ԵՐԵՎԱՆ, 10 փետրվարի — Sputnik. Թուրքիայի նախագահ Ռեջեփ Թայիփ Էրդողանն այցելել է խորհրդարանի հայազգի պատգամավոր Մարգար Եսայանին իր իսկ տանը: Տեղեկությունը հրապարակել է Ermenihaber.am–ը։
Եսայանը երկարատև բուժման կուրս է անցնում: Թուրքիայի նախագահի այցելության մասին տեղեկությունը` կից նկարներով Twitter-ում գրել է Եսայանը՝ շնորհակալություն հայտնելով Էրդողանին:
AK Parti İstanbul Milletvekili Esayan'dan Cumhurbaşkanı Erdoğan'a teşekkür https://t.co/TS6qcdp7VZ pic.twitter.com/smhr82e2bm
— ANADOLU AJANSI (@anadoluajansi) February 9, 2020
Նշենք, էր Մարգար Եսայանը պատգամավոր է ընտրվել Էրդողանի գլխավորած «Արդարություն և զարգացում» կուսակցության (ԱԶԿ-AKP) ընտրացուցակով:
Արցախի բանակցությունները Թուրքիային ստիպել են «դուրս գալ որջից». ինչ է Անկարան առաջարկում
Թուրքիայի պետական «Anadolu» լրատվական գործակալությունը հիշեցրել է, որ Թուրքիայի խորհրդարանի հայ պատգամավորը դեռևս 2019-ի հոկտեմբերի 19-ին սոցցանցում արած գրառմամբ նշել էր իր բուժման երակարատև կուրսի մասին: Նա շնորհակալություն էր հայտնել բոլոր իր ընկերներին, որոնք զանգահարել կամ հարցրել են իր առողջական վիճակի մասին:
Ինչո՞ւ է Էրդողանն «անհանգիստ շարժումներ անում». մեծ քաղաքականությունն ու էժանագին շոուները
Եսայանը հույս է հայտնել, որ շուտով կվերադառնա աշխատանքային առօրյային:
