Աղթամար կղզին

Վանի Աղթամար կղզու Սբ. Խաչ եկեղեցում պատարագ է մատուցվում, մասնակցում են թուրք պաշտոնյաներ

160
(Թարմացված է 15:07 08.09.2019)
Վանի Աղթամար կղզու Սբ. Խաչ եկեղեցում անցկացվող պատարագի պատարագիչն է Պոլսի Հայոց պատրիարքի տեղապահ Սահակ եպիսկոպոս Մաշալյանը։

ԵՐԵՎԱՆ, 8 սեպտեմբեր — Sputnik. Պոլսի հայոց պատրիարքարանի կողմից Վանա լճի Աղթամար կղզու Սբ. Խաչ եկեղեցում այսօր պատարագ է մատուցվում: Այս մասին հայտնում է ermenihaber.am–ը։

«Պատարագիչն է Պոլսի Հայոց պատրիարքի տեղապահ Սահակ եպիսկոպոս Մաշալյանը։ Պատարագին մասնակցում են թուրք բարձրաստիճան պաշտոնյաներ, ինչպես նաև մեծ թվով զբոսաշրջիկներ և ուխտավորներ Հայաստանից ու այլ երկրներից»,–գրում է կայքը։

Հիշեցնենք, որ Վանի Գևաշ (պատմ. Ոստան) շրջանի Մշակույթի ու զբոսաշրջության նահանգային վարչության պետ Մուզաֆֆեր Աքթուղը վերջերս հայտնել էր, որ համաձայն 2010 թվականի մշակույթի և զբոսաշրջության նախարարության կողմից ընդունած համատեղ արձանագրության՝ անցկացվելու է թվով 7-րդ հայկական պատարագը: «Հայկական պատարագը 3 տարի չէր անցկացվել՝ ելնելով անվտանգության նկատառումներից: Անցյալ տարի վերսկսեցինք»,–ասել էր նա։

2018-ին Աղթամար կղզի է այցելել 157.000 զբոսաշրջիկ, իսկ այս տարվա 8 ամիսներին այցելուների թիվը արդեն հասել 162.000-ի, ինչը թույլ է տալիս ենթադրելու, որ տարվա կտրվածքով այցելուների թիվը կհասնի 200.000-ի:

Սուրբ Խաչ հայկական եկեղեցին թուրքական կառավարության ֆինանսավորմամբ վերականգնվել էր 2010 թվականին և բացվել թանգարանի կարգավիճակով: Եկեղեցու վերանորոգումից հետո հայ համայնքը տարին մեկ անգամ այնտեղ պատարագ անցկացնելու թույլտվություն ունի:

Պատմական չվերթ` Երևանից Վան. Հայաստանի 1–ին և վերջին մայրաքաղաքներին 35 րոպե է բաժանում

Օգոստոսին «Վերադարձ» հիմնադրամի նախագահ Արագած Ախոյանը Sputnik Արմենիայի հետ զրույցում հայտնել էր, որ վերջերս ադրբեջանցիները ներխուժել են Աղթամարի Սուրբ Խաչ եկեղեցի, այն պղծել են՝ բարձրացնելով ադրբեջանական դրոշը և ադրբեջաներենով կրոնական ծես կատարել՝ պահանջելով եկեղեցին վերադարձնել իրենց:

160
թեգերը:
պատարագ, Աղթամարի Սուրբ Խաչ եկեղեցի, Աղթամար կղզի, Վանա լիճ, Արևմտյան Հայաստան, Հայաստան, Թուրքիա
Ըստ թեմայի
Վանում 2750 տարվա վաղեմության գերեզմաններ են հայտնաբերվել
Եզակի գտածո. Վանի բնակավայրերը մի քանի հազարամյակի պատմություն ունեն
Թուրքերին ինչո՞ւ են պետք հայկական հողերը․ Վանի գերեզմանոցում զուգարաններ են դրված