Իսրայելական անօդաչու թռչող սարք

ԱՄՆ-ն իսրայելական անօդաչունե՞ր է ուղարկել Ադրբեջան. Բաքուն արձագանքել է

767
(Թարմացված է 11:52 24.08.2019)

ԵՐԵՎԱՆ, 24 օգոստոսի - Sputnik. Ադրբեջանի պաշտպանության նախարարությունը հերքում է այն տեղեկությունները, որ ԱՄՆ-ն իսրայելական անօդաչու թռչող սարքեր է ուղարկել Ադրբեջան` Իրանի և Իրաքի վրա հարձակվելու նպատակով և դա ապատեղեկատվություն որակում։ Այս մասին հայտնում է ՌԻԱ Նովոստին։

Ավելի վաղ իրաքյան ժողովրդական ուժերի (այսինքն՝ «Ալ-Խաշդ աշ-Շաաբի» աշխարհազորի) հրամանատար Աբու Մախդի Ալ Մուխանդիսը ԱՄՆ-ին մեղադրել էր Ադրբեջանի տարածք իսրայելական դրոններ տեղադրելու մեջ՝ Իրանն ու Իրաքը թիրախավորելու նպատակով։

Ալ Մուխանդեսը պնդում է, որ օգոստոսի 12-ին և 20-ին ու հուլիսի 19 –ին «Ալ-Խաշդ աշ-Շաաբի» պահեստները հարձակման են ենթարկվել իսրայելական ինքնաթիռների կողմից, որոնց գործողությունները համաձայնեցված են եղել տարածաշրջանում ԱՄՆ-ի բանակի հրամանատարության հետ։ Նա այդ մասին խոսել է Սալահ ադ-Դին շրջանում գտնվող իրաքյան կայանի վրա Իսրայելի կողմից հարձակումից հետո։

«Դա ապատեղեկատվություն է և որևէ հիմք չունի», - հայտարարել է Ադրբեջանի ԱԳն-ն։

Հայաստանը կբարձրացնի Ադրբեջանին իսրայելական անօդաչուներ վաճառելու հարցը. ԱԳՆ

Իրաքի ժողովրդական աշխարհազորը կոալիցիա է, որը բաղկացած է շիայական, եզդի ու քրիստոնյա ոստիկաններից, որոնք իրաքյան պետության կողմից կռվում են «Իսլամական պետության» (մի շարք երկրներում արգելված ահաբեկչական կազմակերպություն) դեմ։

767
թեգերը:
Իսրայել, Բաքու, ԱՄՆ, Իրանի Իսլամական Հանրապետություն, Իրաք, Ադրբեջան
Ըստ թեմայի
Արցախի ՊԲ–ն հերքում է. Ադրբեջանը ՀՀ ԶՈւ անօդաչու թռչող սարք չի խոցել
Հայաստանը կբարձրացնի Ադրբեջանին իսրայելական անօդաչուներ վաճառելու հարցը. ԱԳՆ
ԱԹՍ–ների ռուսական արտադրողն արտադրություն կհիմնի Հայաստանում
Facebook

Զգուշացեք. ադրբեջանցիները խուճապ տարածող հաղորդագրություններ են ուղարկում

91
(Թարմացված է 23:27 24.09.2020)
Մարտիրոսյանի խոսքով` հակառակորդն ուզում է տպավորություն ստեղծել, թե շուտով պատերազմ է սկսվելու։

ԵՐԵՎԱՆ, 24 սեպտեմբերի — Sputnik. Ադրբեջանցիները խուճապ տարածող հաղորդագրություններ են ուղարկում Facebook սոցիալական ցանցի մեսինջերների միջոցով։ Լուրը Facebook-ի իր էջում հայտնում է տեղեկատվական անվտանգության փորձագետ Սամվել Մարտիրոսյանը` կից հրապարակելով հաղորդագրության տեքստի էլեկտրոնային պատճենը։

Համաձայն լուսանկարի`տեղեկությունը հրապարակված է ԼՂՀ Ազգային անվտանգության ձևաթղթի վրա։ Այնտեղ մասնավորապես գրված է. «Պաշտպանության նախարարությունը նախազգուշացրել է Արցախի բնակիչներին, որ պատրաստ լինեն արտակարգ տարհանման։ Իրենց հետ կարող են վերցնել միայն անհրաժեշտ իրերը»։

ԱԱԾ–ն հետաքննում է Հայաստանի վարչապետի և կառավարության կայքերի կիբեռհարձակումները

Սամվել Մարտիրոսյանը հորդորում է լուրջ չվերաբերվել նման հաղորդագրություններին։ «Ժող ջան, մեր ՈՒԱԶ քշող հարևաններն են ուղարկում, սենց բան որ ստանաք մեսինջերներում լուրջ մի ընդունեք»,–գրել է նա։ Մարտիրոսյանն ընդգծել է, որ վերջին մի քանի օրը հակառակորդը կտրուկ ակտիվացել է և նման հնարքների է դիմում, քանի որ ուզում են տպավորություն ստեղծել` իբր շուտով պատերազմ է սկսվելու։

ՀՀ իրավապահները պարզում են ադրբեջանցիների հրապարակած տվյալների աղբյուրը. Փաշինյանի խոսնակ

Հիշեցնենք, որ հակառակորդը նման հաղորդագրությունների միջոցով փորձում էր հասարակության շրջանում խուճապ տարածել նաև հուլիսյան մարտերի ժամանակ։

91
թեգերը:
Սամվել Մարտիրոսյան, Պատերազմ, հայ-ադրբեջանական, ադրբեջանցի, Ադրբեջան
Ըստ թեմայի
Ինչպե՞ս հակազդել թուրք-ադրբեջանական տեղեկատվական մանիպուլյացիաներին. մասնագիտական կարծիք
Զախարովան սաստել է Ադրբեջանի ԱԳՆ–ին, որը յուրովի էր մեկնաբանել Սերգեյ Լավրովի խոսքերը
Ադրբեջանցիները սպառնացել են Բուրգ լե Վալանսի քաղաքապետին և պահանջել հանել Արցախի դրոշը
Մոհամադ Ջավադ Զարիֆը

Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ

26
(Թարմացված է 23:21 24.09.2020)
ԱՄՆ կողմից ստեղծված խոչընդոտները դանդաղեցրին հարևանների հետ Իրանի համագործակցության գործընթացը, սակայն Թեհրանը մտադիր չէ հրաժարվել դրանցից։

ԵՐԵՎԱՆ, 24 սեպտեմբերի – Sputnik. Անկախ ԱՄՆ պատժամիջոցներից՝ Թեհրանը կշարունակի էներգետիկ ոլորտում համագործակցել Երևանի հետ, Sputnik Արմենիայի հարցին պատասխանելիս ասաց Իրանի արտգործնախարար Մոհամադ Ջավադ Զարիֆը։

Նրա խոսքով`  ԱՄՆ պատժամիջոցները լուրջ խոչընդոտ են ստեղծում միջազգային համագործակցության համար, հետևաբար անօրինական և անընդունելի են։ Սակայն հարևան երկրների հետ Իրանի փոխգործակցությունը շարունակվում է և շարունակվելու է։

«ԱՄՆ–ի որոշ խոչընդոտները դանդաղեցրին այդ համագործակցության առաջխաղացումը, և ամերիկացիները կշարունակեն խոչընդոտել այդ ոլորտի առաջընթացին։ Սակայն մենք նախկինի պես հավատարիմ ենք այդ համագործակցությանը, ինչպես և հայկական կողմը», – ասաց Զարիֆը` մեկնաբանելով Իրան–Հայաստան էլեկտրահաղորդման գծի կառուցման աշխատանքներն ու Մեղրիի ՀԷԿ–ի կառուցման նախագիծը։

Տարածքային կառավարման նախարար Սուրեն Պապիկյանը մայիսի վերջին հայտարարեց, որ Իրանից Հայաստան նոր էլեկտրահաղորդման գծի շինարարությունը պետք է ավարտին հասցնեն մինչև 2020 թվականի վերջ։

Այսօր Հայաստանին ու Իրանին «կապում» է 220 կիլովոլտանոց երկու էլեկտրահաղորդման գիծ։ Դեռևս 2000-ականներին նախատեսվել էր կառուցել նոր 400 կիլովոլտանոց և երկու շղթա ունեցող ԷՀԳ։ Այն կեռապատկի երկու երկրների միջև եղած էլեկտրաէներգիայի փոխանակման տարողունակությունը և թույլ կտա էլեկտրաէներգիայի վաճառք իրականացնել ոչ միայն այս երկու երկրների միջև, այլև Ռուսաստան-Վրաստան-Հայաստան-Իրան միջանցքով:

ԱՄՆ–ն ընդդեմ ԱՄՆ-ի. Վաշինգտոնը զրկվել է Իրանի էմբարգոն երկարաձգելու իրավական լծակից

Ինչ վերաբերում է Մեղրիի ՀԷԿ–ին, ապա անցած տարվա սեպտեմբերին ՀՀ տարածքային կառավարման և ենթակառուցվածքների նախարարությունից  Sputnik Արմենիայի հարցմանն ի պատասխան հայտնել էին, որ Թեհրանը պատրաստ է ՀԷԿ–ի կառուցումից հետո 10-15 տարի էլեկտրաէներգիա գնել։

Նշենք, որ սա հայ–իրանական խոշորագույն նախագծերից մեկն է։ Մեղրիի էլեկտրակայանը (Արաքսի հայկական ափին) երկու ՀԷԿ–երից բաղկացած կասկադ է (երկրորդ կայանը կկառուցվի իրանական ափին` Ղարաչիլարում)։ Այդ ՀԷԿ–երը Հարավային Կովկասում ամենամեծ ՀԷԿ–երը պետք է դառնան։

26
թեգերը:
Մոհամադ Ջավադ Զարիֆ, Հայաստան, Իրանի Իսլամական Հանրապետություն
Ըստ թեմայի
Թեհրանը հերքում է. ռուսական զենքը Իրանի տարածքով Հայաստան չի մատակարարվել
Հայաստանի պատասխա՞նն Ադրբեջանին. ԱԽ քարտուղարն ընդունել է Իրանի դեսպանին
Մնացականյանը հեռախոսազրույց է ունեցել Իրանի իր պաշտոնակից Զարիֆի հետ. ի՞նչ են քննարկել

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները