ԵՐԵՎԱՆ, 9 դեկտեմբերի — Sputnik. Երևանն ու Թբիլիսին նման մարտահրավերների բախվում են իրավական բարեփոխումների ճանապարհին։ Այս մասին այսօր` դեկտեմբերի 9–ին, ասաց Հայաստանի փոխվարչապետ Տիգրան Ավինյանը «Հայ-վրացական իրավական համագործակցություն» համաժողովի ընթացքում։
«Ուզում եմ նշել, որ իրավական ոլորտում մեր կառավարությունների բարեփոխումների ծրագրերը բախվում են ընդհանուր պատմական անցյալի գրեթե նույն մարտահրավերներին, ինչպես նաև ընթանում գլոբալ միտումների ճանապարհով», – ասաց Ավինյանը։
Նրա խոսքով` այդ ոլորտում համագործակցությունը լավ հնարավորություն է հաջողության հասնելու համար։
Ավինյանը նշեց, որ երկրները կարող են համագործակցել ժամանակակից մարտահրավերներին հակազդելու հարցում, ուղիներ գտնել ինչպես երկկողմ, այնպես էլ բազմակողմ ձևաչափում դրանք լուծելու համար։
ՀՀ հետախույզները հայտնաբերել են վրացուն, որին փնտրում էր Թուրքիան
«Իրավական ոլորտում այս երկխոսությունը կարող է օրինակ դառնալ նաև այլ ոլորտների համար», – հայտարարեց Ավինյանը։
Նա նշեց, որ Վրաստանի հետ հարաբերությունների զարգացումը Հայաստանի կառավարության գերակայություններից է։ ՀՀ իշխանությունները շահագրգռված են Երևանի և Թբիլիսի միջև հարաբերությունների նոր որակով։
Սկանդալ TRACECA–ում. հայկական և ադրբեջանական պատվիրակությունների կարծիքները չեն համընկել
Երկու երկրների արդարադատության նախարարությունների միջև կապերի հաստատումը թույլ կտա ապահովել օրենքի գերակայություն, բարելավել մարդու իրավունքների պաշտպանությունը, պայքարել կոռուպցիայի դեմ։
Նշենք, որ Հայ-վրացական իրավական համագործակցության երրորդ ֆորումին ներկա է նաև Վրաստանի փոխվարչապետ, արդարադատության նախարար Թեա Ցուլուկիանին։
