Վերին Լարս, հերթեր

Լարսում հերթը հասել է 50 կմ–ի, սակայն խնդիրը քաղաքականացնելն անհասկանալի է. պատգամավոր

562
(Թարմացված է 21:16 01.10.2019)
Լարսում կուտակված մեքենաների մասին անհիմն հայտարարությունները մեր վարորդների համար խնդիրներ են ստեղծում։

ԵՐԵՎԱՆ, 1 հոկտեմբերի — Sputnik. Եթե Լարսի անցակետում 10 օր առաջ մեքենաների հերթը 30 կմ էր, ապա հիմա հասնում է 50 կմ-ի, սակայն խնդիրը քաղաքականացնելն անհարգելի ու անհասկանալի է։ Այս մասին Ազգային ժողովում ելույթով հանդես եկավ ԲՀԿ խմբակցության անդամ Արթուր Դալլաքյանը` արձագանքելով պատգամավոր Արման Բաբաջանյանի ելույթին։

Նշենք, որ Բաբաջանյանն ասել էր, որ հայ վարորդներից շատերի պնդմամբ` ռուս վարորդները կաշառք են պահանջում ուղեբեռը կշռելու և սահմանը հատելու թույլտվության դիմաց։ Բացի այդ, ըստ Բաբաջանյանի, Լարսում նման խնդիր է ստեղծվում քաղաքական նպատակներով` ՀՀ–ին ուղղակի կամ անուղղակի ճնշելու համար։

«Լարսում, այո, խնդիր ունենք, ավելին, այդ խնդիրն օրեցօր ավելանում է։ Այսօր 50 կիլոմետրանոց հերթեր ունենք, ու գնալով ավելանալու են հերթերը։ Սակայն ինձ համար անհասկանալի է խնդրի քաղաքականացումը»,–ասաց Դալլաքյանը։

Նրա խոսքով` Լարսում մեքենաների կուտակումը տեխնիկական խնդիր է։ Դալլաքյանը նշեց, որ երբ ասում են, թե ռուս սահմանապահները կաշառք են վերցնում, նման հայտարությունն անցակետում լուրջ ազդեցություն է թողնում։

Հովհաննիսյան. «Վրաստանն իր նպատակներն է հետապնդում Վերին Լարս տանող ճանապարհի կառուցմամբ»

«ՌԴ–ն մեր մարտավարական ընկերն է, ի՞նչ է նշանակում` կաշառք տալ, էս անել, էն անել։ Մեր վարորդները լուրջ խնդիրներ են ունենում նման սուտ հայտարարություններից։ Խնդիրը տեխնիկական է, որը լուծելի է»,–ասաց նա։

Ավելի վաղ մամուլում տեղեկություն էր հայտնվել, որ «Վերին Լարս» անցակետի բեռնատարների հերթը ռուսական Պյատիգորսկ քաղաք է հասել։ Ահազանգող վարորդները բողոքում են, որ արդեն 10 օր է` իրենց հերթին են սպասում ու ամեն օր ստիպված են 500 ռուբլի վճարել կայանատեղի համար։

ՌԴ–ում ՀՀ դեսպանատան մամուլի ծառայությունը հայտարարել էր, որ անցակետի ռուսական հատվածում դեպի Վրաստան մեկնող բեռնատարների կուտակման պատճառը կրում է տեխնիկական բնույթ։ Մասնավորապես, որոշ բեռնափոխադրողները մեքենաների ծանրաբեռնվածության և թույլատրելի նորմերի գերազանցման պատճառով առաջացրել են հավելյալ ձևակերպումների իրականացման անհրաժեշտություն, ինչը երկարաձգում է սահմանահատման ընթացքը։

562
թեգերը:
ԱԺ, Պատգամավոր, վարորդ, հերթեր, Վերին Լարս, Հայաստան
Ըստ թեմայի
Հովհաննիսյան. «Վրաստանն իր նպատակներն է հետապնդում Վերին Լարս տանող ճանապարհի կառուցմամբ»
Դեղձերն անցան, խնդիրը մնաց․ ինչ չեն կարողանում կիսել «Սպայկան» ու ռուս մաքսավորները
Խնդիրը պետք է այլ մակարդակով լուծվի. ինչու են 100-ավոր բեռնատարները մնացել Վերին Լարսում
Կարևոր է Հայաստանի, շահավետ՝ Վրաստանի համար․ ինչու է Թբիլիսին ճանապարհ կառուցում դեպի «Վերին Լարս»