Ստամբուլ

Sputnik Թուրքիայի գլխավոր խմբագիրն ազատ է արձակվել

32
(Թարմացված է 20:01 01.03.2020)
Ավելի վաղ հաղորդվել էր, որ Թուրքիայի դատախազությունը Անկարայում ձերբակալված Sputnik Թուրքիայի երեք լրագրողի գործողություններում հանցակազմի չի գտել և նրանց ազատ է արձակել հարցաքննությունից հետո:

ԵՐԵՎԱՆ, 1 մարտի - Sputnik. Կիրակի օրը Թուրքիայում կալանավորված Sputnik Թուրքիայի գլխավոր խմբագիր Մահիր Բոզտեպեն ազատ է արձակվել: Տեղեկությունը ՌԻԱ Նովոստիին հաղորդել է թուրք լրագրողի կինը:

Ավելի վաղ հաղորդվել էր, որ Թուրքիայի դատախազությունը Անկարայում ձերբակալված Sputnik Թուրքիայի երեք լրագրողի գործողություններում հանցակազմի չի գտել և նրանց ազատ է արձակել հարցաքննությունից հետո:

Բոլոր լրագրողներն ու խմբագիրն ազատ են արձակվել Ռուսաստանի արտգործնախարար Սերգեյ Լավրովի և նրա թուրք պաշտոնակից Մևլութ Չավուշօղլուի հեռախոսազրույցից անմիջապես հետո: Զրույցի ընթացքում Լավրովը պահանջել է շուտափույթ հանգուցալուծել  Sputnik Թուրքիայի լրագրողների շուրջ ստեղծված իրավիճակը և նրանց ապահովել անհրաժեշտ անվտանգությամբ:

Հիշեցնենք, որ Անկարայում անհայտ անձինք ներխուժել էին Sputnik Թուրքիայի երեք աշխատակիցների բնակարաններ՝ մեղադրելով նրանց հայրենիքի դավաճանության համար։ Sputnik Թուրքիայի երեք աշխատակիցները խմբագրության հետ կապի դուրս չէին եկել փետրվարի 29-ի երեկոյից սկսած։ ՌԴ ԱԳՆ տվյալներով՝ նրանք գտնվում էին Թուրքիայի ուժային կառույցներում։ Հետո հայտնի էր դարձել, որ Sputnik Թուրքիայի աշխատակիցները, որոնց տների վրա հարձակում էր տեղի ունեցել, ձերբակալվել էին ոստիկանության` Անկարայի դատախազությունում հարցաքննվելուց հետո։

Sputnik Թուրքիայի 4 լրագրողներից 3-ին բաց են թողել

«Ռոսսիա սեգոդնյա» ՄՏԳ-ն իրավիճակի հետ կապված մտադիր է դիմել ՄԱԿ, ՅՈՒՆԵՍԿՕ և ԵԱՀԿ։

ԵԱՀԿ նախագահ Հարլեմ Դեզիրն իր հերթին արդեն իսկ դատապարտել է պաշտոնական Անկարայի գործողությունները։

32
թեգերը:
Թուրքիա, Sputnik, Ձերբակալություն, գլխավոր խմբագիր, խմբագրություն, Լրագրող
Ըստ թեմայի
Թուրքիայում Sputnik–ի աշխատակիցներին ձերբակալել են ուժային կառույցները. Ռուսաստանի ԱԳՆ
Սիրիական խնդիրը` Ռուսաստանի և Թուրքիայի միջև. Sputnik–ի ռադիոեթերը` տեսահեռարձակմամբ
Արա Այվազյանը հանդիպել է Վրաստանի փոխվարչապետ, արտաքին գործերի նախարար Դավիթ Զալկալիանին

Արա Այվազյանը ոչ պաշտոնական այցով Վրաստանում է. նա հանդիպել է վրացի գործընկերոջ հետ

48
(Թարմացված է 21:25 22.01.2021)
Ոչ պաշտոնական հանդիպման ընթացքում Հայաստանի և Վրաստանի արտգործնախարարները քննարկել են երկու երկրների փոխգործակցությանն առնչվող հարցեր:

ԵՐԵՎԱՆ, 23 հունվարի - Sputnik. Հայաստանի Հանարպետության արտգործնախարար Արա Այվազյանը ոչ պաշտոնական այցով մեկնել է Վրաստանի Հանարպետություն: Տեղեկությունը Facebook-ի իր էջում հայտնել է Վրաստանի փոխվարչապետ, արտաքին գործերի նախարար Դավիթ Զալկալիանին:

Встреча министров иностранных дел Армении и Грузии Ара Айвазяна и Давида Залкалиани (22 января 2021)․ Тбилиси
Արա Այվազյանը հանդիպել է Վրաստանի փոխվարչապետ, արտաքին գործերի նախարար Դավիթ Զալկալիանին

Այվազյանն արդեն հանդիպել է վրացի գործընկերոջ հետ: Այցի շրջանակում նախատեսվում է այցելություն Ցինանդալի գյուղ (Թելավիի քաղաքապետարան, Կախեթի):

Մոսկվայի հետ խնդիրը լուծված է, Թբիլիսիի և Թեհրանի հետ` ոչ. ում հետ ՀՀ-ն կբացի սահմանները

Նշվում է, որ ոչ պաշտոնական հանդիպման ժամանակ Հայաստանի և Վրաստանի արտգործնախարարները կքննարկեն երկու երկրների միջև բարիդրացիական հարաբերություններին առնչվող հարցեր, կհստակեցնեն Հայաստանի և Վրաստանի միջև երկկողմ համագործակցության օրակարգը, ինչպես նաև հարաբերությունների հետագա խորացման հեռանկարները:

48
թեգերը:
Հայաստան, Վրաստանի Հանրապետություն, Արա Այվազյան
Ըստ թեմայի
Բայդենի երդմնակալության արարողության զավեշտալի պահերը` լուսանկարներում
Օնիկ Գասպարյանն ընդունել է Հայաստանում ԱՄՆ դեսպան Լին Թրեյսիին
Իրանն ուզում է ցույց տալ իր ազդեցությունը. ռուս փորձագետի դիտարկումները Զարիֆի այցի մասին
Ինքնաթիռ

Վրաստանը փետրվարի 1-ից կվերականգնի կանոնավոր ավիահաղորդակցությունը

227
(Թարմացված է 19:43 22.01.2021)
Նախարարն ասել է, որ հաջորդ ամիս բոլոր ավիաընկերությունները կկարողանան որոշակի պարբերականությամբ թռչել Վրաստան։

ԵՐԵՎԱՆ, 22 հունվարի - Sputnik. Վրաստանի էկոնոմիկայի և կայուն զարգացման նախարար Նատիա Տուրնավան այսօր ճեպազրույցի ժամանակ հայտնել է, որ Վրաստանը կանոնավոր ավիահաղորդակցությունը կվերսկսի փետրվարի 1-ից։

«Մենք որոշել ենք կանոնավոր չվերթեր իրականացնել։ Նշանակում է, որ կանոնավոր չվերթեր իրականացնող բոլոր ավիաընկերությունները կամ նոր ընկերությունները կարող են որոշակի պարբերականությամբ թռչել Վրաստան», - ասել է Տուրնավան։

Թռիչքների թույլտվություն կտրվի` հաշվի առնելով անվտանգության միջոցառումներն ու բժշկական պրոտոկոլները։

«Մենք քննարկում ենք և հաջորդ շաբաթ կորոշենք, թե ինչպես հեշտացնենք տարբեր երկրների այցելուների մուտքը Վրաստան», – ասել է Տուրնավան:

Նա հավելել է, որ առաջին հերթին դա կանդրադառնա ԵՄ երկրների, Իսրայելի և Պարսից ծոցի զբոսաշրջիկների վրա:

«Արդեն ամռանը մենք կկարողանանք ընդունել բոլոր զբոսաշրջիկներին», - եզրափակել է Տուրնավան։

Վրաստանը բարիդրացիական հարաբերություններ կպահպանի թե՛ ՀՀ-ի, թե՛ Ադրբեջանի հետ․ Գախարիա

Հիշեցնենք` Վրաստանը բոլոր ուղղություններով կանոնավոր ավիահաղորդակցությունը դադարեցրեց մարտի կեսին, երբ Առողջապահության համաշխարհային կազմակերպությունը կորոնավիրուսային վարակի տարածումը համավարակ հայտարարեց: Դեպի Վրաստան և Վրաստանից դուրս միայն հատուկ չվերթեր էին իրականացվում երկրի քաղաքացիներին հայրենիք վերադարձնելու համար։ Ամռանը կանոնավոր չվերթերը վերականգնվեցին, բայց քանի որ վարակի հետ կապվածը իրավիճակը վատացավ, արգելքը երկարաձգվեց։

Վրաստանում գրանցվել է կորոնավիրուսի նոր մանրէահիմքով վարակվելու առաջին դեպքը

227
թեգերը:
չվերթ, Վրաստանի Հանրապետություն
Ըստ թեմայի
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը
Հայաստան - Ռուսաստան կանոնավոր չվերթերը շուտով կվերականգնվեն
Հարավային Կովկասն այսօր, կամ ինչպես արցախյան պատերազմի 44 օրերը շուռ տվեցին տարածաշրջանը
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

85
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

85
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին