Սիրիա

Սիրիական բանակը մտել է երկրի հյուսիսում գտնվող Թել Թամր գյուղ

109
(Թարմացված է 16:17 14.10.2019)
Գյուղը թուրքական սահմանից հեռու է մի քանի տասնյակ կիլոմետր։ Ավելի վաղ հայտնի է դարձել, որ սիրիական բանակը մտել է Ռաքա նահանգի Թաբկա քաղաք։

ԵՐԵՎԱՆ, 14 հոկտեմբերի — Sputnik. Սիրիական բանակի ստորաբաժանումները մտել են երկրի հյուսիս–արևելքում գտնվող Հասակե նահանգի Թել Թամր գյուղ։ Այս մասին հաղորդում է Sana սիրիական պետական գործակալությունը։

Նշենք, որ գյուղը թուրքական սահմանից հեռու է ընդամենը մի քանի տասնյակ կիլոմետր։

Ավելի վաղ հայտնի է դարձել, որ սիրիական բանակը մտել է քրդերի վերահսկվողության տակ գտնվող Թաբկա քաղաք։

Սոցցանցերում հաղորդագրություն է հայտնվել այն մասին, որ Ռուսաստանը քրդերի խնդրանքով համաձայնել է նրանց անթռիչք գոտի տրամադրել Սիրիայի հյուսիսում։

Հիշեցնենք` հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ Այն քաղաքին։

Պատմությունը կրկնվում է. Նաիրա Զոհրաբյանը վերհիշել է էրդողանի սառը հայացքը

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։

109
թեգերը:
Ռեջեփ Թայիփ Էրդողան, Բանակ, Թուրքիա, Սիրիա
Ըստ թեմայի
Հայաստանը սիրիահայերին ընդունելու հետ կապված որևէ սահմանափակում չունի. Գրիգորյան
Փաշինյանը խնդրանքով դիմել է Պուտինին
Էրդողանը հայտարարել է սիրիական Ռաս էլ Այն քաղաքը գրավելու և Թել Աբյադը շրջափակելու մասին
Քրդերը Սիրիայում թուրքական 7 տանկ և 75 զինվոր են ոչնչացրել