Կոմիտասի` Սանկտ Պետերբուրգի հուշարձանը

Ստամբուլում տեղադրվել է Կոմիտասի հուշարձանը

4540
(Թարմացված է 22:47 24.11.2019)
Արևմտյան Հայաստանում ծնված հայ մեծ երաժշտի արձանը պատրիարքարանի պարտեզում տեղադրվել է նրա ծննդյան 150-ամյակի առթիվ:

ԵՐԵՎԱՆ, 24 նոյեմբերի — Sputnik. Պոլսո հայոց պատրիարքարանի բակում տեղադրվել է հայ մեծ երաժիշտ, մանկավարժ և խմբավար Կոմիտասի հուշարձանը: Այս մասին հայտնում է arevelk.am-ը:

«Հուշարձանի բացումը կատարվել է պատրիարքական տեղապահ Սահակ եպիսկոպոս Մաշալյանի հովանու ներքո, իսկ հովանավորն է Սարգիս Գյուլեկեչը: Կոմիտասի հուշարձանի հեղինակը պոլսահայ քանդակագործ Էրոլ Սարաֆյանն է։ Նա հուշարձանի բացմանը խոսել է Կոմիտասի դերի և իր կատարած աշխատանքի մասին»,-ասված է տեղեկատվության մեջ:

Նշենք, որ իր կյանքի որոշ շրջան Կոմիտասը գործել է Պոլսում, ստեղծել «Գուսան» հանրահայտ երգչախումբը, որը մեծ դեր ունեցել պոլսահայության կյանքում:

Կոմիտասի «գտնված գերմաներենը». երգահանի անհայտ ստեղծագործությունները կհնչեն Երևանում

1915 թ. Օսմանյան Թուրքիայի կազմակերպած և իրագործած Հայոց ցեղասպանությունը ողբերգականորեն ընդհատում է հանճարեղ երաժշտի գործունեությունը։ Պոլսահայ մտավորականների հետ նա ևս ձերբակալվում և աքսորվում է: Որոշ ժամանակ անց, ամերիկյան դեսպան Մորգենթաուի միջնորդությամբ, Կոմիտասին աքսորից հետ են ուղարկում, սակայն ապրած արհավիրքի հետևանքով նա կորցնում է հոգեկան հավասարակշռությունը և դադարում ստեղծագործել։ 1916-1919 թթ. Կոմիտասը գտնվել է Կ. Պոլսի Շիշլի թաղամասի հոգեբուժարանում։ Կյանքի վերջին 16 տարիներն անցել են Փարիզի Վիլ-Էվրար և Վիլ-Ժուիֆ արվարձանների բուժական հաստատություններում։

Ստամբուլում Կոմիտասի 150–ամյակին նվիրված համերգ կլինի

Կոմիտաս վարդապետը վախճանվել է 1935 թ. հոկտեմբերի 22-ին Փարիզում։ Մեկ տարի անց նրա աճյունը տեղափոխվել է Երևան և ամփոփվել հայ մշակույթի գործիչների պանթեոնում, որը ներկայում կրում է Կոմիտասի անունը։

4540
թեգերը:
Պոլսո Հայոց պատրիարքարան, Հուշարձան, Կոմիտաս, Ստամբուլ
Ըստ թեմայի
Արշակ դարձած ստամբուլցի Յաշարի պատմությունը. ի՞նչ կապ ունի Կոմիտասը
Կոմիտասը և Թումանյանը` Գառնու տաճարում. երկու մեծ հայերի հոբելյանը կնշեն յուրահատուկ ձևով
Սմբատյան․ «Կոմիտասը փոխեց մեր մտածելակերպը, մեր մտահորիզոնի մասշտաբայնությունը»
Միգել Անխել Մորատինոսը

ՄԱԿ–ի քաղաքակրթությունների դաշինքի անդամը այցելել է Բաքվի տիրապետության տակ անցած շրջաններ

20
Արցախյան հակամարտության գոտի ՄԱԿ–ի քաղաքակրթությունների դաշինքի բարձր ներկայացուցչի այցի նպատակը «Ադրբեջանի պատմամշակութային և կրոնական ժառանգության վիճակի հետ ծանոթանալն է»։

 

ԵՐԵՎԱՆ, 22 հունիսի – Sputnik. ՄԱԿ–ի քաղաքակրթությունների դաշինքի բարձր ներկայացուցիչ Միգել Անխել Մորատինոսը ժամանել է Ադրբեջանի ԶՈւ վերահսկողության տակ անցած Ակնայի (Աղդամ) շրջան։

Ինչպես հայտնում է Sputnik Ադրբեջանը, այցի նպատակը Բաքվի վերահսկողության տակ գտնվող շրջաններում իրավիճակին ծանոթանալն է։

«Միգել Անխել Մորատինոսը տեղում ծանոթացել է քաղաքի գլխավոր հատակագծի, ինչպես նաև Ադրբեջանի պատմամշակութային և կրոնական ժառանգության վիճակի հետ», – ասվում է հաղորդագրության մեջ։

Նշվում է, որ ավելի վաղ Մորատինոսն այցելել էր Վարանդայի (Ֆիզուլի) շրջան։

Հայտնել էինք, որ Ադրբեջանի իշխանությունները որոշել էին ՅՈւՆԵՍԿՕ–ի առաքելությանը ԼՂ թողնել մարտական գործողություններից հետո պատմամշակութային հուշարձանների վիճակին ծանոթանալու համար։

Եղեռն եղեռնից հետո. մշակութային ի՞նչ արժեքներ են մնացել Ադրբեջանի վերահսկողության տակ

Հիշեցնենք, որ Քաղաքակրթությունների դաշինքը միջազգային կազմակերպություն է, որը ստեղծվել է 2004 թվականի սեպտեմբերի 21-ին` ՄԱԿ–ի 59-րդ ԳԱ–ի ժամանակ,  Իսպանիայի վարչապետ Խոսե Լուիս Ռոդրիգես Սապատերոյի առաջարկած նախաձեռնությամբ։ Այն աջակցություն էր ստացել Թուրքիայի այն ժամանակվա վարչապետ Ռեջեփ Թայիփ Էրդողանի կողմից։

Նախաձեռնության նպատակն է ծայրահեղականության դեմ միջազգային գործողություններ ծավալել` ազգամիջյան, միջմշակութային և միջկրոնական երկխոսության ու փոխգործակցության հաստատման միջոցով։

 

20
թեգերը:
մշակույթ, Արցախ, Լեռնային Ղարաբաղ, Ադրբեջան, Բաքու, Միավորված ազգերի կազմակերպություն (ՄԱԿ)
Ըստ թեմայի
Զախարովան մեկնաբանել է Բաքվի կողմից հայկական մշակութային ժառանգության ոչնչացման դեպքերը
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Հայաստանի ոչ նյութական մշակութային ժառանգության արժեքների ցանկը համալրվել է ևս 12-ով
Թբիլիսի

Վրաստանում պարետային ժամն ու դիմակների պարտադիր կրումը չեղյալ է հայտարարվում

44
(Թարմացված է 15:05 22.06.2021)
Հուլիսի սկզբից Վրաստանում բացօթյա տարածքներում դիմակներ դնելը պարտադիր չի լինի։ Փակ տարածքների համար պահանջը մնում է ուժի մեջ։

ԵՐԵՎԱՆ, 22 հունիսի -Sputnik. Վրաստանի իշխանությունները որոշում են ընդունել չեղարկել պարետային ժամը, որը երկրում գործում էր անցյալ տարվա նոյեմբերից` կորոնավիրուսի տարածումը կանխելու համար։ Հանվել է նաև փողոցում դիմակներ դնելու արգելքը։ Տեղեկությունը հայտնել է վարչապետ Իրակլի Ղարիբաշվիլին ճեպազրույցի ժամանակ:

«Բաց տարածքներում այլևս պարտադիր չի լինի բժշկական դիմակներ դնելը, միայն տրանսպորտում և փակ տարածքներում։ Հուլիսի 1 - ից կվերացվի նաև գիշերային տեղաշարժի սահմանափակումը», - ասել է վարչապետը։

Վրաստանում պարետային ժամ էր սահմանվել 2020 թվականի մարտից։ Նույն տարվա ամռանը այն չեղյալ էր հայտարարվել, ապա կրկին կիրառվել` համաճարակային իրավիճակի վատթարացման պատճառով։ Նոյեմբերից երկրում գործել են նաև տեղաշարժի սահմանափակումներ` ժամը 21: 00-ից մինչև 05: 00-ն, մայիսից` 23: 00 մինչև 04:00–ը ընկած ժամանակահատվածում:

Հնդկաստանում կորոնավիրուսի նոր մուտացիայի դեպքեր են գրանցվել

44
թեգերը:
Իրակլի Ղարիբաշվիլի, դիմակ, կորոնավիրուս, Վրաստանի Հանրապետություն
թեմա:
Կորոնավիրուսը Հայաստանում և Արցախում
Ըստ թեմայի
Եթե աշխատակիցների 70% պատվաստված է Covid 19-ի դեմ, ընկերությունը հատուկ տարբերանշան կստանա
Գիտնականները պարզել են, թե որ սննդակարգն է նվազեցնում COVID-19-ով վարակվելու ռիսկը
Բժիշկ Մյասնիկովն ասել է՝ ինչպես պաշտպանվել Covid-19-ի երրորդ ալիքից
Ֆրանսիայի ԱԳՆ

Ֆրանսիան ողջունում է Հայաստանի ԱԺ արտահերթ ընտրությունները. ԱԳՆ

0
(Թարմացված է 20:31 22.06.2021)
Ֆրանսիան վերահաստատում է աջակցությունը ՀՀ սուվերենությանը և տարածքային ամբողջականությանը։

ԵՐԵՎԱՆ, 22 հունիսի - Sputnik. Ֆրանսիան ողջունում է կիրակի՝ հունիսի 20-ին Հայաստանում խորհրդարանական ընտրությունների անցկացումը։ Ինչպես հայտնում է ՌԻԱ Նովոստին, այդ մասին ասված է Ֆրանսիայի արտգործնախարարության հաղորդագրության մեջ։

«Ֆրանսիան ի գիտություն է ընդունում ԵԱՀԿ ԺՀՄԻԳ դիտորդական առաքելության նախնական եզրակացությունը՝ քվեարկության գոհացուցիչ մակարդակի առնչությամբ։ Ֆրանսիան լիահույս է, որ այս ընտրությունները թույլ կտան Հայաստանին դիմագրավել իր առաջ ծառացած բազմաթիվ մարտահրավերները»,– նշում է ԱԳՆ–ն։

Ֆրանսիան վերահաստատում է իր վճռականությունը աջակցել Հայաստանին այդ գործում, ինչպես նաև իր անսասան աջակցությունը Հայաստանի սուվերենությանը, տարածքային ամբողջականությանը և ժողովրդավարական կառույցների ամրապնդմանը։

Հիշեցնենք` հունիսի 20–ին Հայաստանում ԱԺ արտահերթ ընտրություն անցկացվեց։ Ընտրողների ցուցակներում ընդգրկված 2 593 572 քաղաքացիներից քվեարկությանը մասնակցեցին 1 281 174–ը կամ 49.4 տոկոսը։

Հունիսի 21-ին ԿԸՀ–ն ամփոփեց բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

«Հայաստան» դաշինքը դատի է տվել ՀՀ կենտրոնական ընտրական հանձնաժողովին

0
թեգերը:
Ընտրություններ, Ֆրանսիա, Հայաստան
թեմա:
ԱԺ արտահերթ ընտրություններ 2021
Ըստ թեմայի
Մոսկվան ակնկալում է, որ ընտրությունների արդյունքները կնպաստեն ՀՀ-ի զարգացմանը. Զախարովա
Հայաստանում կայացած ընտրությունները եղել են մրցունակ. ԵՄ խոսնակ
Իրանի ԱԳՆ-ն ողջունել է Հայաստանում արտահերթ ընտրությունների անցկացումը
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով