Դմիտրի Պեսկով

Ե՞րբ կվերականգնվի Վրաստանի հետ ավիահաղորդակցությունը. Կրեմլի պարզաբանումը

66
(Թարմացված է 16:07 04.10.2019)
Ռուսաստանի նախագահի մամուլի քարտուղարը դրական է համարում Ռուսաստանի և Վրաստանի ԱԳՆ ղեկավարների հանդիպումը։

ԵՐԵՎԱՆ, 4 հոկտեմբերի — Sputnik. Ռուսաստանը և Վրաստանը պետք է օգտագործեն պատեհ առիթն ավիահաղորդակցությունը վերսկսելու համար։ ՌԻԱ Նովոստին հայտնում է, որ այս մասին ասել է Ռուսաստանի նախագահի մամուլի քարտուղար Դմիտրի Պեսկովը։

«Կարելի է փաստել, որ շփման առաջին օրինակները դրական են։ Դուք գիտեք երկու արտգործնախարարների հանդիպման մասին, որ վերջերս կայացել է Նյու Յորքում։ Վրաստանի որոշ քաղաքական գործիչներ դեմ են արտահայտվել դրան», – ասել է Պեսկովը։

Ռուսաստանի նախագահի մամուլի քարտուղարի կարծիքով` պետք է համբերությամբ զինվել և բաց չթողնել այն պահը, որը հարմար կլինի ավիահաղորդակցությունը վերսկսելու համար։

Բեռնատարները «Վերին Լարս» են հասնում պատրաստի փաստաթղթերով. ո՞րն է երկար հերթերի պատճառը

Հիշեցնենք, որ հունիսի 20-ին ընդդիմադիրները բողոքի ցույց էին կազմակերպել Թբիլիսում այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանին մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

Երևանը շատ մոտ է, բայց... վրացական ավիաընկերությունը նոր տրանզիտ կառաջարկի դեպի Մոսկվա

Հունիսի 21-ին ՌԴ նախագահ Վլադիմիր Պուտինը հրաման էր ստորագրել հուլիսի 8-ից Վրաստանի հետ ավիահաղորդակցությունն արգելելու մասին։

66
թեգերը:
Կրեմլ, Դմիտրի Պեսկով, Վրաստանի Հանրապետություն, Ռուսաստան
Ըստ թեմայի
Հայաստանը «Վերին Լարսի» երկու այլընտրանք ունի. Իրանը կօգնի՞ դուրս գալ շրջափակումից
Փողի հետևից՝ կյանքերի գնով. զբոսաշրջային սեզոնին «կամիկաձե» վարորդներն օրերով չեն քնում
Սարգսյան․ «Հայ-ռուսական հարաբերությունները եթե խաթարվեն, "мало никому не покажется"»
Հայաստանը 2-րդ տարին շարունակ գլխավորում է ռուսաստանցիների հանգստի սիրելի վայրերի ցուցակը
Ստեփանակերտ. արխիվային լուսանկար

Արցախն Ադրբեջանի քաղաքացիներին կոչ է անում հեռանալ ռազմական օբյեկտների մոտից

373
(Թարմացված է 22:41 28.10.2020)
Արցախի նախագահի խոսնակը ադրբեջանական ռազմաքաղաքական ղեկավարությանը դարձյալ նախազգուշացրել է՝ մեր խաղաղ բնակավայրերին հասցված ոչ մի հարված անպատասխան չի մնում և չի մնալու:

ԵՐԵՎԱՆ, 28 հոկտեմբերի — Sputnik. Արցախի նախագահի մամուլի քարտուղար Վահրամ Պողոսյանն ադրբեջանական բնակավայրերի այն բնակչությանը, որոնց տներին մոտ են տեղակայված ռազմական օբյեկտները, հորդորում է հեռանալ, որպեսզի ադրբեջանական իշխանությունների պատերազմական հանցագործությունների պատճառով ու հայկական կողմի պատասխան գործողությունների արդյունքում չդառնան կենդանի վահան:

Այս մասին Վահան Պողոսյանը գրել է Facebook-ի իր պաշտոնական էջում:

«Ադրբեջանի ռազմաքաղաքական ղեկավարությունը շարունակում է բացահայտ և դիտավորյալ կերպով պատերազմական հանցագործություններ իրականացնել՝ տարբեր զինատեսակներից թիրախավորելով Արցախի հիվանդանոցներն ու դպրոցները, բնակելի տներն ու հանրային նշանակության այլ օբյեկտներ՝ սպանելով կամ մարմնական վնասվածքներ պատճառելով խաղաղ բնակչությանը: Եվ աշխարհն իր հանրահայտ լրատվամիջոցների ներկայությամբ շարունակում է այս ամենը լուռ արձանագրել, լավագույն դեպքում ափսոսանք հայտնել մարդկային կորուստների համար»,- ասված է հայտարարության մեջ:

Նշվում է նաև, որ միջազգային հանրությունը պետք է վերջ տա հումանիտար աղետի վերածված այս պատերազմը դադարեցնելուն ուղղված անատամ գործողություններին և կիրառի արդյունավետ միջոցներ, հակառակ դեպքում՝ տարածաշրջանում այն էլ ավելի կխորանա:

Արցախի նախագահի խոսնակը ադրբեջանական ռազմաքաղաքական ղեկավարությանը դարձյալ նախազգուշացրել է՝ մեր խաղաղ բնակավայրերին հասցված ոչ մի հարված անպատասխան չի մնում և չի մնալու:

Ինչպես արդեն տեղեկացրել ենք, թշնամին այսօր «Սմերչ» կայանքից հարվածել է մայրաքաղաք Ստեփանակերտին։ «Սմերչ» համազարկային կրակի ռեակտիվ համակարգով այսօր հրետակոծվել է նաև բերդաքաղաք Շուշին, որի հետևանքով մեկ խաղաղ բնակիչ է զոհվել, 2–ը` վիրավորվել են։ Ավելի ուշ հրթիռակոծության ենթարկվեց նաև Ստեփանակերտի ծննդատունը։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

373
թեգերը:
Վահրամ Պողոսյան, Ղարաբաղյան հակամարտություն, Լեռնային Ղարաբաղ, Պատերազմ, ռազմաբազա, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Արցախից վերադառնալուց հետո կշարունակենք ճանաչմանն ուղղված աշխատանքը. ֆրանսիացի պատգամավոր
Շուշիում հրետակոծության ժամանակ վիրավորված փրկարարներից մեկը դուրս է գրվել հիվանդանոցից
Թուրքիան դիմում է սադրիչ մեղադրանքների՝ միջազգային հանրությանն ապակողմնորոշելու համար
Աննա Նաղդալյան

Թուրքիան դիմում է սադրիչ մեղադրանքների՝ միջազգային հանրությանն ապակողմնորոշելու համար

104
(Թարմացված է 22:45 28.10.2020)
ՀՀ ԱԳ նախախարի խոսնակը հայտարարել է, որ Թուրքիայի պաշտպանության նախարարության պնդումները, թե իբր Հայաստանին և Արցախին աջակցում են օտարերկրյա վարձկաններ, արտացոլում են Թուրքիայի ռազմաքաղաքական ղեկավարության պատվազուրկ էությունը:

ԵՐԵՎԱՆ, 28 հոկտեմբերի — Sputnik. Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ: Նման հայտարարություն է արել ՀՀ ԱԳ նախարարի մամուլի խոսնակ Աննա Նաղդալյանը` Facebook-ում կատարած գրառմամբ:

«Այլևս անկարող լինելով կոծկել Սիրիայից և Լիբիայից միջազգային ջիհադիստ ահաբեկիչներ Հարավային Կովկասի տարածաշրջան ներմուծելու անհերքելի փաստը՝ Թուրքիան կրկին դիմում է բացահայտ կեղծ և սադրիչ մեղադրանքներով միջազգային հանրությանն ապակողմնորոշելու մարտավարությանը»,- գրում է Նաղդալյանը:

Նա նաև նշում է, որ Թուրքիայի պաշտպանության նախարարության պնդումները, թե իբր Հայաստանին և Արցախին աջակցում են օտարերկրյա վարձկաններ, արտացոլում են Թուրքիայի ռազմաքաղաքական ղեկավարության պատվազուրկ էությունը:

Աննա Նաղդալյանը շեշտում է, որ հայկական կողմը հանդես է գալիս Հարավային Կովկասից միջազգային ահաբեկչական կազմակերպությունների անհապաղ հեռացման և տարածաշրջանի հետագա ապակայունացմանն ուղղված Թուրքիայի գործողությունները վճռականորեն մերժելու դիրքերից:

«Խստորեն դատապարտում ենք ահաբեկչություն հովանավորող երկրներ Թուրքիայի և Ադրբեջանի՝ իրենց երկրները միջազգային ահաբեկչության կենտրոն դարձնելու և այդ ժանտախտը տարածաշրջանով սփռելու համատեղ ջանքերը, որոնց դիմակայումն անհրաժեշտ է դարձնում տարածաշրջանային անվտանգությամբ շահագրգիռ բոլոր ուժերի սերտ համագործակցությունը»,- նշում է նա:

Հիշեցնենք՝ ՀՀ ԱԺ-ն այսօր ընդունել է «Վարձկանների հավաքագրման, օգտագործման, ֆինանսավորման և ուսուցման դեմ միջազգային կոնվենցիան վավերացնելու մասին» նախագիծը։

Փայլանը Ստամբուլի Խորա վանքում կատարվածի հարցով դիմել է Թուրքիայի մշակույթի նախարարությանը

Հայաստանը հույս ունի, որ կոնվենցիայի վավերացմամբ կկարողանա այն օգտագործել Ադրբեջանի դեմ, որն, ի դեպ, դրան միացել է դեռ 1997թ-ից, ինչպես նաև Թուրքիայի դեմ, որը թեև չի վավերացրել կոնվենցիան, բայց հանդիսանում է Ադրբեջանի հանցակից կողմ։ Այն փաստացի մասնակցում է վարձկանների հավաքագրման, ֆինանսավորման, ուսուցանման, Ադրբեջան ուղարկելու և Արցախի դեմ օգտագործելու գործում:

104
թեգերը:
Ադրբեջան, ահաբեկիչ, վարձկաններ, Մեղադրանք, Արցախ, Ղարաբաղյան հակամարտություն, Լեռնային Ղարաբաղ, Աննա Նաղդալյան, Հայաստան
թեմա:
Ադրբեջանական ագրեսիան Արցախում - 2020
Ըստ թեմայի
Բերձորի ուղղությամբ դիրքային բարելավումներ ունենք. Արծրուն Հովհաննիսյան
Ադրբեջանը որոշ ուղղություններով վերահսկողությունը հանձնել է ահաբեկչական խմբավորումներին
ԲՀԿ պատգամավորները հրատապ գործուղվել են Մոսկվա
Առաջնագիծ

Ջախջախել են թշնամուն, ԱԹՍ խոցել, վիրավորներին մարտադաշտից դուրս բերել. նորօրյա հերոսները

0
(Թարմացված է 11:12 29.10.2020)
Փառք մեր հերոսներին, ովքեր ամեն ժամ կերտում են մեր նորօրյա հերոսամարտի փառավոր էջերը։

ԵՐԵՎԱՆ, 29 հոկտեմբերի — Sputnik. ԱՀ պաշտպանության բանակի մամուլի ծառայությունը հրապարակել է Արցախյան պատերազմի ևս մի քանի նոր հերոսների անուններ։

Մարտական գործողությունների ընթացքում հակառակորդի 6 ԱԹՍ ոչնչացնելու համար ավագ լեյտենանտ Սերգեյ Սմբատի Մկրտչյանը ներկայացվել է «Մարտական ծառայություն», իսկ լեյտենանտ Մարտին Սերժիկի Սադիկովն ու շարքային-պայմանագրային Տիգրան Արթուրի Գրիգորյանը՝ «Արիության համար» մեդալների:

Պահեստազորային Դավիթ Մարտիկի Հարությունյանն էլ թշնամական 1 ԱԹՍ խոցելու համար կպարգևատրվի «Մարտական ծառայություն»  մեդալով:

Մարտական գործողությունների շրջանից վիրավոր զինծառայողներին տարհանելու գործում աչքի ընկած կամավորականներ՝ բուժակ Սամվել Ռոբերտի Սարգսյանն ու վարորդ Վաղինակ Վարդանի Հարությունյանը ներկայացվել են «Արիության համար» մեդալների:

Բուժծառայության աշխատանքների կազմակերպմանը նպաստելու համար «Մարտական ծառայություն» մեդալներով կպարգևատրվեն շարքային-պայմանագրայիններ Գարուն Վրեժի Բաբայանը, Արա Սեյրանի Շաքարյանը, Արարատ Յուրիի Սաղյանը և սերժանտ-պայմանագրային Նվեր Միքայելի Քամալյանը:

Զինկոմիսարիատի աշխատանքը մարտական պայմաններում կազմակերպելու համար փոխգնդապետ Անդրեյ Վալերիի Ներսեսյանը կպարգևատրվի «Մարտական խաչ»  2-րդ աստիճանի շքանշանով: Վարորդ, շարքային-պայմանագրային Դավիթ Արկադիի Մկրտչյանն էլ «Մարտական ծառայություն» մեդալի կարժանանա հմուտ և համարձակ գործողություններով մարտական խնդիրների հաջող կատարմանը նպաստելու համար: Մարտական գործողությունների ընթացքում հրետանու հստակ և պլանաչափ աշխատանքը կազմակերպելու և թշնամական ուժերի ջախջախմանը նպաստելու համար «Մարտական խաչ» 1-ին աստիճանի շքանշանով կպարգևատրվի գնդապետ Արայիկ Հրաչիկի Հարությունյանը:

Որոշել եմ Ջալալ Հարությունյանին «Արցախի հերոսի» կոչում շնորհել. Արայիկ Հարությունյան

«Փառք մեր հերոսներին, ովքեր ամեն ժամ կերտում են մեր նորօրյա հերոսամարտի փառավոր էջերը»,– տարածած հաղորդագրությունը եզրափակում է Արցախի ՊՆ մամուլի ծառայությունը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
զինծառայող, Զինվոր, Ադրբեջան, թշնամի, Ղարաբաղյան հակամարտություն, Լեռնային Ղարաբաղ, Արցախ, հերոս
թեմա:
Ադրբեջանական ագրեսիան Արցախում - 2020
Ըստ թեմայի
Սա Ադրբեջանի լկտի պատասխանն էր Ռուսաստանին, Ֆրանսիային ու ԱՄՆ–ին. Արցախի ԱԳՆ
Թուրքերն ու ադրբեջանցիները «հայերի որս» են սկսել Եվրոպայի փողոցներում. տեսանյութեր
Սամվել Կարապետյանը խոստանում է վերակառուցել Ստեփանակերտի ծննդատունը