնք իշխանության նկատմամբ վերահսկողություն ստանալու խնդիր ունեն, միշտ այդ հարցը շահարկում էին, բայց միևնույն ժամանակ շատ լավ գիտեին, որ զանգվածային միջոցառումներ անցկացնելու պոտենցիալ անգամ չունեն, հետևաբար արտակարգ դրության ռեժիմի վերաբերյալ նրանց հայտարարությունները կրում էին ընդամենը սադրիչ քաղաքական շահարկումների բնույթ։

«Սահմանափակումների թուլացման հետ կապված որոշումը գալիս է փաստելու, որ արտակարգ դրության ռեժիմն ի սկզբանե չի սահմանվել լոկ հավաքների ազատության ռեժիմ դարձնելու համար։ Այդ սահմանափակումն ընդամենը միտված էր վարակի տարածումը կանխարգելելուն»,– նշում է վերլուծաբանը։

Հովսեփյանի համոզմամբ` արտակարգ դրության ռեժիմի պահպանման հիմնական խնդիրն իշխանությանն արտակարգ լիազորություններ թողնելն է, որովհետև ցանկացած պահի կարող ենք ունենալ համավարակի տարօրինակ բռնկում, հետևաբար իշխանությունը նման իրավիճակում պետք է օժտված լինի արտակարգ լիազորություններով, որպեսզի արագ արձագանքի և համապատասխան գործիքակազմը ներդնի ու կիրառի։

Վերլուծաբանի կարծիքով` սահմանափակումների մեղմացումը պայմանավորված է վերջին երկու շաբաթվա կտրվածքով հավամարակի տարածման տեմպերի զգալի թուլացմամբ, ինչպես նաև այն հանգամանքով, որ բողոքավոր զանգվածներին հնարավորություն տրվի իրենց բողոքն արտահայտել ավելի ազատ կերպով, քան նախկինում։

Կես տարվա արտակարգ կյանք Հայաստանում. դրությունը պահպանվում է, փոխվում են կանոնները

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

0
թեգերը:
Նժդեհ Հովսեփյան, Արտակարգ դրություն, Հայաստան
Ըստ թեմայի
Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին
Արման Թաթոյանը ՀԿ-ների հետ քննարկման արդյունքներն ուղարկել է պարետատուն
Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել