ԵՐԵՎԱՆ, 27 փետրվարի — Sputnik. Իրանի առողջապահության նախարարությունը հայտնել է, որ վերջին մեկ օրվա ընթացքում երկրում կորոնավիրուսով վարակվածների թիվն ավելացել է ավելի քան 100-ով։ Ինչպես տեղեկացնում է ՌԻԱ Նովոստին, հղում անելով Ֆարս գործակալությանը, Իրանում վարակվածների թիվը հասել է 245-ի, նրանցից 26-ը մահացել են:
«Կորոնավիրուսով վարակման դեպքերն արդեն 245-ն են, մահացածների թիվն արդեն հասել է 26–ի»,- տեղեկացնում է իրանական գործակալությունը:
Այս անգամ վարակի մեծ ցուցանիշ է գրանցվել Թեհրանում` 38 դեպք։ Հաջորդը Գիլան նահանգն է` 23 դեպք, հետո Ղոմը, որտեղից էլ սկսվել էր կորոնավիրուսի տարածումը։
Հիշեցնենք, որ փետրվարի 26-ի տվյալներով Իրանում գրանցվել էր վարակման 139 և մահվան 19 դեպք:
«Հնարավոր է` թեյ կամ օղի խմի և լավանա՞». կորոնավիրուսի մասին Փաշինյանի հարցը Թորոսյանին
Վերջին տվյալներով` Չինաստանում կորոնավիրուսով վարակման հաստատված դեպքերի թիվը գերազանցել է 78 հազարը, ավելի քան 29 հազարը բուժվել և դուրս են գրվել հիվանդանոցներից, իսկ մահացածների ընդհանուր թիվը հասել է 2715-ի:
